Facebook   Twitter
 
Սանահին վանական համալիրի հին ծածկասալերը փոխարինվել են նորերով

Սանահին վանական համալիրի հին ծածկասալերը փոխարինվել են նորերով

12 Նոյեմբերի 2017 - 17:36
Լոռու մարզի ամենագեղեցիկ վանական համալիրներից մեկի՝ 10-րդ դարում կառուցված Սանահինի վերականգնման գործընթացը շարունակվում է: Աշխատանքները մեկնարկել են 2017-ի սեպտեմբերից:
Ճարտարապետն ու շինարարները հույս ունեն այս տարվա ծրագրով սահմանված նախագիծն ավարտին հասցնել մինչ տարեվերջ:
ՀՀ մշակույթի նախարար Արմեն Ամիրյանը, փոխնախարար Արև Սամուելյանը լրագրողների հետ նոյեմբերի 11-ին շրջեցին համալիրում՝ տեղում հետևելով կատարվող աշխատանքներին:
«Այս տարվա ծավալներով նախատեսվել է հեռացնել շինության արևելյան հատվածի կենտրոնական ճակտոնի լանջերի հին ծածկասալերը և դրանք փոխարինել նորերով:

Հին ծածկասալերի մեջ եղել են արժեքավոր նախշազարդեր, որոնց պիտանի մասը օգտագործվել է վերականգնման գործընթավում: Քանդվել, հեռացվել են լանջերի հին ծածկասալերը: Դրանց մի մասն արդեն նորով է պատված, բայց զգալի հատվածում դեռ աշխատանքներ պետք է իրականացվեն»,- «Արմենպրես»-ի հաղորդմամբ՝ նշեց նախագծի հեղինակային հսկիչ, ճարտարապետ Հրանտ Հովսեփյանը:
Նա շեշտեց, որ վանական համալիրում ի սկզբանե նախատեսված է եղել իրականացնել 120 մլն դրամի շինարարական աշխատանքներ:
«Խարխլված հատվածները քանդվել, վերաշարվել են:

Այժմ անցել ենք Սուրբ Ամենափրկիչ եկեղեցու վերականգնմանը: Այնտեղ նույնպեսծածկասալ փոխելու խնդիր կա»,- ասաց ճարտարապետը և հավելեց, որ ինքը գոհ է օգտագործվող նյութերի որակից և հույս ունի, որ մինչ սահմանված ժամկետը՝ 2017-ի դեկտեմբերի 15-ը, այս տարի նախատեսված ծրագրով շինարարական աշխատանքներն ավարտին կհասցվեն:

«Արհովշին» ՍՊԸ-ի ներկայացուցիչ Կարեն Նազլուխանյանն ասաց, որ աշխատանքի վաթսուն տոկոսը կատարվել է, և լավ եղանակի դեպքում տասը օրից իրենք կավարտեն ամրակայման և վերականգնման գործը:
Սանահինի կարևորագույն խնդիրներից մեկն այն է, որ շինության ծածկասալերի արանքում ճյուղեր են աճում, որոնք կարող են ծառեր դառնալ: Պատճառը Լոռվա մարզի խոնավ կլիմայական պայմաններն են:

ՀՀ մշակույթի փոխնախարար Արև Սամուելյանի խոսքով՝ հուշարձանների պահպանության և օգտագործման մասին ՀՀ օրենքով՝ հուշարձանը պահպանելու պարտավորությունները դրված են նաև հուշարձանն օգտագործողի և տեղական ինքնակառավարման մարմինների վրա:

Հետևաբար օգտագործողները պետք է ժամանակ առ ժամանակ ծածկասալերը մաքրեն խոտերից, ճյուղերից, որպեսզի դրանք՝ մեծանալով ու շատանալով, չվնասեն կառույցը:
Անդրադառնալով Սանահինի տարածքում իրականացված ապօրինի թաղումներին՝ Սամուելյանը նշեց, որ գործը քննվում է ՀՀ քննչական կոմիտեում:
Սանահինի միջնադարյան վանական համալիրը գտնվում է Լոռու մարզում՝ համանուն գյուղում, ներկայումս Ալավերդի քաղաքի շրջագծում։

Հնում Մեծ ՀայքիԳուգարք աշխարհի (նահանգի) Տաշիր գավառի մաս է կազմել։ 1996 թվականին ՄԱԿ ԳՄԿ-ն այն ճանաչել է համաշխարհային մշակութային ժառանգությանմաս։
Սանահինի վանական հաստատությունը հիմնել է Հայոց թագավոր Աշոտ Գ Ողորմածը 966 թվականին։ Սանահինը դարձել է Կյուրիկյանների վարչականկենտրոնը և տոհմական դամբարանը, ինչպես նաև Կյուրիկյան թագավորության եկեղեցական թեմի առաջնորդ-եպիսկոպոսի աթոռանիստը: X-XI դդ. եղել էմշակութային կենտրոն, ունեցել է բարձրագույն տիպի դպրոց, դրան կից հարուստ գրադարան։ XII դ. վերջին Տաշիր գավառի կազմում Սանահինը դարձել էԶաքարյանների սեփականությունը և տոհմական հանգստարանը։

