Facebook   Twitter
 
ԵՏՄ երկրների խորհրդարանների նախագահների խորհրդակցության հարթակն ապացուցել է իր կենսունակությունը. Բաբլոյան

ԵՏՄ երկրների խորհրդարանների նախագահների խորհրդակցության հարթակն ապացուցել է իր կենսունակությունը. Բաբլոյան

14 Փետրվարի 2018 - 16:08
ՀՀ ԱԺ նախագահ Արա Բաբլոյանի գլխավորած պատվիրակությունը Ռուսաստանի Դաշնություն կատարած աշխատանքային այցի շրջանակում փետրվարի 14-ին Մոսկվայում հանդիպում է ունեցել ՌԴ Դաշնային ժողովի Պետական դումայի նախագահ Վյաչեսլավ Վոլոդինի հետ:
Պատվիրակության կազմում են ՀՀ ԱԺ պատգամավորներ Հերմինե Նաղդալյանը, Արտաշես Գեղամյանը եւ ՀՀ ԱԺ աշխատակազմի ղեկավար-գլխավոր քարտուղար Արա Սաղաթելյանը: Հանդիպմանը ներկա է եղել նաեւ ՌԴ-ում ՀՀ դեսպան Վարդան Տողանյանը:

ՀՀ ԱԺ նախագահը, շնորհակալություն հայտնելով ջերմ ընդունելության համար, ընդգծել է, որ այս այցը եւս մեկ խթան կհանդիսանա միջխորհրդարանական հարաբերությունների զարգացման հարցում: ՀՀ խորհրդարանի ղեկավարը երախտագիտություն է հայտնել Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 25-ամյակին ու Հայ Առաքելական Եկեղեցու Նոր Նախիջեւանի եւ Ռուսաստանի հայոց թեմի 300-ամյակին նվիրված «Միասին» խորագրով ցուցահանդեսի կազմակերպման համար՝ նշելով, որ այն երկկողմ հարաբերություններն առավել խորացնելու հնարավորություն է:

ՀՀ ԱԺ նախագահը երկկողմ կապերի ընդլայնման հարցում բարձր է գնահատել խորհրդարանների միջեւ առկա փոխգործակցությունը՝ այս համատեքստում արժեւորելով ՀՀ Ազգային ժողովի եւ ՌԴ Դաշնային ժողովի միջեւ համագործակցության միջխորհրդարանական հանձնաժողովի գործունեությունը: Արա Բաբլոյանն առաջարկել է առավել ակտիվացնել միջխորհրդարանական հանձնաժողովի եւ խորհրդարանական հանձնաժողովների համագործակցությունը:

ՀՀ օրենսդիր մարմնի ղեկավարը ողջունել է Վյաչեսլավ Վոլոդինի՝ որպես ՀԱՊԿ ԽՎ նախագահ, կառույցի դերի բարձրացմանն ուղղված գործունեությունը: Խորհրդարանների ղեկավարները քննարկել են այս տարի ՀԱՊԿ ԽՎ միջոցառումները Երեւանում եւ Սանկտ Պետերբուրգում անցկացնելու հարցը:

Անդրադառնալով Եվրասիական երկրների խորհրդարանների նախագահների խորհրդակցությունն անցկացնելու Ռուսաստանի առաջարկին՝ ՀՀ ԱԺ նախագահը նշել է, որ այս հարթակն արդեն ապացուցել է իր կենսունակությունը՝ առանց խոչընդոտների երկխոսության հնարավորություն ստեղծելով: Նա վերահաստատել է խորհրդակցությունը 2020 թվականին Հայաստանում անցկացնելու հայկական կողմի պատրաստակամությունը:

Խոսելով միջխորհրդարանական միջազգային հարթակներում փոխգործակցության մասին՝ Արա Բաբլոյանը կարեւորել է առավել համակարգված գործակցությունը՝ հիմնված փոխաջակցության վրա: Այս համատեքստում խորհրդարանի ղեկավարն իր մտահոգությունն է հայտնել Սեւծովյան տնտեսական համագործակցության խորհրդարանական վեհաժողովի (ՍԾՏՀ ԽՎ) գործունեության առնչությամբ՝ նշելով, որ վերջինս, հեռանալով իր տնտեսական գործունեության էությունից, քաղաքականացվել է: Միաժամանակ ՀՀ օրենսդիր մարմնի ղեկավարը կարեւորել է Եվրոպայի եւ Ասիայի երկրների խորհրդարանների միջեւ փոխշահավետ համագործակցության ամրապնդման անհրաժեշտությունը:

Արա Բաբլոյանը տեղեկացրել է, որ հայ խորհդարանականները Ռուսաստանի նախագահի առաջիկա ընտրությունում ՀԱՊԿ ԽՎ եւ ԱՊՀ ՄԽՎ շրջանակում ակտիվ մասնակցություն կունենան դիտորդական առաքելություններում:

Նշելով, որ ավանդական գործընկերային հարաբերություններն ամուր հիմք են հետագա համագործակցության համար՝ ՌԴ ԴԺ Պետական դումայի նախագահ Վյաչեսլավ Վոլոդինն ընդգծել է, որ երկու երկրների միջեւ կառուցողական երկխոսությունը գտնվում է բարձր մակարդակի վրա, խորհրդարանական կառույցները փոխգործակցում են, ընդլայնվում են մշակութային եւ կրթական կապերը:

