Facebook   Twitter
 
Արայիկ Խանդոյանի պաշտպանին արգելել են տեսակցել իր պաշտպանյալի հետ. նրան տեղափոխել են «Էրեբունի» ԲԿ

Արայիկ Խանդոյանի պաշտպանին արգելել են տեսակցել իր պաշտպանյալի հետ. նրան տեղափոխել են «Էրեբունի» ԲԿ

13 Հունվարի 2018 - 17:22
«Սասնա ծռեր» խմբի անդամ Արայիկ Խանդոյանի պաշտպանին արգելել են տեսակցել իր պաշտպանյալին: Այս մասին NEWS.am-ի հետ զրույցում ասաց Արայիկ Խանդոյանի պաշտպանը` Արայիկ Պապիկյանը:
«Քրեակատարողական հիմնարկում ինձ ասացին, որ ձեր անունը ջնջվել է տեսակցողների ցուցակից, քանի որ այսօր աշխատանքային օր չէր, պատճառը չասացին: Ես ենթադրում եմ, որ դատավոր Մակյանի կողմից գրություն է ուղարկվել, քանի որ նախորդ դատական նիստին Խանդոյանը հրաժարվել է իր պաշտպաններից: Չնայած ես նույնանման պայմաններում, երբ Արմեն Լամբարյանը հրաժարվեց պաշտպանից, ես գնացել եւ տեսակցել եմ նրան»,-ասաց Արայիկ Պապիկյանը:

Նա նշեց, որ այսօր Արայիկ Խանդոյանի հետ հանդիպմանը նրան իրավաբանական խորհրդատվություն էր տալու քաղաքացիական եւ վարչական հարցերով եւ ենթադրում է, որ Արայիկ Խանդոյանին զրկում են ընդհանրապես իրավաբանական խորհրդատվությունից:

Փաստաբանը նշեց, որ Արայիկ Խանդոյանը հացադուլից հետո բավական լուրջ առողջական խնդիրներ ունի, եւ 2 օր առաջ նրան «Էրեբունի» ԲԿ են տեղափոխել, հետազոտություններ են արել, սակայն ինքը տեղյակ չէ, թե ինչ հետազոտություններ են արել:

Նշենք, որ Արայիկ Խանդոյանը 11 օր հացադուլի մեջ էր եւ միայն հունվարի 8-ին է դադարեցրել այն:


NEWS.am
 
Նմանատիպ նորություններ
Հայ-թուրքական սահմանը հատած 16-ամյա թուրք տղան ազատ է արձակվել կալանքից. Դատախազություն
25 Սեպտեմբերի 2018 - 20:48
Հուլիսի 24-ին հայ-թուրքական սահմանը հատած 16-ամյա Ումութ Ալի Օզմենի խափանման միջոց կալանավորումը փոխվել է: Նա ազատ է արձակվել կալանքից:
Վարչապետ Փաշինյանը ներկա է գտնվել ՄԱԿ-ի Գլխավոր ասամբլեայի 73-րդ նստաշրջանի ընդհանուր քննարկումների բացմանը
25 Սեպտեմբերի 2018 - 20:43
Վարչապետ Նիկոլ Փաշինյանը սեպտեմբերի 25-ին նախ մասնակցել է ՄԱԿ-ի գլխավոր քարտուղար Անտոնիո Գուտերեշի անունից` ի պատիվ հյուրընկալվող պատվիրակությունների ղեկավարների կազմակերպված ընդունելությանը:
Համաշխարհային օլիմպիադա. Հայաստանի հավաքականը հաղթեց Ղազախստանին
25 Սեպտեմբերի 2018 - 20:39
Երեկ Բաթումիում մեկնարկել է շախմատի համաշխարհային օլիմպիադան:
ՀՔԾ-ն մեղադրանք առաջադրեց Լևոն Երանոսյանին. նա հրաժարվել է ցուցմունք տալուց
25 Սեպտեմբերի 2018 - 20:31
Քիչ առաջ պարզ դարձավ որ Հատուկ քննչական ծառայությունը մեղադրանք է առաջադրել ՀՀ ոստիկանության Ներքին զորքերի նախկին հրամանատար, գեներալ-լեյտենանտ Լևոն Երանոսյանին՝ քր. Օր. 309 հոդվածի երկրորդ և երրորդ մասերով:
Իվան Ուրգանտը առաջին անգամ ցույց է տվել իր փոքր դստերը (Լուսանկար)
25 Սեպտեմբերի 2018 - 20:15
Հեռուստահաղորդավար, հումորիստ Իվան Ուրգանտը, ինչպես հայտնի է չի սիրում իր անձնականը հրապարակայնացնել:
Վերահաշվարկվել են թիվ 3/5 տեղամասի քվեարկության արդյունքները
25 Սեպտեմբերի 2018 - 20:00
2018 թվականի սեպտեմբերի 23-ին կայացած Երևանի ավագանու արտահերթ ընտրությունների քվեարկության արդյունքների վերահաշվարկի կամ տեղամասում քվեարկության արդյունքներն անվավեր ճանաչելու մասին դիմումներ համապատասխան տարածքային ընտրական հանձնաժողով կարող էին ներկայացվել մինչև սեպտեմբերի 25-ը՝ ժամը 11։00-ն:
Սեպտեմբերի 23-ին երևանցին ընտրություն չարեց, այլ վստահության հանրաքվե, բայց այլևս չկա հեղափոխությունը պաշտպանելու կարիք, այն պաշտպանված է. Է. Մարուքյան
25 Սեպտեմբերի 2018 - 19:55
Կառավարությունը պետք է բանակցություններին մասնակցող քաղաքական ուժերին ներկայացնի Ազգային ժողովը ցրելու իր տարբերակները, իսկ նրանք էլ՝ ձևակերպեն փաստաթուղթ, որում ձևակերպված կլինեն նաև երաշխիքները:
1 | 2 | 3 | 4 | 5 | 6 | 7 | 8 | 13409
 
Լրահոս`