Facebook   Twitter
 
Դատարանը կալանավորել է Եղեգնաձորում «Հայանտառ»-ի աշխատակցին

Դատարանը կալանավորել է Եղեգնաձորում «Հայանտառ»-ի աշխատակցին

04 Հունվարի 2018 - 12:47
Երեկ՝ հունվարի 3-ին, Հայաստանի քննչական կոմիտեի Վայոց Ձորի մարզային քննչական վարչության հատկապես կարևոր գործերով ավագ քննիչ Արթուր Հարությունյանը միջնորդություն է ներկայացրել Արարատի և Վայոց Ձորի մարզերի ընդհանուր իրավասության դատարան, որպեսզի դատարանը, որպես խափանման միջոց, երկամսյա կալանքի որոշում կայացնի Եղեգնաձոր քաղաքի բնակիչներ՝ 26-ամյա Ֆրունզե Բադալյանի և 40-ամյա Վահե Բադալյանի նկատմամբ։
Ինչպես հայտնում է Shamshyan.com-ը, դատավոր Հովհաննիսյանը դռնփակ դատական նիստն անցկացնելուց և խորհրդակցական սենյակից վերադառնալով՝ բավարարել է ՀԿԳ ավագ քննիչի միջնորդությունըն ու Ֆ. և Վ. Բադալյանները կալանավորվել են։

Գ. Շամշյանի տեղեկություններով՝ նրանք այսօր տեղափոխվելու են ՀՀ Արդարադատության նախարարության «Արմավիր» քրեակատարողական հիմնարկ։

Ոստիկաններն ու քննիչները հայտնաբերել են նաև Mercedes մակնիշի 888 ՕՕ 81 համարանիշի ավտոմեքենան, որով նրանք դեպքի վայրից դիմել էին փախուստի։

Պարզվել է նաև, որ նրանք ոչ միայն ծեծի են ենթարկել «Հայանտառ» ՊՈԱԿ-ի աշխատակցին, այլ նաև Եղեգնաձոր քաղաքի Երևանյան խճուղու թիվ 1 հասցեում գործող «Դավիթ Մարտիրոսյան» ԱՁ-ի հյուրանոցային համալիրի աշխատակցուհուն։

Ավտոմեքենան քննիչի հանձնարարականով տեղափոխվել է Ոստիկանության Եղեգնաձորի բաժնի պահպանվող հատուկ տարածք։

Ֆոտոլրագրողի տեղեկություններով՝ անտառապահին և հյուրանոցային համալիրի աշխատակցուհուն ծեծի ենթարկողները հորեղբոր տղաներ են, իսկ նրանցից մեկն էլ ցանկանում է, որպեսզի «հանցագործ աշխարհում գող կարգվի», սակայն հավանաբար «նրա մուրազը փորում մնա», քանի որ, «ըստ գողական օրենքների», նա գողին ոչ վայել քայլ է կատարել. նախ՝ ձեռք է բարձրացրել կնոջ վրա, (ըստ տեղեկությունների՝ անգամ գցել է գետնին, մազերից բռնելով մի քանի մետր քարշ է տվել) և երկրորդ՝ գլխիկոր, խոնարհ հարսի նման մեղայականով ներկայացել է Ոստիկանություն։

Ինչպես ավելի վաղ հայտնել էր ֆոտոլրագրողը, Հայաստանի քննչական կոմիտեի Վայոց Ձորի մարզային քննչական վարչությունում ՀՀ քր. օր-ի 177 հոդվածի 3-րդ մասի 1-ին և 258 հոդվածի 3-րդ մասի 4-րդ կետի հատկանիշներով հունվարի 1-ին հարուցվել էր քրեական գործ։

Ժամը 08։30-ի սահմաններում Երևան քաղաքի բնակիչ՝ 51-ամյա Հայկ Գալստյանը Ոստիկանության Եղեգնաձորի բաժին հայտնել էր, որ նույն օրը Եղեգնաձորի Երևանյան խճուղու թիվ 1 հասցեում գործող «Դավիթ Մարտիրոսյան» ԱՁ-ի հյուրանոցային համալիրում իրեն անծանոթ 2 քաղաքացի առանց պատճառաբանության, անհիմն վիճաբանել էին իր հետ, որի ընթացքում ինքը ծեծի էր ենթարկվել։

Հ. Գալստյանը տեղեկացրել էր նաև, որ ծեծողներից մեկը, ում անունը հետո ինքը ճշտել էր՝ Ֆրունզե, Mercedes մակնիշի 888 81 համարանիշի (տառերը չէր կարողացել հիշել), ավտոմեքենայի սրահից դանակը վերցրել և հարվածել էր իր աջ ձեռքին։

Տվյալներ էին ստացվել նաև այն մասին, որ նշված անձինք կոտրել էին նշված հյուրանոցային համալիրի թիվ 2 սենյակի դուռը, մտել ներս, այնտեղից գողացել «ՄՌ-153» տիպի, որորդական ողորկափող հրացանը։

Ոստիկանության Վայոց Ձորի մարզային վարչության, Ոստիկանության Եղեգնաձորի բաժնի և Վայոց Ձորի մարզային քննչական վարչության ծառայողները պարզել էին, որ Հ. Գալստյանին ծեծի ենթարկողներն էին Եղեգնաձոր քաղաքի բնակիչներ՝ 26-ամյա Ֆրունզե Բադալյանը և 40-ամյա Վահե Բադալյանը։

