Facebook   Twitter
 
Ազատ ժամանակ նախկինում ավելի շատ էի զբաղվում ֆիզկուլտուրայով, իսկ հիմա  նախընտրում եմ կարդալ․ Վարդևան Գրիգորյան

Ազատ ժամանակ նախկինում ավելի շատ էի զբաղվում ֆիզկուլտուրայով, իսկ հիմա նախընտրում եմ կարդալ․ Վարդևան Գրիգորյան

07 Դեկտեմբերի 2017 - 10:15
HayNews.am-ի «Խորհրդարանը ներսից» շարքը ներկայացնում է ԱԺ «Ծառուկյան» խմբակցության պատգամավոր Վարդևան Գրիգորյանին։ Վերջինս ԱԺ Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի նախագահն է։
Ծնվել է 1953թ. հուլիսի 12-ին Գյումրիում (նախկինում՝ Լենինական):

1976-1977թթ. ծառայել է խորհրդային բանակում:

1975թ. ավարտել է Լենինականի Մ. Նալբանդյանի անվան պետական մանկավարժական ինստիտուտի կուլտուրայի ֆակուլտետը: Ֆիզիկական կուլտուրայի ուսուցիչ: 1982թ.՝ Լենինգրադի Պ. Ֆ. Լեսգաֆտի անվան ֆիզիկական կուլտուրայի ինստիտուտի ասպիրանտուրան: Մանկավարժական գիտությունների դոկտոր, պրոֆեսոր է: ՀՀ վաստակավոր մանկավարժ:

1975-76թթ. եւ 1982-1989թթ. եղել է Մ. Նալբանդյանի անվան պետական մանկավարժական ինստիտուտի ֆիզդաստիարակության ամբիոնի դասախոս, ավագ դասախոս, դոցենտ:

1977-1979թթ.՝ նույն ինստիտուտի սպորտային խաղերի եւ մարմնամարզության ամբիոնի դասախոս:

1989-1992թթ.՝ նույն ինստիտուտի ֆիզդաստիարակության եւ կենսաբանության ֆակուլտետի դեկան:

1990-1995թթ.՝ Գյումրու քաղխորհրդի պատգամավոր:

1992-1996թթ.՝ Գյումրու քաղխորհրդի ֆիզկուլտուրայի եւ սպորտի բաժնի վարիչ:

1996-1998թթ.՝ Շիրակի մարզի սպորտի բաժնի վարիչ, 1998-1999թթ.՝ կրթության վարչության պետի տեղակալ: 2002-2016թթ.՝ Գյումրու Մ. Նալբանդյանի անվան պետական մանկավարժական ինստիտուտի ռեկտոր:

2016 թվականից՝ նույն ինստիտուտի ֆիզդաստիարակության տեսության եւ մեթոդիկայի ամբիոնի պրոֆեսոր:

1990-1995թթ.՝ ԳԽ պատգամավոր (թիվ 87 ընտրատարածք), 1999-2002թթ. ևս ԱԺ-ում պատգամավոր է եղել։

2017թ. ապրիլի 2-ին ԱԺ պատգամավոր է ընտրվել «Ծառուկյան» կուսակցությունների դաշինքի թիվ 11 ընտրատարածքի տարածքային ընտրական ցուցակով:

Ամուսնացած է, ունի չորս զավակ:

-Պարո՛ն Գրիգորյան, ինչպե՞ս ստացվեց, որ որոշեցիք մուտք գործել քաղաքական դաշտ։

-Ես քաղաքական դաշտում եմ դեռ 1990 թվականնից․ եղել եմ ԳԽ պատգամավոր։ 1999 թվականին ընտրվել եմ ԱԺ պատգամավոր, 2007-ին ԲՀԿ համամասնական ցուցակում 7-րդ տեղում եմ եղել, ընտրվել եմ ԱԺ պատգամավոր, բայց, իհարկե, չեմ գնացել ԱԺ, մնացել եմ ինստիտուտի ռեկտոր։

2012 թվականին դարձյալ ԲՀԿ համամասնական ցուցակով ընտրվել եմ ԱԺ պատգամավոր, է՛լի չեմ գնացել, է՛լի մնացել եմ ռեկտորի պաշտոնում, իսկ երբ լրացել է իմ պաշտոնավարման ժամկետը, 2017 թվականին վարկանիշային համակարգով ընտրվել եմ ԱԺ պատգամավոր։ Ընդհանրապես, 1990 թվականից քաղաքական դաշտում եմ։

-Որո՞ք են Ձեր նախասիրությունները։

-Երիտասարդ տարիներին ակտիվ սպորտի մեջ եմ եղել, եղել եմ նաև ԽՍՀՄ ուսանողական հավաքականի անդամ, սպորտի վարպետ եմ՝ բիաթլոն մարզաձևից։ Սովետական միության ուսանողական առաջնություններում երկու անգամ 2-րդ տեղ եմ գրավել, երեք անգամ մասնակցել եմ ԽՍՀՄ ժողովուրդների ձմեռային սպարտակիադային, լուրջ ձեռքբերումներ եմ ունեցել։

Իմ թեկնածուական աշխատանքը բիաթլոնից է, դոկտորական աշխատանքը՝ ֆիզկուլտուրայի մանկավարժությունից, հետագայում աշխատեցի նաև կրթության ոլորտում։ Ազատ ժամանակ նախկինում ավելի շատ էի զբաղվում ֆիզկուլտուրայով, իսկ հիմա նախընտրում եմ կարդալ։

