Facebook   Twitter
 
«Սուպեր մամա-2»-ի գողության հետքերով

«Սուպեր մամա-2»-ի գողության հետքերով

13 Հունվարի 2018 - 21:28
Վերջին օրերին «Սուպեր մամա-2» ֆիլմը հայտնվեց համացանցում։ Կարճ ժամանակ անց Հայկ Մարությանը՝ Կարգին Հայկոն իր ֆեյսբուքյան էջում գրառում կատարեց՝ նշելով՝ ֆիլմն անօրինական ճանապարհով է հայտնվել համացանցում։
«Հունվարի 3-ից պայքարում ենք մեր ֆիլմի գողացված եւ համացանց ներբեռնված ֆայլի անօրինական տարածման դեմ։ ․․․․ Տեսանյութը ներբեռնող «հերոսներին» ուզում եմ տեղեկացնել, որ ինչպես և բոլոր մեր ֆիլմերը, այնպես էլ այս մեկը մենք ի վերջո անպայման ցուցադրելու ենք թե հեռուստատեսությամբ, թե KarginTV YouTube-յան մեր ալիքով, որպեսզի այն մարդիկ ովքեր հնարավորություն չունեն այցելելու կինոթատրոններ, նույնպես դիտեն ֆիլմը:

Ուղղակի, քանի որ ֆիլմի միակ եկամուտը գալիս է կինոթատրոններից, այն պետք է ցուցադրվի այնտեղ այնքան ժամանակ, որպեսզի առնվազն հետ բերի իր վրա ծախսված գումարները: Այլապես Հայաստանում ֆիլմարտադրությունը ի սպառ կվերանա, ասեմ ավելին` այսօր ֆիլմարտադրությունն արդեն վերացման եզրին է»,- իր ֆեյսբուքյան էջում գրել էր Հայկ Մարությանը։

Այստեղ, փաստացի, հեղինակային իրավունքի խախտում է եղել, իսկ նման երևույթները մեզանում քիչ չեն։ Հեղինակային իրավունքը խախտողները պետք է հստակ գիտակցեն՝ դա օրենքի խախտում է, հետևաբար իրենք կարող են հայտնվել դատարանում և պատասխանատվություն կրել օրենքի առաջ։

Անդրադառնալով վերոնշյալ թեմային՝ «Հայաստանի սպառողների ասոցիացիա» ՀԿ իրավաբան Սյուզաննա Չիլինգարյանը HayNews.am-ի թղթակցի հետ զրույցում նշեց․ «Համացանցը օրեցօր ավելի հասանելի է դառնում աշխարհի տարբեր ծայրերում: Դրան զուգահեռ՝ մեծանում է նաև սոցիալական ցանցերի օգտատերերի թիվը, ովքեր ամեն օր հսկայական ծավալների հասնող նյութեր են տեղադրում իրենց վիրտուալ հարթակներում:

Այս նյութերը պաշտպանվում են հեղինակային իրավունքի մասին օրենքներով, բայց քիչ չեն դեպքերը, երբ վեճեր են առաջանում, թե ում է իրականում պատկանում նյութը, ով է դրա հեղինակը: Այս հարաբերությունները, իրավունքներն ու պարտականությունները իրենց ամբողջ ծավալով չեն ենթարկվում օրենսդրական կարգավորման, հետևապես սոցիալական ցանցերում այս գործընթացի վերահսկումը դառնում է անհամեմատ ավելի բարդ:

Հեղինակային իրավունքի կամ հարակից իրավունքների իրավատերն իր իրավունքները պաշտպանելու նպատակով կարող է Հայաստանի Հանրապետության օրենսդրությամբ սահմանված կարգով դիմել դատարան»:

Իրավաբանի խոսքով՝ ըստ «Հեղինակային իրավունքի կամ հարակից իրավունքների» մասին օրենքի՝ իրավատերն իր իրավունքները պաշտպանելու նպատակով, դատական կարգով, տուժողն իր իրավունքները խախտողից կարող է պահանջել՝

ա) իր իրավունքների ճանաչում
բ) մինչև իրավախախտումը գոյություն ունեցող դրության վերականգնում և իրավունքը խախտող կամ խախտման վտանգ պարունակող գործողությունների կասեցում
գ) նմանակված օրինակների, դրանց պատրաստման համար օգտագործվող նյութերի ու սարքավորումների բռնագրավում կամ ոչնչացում
դ) վնասի հատուցում (ներառյալ՝ բաց թողնված օգուտը)`օրենքով սահմանված կարգով: Օրենքի 22.1-ին հոդվածի խախտման դեպքում վնասի հատուցումը կազմում է 1-2 մլն դրամ
ե) հոնորարի կամ վարձատրության կրկնակի չափով փոխհատուցում, որը իրավատերը կստանար, եթե իրավախախտողը թույլտվություն ունենար հեղինակային իրավունքի օբյեկտի օգտագործման համար, կամ փաստացի խախտման վնասին համարժեք վնասների հատուցում, ներառյալ՝ բաց թողնված օգուտը
զ) դատական վճռի հրապարակումը Հայաստանի Հանրապետությունում գործող զանգվածային լրատվության միջոցներով՝ դատարանի կողմից նախատեսված չափով և մասով, իրավախախտողի միջոցների հաշվին
է) իր իրավունքների պաշտպանության հետ կապված՝ Հայաստանի Հանրապետության օրենսդրությամբ սահմանված այլ միջոցների կիրառում:

