Facebook   Twitter
 
Հայաստանում ես լսում եմ հիանալի երաժշտություն ամենաբարձր մակարդակով. Քշիշտոֆ Պենդերեցկի

Հայաստանում ես լսում եմ հիանալի երաժշտություն ամենաբարձր մակարդակով. Քշիշտոֆ Պենդերեցկի

13 Փետրվարի 2018 - 17:24
Երեւանում, այսօր՝ փետրվարի 13-ի երեկոյան «Արամ Խաչատրյան» համերգասրահում կտրվի մեր ժամանակների մեծագույն երաժիշտներից մեկի՝ լեհ կոմպոզիտոր եւ դիրիժոր Քշիշտոֆ Պենդերեցկու փառատոնի մեկնարկը՝ նվիրված երաժշտի 85-ամյա հոբելյանին։
ՀՀ մշակույթի նախարար Արմեն Ամիրյանն այս առիթով հրավիրված ասուլիսում նշեց, որ յուրաքանչյուրի համար մեծ պատիվ եւ ուրախություն է գտնվել մեր ժամանակների լավագույն երաժիշտներից մեկի կողքին եւ հյուրընկալել նրան, առավել եւս հյուրընկալել նրա 85-ամյա հոբելյանի առթիվ։ «Հոբելյանական տարվա ընթացքում աշխարհի տարբեր երկրներում նշվելու է մաեստրոյի 85-ամյակը, եւ մեզ համար մեծ պատիվ է, որ հոբելյանական միջոցառումների շարքը սկսվում է Հայաստանի մայրաքաղաք Երեւանից։ Քշիշտոֆ Պենդերեցկին համաշխարհային մեծության աստղ է, մարդ, ով իր երաժշտությամբ կարողացավ փոխել աշխարհը, մարդ, ով իր արվեստով գունավորեց մեր կյանքն ու ապագան»,- ասաց Արմեն Ամիրյանը։

ՀՀ մշակույթի նախարարը մեջբերեց նաեւ մի հատված Քշիշտոֆ Պենդերեցկու հարցազրույցից, որտեղ մաեստրոն ընդգծել է, որ իր ստեղծագործական աշխարհի վրա լրջագույն ազգեցություն են ունեցել երկու կոմպոզիտորներ՝ Բախը եւ Կոմիտասը։ Պենդերեցկին նաեւ ավելացրել է` զարմանալի եւ յուրահատուկ երեւույթ է, երբ կոմպոզիտորը նաեւ հերոս է, իսկ Կոմիտասը հենց այդպիսին է։

Ինքը՝ Քշիշտոֆ Պենդերեցկին նշեց, որ իր համար կարեւոր է այն հանգամանքը, որ Հայաստանում նման փառատոն է տեղի ունենում. «Ես տիկնոջս հետ միշտ սիրով եմ ժամանում Հայաստան։ Հայաստան գալով՝ ես լսում եմ հիանալի երաժշտություն ամենաբարձր մակարդակով, եւ ամենակարեւորը՝ հրաշալի մարդկանց ենք այստեղ հանդիպում։ Ես զգում եմ ինձ այստեղ՝ ինչպես տանը։ Ցավում եմ, որ միայն հայոց լեզվին չեմ տիրապետում»։

Պատասխանելով հայկական թեմաներով իր ստեղծագործությունների մասին լրագրողի հարցին՝ կոմպոզիտորը նշեց, որ հայկական արմատներ ունի. տատը Սպահանից էր։ Մի քանի տարի առաջ գրել է ստեղծագործություն՝ 3-րդ սաղմոսը՝ նվիրված Ցեղասպանության 100-րդ տարելիցին։

«Ամեն անգամ Հայաստանում ունկնդրում եմ իմ գործերը։ Հրաշալի դիրիժորներ ունեք, որոնց ղեկավարությամբ ներկայացվում են իմ ստեղծագործությունները, եւ ես նրանց շատ շնորհակալ եմ դրա համար»,- ընդգծեց մաեստրո Պենդերեցկին, կոմպոզիտոր, ով տարեկան մոտ 60 կոնցերտ է գրում եւ խոստովանում է, որ ծրագրերը բավականին շատ են։

Նշենք, որ մշակույթի նախարար Արմեն Ամիրյանի եւ Քշիշտոֆ Պենդերեցկու մամուլի ասուլիսը կայացավ Երեւանի Չայկովսկու անվան երաժշտական միջնակարգ մասնագիտական դպրոցում։ Մինչ ասուլիսի մեկնարկը Պենդերեցկին եղեւնի տնկեց երաժշտական դպրոցի բակում, այնուհետեւ շրջայց կատարեց կրթօջախում։

Տեղեկացնենք, որ Պենդերեցկուն նվիրված փառատոնը տեղի կունենա փետրվարի 13-17-ը։ Փառատոնն անցկացվում է ՀՀ Նախագահի տիկին Ռիտա Սարգսյանի հովանու ներքո։ Հոբելյանական փառատոնը ՀՀ մշակույթի նախարարության աջակցությամբ կազմակերպել են Հայաստանի պետական սիմֆոնիկ նվագախումբը, Հայաստանի ազգային ֆիլհարմոնիկ նվագախումբը, «Երեւանյան հեռանկարներ» միջազգային երաժշտական փառատոնը։

