Facebook   Twitter
 
Միասին Հայաստան ենք վերադարձնելու երկրից հեռացած մեր հարազատներին. Սերժ Սարգսյանի ամանորյա ուղերձը

Միասին Հայաստան ենք վերադարձնելու երկրից հեռացած մեր հարազատներին. Սերժ Սարգսյանի ամանորյա ուղերձը

01 Հունվարի 2018 - 00:10
Միասին Հայաստան ենք վերադարձնելու երկրից հեռացած մեր հարազատներին։ Այս մասին ամանորյա իր ուղերձում նշել է Հայաստանի նախագահ Սերժ Սարգսյանը։
Նախագահի ամանորյա ուղերձը՝ ստորեւ.

«Հայաստանի Հանրապետության հարգարժան քաղաքացիներ,

Սիրելի հայրենակիցներ,

2017 թվականին հրաժեշտ տալուց րոպեներ առաջ ուզում եմ շնորհակալություն հայտնել ձեզ։ Երախտապարտ եմ Հայաստանի զինվորին ու շինականին, մտավորականին ու գործարարին, բոլոր-բոլորին՝ անձնուրաց աշխատանքի, հայրենասիրության եւ համբերության համար։

Այն հավատը, որ մենք բոլորս ունենք մեր ժողովրդի ու երկրի ապագայի հանդեպ, թող մեզ ուժ տա նաեւ նոր տարում։

Այս պահին ընտանիքներով հավաքվել ենք տոնական սեղանների շուրջ։ Բոլորս մտովի ամփոփում ենք անցնող տարին, գոհություն հայտնում Աստծուն։ Բարեկամության եւ հարազատության դրական լիցքերով եկեք դիմավորենք 2018 թվականը։

2017 թվականը հետեւողական աշխատանքի եւ լուրջ ծրագրերի իրագործման տարի էր, լայնածավալ փոփոխությունների տեմպը չի նվազել։ Ավելին, դրանք ավելի մեծ վճռականությամբ ենք առաջ մղել։ Այն դրական արդյունքները, որ մենք այս տարի ունեցանք, առաջին հերթին ձեր ձեռքբերումներն են։ Եւ դեռ համատեղ շատ անելիքներ ունենք, որպեսզի ամրապնդենք Հայաստանի պետականության եւ հասարակության հիմքերը։

Մեր հավակնությունները մեծ են, եւ մենք հետեւողական ենք լինելու դրանք իրականացնելիս։ Շարունակելու ենք անշեղորեն պաշտպանել Արցախի իրավունքներն ու շահերը։ Իշխանությունների աշխատանքը պետք է զգալի եւ շոշափելի լինի Հայաստանի յուրաքանչյուր քաղաքացու համար, պետք է բոլորիս վստահության զգացում հաղորդի։ Մենք հրաշալի երկիր ունենք եւ պետք է հպարտ լինենք այսպիսի երկրի քաղաքացի լինելու հանգամանքով։

Սիրելի հայրենակիցներ,

2017 թվականին ընտրեցինք նոր Ազգային ժողով։ Քաղաքական մրցապայքարը թեժ էր, սակայն մթնոլորտը կառուցողական էր։ Խուսափեցինք թշնամանքից եւ հակադիր ճամբարների բաժան-բաժան լինելուց։ Դա ավելի կարեւոր է, քան այն, թե ով քանի տոկոս հավաքեց։ Սա եւս մեկ առողջ միտում է, որն անցնող տարուց պետք է տեղափոխենք նոր տարի։ Փոխադարձ հարգանքը, հանդուրժողականությունը եւ համերաշխությունն այսուհետ պետք է լինեն Հայաստանի քաղաքական կյանքի մշտական ուղեցույցները։

Գալիք տարի ավարտին կհասցնենք կառավարման նոր կարգի անցնելու մեր աշխատանքները։ Ուշագրավ զուգադիպությամբ 2018 թվականին տոնելու ենք Հայաստանի Հանրապետության հիմնադրման 100-րդ տարեդարձը։ Վստահությամբ կարող ենք պնդել, որ այս հոբելյանին մոտենում ենք ավելի ամուր եւ կայացած պետական, հասարակական կառույցներով։ Միասին Հայաստան ենք վերադարձնելու երկրից հեռացած մեր հարազատներին։ Նրանք գալու են, քանի որ Հայաստան հայրենիքում աշխատելու եւ իրենց դրսեւորելու ավելի մեծ ասպարեզ են տեսնելու։ Մեր աշխատանքի նպատակը մեկն է՝ բացել նոր հորիզոններ եւ հնարավորություններ՝ ստեղծել գործունեության լայն դաշտ Հայաստանի յուրաքանչյուր քաղաքացու համար։

Սիրելի հայրենակիցներ,

2017 թվականին նոր զարկ ենք տվել մեր Զինված ուժերն ամրապնդելու գործին։ Իրականացվող փոփոխությունների արդյունքում զավակին բանակ ուղարկող ծնողները պետք է վստահ լինեն, որ նա ծառայում է գերազանց կազմակերպվածություն եւ բացառիկ կարգուկանոն ունեցող Զինված ուժերում։ Մեր զինվորականներին եկեք մաղթենք բարի ծառայություն։ Եկեք նրանց երախտագիտություն հայտնենք մեր անդորրը պաշտպանելու համար։

