Facebook   Twitter
 
Ներկայացվել է Հայաստանում գյուղատնտեսական կենդանիների նույնականացման և համարակալման համակարգի ներդրման ծրագիրը

Ներկայացվել է Հայաստանում գյուղատնտեսական կենդանիների նույնականացման և համարակալման համակարգի ներդրման ծրագիրը

07 Դեկտեմբերի 2017 - 14:49
ՀՀ գյուղատնտեսության նախարարությունում այսօր ներկայացվել է Հայաստանում գյուղատնտեսական կենդանիների նույնականացման և համարակալման համակարգի ներդրման ծրագրիրը, որին մասնակցում էին ՀՀ գյուղատնտեսության նախարար Իգնատի Առաքելյանը, ՀՀ ԳՆ սննդամթերքի անվտանգության պետական ծառայության պետ Իշխան Կարապետյանը
Ավստրիայի դեսպանության տեխնիկական համագործակցության և Ավստրիայի զարգացման գործակալության (ԱԶԳ) գրասենյակի ղեկավար Գերհարդ Շաումբերգերը, Համաշխարհային բանկի հայաստանյան գրասենյակի գյուղատնտեսության գծով գլխավոր մասնագետ Արուսյակ Ալավերդյանը, ոլորտի այլ պատասխանատուներ և փորձագետներ:

Ծրագիրը մշակվել է ՀՀ ԳՆ սննդամթերքի անվտանգության պետական ծառայության կողմից «Ագրոբիզնեսի և գյուղի զարգացման կենտրոն» (CARD) հիմնադրամի հետ և միջազգային մի շարք կառույցների աջակցությամբ:

«Մեր նպատակն է ամփոփել, ընդհանուր տեսլական ունենալ, հասկանալ մեր բաց տեղերը, քանի որ սա շատ կարևոր ծրագիր է, առանց որի հնարավոր չէ անասնաբուծություն զարգացնել: Ծրագրում ներառված է և' անասնաբուժությունը, և' վերահսկողությունը, և' որակի բարձրացումը, ինչը թույլ կտա ապահովել ոլորտի առավել գրագետ և համակարգված զարգացումը Հայաստանում», - նշել է նախարար Իգնատի Առաքելյանը:

ՀՀ ԳՆ ՍԱՊԾ պետ Իշխան Կարապետյանն իր հերթին տեղեկացրել է, որ նախաձեռնել են անասնաբուժության ոլորտում համալիր փոփոխություններ, այդ թվում` անցում պարտադիր սպանդանոցային մորթի, համայնքային անասնաբույժների կարողությունների զարգացում, կենդանիների համարակալում, երկրի համաճարակային քարտեզի ձևավորում, ինչը կհանգեցնի նաև երկրի դիրքի բարելավմանը և արտաքին առևտրի խթանմանը:

«Այս ողջ գործընթացում հենասյուներից մեկը կենդանիների համարակալումն է, որը նախատեսված է նաև ՀՀ կառավարության գործունեության ծրագրում», - հավելել է Իշխան Կարապետյանը:

Ծրագրի իրականացման արդյունքում ակնկալվում է գյուղատնտեսական կենդանիների առողջության պահպանման և հիվանդությունների կանխարգելման առավել արդյունավետ կազմակերպում, սննդամթերքի անվտանգության առավել արդյունավետ կառավարում, մաքրացեղ տոհմային կենդանիների բուծում, համայնքային անասնաբույժների կարողությունների զարգացում, արտահանման հնարավորությունների ընդլայնում:

Ծրագրով նախատեսվում է ստեղծել Կենդանիների նույնականացման և համարակալման պետական հիմնադրամ, որի կենտրոնական գրասենյակը կլինի Երևանում, իսկ մարզերում կունենա 42 մասնաճյուղ:

Կարևորվել է նաև ծրագրի վերաբերյալ համայնքներում իրազեկման աշխատանքների կազմակերպումը:

Հանդիպման ընթացքում պայմանավորվածություն է ձեռք բերվել ծրագրի փաթեթը քննարկել այլ դոնոր կազմակերպությունների և միջազգային կառույցների հետ ևս՝ այն սեղմ ժամկետում կյանքի կոչելու նպատակով: ՍԱՊԾ-ի պետ Իշխան Կարապետյանը պատրաստակամություն է հայտնել անհրաժեշտության դեպքում շահագրգիռ կազմակերպություններին տրամադրել առավել համապարփակ տեղեկատվություն ծրագրի վերաբերյալ:

Ծրագրի մշակման ընթացքում հայ մասնագետները խորհրդակցել են միջազգային փորձագետների հետ, ծանոթացել այլ երկրներում նմանատիպ ծրագրերի իրականացման ընթացքին:

HayNews.am
 
Նմանատիպ նորություններ
Tesla-ն սկսել է Model 3-ի 45.000 դոլարանոց մոդելի վաճառքը
21 Հոկտեմբերի 2018 - 15:00
Ամերիկյան Tesla ընկերությունը ներկայացրել է Model 3 սեդանի 45.000 դոլար արժողությամբ շքեղ տարբերակը՝ ազդարարելով դրա վաճառքի մեկնարկը:
ՀՀ գյուղատնտեսության նախարարի առաջին աշխատանքային այցը
20 Հոկտեմբերի 2018 - 13:55
Կարևորելով գիտելիքահեն գյուղատնտեսությունը՝ ՀՀ գյուղատնտեսության նախարարի պաշտոնակատար Գեղամ Գևորգյանը հոկտեմբերի 19-ին առաջին աշխատանքային այցը կատարեց «Ի-Վի-Էն գինու ակադեմիա», այնուհետև` Հայաստանի խաղողագործության և գինեգործության հիմնադրամ:
Շվեյցարական ավիաընկերությունը 2021 թվականին կգործարկի ամբողջությամբ էլեկտրական ինքնաթիռով չվերթներ
20 Հոկտեմբերի 2018 - 09:13
Loganair ավիաընկերությունը 2021 թվականին կգործարկի ամբողջությամբ էլեկտրական ինքնաթիռով առաջին կոմերցիոն չվերթները Օրկնեյսկյան արշիպելագի կղզիների միջեւ, փոխանցում է HighTech–ը՝ վկայակոչելով Ars Technica–ին։
Դոլարի անկումը կանգ առավ. եվրոն շարունակում է թուլանալ
19 Հոկտեմբերի 2018 - 17:07
ԱՄՆ դոլարի փոխարժեքն այսօր՝ հոկտեմբերի 19-ին, կազմել է 483.80 դրամ՝ նախորդ օրվա համեմատ աճելով 0.32 դրամով: Այդ մասին հայտնում են Կենտրոնական բանկի մամուլի ծառայությունից:
Վերանորոգվել է Արեւշատ – Աբովյան ճանապարհի մոտ 1,5 կիլոմետրանոց հատվածը
19 Հոկտեմբերի 2018 - 15:39
Ավարտվել են Արեւշատ-Աբովյան ճանապարհի մոտ 1,5 կիլոմետրանոց ճանապարհահատվածի վերանորոգման աշխատանքները։
Ալավերդիի պղնձաձուլարանի աշխատակիցները փակել են ճանապարհը և աշխատանք են պահանջում
19 Հոկտեմբերի 2018 - 12:32
Այսօր վաղ առավոտից Ալավերդիի պղնձաձուլարանի աշխատակիցները փակել են Ալավերդի-Վանաձոր ճանապարհը և պահանջում են աշխատանք։ Բողոքի ակցիայի մասնակիցները ցուցապաստառների վրա ներկայացրել են իրենց պահանջները՝ այն է, որ «Էյ-Սի-Փի» ընկերության կողմից շահագործվող պղնձամոլիբդենային գործարանը չդադարեցնի իր աշխատանքները։
«Բնակարան երիտասարդ ընտանիքներին» նախագծում կան կետեր, որոնք լրացուցիչ խոչընդոտ են ստեղծում. տնտեսագետ
18 Հոկտեմբերի 2018 - 14:44
«Բնակարան երիտասարդ ընտանիքներին» նախագծում կան կետեր, որոնք լրացուցիչ խոչընդոտ են ստեղծում երիտասարդ ընտանիքների համար։ Այս մասին այսօր՝ հոկտեմբերի 18–ին, լրագրողների հետ հանդիպմանն ասաց ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը։
«ԱՐՄԱՆ ԸՆԴ ՊԱՐՏՆՅՈՐ» ՍՊԸ-ին տրված մաքսատուրքի արտոնության սահմաններն ընդլայնվեցին
18 Հոկտեմբերի 2018 - 12:08
Հայաստանի կառավարությունն այսօր՝ հոկտեմբերի 18-ի իր նիստում որոշում կայացրեց արտոնություն տրամադրել «ԱՐՄԱՆ ԸՆԴ ՊԱՐՏՆՅՈՐ» ՍՊԸ-ին:
Հայկական ատոմային ոլորտի մասնագետներն ուսումնասիրել են համաշխարհային լավագույն փորձը` ՀԱԷԿ-ում կիրառելու համար
18 Հոկտեմբերի 2018 - 11:33
Հայկական ատոմային էլեկտրակայանի մասնագետներն այցելել են Սմոլենսկի ԱԷԿ` շահագործման ինժեներական աջակցության ոլորտում առաջատար փորձի ուսումնասիրման նպատակով։ Հայկական մասնագետների այցը կայացել է Ատոմակայաններ շահագործող կազմակերպությունների համաշխարհային ասոցիացիայի փորձի փոխանակման ծրագրի շրջանակում։ Համաշխարհային ասոցիացիայի առաքելությունն է՝ շահագործման փորձի և առաջատար պրակտիկայի փոխանակման միջոցով բարձրացնել ԱԷԿ-երի միջուկային անվտանգության մակարդակն ամբողջ աշխարհում։
1 | 2 | 3 | 4 | 5 | 6 | 7 | 8 | 724
 
Լրահոս`
 
 
Հայտնի է Կապանի նոր քաղաքապետի անունը
Հասարակություն, Քաղաքական, Համայնքներ
 
 
 
 
 
 
 
 
 
 
 
Կապանի համայնքապետի ղեկավարի ընտրության նոր արդյունքները
Հասարակություն, Քաղաքական, Համայնքներ
 
 
1787 քվեի առավելությամբ Կապանում առաջատարը Գևորգ Փարսյանն է
Հասարակություն, Քաղաքական, Համայնքներ
 
 
 
Կապանում ՔՊ-ական թեկնածու Նարեկ Բաբայանը պարտվում է
Հասարակություն, Քաղաքական, Համայնքներ
 
Հայտնի է Արմավիրի քաղաքապետի անունը
Հասարակություն, Քաղաքական, Համայնքներ