Facebook   Twitter
 
Քննչական բաժնի պետի տեղակալը խոշոր չափի կաշառք է վերցրել. նրան մեղադրանք է առաջադրվել

Քննչական բաժնի պետի տեղակալը խոշոր չափի կաշառք է վերցրել. նրան մեղադրանք է առաջադրվել

14 Փետրվարի 2018 - 14:55
Առանձնապես խոշոր չափերով կաշառք ստանալու, դրան օժանդակելու և կաշառք տալու դեպքերի վերաբերյալ ՀՀ հատուկ քննչական ծառայությունում քննված քրեական գործի քննությամբ հիմնավորվել է, որ ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի պետի տեղակալ Բունիաթ Եղիազարյանը նույն բաժնի ավագ քննիչ Միքայել Զադոյանի հետ նախնական համաձայնությամբ, խմբով առանձնապես խոշոր չափերով կաշառք են ստացել:
Այսպես, նախաքննությամբ ձեռք բերված բավարար ապացույցներով պարզվել է, որ ՀՀ ՔԿ Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնում քննված քրեական գործով Սոս Գասպարյանը որպես մեղադրյալ է ներգրավված եղել ՀՀ քրեական օրենսգրքի 112-րդ հոդվածի հատկանիշներով նախատեսված հանցանքի կատարման համար: Սակայն վերջինիս հայրը` Բաբկեն Գասպարյանը, նախաքննության ընթացքում այցելել է հիշյալ քննչական բաժին և տվյալ գործով վարույթն իրականացնող քննիչ Մ. Զադոյանին առաջարկել առանձնապես խոշոր չափերով` 3000 ԱՄՆ դոլար կաշառք` որդուն առավել մեղմ քրեական պատասխանատվության ենթարկելու համար:

Մ. Զադոյանն ընդունել է կաշառք ստանալու առաջարկը, այնուհետև այդ մասին հայտնել է նաև իր վերադասին` Էրեբունի և Նուբարաշեն վարչական շրջանների քննչական բաժնի պետի տեղակալ Բունիաթ Եղիազարյանին, ով վերջինիս հետ նախնական համաձայնության գալով, իր հերթին Բ. Գասպարյանին խոստացել է նրա որդու օգտին իր լիազորությունների շրջանակներում գործողություններ կատարել:

Այնուհետև Մ. Զադոյանը մեղադրյալի հորն ուղարկել է ՀՀ փաստաբանների պալատի փաստաբան Գ. Գալոյանի մոտ` նրա միջոցով կաշառքի գումարն ստանալու և քրեական գործի ընթացքն ուղղորդելու համար: ՀՀ քննչական կոմիտեի պաշտոնատար անձանց հետ նախապես ձեռք բերված պայմանավորվածության համաձայն` Գ. Գալոյանը, վերջիններիս համար վերացնելով անձամբ կաշառատուից գումարն ստանալու պարագայում հավանական բացահայտման խոչընդոտը, Բ. Գասպարյանից 2016թ. դեկտեմբերի 29-ին ստացել և Մ. Զադոյանին ու Բ. Եղիազարյանին է փոխանցել 1.450.950 ՀՀ դրամին համարժեք, առանձնապես խոշոր չափերով` 3000 ԱՄՆ դոլար կաշառքը:

Այսպիսով, Բունիաթ Եղիազարյանը, Միքայել Զադոյանի հետ նախնական համաձայնությամբ, խմբով, փաստաբան Գայանե Գալոյանի օժանդակությամբ և միջոցով Բաբկեն Գասպարյանից ստացել է առանձնապես խոշոր չափերով կաշառք:

Հիշյալ հանցավոր արարքի կատարման համար ՀՀ ՔԿ Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի պետի տեղակալին մեղադրանք է առաջադրվել ՀՀ քրեական օրենսգրքի 311-րդ հոդվածի 4-րդ մասի 2-րդ կետով: Նրա վերաբերյալ քրեական գործի նախաքննությունն ավարտվել է: Գործը մեղադրական եզրակացությամբ հանձնվել է դատավարական հսկողություն իրականացնող դատախազին` այն հաստատելու և դատարան ուղարկելու համար:

ՀՀ հատուկ քննչական ծառայությունն արդեն տեղեկացրել է, որ նախնական համաձայնությամբ առանձնապես խոշոր չափերով կաշառք ստանալու մեջ մեղադրվող Մ. Զադոյանի, դրան օժանդակելու մեջ մեղադրվող Գ. Գալոյանի և առանձնապես խոշոր չափերով կաշառք տալու մեջ մեղադրվող Բ. Գասպարյանի վերաբերյալ քրեական գործի նախաքննությունն ավարտվել է, և գործը մեղադրական եզրակացությամբ ուղարկվել է դատարան:


