Facebook   Twitter
 
ՀՀ գյուղատնտեսության նախարարությունում քննարկվել են ոլորտի ներդրումային նոր ծրագրերը

ՀՀ գյուղատնտեսության նախարարությունում քննարկվել են ոլորտի ներդրումային նոր ծրագրերը

11 Հունվարի 2018 - 18:32
ՀՀ գյուղատնտեսության նախարարությունում հունվարի 11-ին հրավիրվել է խորհրդակցություն մի շարք ներդրումային ծրագրեր քննարկելու նպատակով։ Այն վարել է նախարարի տեղակալ Ռոբերտ Մակարյանը:
Խորհրդակցությանը մասնակցում էին Գյուղատնտեսության զարգացման հիմնադրամի, Հայաստանի փոքր և միջին ձեռնարկատիրության զարգացման ազգային կենտրոնի, «ՓՄՁ ներդրումներ» ՈՒՎԿ-ի, «Գյուղական ֆինանսական կառույց-ԾԻԳ» պետական հիմնարկի, ՀՀ տնտեսական զարգացման և ներդրումների նախարարության, ՀՀ տարածքային կառավարման և զարգացման նախարարության ներկայացուցիչներ, ծրագրերի շահառուներ և այլ պատասխանատուներ:

Ինչպես ԼՈՒՐԵՐ.com-ին տեղեկացրին ՀՀ գյուղատնտեսության նախարարության հասարակայնության հետ կապերի բաժնից, ընդհանուր առմամբ, ներկայացվել է գյուղատնտեսությանն առնչվող թվով 6 ներդրումային ծրագիր, որոնց շրջանակում, մասնավորապես, Վայոց ձորի մարզում նախատեսվում է հիմնել շամպայն գինիների գործարան, Լոռիում ընդլայնել հատապտուղների, մասնավորապես` ազնվամորու արտադրությունը, Գեղարքունիքի մարզում հիմնել կերերի արտադրություն՝ ձկնարդյունաբերական և անասնապահական տնտեսությունների համար և այլն:

Խորհրդակցության ընթացքում փոխնախարար Ռոբերտ Մակարյանը տեղեկացրել է, որ վերջերս ՀՀ կառավարությունը հաստատել է մարզերից ներկայացվող ծրագրերի սուբսիդավորման կարգը, և առաջիկայում ձևավորվելու է հանձնաժողով, որում ընդգրկված կլինեն համապատասխան գերատեսչությունների ներկայացուցիչներ։ Հանձնաժողովն ըստ հաստատված չափորոշիչների կորոշի ծրագրերի սուբսիդավորման չափը:

«Ծրագրերից երեքը դրական եզրակացություն ստացան և առաջիկայում կարգն ընդունելուց հետո կարող են դիմել համապատասխան ֆինանսական կառույցներին պետական աջակցության ծրագրերից օգտվելու համար: Եվս մեկ ծրագիր կօգտվի գյուղատնտեսության ոլորտին տրամադրվող սուբսիդավորվող վարկերի ծրագրից», - նշել է փոխնախարարը:

Ռոբերտ Մակարյանը նաև ընդգծել է, որ ծրագրերի շահառուները բիզնես-ծրագրեր կազմելու նպատակով պետք է դիմեն ՓՄՁ ԶԱԿ-ի մարզային մասնաճյուղեր, որից հետո կկատարվեն ֆինանսական հաշվարկներ, և ծրագրերը կուսումնասիրվեն միջգերատեսչական հանձնաժողովի կողմից:

Ծրագրի շահառու «Քյոշ» ՍՊԸ-ի հիմնադիր-տնօրեն Վահե Քեուշգուերյանը նշել է, որ իրենց կազմակերպությունը մտադիր է Վայոց ձորի Խաչիկ համայնքում հիմնադրել շամպայն գինիների գործարան, որի տարեկան արտադրության ծավալը, աստիճանաբար աճելով, կկազմի մոտավորապես 100-110 հազար շիշ:

«Գինեգործության ոլորտում շատ ավելի պոզիտիվ մոտեցում կա, քան այլ ոլորտներում: Քանի որ գինեգործությունն արագորեն զարգանում է, իմ կարծիքով, ճիշտ է, որ կառավարությունը ֆինանսավորում է այս ուղղությունը», - նշել է նա:

Պատասխանատուները շահառուների հետ քննարկել են ներկայացված ծրագրերի արդյունավետությունը, ֆինանսական գնահատականներն ու հիմնավորումները, ինչպես նաև ֆինանսավորման ուղղություններն ու աջակցության տարբերակները:


HayNews.am
 
Նմանատիպ նորություններ
Ռուբեն Հակոբյանը բաց նամակ է հղել Նիկոլ Փաշինյանին
26 Ապրիլի 2018 - 13:37
Ազգային ժողովի նախկին պատգամավոր Ռուբեն Հակոբյանը բաց նամակ է հղել Նիկոլ Փաշինյանին, որտեղ նշվում է հետևյալը.
Ուֆայի ռեստորաններից մեկում գազի արտահոսքից հինգ հայ է խեղդվել
26 Ապրիլի 2018 - 13:29
Բաշկիրիայի քննչական կոմիտեն քրեական գործ է հարուցել Ուֆայի «Պրիստան» ռեստորանային համալիրում հինգ մարդու մահվան կապակցությամբ:
Վանաձորյան բնակարանում դի է հայտնաբերվել
26 Ապրիլի 2018 - 13:26
Հայաստանի ԱԻՆ-ում, այսօր՝ ապրիլի 26-ին, ժամը 11:50-ին «911» ծառայությանը տեղեկություն է ստացվել, որ Լոռու մարզի Վանաձոր քաղաքի Երեւանյան խճուղու թիվ 129 շենքի բնակարաններից մեկի տարեց բնակիչը չի արձագանքում դռան թակոցներին եւ հեռախոսազանգերին. անհրաժեշտ է փրկարարների օգնությունը:
Էդվարդ Նալբանդյանը Մոսկվայում կհանդիպի ՌԴ իշխանությունների ներկայացուցիչների հետ
26 Ապրիլի 2018 - 13:23
Հայաստանի արտգործնախարար Էդվարդ Նալբանդյանը Մոսկվայում է և մտադիր է ոչ պաշտոնական բանակցություններ անցկացնել ռուսական իշխանությունների ներկայացուցիչների հետ: Այդ մասին «Интерфакс» գործակալությանը հայտնել են դիվանագիտական շրջանակներին մոտ կանգնած աղբյուրները:
Ինչպիսի՞ շոկոլադն է օգտակար առողջության համար․ գիտնականներ
26 Ապրիլի 2018 - 13:19
Ամերիկացի գիտնականները պարզել են, որ կակաոյի բարձր պարունակությամբ դառը շոկոլադի շնորհիվ մարդկանց իմունիտետը բարելավվում է, ինչպես նաև բարձրանում է ուղեղի ակտիվությունը։
Բնակարանների նվիրատվության պայմանագրերի կնքման գործընթացը կվերսկսվի
26 Ապրիլի 2018 - 13:14
Երկրաշարժի հետեւանքով անօթեւան մնացած ընտանիքների բնակապահովման պետական աջակցության ծրագրի շրջանակներում բնակարան ստացած անձանց հետ նվիրատվության պայմանագրերի կնքման գործընթացը կվերսկսվի:
Անհոգ եղեք, ոչ լքել եմ երկիրս, ոչ էլ պատրաստվում եմ. Արմեն Աշոտյան
26 Ապրիլի 2018 - 13:11
Հարգելի ՖԲՀ,

Համացանցում նկարներ են տարածվել, որտեղ ես ինքնաթիռում քնած եմ։
Այս կապակցությամբ ՝
Դավիթ Տոնոյանը Պաշտպանության նախարարի հիանալի թեկնածու է. Արարատ Միրզոյան
26 Ապրիլի 2018 - 13:07
ԱԺ ԵԼՔ խմբակցության պատգամավոր Արարատ Միրզոյանը քիչ առաջ իր ֆեյսբուքյան էջում անդրադարձել է ապագա կառավարության ձեւավորման ժամանակ Պաշտպանության նախարարի պաշտոնի ամենահարմար թեկնածուին, որն, ըստ Միրզոյանի ԱԻ նախարարի պաշտոնակատար, նախկինում ՊՆախարարի առաջին տեղակալ` Դավիթ Տոնոյանն է:
1 | 2 | 3 | 4 | 5 | 6 | 7 | 8 | 11361
 
Լրահոս`