Փետրվարի 13-17-ը Երեւանում անցկացվելիք փառատոնային չորս համերգների ընթացքում կներկայացվեն Պենդերեցկու սիմֆոնիկ եւ կամերային ստեղծագործությունները։ Ընդ որում, դրանցից շատերը Հայաստանում կկատարվեն առաջին անգամ։ Պենդերեցկու փառատոնն իր շուրջն է համախմբել հայաստանյան տարբեր կոլեկտիվներ. ելույթ կունենան Հայաստանի պետական սիմֆոնիկ նվագախումբը (գեղարվեստական ղեկավար եւ գլխավոր դիրիժոր՝ Սերգեյ Սմբատյան), Հայաստանի ազգային ֆիլհարմոնիկ նվագախումբը (գեղարվեստական ղեկավար եւ գլխավոր դիրիժոր՝ Էդուարդ Թոփչյան), «Հովեր» պետական կամերային երգչախումբը (խմբավար՝ Սոնա Հովհաննիսյան), ինչպես նաեւ՝ արտասահմանից ժամանած անվանի մենակատարներ։

HayNews.am
 
Նմանատիպ նորություններ
Աննա Հակոբյանը Մոսկվայում ներկայացրել է իր գործունեության երեք ուղղությունները
12 Նոյեմբերի 2018 - 23:05
Նոյեմբերի 12-ին՝ փարիզյան այցից հետո, ՀՀ վարչապետի պաշտոնակատարի տիկին Աննա Հակոբյանը ժամանել է Ռուսաստանի Դաշնության մայրաքաղաք Մոսկվա:
Դիվահար ադրբեջանցին մահացելէ էկզորցիզմի սեանսի ժամանակ
12 Նոյեմբերի 2018 - 23:04
Բաքվում հինգ մարդ, նրանց թվում՝ մի մոլլա, ծեծելով մահվան են հասցրել 1993թ․ծնված հոգեկան հիվանդ տղամարդուն, որի մեջ, նրա հոր կարծիքով, դև էր բնակվում։
ՄԻՊ-ը կայցելի Մանվել Գրիգորյանին
12 Նոյեմբերի 2018 - 22:58
Մենք շարունակում ենք ուսումնասիրել, ուշադրության կենտրոնում պահել Մանվել Գրիգորյանի առողջական վիճակի հետ կապված հարցերը և նախատեսում ենք այսօր կամ վաղը կրկին այցելել նրան:
Տիգրան Բալայանն այցելել է Նիդերլանդների Ալմելո քաղաքի «Սուրբ Գրիգոր Լուսավորիչ» եկեղեցի և հանդիպել հայ համայնքի հետ
12 Նոյեմբերի 2018 - 22:55
Նոյեմբերի 11-ին Նիդերլանդներում ՀՀ նորանշանակ դեսպան Տիգրան Բալայանն այցելեց Նիդերլանդների Ալմելո քաղաքի «Սուրբ Գրիգոր Լուսավորիչ» եկեղեցի, ուր հանդիպումներ ունեցավ եկեղեցու խորհրդի վարչության հետ՝ Օնիկ Գելիջիի գլխավորությամբ։
ՀԱԿ-ը չի մասնակցի արտահերթ խորհրդարանական ընտրություններին
12 Նոյեմբերի 2018 - 22:52
Այսօր կայացել է ՀԱԿ քաղաքական խորհրդի նիստ, որում որոշում է կայացվել չմասնակցել ԱԺ դեկտեմբերի 9-ի արտահերթ ընտրությանը։Այս մասին հայտնում են կուսակցության գրասենյակից:
Մահվան ելքով վրաերթ Լոռու մարզում
12 Նոյեմբերի 2018 - 22:45
Նոյեմբերի 12-ին, մահվան ելքով վրաերթ է տեղի ունեցել Լոռու մարզում: Ժամը 16:00-ի սահմաններում Վանաձոր քաղաքի բնակիչ, 34-ամյա Գրիգորի Գրիգորյանը Վանաձոր քաղաքի Հալաբյան փողոցի թիվ 1 հասցեի դիմաց իր վարած Lexus մակնիշի 33 VՏ 680 համարանիշի ավտոմեքենայով վրաերթի է ենթարկել Վանաձորի բնակիչ, 60-ամյա Կարեն Մխիթարյանին:
Երևան–Սևան ավտոճանապարհին տեղի ունեցած վթարի հետևանքով երկու մարդ հոսպիտալացվել է
12 Նոյեմբերի 2018 - 22:28
Այսօր՝ նոյեմբերի 12-ին, խոշոր ավտովթար է տեղի ունեցել Կոտայքի մարզում:
Մարոկկոյի թագավորը քնել է Մակրոնի ելույթի ժամանակ ու բարկացրել Թրամփին (Տեսանյութ)
12 Նոյեմբերի 2018 - 22:15
Մարոկկոյի թագավոր Մուհամմեդ 6-րդը քնով է անցել Փարիզում Առաջին համաշխարհային պատերազմի ավարտի 100-ամյակին նվիրված արարողության ժամանակ Ֆրանսիայի նախագահ Էմանուել Մակրոնի ելույթի ընթացքում:
Շուրջ 1400 զինծառայող ՊՆ-ի կողմից բնակարան կստանա
12 Նոյեմբերի 2018 - 22:03
Շուրջ 1400 զինծառայող ծառայության ավարտից հետո Պաշտպանության նախարարության կողմից բնակարան կստանա: Այս մասին նոյեմբերի 12-ին ՊՆ-ում տեղի ունեցած մամուլի ասուլիսի ընթացքում հայտնեց ՀՀ պաշտպանության նախարարի պաշտոնակատար Դավիթ Տոնոյանը:
1 | 2 | 3 | 4 | 5 | 6 | 7 | 8 | 14283
 
Լրահոս`