Facebook   Twitter
 
Հայտնի է դարձել՝ ով է աշխարհի ամենաթանկ՝ 450 մլն դոլարանոց կտավի խորհրդավոր գնորդը (Տեսանյութ)

Հայտնի է դարձել՝ ով է աշխարհի ամենաթանկ՝ 450 մլն դոլարանոց կտավի խորհրդավոր գնորդը (Տեսանյութ)

07 Դեկտեմբերի 2017 - 13:17
Վերածննդի դարաշրջանի ամենակարկառուն ներկայացուցիչներից մեկի՝ Լեոնարդո դա Վինչիի վրձնին պատկանող «Սալվատորե Մունդի» կտավը, որը նոյեմբերի կեսերին Christie's-ի կազմակերպած աճուրդում վաճառվել էր ռեկորդային 450.3 մլն դոլարով, ձեռք է բերել սաուդացի արքայազն Բադեր բին Աբդուլլահ բին Մուհամեդ բին Ֆարհան ալ Սաուդը:
Ինչպես նշում է The New York Times-ը, ավելի վաղ գնորդի ինքնությունը գաղտնի էր պահվում: Նշվում էր միայն, որ նա արվեստի գործերի հավաքորդ է:

Աղբյուրը նկատում է, որ մահմեդական արքայազնի կողմից Հիսուս Քրիստոսի պատկերով կտավը նման աննախադեպ գնով ձեռք բերելու փաստը կարող է առաջացնել հավատացյալ սաուդացիների դժգոհությունը. իսլամում Քրիստոսը չի ընդունվում որպես փրկիչ, նա համարվում է մարգարեներից մեկը:

BBC-ն հավելում է, որ շուտով կտավը կցուցադրվի Աբու Դաբիում Լուվր թանգարանի նորակառույց մասնաճյուղում: Այս մասին նորաբաց թանգարանի ղեկավարությունը հայտնել է իր թվիթերյան էջում:

Հիշեցնենք, որ հանճարեղ իտալացու գլուխգործոցը ճանաչվել է աշխարհում երբևէ վաճառված ամենաթանկարժեք արվեստի գործը:

Հինգ հարյուր տարի առաջ նկարված կտավը հայտնաբերվել էր 2005թ.: Այն համարվում է Դա Վինչիի՝ մասնավոր հավաքածուում գտնվող վերջին կտավը:

Նշվում է, որ «Սալվատորե Մունդի»-ն Դա Վինչիի այն կտավներից մեկն է, որը հարյուրամյակներ շարունակ կորած է համարվել:

Հեղինակն այն նկարել է հանրահայտ «Մոնա Լիզա»-ն ստեղծելու նույն ժամանակահատվածում: Կտավը ստեղծվել է 1506-1513թթ. ընթացքում՝ Ֆրանսիայի արքա Լուի 12-րդի համար:


HayNews.am
 
Նմանատիպ նորություններ
Դժբախտ դեպք. 3-ամյա աղջնակը մահացել է մանկապարտեզում (Տեսանյութ)
18 Փետրվարի 2018 - 14:21
3-ամյա Զախարը մահացել է № 2120 մանկապարտեզում զբոսանքի ժամանակ Նոր Մոսկվայում, հայտնում է Life.ru կայքը:
Այն անհարմար պահը, երբ մայրը հարսից գեղեցիկ է. Լուսանկարողը նրան շփոթել էր (Տեսանյութ)
18 Փետրվարի 2018 - 13:13
Վերջերս յութուբի հիթ էր դարձել հարսի և նրա մոր լուսանկարվելու մասին հարսանեկան մի տեսանյութ: Այն րոպեների ընթացքում բավականին հավանումների և դիտումների արժանացավ:

Դժոխք երկրի վրա. Ահա թե ինչպես են տանջամահ անում բանտարկյալներին Չինաստանի գաղութներում. Թաքնված նկարահանում (Տեսանյութ)
18 Փետրվարի 2018 - 13:05
Դժոխք երկրի վրա. Այդպես են անվանում Չինաստանի հյուսիսում գտնվող Լյաոնին մարզի Մասանցզյա գաղութը:

Կրկնօրինակված երգով՝ դեպի «Եվրատեսիլ 2018» (Տեսանյութ)
18 Փետրվարի 2018 - 10:52
«Եվրատեսիլ 2018» միջազգային մրցույթում Հայաստանը ներկայացնող Մգեր Արմենիայի երգի տեսահոլովակը հրապարակվել է: Նշենք, որ Մհերի երգը շատ նման է Queen խմբի «Who Wants To Live Forever» երգին:

1 | 2 | 3 | 4 | 5 | 6 | 7 | 8 | 960
 
Լրահոս`
 
 
 
 
 
 
 
 
 
Վրաստանում ցանկացել են վաճառել 1,5 կգ հերոին
Միջազգային, Հասարակություն