Հանդիպումից հետո Արա Բաբլոյանը եւ Վյաչեսլավ Վոլոդինը մասնակցել են Հայաստանի Հանրապետության եւ Ռուսաստանի Դաշնության միջեւ դիվանագիտական հարաբերությունների հաստատման 25-ամյակին ու Հայ Առաքելական Եկեղեցու Նոր Նախիջեւանի եւ Ռուսաստանի հայոց թեմի 300-ամյակին նվիրված «Միասին» խորագրով ցուցահանդեսի բացմանը:

HayNews.am
 
Նմանատիպ նորություններ
Եթե քնի ժամանակ թքոտում եք բարձը, ուրեմն դուք հաջողակ եք․ ահա թե ինչու
20 Օգոստոսի 2018 - 00:02
Քունը մեր օրգանիզմի հիմնական գործընթացներից մեկն է։
Վաղն առավոտյան վարչապետ Նիկոլ Փաշինյանին դիմելու եմ պաշտոնապես հետևյալ հարցադրումներով. Արմեն Աշոտյան
19 Օգոստոսի 2018 - 23:58
Ծանոթացեք ՀՀ վարչապետի աշխատակազմի ղեկավարի այս շրջաբերականին, որը սահմանափակելու է տեղեկատվության տրամադրման ազատությունը, մամուլի օպերատիվությունը, խոսքի ազատությունը և աշխատակիցների ազատ արտահայտելու իրավունքը։
Չնայած արգելքին` վարորդները խախտումներ են անում․ ճանապարհային ոստիկանությունը դիմել է դատախազություն
19 Օգոստոսի 2018 - 23:43
ՀՀ ճանապարհային ոստիկանությունը հայտնվել է աննախանձելի վիճակում: «Ժողովուրդ» օրաթերթը պարզեց, որ քաղաքացիները, որոնք զրկված են եղել մեքենա վարելու իրավունքից, արհամարելով ՃՈ արգելքները` ազատ շրջել են հանրապետությունում:
Եգիպտոսում փորձագետներին հաջողվել է պարզել երեք կմախքների սեռն ու տարիքը խորհրդավոր սարկոֆագից
19 Օգոստոսի 2018 - 23:39
Եգիպտոսում փորձագետներին հաջողվել է պարզել երեք կմախքների սեռն ու տարիքը, որոնք հուլիս ամսին հայտնաբերվել էին միջերկրածովյան Ալեքսնդրիա քաղաքում՝ սեւ գրանիտե սարկոֆագի մեջ, փոխանցում է AP-ն:
Տաթեւիկ Ադումյանը՝ հումորային կերպարում
19 Օգոստոսի 2018 - 23:37
Հեռուստաէկրաններից հանրությանը հայտնի դարձած դերասանուհի Տաթեւիկ Ադումյանն իր Instagram-ի էջի հետեւորդներին հաճախ է ներկայացնում լուսանկարներ տարբեր ճամփորդություններից, գեղեցիկ լուքեր, հրապուրիչ սելֆիներ:
Ավտովթար Աշտարակում
19 Օգոստոսի 2018 - 23:25
Օգոստոսի 19-ին, ժամը 18:36-ին «911» ծառայությանն ահազանգ է ստացվել, որ Արագածոտնի մարզի Աշտարակ քաղաքի կամրջի վրա տեղի է ունեցել ՃՏՊ. անհրաժեշտ է օգնություն:
Ինչպես լավացնել հարաբերությունները սիրելիի հետ. 5 խորհուրդ
19 Օգոստոսի 2018 - 23:08
Ուզում եք, որ Ձեր սիրելիի հետ հարաբերություններն էլ ավելի ջերմ ու գրավի՞չ լինեն, մի թերագնահատեք ինքներդ Ձեզ, ամեն ինչ հենց Ձեր ձեռքերում է: Ահա մի քանի խորհուրդներ, որոնք կուղղորդեն:
Աֆղանստանի նախագահը հայտարարել է թալիբների հետ հրադադար կնքելու մասին
19 Օգոստոսի 2018 - 23:06
Աֆղանստանի նախագահ Աշրաֆ Գանին հայտարարել է իսլամական Կուրբան Բայրամ տոնակատարությամբ պայմանավորված «Թալիբան» շարժման հետ հրադադար կնքելու մասին և կոչ է արել թալիբներին փոխզիջման գնալ:
Սմբուկի օգտակար և բուժիչ հատկությունները
19 Օգոստոսի 2018 - 22:49
Ամառային ամիսներին ամենից շատ օգտագործվող բանջարեղեններից մեկը սմբուկն է, որը հայտնի է նաև առողջարար և օգտակար հատկություններով, որոնք էլ ներկայացրել է beextrahealthynow.com-ը:
1 | 2 | 3 | 4 | 5 | 6 | 7 | 8 | 14403
 
Լրահոս`
 
 
 
 
 
 
 
 
Ավտովթար Աշտարակում
Հասարակություն