Facebook   Twitter
 
Արա Բաբլոյանը հյուրընկալել է ԱԺ-ում հավատարմագրված լրագրողներին

Արա Բաբլոյանը հյուրընկալել է ԱԺ-ում հավատարմագրված լրագրողներին

13 Հունվարի 2018 - 14:45
Ամանորի եւ Սուրբ Ծննդյան առթիվ ՀՀ ԱԺ նախագահ Արա Բաբլոյանը հյուրընկալել էր խորհրդարանում հավատարմագրված հայաստանյան լրատվամիջոցների ներկայացուցիչների, ոլորտի պատասխանատուների: Տոնական ընդունելության մեկնարկին ՀՀ ԱԺ նախագահը հադես է եկել ելույթով: Դիմելով հյուրերին՝ խորհրդարանի ղեկավարը մասնավորապես նշել է.
«Լրատվամիջոցների հարգելի՛ ներկայացուցիչներ,

Ազգային ժողովի աշխատակազմի, ԱԺ խորհրդի անդամների եւ իմ անունից շնորհավորում եմ ձեզ Ամանորի եւ Սուրբ Ծննդյան առթիվ: Ցանկանում եմ, որ 2018 թվականը ձեր եւ ձեր հարազատների համար լինի առողջության, խաղաղության, երջանկության եւ բարեկեցության տարի: Ես միշտ էլ բարձր եմ գնահատել լրագրողների աշխատանքը, անկախ նրանից, թե ով ինչպիսի դիրքորոշում կամ վերաբերմունք ունի այս կամ այն հարցի վերաբերյալ: Կարծում եմ, որ մարդկանց միջեւ փոխադարձ հարգանքը չպետք է կախված լինի տեսակետների կամ քաղաքական հայացքների տարբերությունից: Անկեղծորեն ասեմ, ինչպես նախկինում, այնպես էլ հիմա, որպես Ազգային ժողովի նախագահ՝ հաճելի է եղել ձեզ հետ աշխատել եւ նույնիսկ ուսանելի: Ձեր արհեստավարժությունն ու անաչառությունը մեծ ազդեցություն ունեն մեզ շրջապատող իրականության օբյեկտիվ եւ ամբողջական ընկալման հարցում: Բոլորիդ մաղթում եմ, որ ձեզ մշտապես ուղղորդեն ճշմարտությունը, սերը եւ լավատեսությունը»:

Շնորհավորական իր խոսքում ՀՀ ԱԺ աշխատակազմի ղեկավար-գլխավոր քարտուղար Արա Սաղաթելյանը լրատվամիջոցների ներկայացուցչներին մաղթել է առողջություն, բարեկեցություն եւ բեղմնավոր աշխատանք:

Անդրադառնալով խորհրդարանական իրադարձությունների լուսաբանմանը՝ Արա Սաղաթելյանը ներկայացրել է այն նախաձեռնությունները, որոնց իրականացմամբ աշխատակազմն առավել բարենպաստ միջավայր կապահովվի օրենսդիր մարմնում լրագրողների արդյունավետ գործունեության համար: Կարդիականացվեն տեխնիկական համակարգերը, միջազգային գործընկերների հետ ձեռք բերված պայմանավորվածության համաձայն կյանքի կկոչվեն մի շարք ծրագրեր: ՀՀ ԱԺ աշխատակազմի ղեկավար-գլխավոր քարտուղարի խոսքով՝ ՀՀ ԱԺ-ում հավատարմագրված լրագրողները հնարավորություն կունենան համագործակցելու եւ փորձի փոխանակում իրականացնելու արտերկրի, մասնավորապես Մեծ Բրիտանիայի եւ Գերմանիայի մասնագետների հետ: Արա Սաղաթելյանը հավաստիացրել է, որ աշխատակազմի կողմից ամեն ինչ արվելու է նոր դերակատարություն ստանձնած խորհրդարանի գործունեության թափանցիկությունն ապահովելու համար:

Խորհրդարանում ձեւավորված բարի ավանդույթի համաձայն՝ տոնական ընդունելությանը պարգեւատրվել են մի շարք ԶԼՄ-ների ներկայացուցիչներ:

Ազգային ժողովի գործունեությունն օբյեկտիվ լուսաբանելու համար ՀՀ ԱԺ նախագահի շնորհակալագրով պարգեւատրվել են «Արմենպրես» լրատվական գործակալության գլխավոր խմբագիր Նարինե Նազարյանը, «Այսօր էյ էմ» լրատվական կայքի լրագրող Վարդուհի Ստեփանյանը, Գյումրու «Ցայգ» հեռուստաընկերության լրագրող Նազելի Էլբակյանը, Asekose.am լրատվական կայքի լրագրող Արման Խարազանյանը:

ՀՀ ԱԺ նախագահի հուշանվերով՝ անվանական ժամացույցով, պարգեւատրվել են «Հայմեդիա» լրատվական կայքի լրագրող Սեւակ Վարդումյանը, Vesti.am լրատվական կայքի լրագրող Դուսյա Ղազարյանը, «Ինտերֆաքս» լրատվական գործակալության Հայաստանում թղթակից Հովհաննես Քոսյանը, NEWS.am լրատվական վերլուծական գործակալության համակարգող Արտակ Եղիազարյանը, «Արմինֆո» լրատվական գործակալության լրագրող Անի Մշեցյանը, Factor.am տեղեկատվական կենտրոնի լրագրող Շողիկ Գալստյանը:


HayNews.am
 
Նմանատիպ նորություններ
Լողափնյա սեքսը վտանգավոր հաճույք է
22 Հուլիսի 2018 - 23:49
Շատերը չեն պատկերացնում իրենց ամառային արձակուրդներն առանց սիրավեպի, որը կարող է լողափնյա սեքսի պատճառ դառնալ: Daily Mail-ի փոխանցմամբ՝ դա որքան հաճելի է, նույնքան էլ վտանգավոր: Բազմաթիվ երկրներում 2012-ից լողափնյա սեքսի համար սահմանվող պատիժները զգալիորեն խստացվել են:
Կապոց ուղարկելն արգելելը անհնար է. պետք է գիտակցել, որ մեր ժամկետայիններն այլևս ծնողների հովանավորության տակ չեն. Դ. Տոնոյան
22 Հուլիսի 2018 - 23:46
Պաշտպանության նախարար Դավիթ Տոնոյանի համոզմամբ՝ տնից բանակ կապոց ուղարկելն արգելելը անհնար է։ «Պետք է ուղղակի գիտակցել, որ մեր երիտասարդները, ժամկետայինները, 18-27 տարեկանները, որոնք որ զորակոչվել են, իրենք այլևս ծնողների հովանավորության տակ չեն, իրենք հասուն մարդիկ են։
ԿԳՆ որդեգրած քաղաքականությունն է՝ դպրոցների էլիտարացումը չխթանելը. ԿԳ փոխնախարարը՝ հայ-չինական դպրոցի մասին
22 Հուլիսի 2018 - 23:41
Հաշվի առնելով այն մեծ հետաքրքրությունը, որ դրսևորվել է մեր համաքաղաքացիների կողմից Հայ-չինական բարեկամության դպրոցի կապակցությամբ, պարզաբանեմ մի քանի հարցեր: Այս մասին Facebook-ում գրել է ՀՀ ԿԳ փոխնախարար Հովհաննես Հովհաննիսյանը:
Գիտնականները պատմել են, թե ինչ կլինի, եթե Երկրի պտույտները դանդաղեն
22 Հուլիսի 2018 - 23:26
Կոլորադոյի և Մոնտանայի համալսարանների աշխատակիցները հաղորդել են Երկրի պտույտների դադաղելու և մոլորակի վրա սեյսմիկ ակտիվության միջև կապի առկայության մասին։
Տղամարդը 2 տարում 120 կգ նիհարել է՝ ոտքով 10 հազար կիլոմետր անցնելով
22 Հուլիսի 2018 - 23:20
Ընդամենը երկու տարում Դեյվ Լանքաստերը կերպարանափոխվել է։ Նա փոխել է սննդակարգը, կենսակերպը և սկսել է շատ քայլել։ Արդյունքում նա ավելի քան տաս հազար կիլոմետր տարածք է անցել ոտքով և նիհարել է 120 կիլոգրամով։
Պատահար Ձորաղբյուրի ամառանոցների մոտակայքում. տուժածներ կան
22 Հուլիսի 2018 - 23:18
Պատահար Կոտայքի մարզում. այսօր՝ հուլիսի 22-ին ժամը 19:14-ին «911» ծառայությանն ահազանգ է ստացվել, որ Կոտայքի մարզի Ձորաղբյուրի ամառանոցների մոտակայքում տեղի է ունեցել ՃՏՊ, կան տուժածներ. անհրաժետ է փրկարարների օգնությունը: Այս մասին տեղեկանում ենք ՀՀ ԱԻՆ մամուլի ծառայությունից:
Կոռուպցիոն նոր բացահայտում զորամասերից մեկում․ ինչ է մանրամասնում պաշտպանության նախարարը
22 Հուլիսի 2018 - 23:16
Այսօր Փանիկում պաշտպանության նախարար Դավիթ Տոնոյանը, խոսելով իր գլխավորած ոլորտում կոռուպցիոն դեպքերի բացահայտումների մասին, ասել է․
1 | 2 | 3 | 4 | 5 | 6 | 7 | 8 | 14013
 
Լրահոս`
 
 
 
 
 
 
 
 
 
 
 
 
 
 
 
 
Մխիթարյանն «Արսենալի» հետ Սինգապուրում է (Տեսանյութ)
Սպորտ, Հասարակություն, Տեսանյութեր