Ոստիկանների և քննիչների օպերատիվ-հետախուզական և քննչական համատեղ միջոցառումների, այնուհետև բացատրական աշխատանքների արդյունքում Ֆ. և Վ. Բադալյանները ներկայացել էին Եղեգնաձորի ոստիկանություն։

HayNews.am
 
Նմանատիպ նորություններ
630 մարդ չգիտի՝ ինչու է փակվում Ալավերդու պղնձաձուլական գործարանը. աշխատողները սպասում են Ավինյան–Մեջլումյան հանդիպմանը
20 Հոկտեմբերի 2018 - 11:26
Ալավերդու պնձաձուլական գործարանի շուրջ 630 աշխատակիցներ սպասում են երկուշաբթի փոխվարչապետի պաշտոնակատար Տիգրան Ավինյանի և «Վալլեքս» խմբի ընկերությունների նախագահ Վալերի Մեջլումյանի միջեւ կայանալիք հանդիպմանը՝ հասկանալու համար, թե ինչ է լինում գործարանի ճակատագիրը։
Այս պահի դրությամբ Սեւանա լճից բաց է թողնվել ավելի քան 197 մլն խմ ջուր
19 Հոկտեմբերի 2018 - 10:32
Հայաստանի ԱԻՆ-ը հրապարակել է, թե որքան է կազմել այսօրվա դրությամբ Սեւանա լճից բաց թողնված ջրի ծավալը:
Հաշվարկվել է 532 մլն դրամի շրջակա միջավայրին հասցված վնաս
17 Հոկտեմբերի 2018 - 11:43
Բնապահպանության եւ ընդերքի տեսչական մարմնի կողմից իրականացված ստուգումների, շրջայցերի, վարչական վարույթների քննության ընթացքում, ինչպես նաեւ հաշվետվությունների ընդունման գործընթացում հայտնաբերված խախտումներով արձանագրված թվով 168 իրավախախտման դեպքով հաշվարկվել է 532.174.714 ՀՀ դրամի շրջակա միջավայրին հասցված վնաս, 74 դեպքով նշանակվել է 7.170.000 ՀՀ դրամի վարչական տուգանք։
Տապալված մոտ 1000 ծառ, առանց էլեկտրականության 300.000 տուն. Պորտուգալիայում «Լեսլի» փոթորկի հետևանքները
15 Հոկտեմբերի 2018 - 12:40
Հոկտեմբերի 13-ին Կենտրոնական ու Հյուսիսային Պորտուգալիային պատուհասել է «Լեսլի» փոթորիկը, որը բազմաթիվ ավերածությունների պատճառ է դարձել:
«Մայքլ» փոթորկի հետեւանքով զոհվել է առնվազն 17 մարդ
13 Հոկտեմբերի 2018 - 11:58
«Մայքլ» փոթորկի հետեւանքով զոհվել է առնվազն 17 մարդ: Զոհերի թվի աճի վտանգ կա, փոխանցում է AFP-ն:
«Քայքայում են իրենց առողջությունը, որ երեխաներն օրվա հաց ունենան». ավելի շատ արտանետումներ՝ Ալավերդիում
13 Հոկտեմբերի 2018 - 11:27
Ալավերդու պղնձաձուլական գործարանի աշխատակիցները շարունակում են մնալ անորոշության մեջ. ըստ որոշ տեղեկությունների գործարանն այլեւս չի աշխատելու եւ արդեն հանդիսանում է ՎՏԲ-Հայաստան բանկի սեփականությունը:
Հայտնաբերվել է ձուկ-«վամպիր», որի համար արեւային լույսը մահացու է
13 Հոկտեմբերի 2018 - 09:43
Սոմալիի անձավներում կենսաբանները գտել են ծայրահեղ անսովոր ձուկ, որի բջիջներում բացակայում է ԴՆԹ-ում մանր մուտացիաների կարգավորման հատուկ համակարգը, ինչի պատճառով արեւային լույսը մահացու է այս ձկան համար՝ Current Biology ամսագրում գրում են գիտնականները։
ԱՄՆ-ում ավելի քան 800 ավիաչվերթ է չեղարկվել «Մայքլ» փոթորկի պատճառով
12 Հոկտեմբերի 2018 - 09:26
Միացյալ Նահանգների արևելքում ավելի քան 800 ավիաչվերթ է չեղարկվել «Մայքլ» փոթորկի պատճառով, հաղորդում է CNBC-ն:
Coca-Cola ընկերությունը մեր մոլորակի գլխավոր աղտոտողն է
11 Հոկտեմբերի 2018 - 19:30
«Գրինփիս» կազմակերպությունը 42 երկրներում ավելի քան 200 ստուգումներ է անցկացրել․ նրանք քաղաքային այգիներից եւ պուրակներից, ինչպես նաեւ՝ լողափերից հավաքել են պլաստիկ իրեր եւ ուսումնասիրել են, թե որ ընկերություններին են դրանք պատկանում։
1 | 2 | 3 | 4 | 5 | 6 | 7 | 8 | 105
 
Լրահոս`