Facebook   Twitter
 
Անձեռնամխելի և անպատժելի Սևքարի անտառապետը (Լուսանկարներ)

Անձեռնամխելի և անպատժելի Սևքարի անտառապետը (Լուսանկարներ)

11 Հունվարի 2018 - 09:44
Ստորև ներկայացված նյութը հրապարկման էր պատրաստ դեռ 2017թ.-ի հոկտեմբեր ամսին, սակայն հավատալով «Հայանտառ» ՊՈԱԿ-ի ղեկավարությանը, որ իրենք հետևողական են լինելու նշված դեպքի ամբողջական բացահայտմանը, մենք էլ հավատարիմ մեր խոստմանը՝ համբերատար սպասեցինք: Բայց պատասխանը ոչ միայն ծիծաղելի էր, այլև մեկ անգամ ևս ապացուցեց, որ Տավուշի մարզի «Սևքար» անտառտնտեսության տնօրեն Աշոտ Երիցյանը գտնվելով մարզպետ Հովիկ Աբովյանի և էլի մի շարք չինովնիկների հովանու ներքո անձեռնամխելի է: Հիրավի ճիշտ են այն շշուկները, թե Երիցյանը աշխատած գումարներից բաժին է հանում նաև իր «հովանավոներին»: Առավել զարմանալի էր Ոստիկանության Իջևանի բաժնի արձագանքը: Հրապարակում ենք նյութը, սպասելով պատկան մարմիների արձագանքին:
HayNews.am լրատվական կայքը բազմից է անդրադարձել Տավուշի մարզի «Սևքար» անտառում տիրող վիճակին, ահազանգել, որ ի դեմս անտառտնտեսության տնօրինության անտառում ապօրինի ծառահատումներ են իրականացվում:

Ապօրինի ծառահատման հերթական ահազանգը ստացանք տարածքից: «Հայանտառ» ՊՈԱԿ-ի հսկողության բաժնի պետ Արտակ Չոբանյանի ուղեկցությամբ եղանք Ազատամուտ համայնքից մոտ 100 մետր հեռավորության վրա, որտեղ մեր տեղեկություններով մեծաքանակ անտառանյութ էր ամբարած:

Ապօրինի հատված փայտը մոտ 1 կմ շառավղող տարածք էր զբաղեցնում: Ինչպես պարզվեց տեղում, անտառից այստեղ բերված փայտով փայտածուխ էին պատրաստում: Մեր նկարահանման պահին տեղում առկար էր մոտ 120 խ/մ փայտ, և 500 պարկ արդեն պատրաստի փայտածուխ:

Տեղում աշխատող բանվորներից փորձեցինք ճշտել, թե ով է այս ամենի տերը կամ ով է կանգնած սրա հետևում, խուսափեցին պատասխանել, ասացին. «Մենք ոչինչ չգիտենք»:

Պատրաստվում էինք հեռանալ, երբ մեզ մոտեցավ «Նիվա» մակնիշի մի մեքենա: Մեզ մոտեցավ Հակոբ անունով մեկը: Իմանալով, որ մեքենայում լրագրող կա, ասաց, որ առանձին կխոսի միայն Արտակ Չոբանյանի հետ:

Ինչպես հետո տեղեկացրեց Չոբանյանը՝ Արտակն ասել է, որ այդ 120 խ/մ-ից միայն 2 խ/մ փայտն է իրենը: Նա դա գնել է՝ փայտածուխ ստանալու նպատակով: Ումի՞ց է գնել փայտը, այդյո՞ք ձեռք է բերել օրինական ճանապարհով, Հակոբը չուներ որևէ հիմնավորող փաստաթուղթ:

HayNews.am-ը խնդրի վրա է հրավիրում պատկան մարմինների ուշադրությունը՝ գնալ և պարզել, ո՞ւմ թեթև ձեռքով է Ազատամուտի տարածք հասել 120 խ/մ անտառանյութը, ո՞վ է կանգնած այս ամենի հետևում:

«Հայանտառ»-ի հսկողության բաժնի պետի խոսքով 2017թ.-ի սեպտեմբերի 12-ից մեկնարկել է հսկողական աշխատանքների միամսյակը՝ անակնկալ այցելում են անտառներ, հերթապահություն սահմանում անտառներից դուրս եկող ճանապարհներին: Չոբանյանի խոսքով՝ երբեմն գործը բարդացնում է օրենքի այն դրույթը, որով սահմանված է, որ անտառամերձ բնակավայրի բնակիչներն իրավունք ունի 8 խ/մ փայտ կամ այսպես ասած թափուկ հանել անտառից, մինչդեռ մարդկանց մի մասը տունը գազով է տաքացնում, իսկ իր բաժին թափուկը տանում և վաճառում է՝ փայտածուխ պատրաստողների վրա:

«Հայանտառ» ՊՈԱԿ-ի հսկողության բաժնի պետի խոսքով գործը բարդացնում է, այն որ անտառ մտնելու և դուրս գալու բազում ճանապարհներ կան, և եթե փակվի կամ անցակետ դրվի մի մուտքի մոտ, օրինախախտը կարող է շրջանցել այդ հատվածը: «Դեպքեր են եղել, երբ անտառ հետվերադարձի ճանապարհին ապօրինի անտառահատները մեքենայի ազդանշանով հասկացրել են, թե՝ տեսեք, դուք էդտեղ անցակետ եք դրել, մենք գնացինք, վաճառեցիքն փայտը և եկանք»,-ասաց Ա. Չոբանյանը:

Իջևանի անտառտնտեսության տնօրեն Արայիկ Ավագյանն էլ HayNews.am-ի հետ զրույցում նշեց. «Շատ անգամ երբ կանգնեցնում ենք փայտ տեղափոխող մեքենաներին, ասում են՝ բա ո՞նց ապրենք, թուրքը ամեն օրը կրակում է թողե՞նք, գնա՞նք»:

Ա. Չոբանյանի կարծիքով հարցը կարող է լուծվել մասնակի. «Հարկավոր է ստեղծել «սև ցուցակ», այն անձը, ով մինչև 8 խ/մ իրեն հասանելիք թափուկը տանում և վաճառում է, բռնվելուց հետո ընդգրկվում է այդ ցուցակում, և հաջորդ անգամ այլևս անվճար վառելափայտ տանելու հնարավորություն չի ունենում»:

Պատասխանատուների խոսքով ամեն բան կփոխվի նաև անտառային ոստիկանության ինստիտուտի ներդրման արդյունքում, նմանօրինակ նախագիծն արդեն քննարկվում է ՀՀ կառավարությունում:

Անուշ Կրկյաշարյան

Հ.Գ.-1 Ծիծաղելի է, երբ ասվում է, որ գյուղացին իր հասանելիք 8 խ/մ թափուկը պետք է տանի ու վաճառի, այն դեպքում, երբ այդ տարածաշրջանում երկարատև և խստաշունչ ձմեռ է լինում: Անգամ օրենքով նախատեսված այդ 8 խ/մ է շատ քիչ գյուղացու համար, ուր մնաց թե վաճառի…

Հ.Գ.-2 Ինչպես տեղից արված լուսանկարներում է երևում, այնտեղ ոչ թե փայտի թափուկ է, այլև կտրված են առողջ ու հաստաբուն ծառեր:

Հ.Գ -3 Մեզ ահազանգած բնակիչը, հստակ նշում էր, որ այդտեղի փայտանյութը հիմնականում բերվում է Սևքար անտառտնտեսության տարածքից, իսկ փայտածուխի արտադրամասը պատկանում է Սևքար անտառտնտեսության տնօրեն Աշոտ Երիցյանին:
 