Եւս մեկ տարի է գումարվում Հայաստանի հազարամյակների անցյալին եւ մեր երիտասարդ անկախ պետականության պատմությանը։ Թող 2018 թվականին շարունակի ամրապնդվել Հայաստան-Արցախ-Սփյուռք եռամիասնությունը, անառիկ լինեն մեր սահմանները, եւ հյուրընկալ՝ մեր օջախները։ Եկեք միասին բաժակ բարձրացնենք եւ խաղաղություն մաղթենք մեր Հայաստան աշխարհին, ջերմություն եւ ամրություն հաղորդենք մեր ընտանիքներին։ Եւ միշտ հիշենք, որ մեր պետության հիմքը ընտանիքն է։ Թող միշտ սիրո, երջանկության, հոգատարության եւ փոխըմբռնման մթնոլորտ տիրի մեզնից յուրաքանչյուրի տանը։

Շնորհավոր Ամանոր եւ Սուրբ Ծնունդ։

HayNews.am
 
Նմանատիպ նորություններ
Մեքենաներով շարժ ենք նկատել, խոսել ենք համապատասխան մարմինների հետ. Արմավիրի քաղաքապետի թեկնածու Խուդաթյան
21 Հոկտեմբերի 2018 - 17:28
Արմավիրում խախտումների մասին ահազանգեր դեռեւս չկան։ Այս մասին այսօր՝ հոկտեմբերի 21-ին, լրագրողների հետ զրույցում ասաց ՔՊ կուսակցության անդամ, Արմավիրի քաղաքապետի ժամանակավոր պաշտոնակատար Դավիթ Խուդաթյանը։
Ապարանում ավանդական Խաչադրման խաչքավորը Ղրիմի Արտակն էր․ պաշտոնյաներն այս տարի չեն մասնակցել միջոցառմանը
21 Հոկտեմբերի 2018 - 17:16
Սուրբ Խաչ եւ Սուրբ Երրորդություն Հույսի Խորան Հաղորդարանում այսօր՝ հոկտեմբերի 21-ին, տեղի ունեցավ արդեն ավանդույթ դարձած ամենամյա Խաչադրման արարողությունը։
Այս շաբաթ կլսեք կադրային փոփոխությունների մասին. Հայկ Մարության
21 Հոկտեմբերի 2018 - 17:03
Երևանի քաղաքապետ Հայկ Մարությանն այսօր մասնակցել է «Էրեբունի 2800» հուշարձանի բացմանը և շնորհավորել երևանցիներին տոնի կապակցությամբ:
Արմավիրի մարզպետի ծառայողական մեքենան շահագործվում է կիրակի ՝ ոչ աշխատանքային օրով՝ ընտրությունների ժամանակ (Տեսանյութ)
21 Հոկտեմբերի 2018 - 16:52
Արմավիր քաղաքում քաղաքապետի ընտրություններ են։ Համացանցում հայտնված տեսանյութում երևում է՝ ինչպես է Արմավիրի մարզպետին սպասարկող Toyota Prado մակնիշի ծառայողական ավտոմեքենան՝ 055 LL 55 պետհամարանիշով, շրջում քաղաքում, ընտրատեղամասերի տարածքներում։
Էթանք մեր տուն, ձեզ հյուրասիրեմ. Սասուն Միքայելյանի ավագ որդին՝ լրագրողներին (Տեսանյութ)
21 Հոկտեմբերի 2018 - 16:45
Սասուն Միքայելյանի ավագ որդին՝ Մեխակ Միքայելյանը պատասխանելով լրագրողների այն հարցին թե 24 ամյա քաղաքապետի թեկնածուն նրա եղբայրը արդյո՞ք կկարողանա կառավարել քաղաքը, Մեխակը պատասխանել է. «Կկառավարի մի տարի հետո բոլորդ կտեսնեք»:

Նախագահ Արմեն Սարգսյանը շնորհավորել է մայրաքաղաքի 2800-ամյա հոբելյանի առթիվ
21 Հոկտեմբերի 2018 - 16:41
ՀՀ նախագահ Արմեն Սարգսյանը շնորհավորական ուղերձ է հղել Երևանի 2800-ամյա հոբելյանի առթիվ: Այս մասին տեղեկացնում են նախագահի աշխատակազմի հասարակայնության հետ կապերի բաժնից:
Միջադեպ Հրազդանի քաղաքապետի թեկնածու Լևոն Ստեփանյանի ազգականների և անձնագրայինի աշխատակիցների միջև (Տեսանյութ)
21 Հոկտեմբերի 2018 - 16:40
Հրազդանի ընտրատեղամասերից մեկում միջադեպ է տեղի ունեցել: Երկու տարեց մարդ եկել են ընտրության և նրանց անունները չի եղել ցուցակում, եղել է միայ նրանց հարազատների տվյալները միայն:
Վանաձորում հորը պատկանող հրացանը լիցքավորելիս 14-ամյա տղան անզգուշաբար կրակել է ու վիրավորվել
21 Հոկտեմբերի 2018 - 16:30
Վանաձորի բժշկական կենտրոնից այսօր՝ հոկտեմբերի 21-ին, ժամը 00:30-ի սահմաններում ոստիկանության Բազումի բաժին հայտնել են, որ «ձախ ստորին փափուկ հյուսվածքներից օտար մարմին» ախտորոշմամբ նշված իրենց մոտ է տեղափոխվել մի երեխա:
Հրազդանի 26/14 ընտրատեղամասից ոստիկանությունը գրանցամատյան էր տարել
21 Հոկտեմբերի 2018 - 16:26
Հրազդանի Վանատուր թաղամասում (որտեղ բնակվում է նաև Սասուն Միքայելյանի ընտանիքը-խմբ.) գտնվող 26/14 ընտրատեղամասից գրանցամատյանը ոստիկանությունը տարել էր: Այս պահին այն հետ է վերադարձվել:
1 | 2 | 3 | 4 | 5 | 6 | 7 | 8 | 13770
 
Լրահոս`