HayNews.am
 
Նմանատիպ նորություններ
Վալերի Օսիպյանը Գյումրու ոստիկանապետ է նշանակել
22 Հունիսի 2018 - 15:15
Երեկ ոստիկանապետ Վալերի Օսիպյանի հրամանով Գյումրու «Մուշ» բաժնի ոստիկանապետ է նշանակվել Խորեն Բարխոյանը։
Ինչպես է անցել Նիկոլ Փաշինյանի և կառավարության նոր անդամների խնջույքը (Տեսանյութ)
22 Հունիսի 2018 - 15:12
Օրեր առաջ «Վան» ռեստորանում տեղի է ունեցել «Քաղաքացիական պայմանագրի» կուսակցության անդամների առաջին մեծ խնջույքը: Առիթ է հանդիսացել կուսակցության երկու անդամների ծննդյան տարեդարձը, ինչպես նաև նրանցից մեկի մկրտությունը:

Լեհաստանում փոթորկի պատճառով տուժել է առնվազն 10 մարդ, կա 1 զոհ
22 Հունիսի 2018 - 15:09
Առնվազն 10 մարդ է տուժել անցած գիշեր Լեհաստանին պատուհասած փոթորկի պատճառով, հաղորդվում է նաև մեկ զոհի մասին, գրում է РИА Новости գործակալությունը։
Հոգեշնորհ Տ. Կորյուն աբեղա Առաքելյանն ազատվել է Ս. Գայանե վանքի վանահոր պարտականություններից
22 Հունիսի 2018 - 15:07
Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի հունիսի 21-ի տնօրինությամբ Հոգեշնորհ Տ. Կորյուն աբեղա Առաքելյանն ազատվել է Ս. Գայանե վանքի վանահոր պարտականություններից:
Խորհուրդ է տրվում ժամը 11:00-ից 15:00-ը խուսափել արևի ուղիղ ճառագայթներից
22 Հունիսի 2018 - 15:05
Ուլտրամանուշակագույն ճառագայթման ինդեքսը հունիսի 22-ին կանխատեսվում է 6, որի դեպքում խորհուրդ է տրվում ժամը 11:00-ից 15:00-ն ընկած ժամանակահատվածում խուսափել արեգակի ուղիղ ճառագայթներից:
Բրեժնևան համացանցում ինտիմ կադրեր է ցուցադրել
22 Հունիսի 2018 - 15:03
Վերջին մի քանի ամիսների ընթացքում ուկրաինացի երգչուհի Վերա Բրեժնևան իր երկրպագուներին շատ լուսանկարներ է ցույց տվել Կոնստանտին Մելաձեի հետ:
Նազենի Հովհաննիսյանի «երեւանյան ոճով» հմայիչ լուսանկարը
22 Հունիսի 2018 - 15:00
Հաղորդավարուհի, դերասանուհի Նազենի Հովհաննիսյանն Instagram-ի իր էջում նոր լուսանկար է հրապարակել: 35-ամյա հաղորդավարուհու տեղադրած լուսանկարն արված է երեւանյան փողոցներից մեկում, իսկ դերասանուհու հետեւի ֆոնին կատու է պատկերված:
Վարչապետի հրամանագրով Արթուր Գրիգորյանը նշանակվել է բնապահպանության և ընդերքի տեսչական մարմնի ղեկավար
22 Հունիսի 2018 - 14:57
Վարչապետ Նիկոլ Փաշինյանի հրամանագրով Արթուր Գրիգորյանը նշանակվել է բնապահպանության և ընդերքի տեսչական մարմնի ղեկավար։
Խոսելը դեռ վաղ է. Վահագն Թևոսյանը՝ Հանրային հեռուստաընկերության լրատվական ծառայության տնօրենի պաշտոնում նշանակվելու մասին
22 Հունիսի 2018 - 14:55
Հանրային հեռուստաընկերության լրատվական ծառայության տնօրենի պաշտոնում քննարկվում է Վայրի բնության և մշակութային արժեքների պահպանման (FPWC) հիմնադրամի հանրային կապերի պատասխանատու Վահագն Թևոսյանի թեկնածությունը:
1 | 2 | 3 | 4 | 5 | 6 | 7 | 8 | 12002
 
Լրահոս`
 
 
 
 
 
 
 
 
 
Ռեփեր Face-ը բանակ է գնում
Մշակույթ, Հասարակություն