Facebook   Twitter
 
Ժամանակակից արվեստի երևանյան հրավառություն կլինի. Ա. Ամիրյանը՝ «Ժամանակակից արվեստի միջազգային ցուցահանդես. Հայաստան 2018» ցուցադրության մասին

Ժամանակակից արվեստի երևանյան հրավառություն կլինի. Ա. Ամիրյանը՝ «Ժամանակակից արվեստի միջազգային ցուցահանդես. Հայաստան 2018» ցուցադրության մասին

14 Փետրվարի 2018 - 13:29
ՀՀ մշակույթի նախարար Արմեն Ամիրյանը մամուլի ասուլիսին հայտնեց, որ առաջին անգամ Հայաստանում Իտալիայի ժամանակակից արվեստի հիմնադրամի նախաձեռնությամբ ու Մշակույթի նախարարության և Իտալիայի մշակութային ժառանգության, մշակութային գործունեության և տուրիզմի նախարարության աջակցությամբ սեպտեմբերի 25-ին կբացվի «Ժամանակակից արվեստի միջազգային ցուցահանդես. Հայաստան 2018» խորագրով ցուցադրությունը, որին կմասնակցեն արվեստագետներ աշխարհի տարբեր երկրներից: «Ժամանակակից արվեստի երևանյան հրավառություն կլինի»,-ասաց նախարարը:
ՀՀ-ում Իտալիայի Հանրապետության արտակարգ և լիազոր դեսպան Ջոանի Ռիչուլին նախ շնորհակալություն հայտնեց վստահության և աջակցության համար: «Շատ ուրախ և գոհ եմ, որ այն միտքը, որը կար, իրականություն է դառնում և կոնկրետ գործողությունների վերածվում: Սա շատ կարևոր է երկու այդքան մշակութային երկրի համար ինչպիսին Իտալիան և Հայաստանն են:

Մենք միշտ խոսում ենք մեր մշակույթի անցյալի մասին, սակայն սա նոր ձև է, որ խոսելու ներկայի մասին՝ մշակույթի ձևով»,-ասաց նա։

ՀՀ արտաքին գործերի նախարարի տեղակալ Ռոբերտ Հարությունյանն իր խոսքում ևս կարևորեց այս նախաձեռնությունը: «Սա խոսում է այն մասին, որ Հայաստանը հնարավորություն կունենա ներկայացել իր ժամանակակից արվեստը և փոխանակվել կարծիքներով: Այս միջոցառումը կարևոր է հենց ներկայացուցչական առումով, քանի որ մեծ քանակությամբ արվեստագետների այց ենք ակնկալում, որոնք կտեսնեն Հայաստանի ձեռքբերումները»,-ասաց նա և նկատեց, որ հենց ցուցահանդեսի ժամանակահատվածում լինելու է ֆրանկոֆոնիայի գագաթաժողովը և այդ հյուրերին ևս կհրավիրեն:

«Շաուլա Ինթերնեյշնլ» ՍՊԸ-ի համահիմնադիր Ալբերտո Կալիոստրոնը անդրադարձավ այս միջոցառման ներդրումներ ներգրավելու առանձնահատկությանը և հույս հայտնեց, որ այն կբերի արտասահմանյան ներդրողներ: «Սա յուրահատուկ դեպք է, երբ մշակույթի միջոցով ճանաչել կտանք Հայաստանը: Այս ցուցահանդեսի միջոցով մենք Հայաստանը կներկայացնենք արտասահմանյան ներդրողներին»,-ասաց նա:

Անդրադառնալով ցուցահանդեսի լոգոյին՝ նա ասաց, որ կարծես երկու մարդ իրար գրկած լինեն: «Հայաստանը այնքան հյուրընկալ երկիր է, որ կարծես իր գիրկն է առել»,-ասաց նա:

Իտալիայի ժամանակակից արվեստի հիմնադրամի գլխավոր տնօրեն Ստեֆանո Ապուցցոն նախ նկատեց, որ այսօր Սուրբ Վալենտինի օրն է և նշեց, որ սերն է բոլորիս բերել այս ասուլիսին: Նա նշեց, որ նախքան Հայաստան այցը Իտալիայում հանդիպել է մշակույթի նախարարին: «Իտալիան և Հայաստանը երկու դարավոր մշակույթ ունեցող ազգեր են, որոնք քրիստոնեության օրրան են, և այս ծրագիրը ծնվել է Հայաստանի և Հռոմի միջև եղած ամուր կապից»,-ասաց նա:

Ցուցահանդեսի հայաստանյան համադրող Մարինա Հակոբյանը ընդգծեց, որ առհասարակ յուրաքանչյուր ցուցահանդես պետք է ունենա իր կոնկրետ նշանակետը, կոնկրետ գաղափարը: Նա նշեց, որ այս ցուցահանեսը չունի որևէ սահմանափակում, թե՛ ժանրային առումով, թե՛ մասնակիցների տարիքային առումով և լինելու են տարբեր սերունդների նկարիչներ:

«Մեր նպատակն է, որ մենք կարողանանք ցույց տալ, թե ինչ է կատարվում հիմա: Ցուցահանդեսը նախ աննախադեպ է և հետաքրքիր ու նորություն կլինի հայերի համար, որոնք համաշխարհային մշակույթը կտեսնեն, և Հայաստանի մշակույթը ներկայացված կլինի, սա մշակույթի փոխանակում է»,-ասաց նա և հույս հայտնեց, որ այս նշանակալի իրադարձությունը մշակութային կապերը Իտալիայի հետ ավելի կամրապնդի:

«Ցուցահանդես-փառատոնը իր տարբեր բաժիններով բաշխված կլինի Հայաստանի մայրաքաղաքի խոշորագույն մշակութային օջախներում, մասնավորապես՝ Ալեքսանդր Սպենդիարյանի անվան օպերայի և բալետի ազգային-ակադեմիական թատրոնը, Գաֆէսճեան արվեստի կենտրոնը, Հայաստանի նկարիչների միության ցուցասրահը»,-ասաց նա:


tert.am
 
Նմանատիպ նորություններ
Արագածոտնի մարզում ավտոմեքենա է այրվել
19 Հոկտեմբերի 2018 - 23:54
Հոկտեմբերի 19-ին, ժամը 17:04-ին ծառայությանն ահազանգ է ստացվել, որ Արագածոտնի մարզի Թալին-Թաթուլ ավտոճանապարհի 2-րդ կմ-ին այրվում է ավտոմեքենա:
Մարջան Ավետիսյանի եւ սիրելիի «ժպտադեմ» լուսանկարը
19 Հոկտեմբերի 2018 - 23:50
Դերասանուհի Մարջան Ավետիսյանի երկրպագուները հասցնում են կարոտել նրան, քանի որ նա այնքան էլ ակտիվ չէ սոցցանցերում, փոխարենը, բոլորս ունենք հնարավորություն էկրաններին կրկին տեսնել նրան տիկին Տամառայի դերում:
Ահա և խոստացված անակնկալը
19 Հոկտեմբերի 2018 - 23:47
Ի նշանավորումն Երևանի 2800-ամյակի, Վիլնյուսի քաղաքապետարանը հոկտեմբերի 19-20 - ին Հայոց եռագույնով է լուսավորել Վիլնյուսի երեք կենտրոնական կամուրջները։
Հրազդանի քաղաքապետի թեկնածու Սևակ Միքայելյանի նախընտրական շտաբի համապատասխան դիմումն ուղարկվել է Կոտայքի դատախազություն. Դատախազություն
19 Հոկտեմբերի 2018 - 23:40
Հրազդանի քաղաքապետի թեկնածու Սևակ Միքայելյանի նախընտրական շտաբը համապատասխան դիմումով դիմել է Կոտայքի դատախազություն մասին Tert.am-ի հետ զրույցում ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
Ավելի քան 9000 գողացված հնագիտական իր են վերադարձվել
19 Հոկտեմբերի 2018 - 23:30
Սիրիայի իշխանություններին հաջողվել է վերադարձնել շուրջ 9000 գողացված պատմական իրեր ու գտածոներ:
Իր հետ պատահած սարսափելի դեպքի համար Քենդալ Ջենները մեղադրում է ԶԼՄ-ներին
19 Հոկտեմբերի 2018 - 23:27
Օրերս ոստիկանությունը ձերբակալել էր Քենդալ Ջեններին հետապնդող տղամարդուն:
Հայ ֆուտբոլային մարզիչները մեկնում են Շվեյցարիա. UEFA PRO Licence Student Exchange ծրագիր
19 Հոկտեմբերի 2018 - 23:21
Ավանի Ֆուտբոլի ակադեմիայում մեկնարկել է ՀՖՖ մարզչական ՊՐՈ արտոնագրի դասընթացի երկրորդ մոդուլը, որի ծրագրի մեջ մտնում են 2018թ. աշխարհի առաջնության խմբային վերլուծությունը, անցումը պաշտպանությունից հարձակման և հակառակը, ինչպես նաև այնպիսի թեմաներ, ինչպիսիք են խաղի կանոնները, սկաուտինգը, մեդիա ուսուցումը, հռետորական արվեստը, բարոյագիտությունը և էթիկան, գրասենյակի կազմակերպումը, հաղորդում է ՀՖՖ մամուլի ծառայությունը:
Յուրգեն Կլոպ. Ազգերի լիգան լավ գաղափար է, սակայն ֆուտբոլի համար չէ
19 Հոկտեմբերի 2018 - 23:09
Անգլիական «Լիվերպուլի» գերմանացի գլխավոր մարզիչ Յուրգեն Կլոպը պարզաբանել է նախկինում իր արտահայտած միտքը, որ ՈւԵՖԱ–ի Ազգերի լիգան «անիմաստ մրցաշար է»։
1 | 2 | 3 | 4 | 5 | 6 | 7 | 8 | 14013
 
Լրահոս`