Իրավաբան Սյուզաննա Չիլինգարյանը հիշեցրեց՝ ուրիշի ստեղծագործությունից մտքեր, հատվածներ քաղելը առանց դրանց ստեղծագործական վերամշակման և առանց ձեռքբերման սկզբնաղբյուրի նշման և որպես իրենը ներկայացնելը կամ ստեղծագործությունն ամբողջությամբ իր անունով ներկայացնելը համարվում է գրագողություն։

«Բնականաբար, այս պարագայում ֆիլմի՝ համացանցում ապօրինի ճանապարհով հայտնվելը օրենքի խախտում է, մասնավորապես՝ հեղինակային իրավունքի խախտում։ Հայաստանը ավելի քան 10 տարի առաջ միացել է գրական և գեղարվեստական ստեղծագործությունների մասին Բեռնի կոնվենցիային, ինչպես նաև հեղինակային իրավունքի ոլորտը կարգավորող միջազգային այլ ակտերի, օրինակ՝ Ժնևի կոնվենցիային, իսկ 2006-ից գործում է «Հեղինակային իրավունքի և հարակից իրավունքների մասին» ՀՀ օրենքը: Այնուամենայնիվ, յուրաքանչյուր քաղաքակիրթ հասարակության մեջ գլխավոր նպատակը պետք է լինի մարդու իրավունքների՝ այդ թվում հեղինակային իրավունքի պաշտպանությունը»,- եզրափակեց իրավաբանը։

Հասմիկ Բալեյան

 
Նմանատիպ նորություններ
Ալեքսիս Օհանյան. «Մտածում եմ Հայաստանի իմ եղբայրների և քույրերի մասին»
20 Ապրիլի 2018 - 23:55
Ահա և Սփյուռքը ներգրավվեց Հայաստանի ներքաղաքական կյանքին: Reddit և Initialized Capital կայքերի հիմնադիր՝ Ալեքսիս Օհանյանը Twitter-յան իր էջում հրապարակում է կատարել, որը վերաբերում է Հայաստանում տեղի ունեցող հանրահավաքներին:
Վթար Աճառյան եւ Բաբաջանյան փողոցների խաչմերուկում. կա տուժած
20 Ապրիլի 2018 - 23:49
Ապրիլի 20-ին, ժամը 22:03-ին «911» ծառայությանն ահազանգ է ստացվել, որ Երեւան քաղաքի Աճառյան եւ Բաբաջանյան փողոցների խաչմերուկում տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Երթն ավարտվեց Հանրապետության հրապարակում. Առավոտյան շարունակելու են ակցիաները
20 Ապրիլի 2018 - 23:45
Հանրապետության հրապարակում ավարտվել է «Իմ քայլը» նախաձեռնության երթը Երեւանի կենտրոնով։ Նիկոլ Փաշինյանը բարի գիշեր է մաղթել հավաքվածներին։
Աֆղանստանում պայթյուն է որոտացել. կա 5 զոհ և 10 տուժած
20 Ապրիլի 2018 - 23:13
Աֆղանստանի Նանգարհար նահանգի Ջելալաբադ քաղաքում պայթյուն է որոտացել, որի հետևանքով մահացել է 5 ու վնասվածքներ ստացել 10 մարդ: Այս մասին հայտնում է «Պաժվակ» գործակալությունը:
Գերմանիայի հայությունն ապրիլի 21-ին ՀՀ դեպանատան առջև հավաք է անելու
20 Ապրիլի 2018 - 23:07
Կանադահայ հայտնի կինոդերասանուհի, պրոդյուսեր Արսինե Խանջյանը ֆեյսբուքյան իր էջում տեսաուղերձ է հրապարակել, որտեղ կոչ է անում Գերմանիայի հայ համայնքին մասնակցել ապրիլի 21-ին Բեռլինում ՀՀ դեսպանատան առջև կայանալիք բողոքի ակցիային՝ ի զորակցոթյուն Հայաստանում ՀՀ վարչապետ Սերժ Սարգսյանի պաշտոնավարման դեմ պայքարող ընդդիմության:
«Ռուսական Քիմ Քարդաշյանի» մերկ լուսանկարները «պայթեցրել» են համացանցը
20 Ապրիլի 2018 - 22:41
Ռուս մոդելի լուսանկարները, որոնցում նա բացահայտ նմանակում է ամերիկահայ հեռուստաաստղ Քիմ Քարդաշյանին, մեկ օրում մոտ 100 հազար «լայքի» են արժանացել։
ԵՄ ղեկավարները շնորհավորել են Սերժ Սարգսյանին
20 Ապրիլի 2018 - 22:29
Այսօր երեկոյան Սերժ Սարգսյանին շնորհավորական ուղերձներ են հղել ԵՄ ղեկավարները:
1 | 2 | 3 | 4 | 5 | 6 | 7 | 8 | 10911
 
Լրահոս`