Նմանատիպ նորություններ
Սոցապ ոլորտի վերաբերյալ քննվող քրգործերով կա 50 մեղադրյալ. պատճառվել է 627 մլն դրամի վնաս
17 Օգոստոսի 2018 - 12:46
Գլխավոր դատախազությունը նոր մանրամասներ է հայտնել սոցապ ոլորտի վերաբերյալ քննվող քրեական գործերի մասին:
Ավելի քան 2 միլիարդ դրամի վնաս՝ ավտոմեքենաների տեխզննման գործընթացում չարաշահումների հետևանքով
17 Օգոստոսի 2018 - 12:40
Գլխավոր դատախազությունից հայտնում են տեղեկություն 2018 թվականի օգոստոսի 10-ի դրությամբ սոցապ ոլորտում և ավտոմեքենաների տեխզննման կայանների վերաբերյալ հարուցված քրեական գործերի մասին:
Դիլիջանում հոգեհացից հետո տեղի ունեցած սպանության գործն ուղարկվել է դատարան
17 Օգոստոսի 2018 - 12:36
Ավարտվել է Դիլիջանում հոգեհացից հետո տեղի ունեցած սպանության դեպքի առթիվ հարուցված քրեական գործի նախաքննությունը:
Սփյուռքի նախարարությունն ամփոփել է 100 օրվա կատարված աշխատանքները
17 Օգոստոսի 2018 - 12:31
Մայիսի 30-ին ՀՀ պատվիրակության կազմում երկօրյա այցով Մխիթար Հայրապետյանը մեկնել է Թբիլիսի: Կլոր սեղանի շուրջ Վրաստանի վարչապետի գլխավորած պատվիրակության հետ քննարկվել են հայ-վրացական հարաբերությունների ամրապնդման շուրջ բազմաթիվ կարևոր հարցեր, որոնցից մի քանիսի վերաբերյալ արդեն իսկ տեղում որոշ համաձայնություններ են ձեռք բերվել:
Սելենա Գոմեսն ավարտել է նոր ալբոմի ձայնագրման աշխատանքները
17 Օգոստոսի 2018 - 12:30
Հանրահայտ երգչուհի Սելենա Գոմեսը վերջապես պատասխանել է իր երկրպագուներին վաղուց հուզող հարցին՝ նոր ալբոմի ձայնագրման մասին։
Ենթասպաների դպրոցի ջոկի, դասակի սերժանտների ավարտական քննություններն ավարտվել են
17 Օգոստոսի 2018 - 12:25
Օգոստոսի 16-ին ավարտվել են ենթասպաների դպրոցի ջոկի, դասակի սերժանտների ավարտական քննությունները:
Ո՞վ կլինի ՊԵԿ օպերատիվ հետախուզության վարչության պետը
17 Օգոստոսի 2018 - 12:23
Operativ.am-ի ինֆորմացիայով՝ ՊԵԿ օպերատիվ հետախուզության վարչության պետ կնշանակվի Լևոն Հովհաննիսյանը:
Ինչո՞ւ են դեղապատ ստենտները սովորականներից ավելին արդյունավետ
17 Օգոստոսի 2018 - 12:19
Բժիշկներից շատերի կարծիքով՝ դեղապատ ստենտների հայտնագործությունը բժշկության մեջ կարեւորագույն ձեռքբերումներից մեկն է. այս ստենտները փրկում են սրտի կաթվածի հետ բախված հարյուր հազարավոր մարդկանց կյանքը:
«Քաղաքացիական պայմանագիրն» ամփոփել է վարչապետի պաշտոնավարման 100 օրը
17 Օգոստոսի 2018 - 12:10
«Քաղաքացիական պայմանագիր» կուսակցությունը ֆեսյբուքյան իր էջում ներկայացրել է կառավարությունում ՔՊ-ական նախարարների, փոխնախարարների, ինչպես նաև վարչապետի 100 օրվա աշխատանքի, այցերի ամփոփումը:
1 | 2 | 3 | 4 | 5 | 6 | 7 | 8 | 14401
 
Լրահոս`