Facebook   Twitter
 
ՀՀ ԿԳՆ-ն կմասնակցի Ազգային ուսանող-փորձագետների անկախ մարմնի ձևավորմանը

ՀՀ ԿԳՆ-ն կմասնակցի Ազգային ուսանող-փորձագետների անկախ մարմնի ձևավորմանը

14 Նոյեմբերի 2017 - 22:32
ՀՀ կրթության և գիտության նախարար Լևոն Մկրտչյանը նոյեմբերի 14-ին մասնակցել է «ESPAQ Տեմպուս» ծրագրի ամփոփիչ համաժողովին։ Այս մասին տեղեկացրին ՀՀ կրթության և գիտության նախարարության հասարակայնության հետ կապերի և տեղեկատվության վարչությունից։
Հաղորդագրության մեջ նաև նշված է. «Ողջունելով միջոցառման մասնակիցներին` նախարարը նշել է, որ Տեմպուս, իսկ ներկայումս Էրազմուս ծրագրերը շատ կարևոր են կրթության ոլորտի համար, հետևաբար պետք է արժևորել ձեռքբերված արդյունքները:

«Վերոնշյալ ծրագրերի լավագույն փորձին ծանոթանալը, ուսանողների և դասախոսների շարժունությունը մեզ համար ինքնանպատակ չեն, դրանք միտված են երկու ուղղությամբ որակական փոփոխության ենթարկել ՀՀ կրթական ոլորտը` արտաքին և ներքին: Արտաքին ուղղվածությունը ենթադրում է, որ ոլորտն ամբողջությամբ պետք է ներառվի քաղաքակրթական այն գործընթացներում, որոնք այսօր ընթանում են ԵՄ և շրջակա հարևանության ծրագրերում, իսկ ներքինի արդյունքում անհրաժեշտ են որոշակի կառուցվածքային լուծումներ:

Իհարկե, այսօր ունենք բավականին հաջողություններ` շարժունություն, եռաստիճան բարձրագույն կրթական համակարգ, կրեդիտային համակարգ և այլն, սակայն առկա է նաև մեծ մարտահրավեր՝ ձևը լցնել բովանդակությամբ, որը ենթադրում է բավականին հետևողական աշխատանք: Մեր խնդիրն է` շարժունության կառուցվածքային փոփոխության տարածում երկրի ներսում:

Դրա համար բուհերը նախ պետք է բացեն իրենց դռները, համագործակցության նոր մթնոլորտ ձևավորեն, որի արդյունքում ուսանողը կրեդիտիներ հավաքելու ժամանակահատվածում հնարավորություն ունենա ազատ պտտվել մեկից ավելի ուսհաստատություններում և տարբեր ոլորտներում ձևավորել իր գիտելիքների պաշարը:

Սա նշանակում է, որ պետք է իսկապես ՀՀ-ում ձևավորենք անհրաժեշտ եռանկյունի՝ ուսհաստատություն, գիտական հաստատություն և բիզնես ներկայություն, որտեղ ուսանողի համար պետք է ապահովել որակյալ շրջապտույտ: Իսկ սա ենթադրում է բարձրագույն կրթության ոլորտի ամբողջ տրամաբանության փոփոխություն: «Բարձրագույն կրթության մասին» օրենքի նախագիծն իր մեջ ունի հեղափոխական և լուրջ որակական փոփոխությունների պոտենցիալ:

Սույն նախագծով նախատեսվում է ավանդական կրթական համակարգը փոխարինել շարժունության վրա հիմնված կրեդիտների ավելացման և ձևավորման համակարգով»,- նշել է Լևոն Մկրտչյանը` Ուսանողների ազգային ասոցիացիային և առհասարակ ուսանողներին կոչ անելով ծանոթանալ օրենքի նախագծին և իրենց առաջարկություններն ու դիտողությունները հայտնել:

«Օրենքի նախագիծը բաց է բոլոր առաջարկությունների համար: Ներկայումս ձևավորում ենք հարթակ, որը հնարավորություն կտա հետագայում կատարել լուրջ կառուցվածքային փոփոխություններ»,- նշել է նախարարը` ընդգծելով, որ նմանատիպ ծրագրերի հետևանքով ձևավորվել է հանրույթ, որը տիրապետում է եվրոպական առաջավոր կրթական արժեքներին:

Համաժողովի ընթացքում ողջույնի խոսքով հանդես են եկել նաև Մասնագիտական կրթության որակի ապահովման ազգային կենտրոնի տնօրեն Ռուբեն Թոփչյանը և Եվրոպական Ուսանողական Միության փոխնախագահ Ադամ Գայեկը: ESPAQ ծրագրի ձեռքբերումները և արդյունքները ներկայացրել են Մաչերատայի համալսարանի ներկայացուցիչները:

Այնուհետև ՀՀ կրթության և գիտության նախարարության և «ՀՀ բարձրագույն ուսումնական հաստատություններում ուսանողների մասնակցության ընդլայնումը որակի ապահովմանը» ծրագրի կոնսորցիումի անդամների միջև կնքվել է փոխհամաձայնության հուշագիր, համաձայն որի՝ կստեղծվի ՀՈՒԱԱ-ին կից գործող Ազգային ուսանող-փորձագետների անկախ մարմին:

