Facebook   Twitter
 
«Գյուղերի միացումը գյուղերը քայքայում է». Հերհեր համայնքի բնակիչները դժգոհ են համայնքների խոշորացումից

«Գյուղերի միացումը գյուղերը քայքայում է». Հերհեր համայնքի բնակիչները դժգոհ են համայնքների խոշորացումից

03 Դեկտեմբերի 2017 - 20:57
Վայոց ձորի մարզի Հերհեր գյուղի բնակիչները, Tert.am-ի հետ զրույցում անդրադառնալով համայնքների խոշորացման ծրագրին, այն բացասական երևույթ համարեցին:
Բնակիչներից Երվանդ Ոսկանյանը նշեց, որ ճիշտ կլիներ՝ համայնքները չմիացնեին:

«Ասենք ի՞նչ է փոխվել, որ միացրել են, մի քանի մարդ ավելի գործազուրկ է դարձել, մեր գյուղի վրա ծախսվող գումարները դրանից չեն ավելացել: Միանշանակ, բացասական որոշում էր»,-ասաց նա և նշեց, որ խոշորացման արդյունքում իրենց գյուղի նկատմամբ ուշադրությունը նվազել է:

Նա հավանական համարեց, որ մի քանի տարի հետո կարող են դպրոցներն էլ միացնել՝ պատճառաբանելով, թե նույն համայնքում չի կարող այդքան միջնակարգ դպրոց լինել:

Ինչ վերաբերում է գյուղից արտագաղթի խնդրին, ապա նա ասաց, որ իրենց գյուղից արտագաղթը թեև քիչ, միևնույն է՝ կա, և դա իրենց անհանգստացնում է:

«Գյուղը մրգով հարուստ է, անտառը մոտ է, բայց իրացման խնդիր կա»,-նշեց՝ հավելելով, որ համայնքի հիմնական խնդիրը ճանապարհի վերականգնումն է:

«Գյուղացու փոխարեն ոչ մեկ չի գալու իր այգին փորի, ուղղակի ցածր տոկոսադրույքով վարկեր պետք է տան, պարարտանյութ տան, սերմացու տան, գյուղացին ինքը կաշխատի: Այսօր վարկ տրամադրելու մեխանիզմը շատ վատ է, առանց երաշխավորության գյուղատնտեսական վարկեր չկան»,-ասաց շարունակեց Երվանդ Ոսկանյանը:

Հերհերում ապրող մեկ այլ ընտանիքից գյուղում մնացել են միայն ամուսինները. չորս երեխաներից երկուսը արտերկրում են, մեկը՝ Երևանում, մյուսն էլ՝ Իջևանում: Ամուսինները ևս նշեցին, որ գյուղի հիմնական խնդիրը համարում են ճանապարհի բարեկարգումը:

«Հիմա գյուղում այնքան տներ կան, որ դռները կողպված են, կամ միայն մեծերն են մնացել: Պատճառը հիմնականում աշխատանքի բացակայությունն է, հողը չի պահում գյուղացուն»,-ասացին ամուսինները՝ նկատելով, որ թեև իրենք իրենց հարցերը կարողանում են լուծել, միևնույն է՝ մեծ ընտանիքների համար դժվար է գյուղում մնալը, և եթե իրենց որդին ընտանիքով գյուղում լիներ, չէին հասցնի:

Ըստ նրանց՝ համայնքների խոշորացումը բացասական է, քանի որ ինչ-որ փաստաթղթի համար պետք է հասնեն Ջերմուկ և ավելի շատ գումար ծախսեն: Կինն ընդգծեց, որ ավելի ճիշտ կլիներ, որ համայնքը միանար գոնե Վայքին, քանի որ ավելի մոտ է գտնվում։

«Այս գյուղերի միացումը ինքըստինքյան գյուղերը քայքայում է: Գոնե Վայքին միացնեն, քանի որ մեր կապը Վայքին ավելի շատ է,-ասաց նա:

Խոսելով բերքի իրացման խնդիրների մասին՝ նա ասաց, որ ով «բաշարում» է, ով մեքենա ունի, դրսում ապրող մարդ ունի, կարողանում է իրացնել:

«Շատ քիչ ջահելություն կա, որ սիրում են հողը, այն էլ ապահով ընտանիքներ են, տատից պապից սկսած՝ ապահով են»,-եզրափակեց նա:

Tert.am
 
Նմանատիպ նորություններ
Մալիշկայի գյուղապետին ընտրակաշառք բաժանելու համար 13 մլն դրամը տվողը եղել է Աշոտ Արսենյանը
16 Հուլիսի 2018 - 18:28
Ոստիկանությունում նախապատրաստված նյութերով պարզվել է, որ 2017 թվականի ապրիլին տեղի ունեցած Ազգային ժողովի ընտրություններին Մալիշկա համայնքի ղեկավար Մհեր Մովսիսյանը, որը Հայաստանի Հանրապետական կուսակցության անդամ է, պատգամավորի թեկնածու Աշոտ Արսենյանից առձեռն ստացել է 13.000.000 դրամ՝ ընտրակաշառք բաժանելու և Արսենյանի օգտին 1300 ձայն ապահովելու նպատակով։
Պետք է վերականգնենք Հրազդան քաղաքի երբեմնի հռչակը․ Սուրեն Պապիկյան
16 Հուլիսի 2018 - 16:33
ՀՀ տարածքային կառավարման և զարգացման նախարար Սուրեն Պապիկյանը Հրազդանի համայնքապետարանի աշխատակազմին է ներկայացրել համայնքի ղեկավարի ժամանակավոր պաշտոնակատար Լիլիթ Ստեփանյանին։
«Թունելի համար 30 տուն պետք է քանդվի». Թումանյան համայնքը մերժում է «Շնող» ՀԷԿ-ի կառուցման ծրագիրը
14 Հուլիսի 2018 - 21:44
Լոռու մարզի Թումանյան համայնքի ավագանին հուլիսի 12-ի նիստին որոշում է կայացրել գրությամբ դիմել ՀՀ կառավարությանը` դադարեցնելու «Շնող» ՀԷԿ-ի կառուցման ծրագիրը: Համայնքապետ Լեւոն Զավարյանն արդեն հաստատել է ավագանու որոշումը, հաղորդում է «ԷկոԼուրը»:
Վայոց ձորի մարզի Մալիշկա համայնքի ղեկավարին ԱԺ ընտրություններին ընտրակաշառք բաժանելու մեղադրանք է առաջադրվել
14 Հուլիսի 2018 - 19:41
ՀՀ հատուկ քննչական ծառայության քննիչի վարույթում քննվող քրեական գործի շրջանակներում 14.07.2018թ.-ին Մ. Մովսիսյանին ՀՀ քրեական օրենսգրքի 38-1542-րդ հոդվածի 2-րդ մասով մեղադրանք է առաջադրվել հանրորեն վտանգավոր այն արարքի կատարման համար, որ նա, զբաղեցնելով ՀՀ Վայոց ձորի մարզի Մալիշկա համայնքի ղեկավարի պաշտոնը, օժանդակել է 2017 թվականի ապրիլի 2-ին կայացած Ազգային ժողովի ընտրություններին ռեյտինգային ընտրացուցակներով առաջադրված ԱԺ պատգամավորի թեկնածուին` նրա օգտին կողմ քվեարկելու համար ընտրողներին կաշառք տալու հանցագործության կատարմանը:
Գնալու եմ կառավարության շենքի մոտ՝ հացադուլ հայտարարեմ. Շատինում բողոքի ակցիաները շարունակվում են
13 Հուլիսի 2018 - 21:47
Շուրջ մեկ ամիս շարունակ Վայոց ձորի մարզի Շատին համայնքի եւ հարակից գյուղի բնակիչները շրջափակված են պահում համայնքապետարանի շենքը՝ պահանջելով Եղեգիս խոշորացված համայնքի ղեկավար Արթուր Ստեփանյանի հրաժարականը: Նշենք, որ համայնքապետարանի շենքը Շատին գյուղում է:
Հանդիպում՝ մարզի սպորտային կյանքի աշխուժացման ակնկալիքներով
12 Հուլիսի 2018 - 20:21
Հուլիսի 10-ին Սյունիքի մարզպետ Կարեն Համբարձումյանը մարզպետարանում անցկացրեց խորհրդակցություն, որին հրավիրված էին մարզի համայնքների մարզական ոլորտի ներկայացուցիչները։
Սարիգյուղ համայնքի ղեկավարին մեղադրանք է առաջադրվել` յուրացումներ կատարելու համար. պատճառված վնասն ամբողջությամբ վերականգնվել է
12 Հուլիսի 2018 - 18:53
ՀՀ քննչական կոմիտեի Տավուշի մարզային քննչական վարչությունում ձեռնարկված անհրաժեշտ քննչական և դատավարական այլ գործողությունների արդյունքում պարզվել են Սարիգյուղ համայնքի ղեկավարի կողմից յուրացում կատարելու դեպքի հանգամանքները: Պատճառված վնասն ամբողջությամբ վերականգնվել է:
Հանրապետության մի շարք համայնքներում հրդեհներ են բռնկվել
11 Հուլիսի 2018 - 16:54
Հուլիսի 10-11-ը ՀՀ ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
1 | 2 | 3 | 4 | 5 | 6 | 7 | 8 | 42
 
Լրահոս`