-Իսկ ովքե՞ր են Ձեր սիրելի հեղինակները։

-Ինձ ավելի հոգեհարազատ են հայ դասականները։ Անշուշտ, կարդացել եմ նաև արտասահմանյան գրականություն․ այնտեղ կարելի է տեսնել համամարդկային արժեքներ։ Բայց, մեր հեղինակների մոտ էլ այդ համամարդկային արժեքները քիչ չեն։ Սիրում եմ կարդալ Իսակահյան, Սահյան, Շիրազ, Սևակ․․․

-Մեր քաղաքականության մեջ ի՞նչն է պակասում։

-Կարծում եմ՝ հանդուրժողականությունը։ Այն քաղաքականության մեջ առանցքային նշանակություն ունի։ Բացի այդ՝ կուզենայի, որ մեր քաղաքական դաշտում մարդիկ իրենց գաղափարները ավելի հստակ, համարձակ արտահայտեին։

Հարցազրույցը՝ Հասմիկ Բալեյանի
 
Նմանատիպ նորություններ
Կալիֆորնիայում հրդեհի զոհերի թիվը հասել է 7 մարդու
14 Օգոստոսի 2018 - 12:31
7 մարդ է զոհվել ԱՄՆ Կալիֆորնիա նահանգի տարածքում մոլեգնող բնական հրդեհի հետևանքով։ Այս մասին հաղորդում է San Francisco Chronicle-ը՝ հրշեջ ծառայությունը վկայակոչելով։
Տապալվեց Ռոբերտ Քոչարյանի ասուլիսը (Լուսանկարներ)
14 Օգոստոսի 2018 - 12:24
Ռոբերտ Քոչարյանի ասուլիսը տապալվեց քանի որ բողոքի ակցիայի մասնակիցները պատուհանից եւ դռներից ներս մտան ճեղքելով անվտանգության աշխատակիցների պատը:
Մեծ Բրիտանիայի թագավորական փոստը տուգանվել է 50 մլն ֆունտ ստերլինգով
14 Օգոստոսի 2018 - 12:21
Բրիտանական Ofcom մեդիակարգավորողը Մեծ Բրիտանիայի թագավորական փոստը (Royal Mail) տուգանել է 50 մլն ֆունտ ստերլինգով (63,87 մլն դոլար) հակամենաշնորհային օրենսդրությունը խախտելու համար, փոխանցում է ՏԱՍՍ–ը՝ վկայակոչելով BBC–ն։
Արսեն Թորոսյանը ներկայացնում է Չինաստանի կողմից նվիրված շտապօգնության մեքենաների առաջին խմբաքանակը (Տեսանյութ)
14 Օգոստոսի 2018 - 12:13
Րոպեներ առաջ Հայաստանի Առողջապահության նախարար Արսեն Թորոսյանը Facebook-ում ուղիղ եթերի ժամանակ ներկայացրել է Շտապօգնության մեքենաների առաջին խմբաքանակը, որը Հայաստանին է նվիրել Չինաստանը:

Ադրբեջանում գերեվարված Կարեն Ղազարյանին անվտանգ հայրենիք վերադարձնելու ուղղությամբ ձեռնարկվում են բոլոր միջոցները. ԱԳՆ
14 Օգոստոսի 2018 - 12:08
Հայաստանը շարունակում է ձեռնարկել բոլոր հնարավոր միջոցները դեռևս չպարևզված հանգամանքներում Ադրբեջանում հայտնված և գերեվարված ՀՀ քաղաքացի Կարեն Ղազարյանին անվտանգ և որքան հնարավոր է շուտ հայրենիք վերադարձնելու կապակցությամբ:
Քայլեր են ձեռնարկվում Թալին-Լանջիկ, Լանջիկ - Գյումրի հատվածներում շինաշխատանքների արագացման ուղղությամբ
14 Օգոստոսի 2018 - 12:04
ՀՀ տրանսպորտի, կապի և տեղեկատվական տեխնոլոգիաների նախարար Աշոտ Հակոբյանն այցելել է «Հյուսիս-հարավ ճանապարհային միջանցքի ներդրումային ծրագրի» Թալին-Լանջիկ, Լանջիկ - Գյումրի հատվածներ։
Անվտանգության աշխատակիցները թույլ չեն տալիս, որ ցուցարարները բարձրանան սրահ, որտեղ մեկնարկելու է Ռոբերտ Քոչարյանի ասուլիսը
14 Օգոստոսի 2018 - 12:00
Մի քանի քաղաքացիներ փորձում են բարձրանալ ասուլիսի տարածք, որտեղ քիչ անց տեղի է ունենալու ՀՀ երկրորդ նախագահ Ռոբերտ Քոչարյանի հանդիպումը լրագրողների հետ:
Նախիջևանյան ուղղությամբ ադրբեջանական ուժերի վերադիրքավորման փորձերն ամեն կերպ կանխվելու են. ԱԳՆ
14 Օգոստոսի 2018 - 11:58
Հայկական կողմն ադրբեջանական կողմին հանրային և այլ խողովակներով հայտնել է, որ Նախիջևանի ուղղությամբ վերադիրքավորման փորձերն անընդունելի են և ամեն կերպ կանխվելու են:
1 | 2 | 3 | 4 | 5 | 6 | 7 | 8 | 14325
 
Լրահոս`