Համագործակցության նպատակն է որակի ապահովման գործընթացներում ուսանողների դերի ակտիվացման մեխանիզմների մշակումը, ուսանողների կողմից որակի գնահատումը և ապահովումը, համագործակցության շարունակական զարգացումը:

HayNews.am
 
Նմանատիպ նորություններ
ՀՀ նախագահը շնորհավորական ուղերձ է հղել Բահրեյնի Թագավորին երկրի ազգային տոնի առթիվ
16 Դեկտեմբերի 2018 - 18:33
Հայաստանի Հանրապետության նախագահ Արմեն Սարգսյանն այսօր շնորհավորական ուղերձ է հղել Բահրեյնի Թագավորության Թագավոր Համադ Բին Իսա Ալ Խալիֆային՝ երկրի Ազգային տոնի առթիվ՝ մաղթելով Համադ Բին Իսա Ալ Խալիֆային քաջառողջություն և ամենայն բարիք, իսկ Բահրեյնի ժո­ղովրդին՝ խաղաղություն և բարօրություն:
Ակնկալում եմ աշխատել Վրաստանի նախագահի հետ՝ առավել ամրապնդելու մեր հարաբերությունները. Արմեն Սարգսյան
16 Դեկտեմբերի 2018 - 18:13
ՀՀ նախագահ Արմեն Սարգսյանի գլխավորած պատվիրակությունը Վրաստանի Թելավի քաղաքում՝ Իրակլի Երկրորդի պալատում այսօր՝ դեկտեմբերի 16-ին, մասնակցել է Վրաստանի նորընտիր նախագահ Սալոմե Զուրաբիշվիլիի երդմնակալության պաշտոնական արարողությանը:
ԱԺ-ում ամենաբարձր աշխատավարձը 1 միլիոն 190 հազար 520 դրամ է, ամենացածրը՝ 198 հազար 420 դրամ
16 Դեկտեմբերի 2018 - 17:26
Այս օրերին ԱԺ շենքում աշխատանքային եռուզեռ է: Նախապատրաստվում են դիմավորել 7-րդ գումարման պատգամավորներին: Թարմացվում են ԱԺ գույքը, կահույքը, գորգերը:
Սրտխառնոցներ 12 օր հացադուլի մեջ գտնվող HayNews.am կայքի պատասխանատու Մհեր Եղիազարյանի մոտ
16 Դեկտեմբերի 2018 - 17:09
«Մհեր Եղիազարյանի մոտ սրտխառնոցներ կան, նկատվում է ընդհանուր թուլություն: Կարծես թե գլուխ են բարձրացնում նրա հիվանդությունները»,- HayNews.am-ին տեղեկացրել է Եղիազարյանի պաշտպան Մարտին Զիլֆուղարյանը:
Ամենայն Հայոց Կաթողիկոսն ընդունել է «Լուսավոր Հայաստան» կուսակցության խորհրդարանական խմբակցությանը
16 Դեկտեմբերի 2018 - 13:16
Դեկտեմբերի 16-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Լուսավոր Հայաստան» կուսակցության խորհրդարանական խմբակցության անդամներին:
Մհեր Եղիազարյանի մոտ նկատվում է ընդհանուր թուլություն. 12 օր է ինչ նա չի դադարեցնում հացադուլը
16 Դեկտեմբերի 2018 - 11:36
«Մհեր Եղիազարյանի մոտ նկատվում է ընդհանուր թուլություն: Կարծես թե գլուխ են բարձրացնում նրա հիվանդությունները»,- HayNews.am-ին տեղեկացրել է Եղիազարյանի պաշտպան Մարտին Զիլֆուղարյանը:
Ես ամենաշահագրգռված անձանցից եմ, որ Ռոբերտ Քոչարյանի պաշտպանները հնարավորինս շուտ դիմե ՄԻԵԴ. Վանեցյան
15 Դեկտեմբերի 2018 - 18:08
ԱԱԾ տնօրեն Արթուր Վանեցյանը շահագրգռված է, որ ՀՀ երկրորդ նախագահ Ռոբերտ Քոչարյանի պաշտպանները հնարավորինս շուտ դիմեն ՄԻԵԴ եւ ստանան իրենց հուզող հարցերի պաստախանը:
1991 թ.-ից մինչ օրս Հայաստանում հայտնաբերվել է 21 ադրբեջանի գաղտնի գործակալ. ԱԱԾ
15 Դեկտեմբերի 2018 - 15:43
Այսօր՝ դեկտեմբերի 15-ին, Ազագային անվտանգության ծառայության ներկայացուցիչ, մայոր Տիգրան Դավիթավյանը հայտնել է, որ 1991 թվականից մինչ օրս հայտնաբերվել է Ադրբեջանի 21 գաղտնի գործակալ։
1 | 2 | 3 | 4 | 5 | 6 | 7 | 8 | 4971
 
Լրահոս`