Սանահինը վերածվել է գիտամշակութային կենտրոնի, նվիրատվությունների հաշվին ձեռքբերել ընդարձակ կալվածքներ։ Համալիրի կազմում են Սուրբ Աստվածածին և Ամենափրկիչ եկեղեցիները, 3 գավիթ, գրատունը, զանգակատունը, ակադեմիան, Սուրբ Գրիգոր փոքրաչափ եկեղեցին՝ մատուռը։

HayNews.am





 
Նմանատիպ նորություններ
«Գիշերային թռիչք».տեղի կունենա Էքզյուպերիի վիպակի հայերեն թարգմանության շնորհանդեսը
19 Հունվարի 2018 - 11:01
Խորհրդածություն մարդկային կյանքի արժեքի և իմաստի շուրջ. հունվարի 20-ին, ժամը 16:00 Խնկո-Ապոր անվան ազգային մանկական գրադարանում կանցկացվի սիրված գրող Անտուան դը Սենտ-Էքզյուպերիի «Գիշերային թռիչք» վիպակի հայերեն թարգմանության շնորհանդեսը: Գիրքը լույս է ընծայել «Էդիթ Պրինտ» հրատարակչությունը, թարգմանիչն է Շուշանիկ Թամրազյանը:
Ջիգարխանյանը ևս մի քանի օր կմնա հիվանդանոցում
18 Հունվարի 2018 - 20:42
Դերասան Արմեն Ջիգարխանյանը, ով իր թատրոնից հոսպիտալացվել է հունվարի 17-ին, հիվանդանոցում կմնա ևս մի քանի օր: Ինչպես փոխանցում է ՏԱՍՍ-ին տեղեկացրել են առողջապահական շրջանակներից:
«Դեպի եվրատեսիլ» նախագծի վերջին 5 երգերը համացանցում են
18 Հունվարի 2018 - 17:17
«Դեպի եվրատեսիլ» նախագծի յութուբյան պաշտոնական էջում հունվարի 15-ից հրապարակվում են մրցույթի մասնակիցների երգերը:
Սիրուշոն պատրաստվում է համերգային մեծ շրջագայության
18 Հունվարի 2018 - 12:17
Սիրուշոն պատրաստվում է համերգային մեծ շրջագայության: Այս մասին երգչուհին տեղեկացրել էInstagram-ում՝ հրապարակելով առաջիկա համերգների պաստառները:
Ջիգարխանյանը ընդհանուր թուլություն ունի, բայց գտնվում է գիտակից վիճակում
18 Հունվարի 2018 - 11:34
Արմեն Ջիգարխանյանի հոսպիտալացումը լրիվ անսպասելի էր՝ Նոր տարվա օրերին նա լավ հանգստացել էր, լավ վիճակում էր։ Այս մասին հայտարարել է դերասանի ընկեր Արթուր Սողոմոնյանը։
Հոսպիտալացվել է Արմեն Ջիգարխանյանը
18 Հունվարի 2018 - 09:46

Դերասան Արմեն Ջիգարխանյանը հոսպիտալացվել է: Նրա վիճակը միջին ծանրության է գնահատվում, հաղորդում է iz.ru- ն:
Նախագահի թեկնածու Վլադիմիր Ժիրինովսկին կխաղա «Խելքից պատուհասը» երաժշտական բեմադրությունում
17 Հունվարի 2018 - 15:23
Ռուսաստանի Դաշնության նախագահի թեկնածու Վլադիմիր Ժիրինովսկին կխաղա Ալեքսանդր Գրիբոյեդովի «Խելքից պատուհասը» ստեղծագործության երաժշտական բեմադրությունում:
Բեթթին համագործակցել է Դիսնեյի ու Նիկելոդեոնի աստղերի լուսանկարչի հետ
17 Հունվարի 2018 - 13:49
«Մանկական Եվրատեսիլ 2014» երգի միջազգային մրցույթի մրցանակակիր, մեդիադեմք Բեթթին (Էլիզաբեթ Դանիելյան) Ամերիկայի Միացյալ Նահանգներում ծավալում է ակտիվ գործունեություն և պատրաստվում հանդես գալ մի շարք նախաձեռնություններով:
1 | 2 | 3 | 4 | 5 | 6 | 7 | 8 | 503
 
Լրահոս`