Facebook   Twitter
 
«Տարոն Մարգարյանին կանչում էինք՝ չէր գալիս, Զարուհուն ասինք՝ տանի էդ բանկան տա իրան». Նուբարաշենի բնակիչ

«Տարոն Մարգարյանին կանչում էինք՝ չէր գալիս, Զարուհուն ասինք՝ տանի էդ բանկան տա իրան». Նուբարաշենի բնակիչ

14 Փետրվարի 2018 - 16:17
«Նուբարաշեն» ՔԿՀ-ի հարակից տարածքում բնակվող բնակիչներն արդեն 4 տարի ապրում են գարշահոտության պայմաններում: Բնակիչների պնդմամբ, մի քանի անգամ դիմել են Երեւանի քաղաքապետարան, Երեւանի Էրեբունի վարչական շրջանի ղեկավարին, սակայն, այդպես էլ ոչ մի քայլ չի ձեռնարկվել:
«Մենք անընդհատ դիմել ենք, բայց ոչ ոք չի զբաղվել, որ խնդրին լուծում տան: Բերդի կանալիզացիան փողոցով գալիս ա, սաղ հայաթներն ա լցվում: Ինֆեկցիայի բուն ա, անգամ պատուհանները բաց թողնել չենք կարողանում»,-NEWS.am-ի հետ զրույցում ասաց բնակիչներից մեկը:

Բնակիչների խոսքով, Երեւանի ավագանու «Երկիր ծիրանի» խմբակցության ղեկավար Զարուհի Փոստանջյանին իրենք են փոխանցել կոյուղաջրով լցված տարաները, որպեսզի դրանք փոխանցեն քաղաքապետ Տարոն Մարգարյանին. «Կանչում էինք՝ չէր գալիս, ասինք, որ տանի էդ բանկան տա իրան: Եթե էդ պաշտոնյաները ընդամենը 5-10 րոպեի ընթացքում էդ հոտից զզվեցին, վատացան, մենք 5 տարի էդ հոտին ո՞նց ենք դիմանում, մենք մարդ չե՞նք: Ի՞նչ շնորհք ա, որ կնոջ վրա ձեռք բարձրացնեն, ապտակեն, էդ տղամարդու անելու բան ա՞, հազիվ աքլորանում են, փոխանակ գործ անեն»:

Բնակիչների խոսքով, կոյուղաջրից առաջացած գարշահոտն անտանելի է դառնում առավոտյան եւ ցերեկը ժամը 17:00-ին. «Իրիկունը հինգից հետո անհնար է դուրս գալ, ահավոր հոտ է ընկնում, երբ կալանավորներին լողացնում են էդ ժամին, ջուրը սաղ գալիս ա ստեղ, դուռ պատուհան սաղ փակում ենք, ներս ենք գնում»:

Բացի գարշահոտությունից բնակիչներին անհանգստացնում են մոծակները. տարբեր ձեւերով փորձում են պայքարել դրանց դեմ, բայց ոչինչ չի օգնում. «Մեծ մոծակներ կան, ամբողջ տունը արյունլվիկ ա լինում, սատկացնում ենք, որ երեխեքին չգզեն: Կծում են երեխեքին ինֆեկցիա կրող մոծակները, բայց ու՞մ պետքն ա... դեղեր ենք առնում, որ երեխեքին բուժենք, չհիվանդանան»:

Հիշեցնենք, որ փետրվարի 14-ին Երեւանի ավագանու նիստի ժամանակ «Երկիր ծիրանի» խմբակցության անդամները կոյուղաջրով լցված տարաներ էին տարել քաղաքապետարան՝ քաղաքապետ Տարոն Մարգարյանին փոխանցելու համար: Երբ փորձում էին տարան մոտեցնել քաղաքապետ Տարոն Մարգարյանին, ավագանու ՀՀԿ-ական անդամները փորձեցին արգելել նրանց, որից հետո քաշքշուկ սկսվեց: ՀՀԿ-ականները հարվածներ հասցրին «Երկիր Ծիրանիի» անդամ Մարինա Խաչատրյանին, որն ավելի ուշ հայտարարեց, որ քաշքշուկի ժամանակ ավագանու անդամներից Էդմոնդ Կիրակոսյանը ձեռք է տվել իր կրծքերին եւ դրա համար էլ հարվածել է նրան:

 
Նմանատիպ նորություններ
Ադրբեջանի անհետևողականությունն ընդամենը հնարք է չընդունելու մեր ժողովրդի կողմից իրացված ինքնորոշման իրավունքը. նախարար
20 Փետրվարի 2018 - 17:16
Դեկտեմբերի վերջին Հարավային Կովկասում ԵԱՀԿ Գործող նախագահի հատուկ ներկայացուցիչ Գյունտեր Բեհլերը ԵԱՀԿ պաշտոնական կայքէջում հրապարակված իր հարցազրույցում մասնավորապես, հայտարել է, որ ադրբեջանա-ղարաբաղյան հակամարտության կարգավորման գործընթացում բանակցային սեղանին առկա են վերջնական կարգավիճակի մասին որոշ սկզբունքներ, սակայն չկա բանակցային գործընթացի իրական ճարտարապետություն։
Մարզերում 69 վարորդ մեքենան վարել է ոչ սթափ վիճակում (Տեսանյութ)
20 Փետրվարի 2018 - 17:13
Ոստիկանության կայքից տեղեկանում ենք, որ ՀՀ մարզերում փետրվարի 12-ից 18-ը 69 վարորդ մեքենան վարել է ոչ սթափ վիճակում։
Իրանի ոստիկանությունն առնվազն 300 մարդ է ձերբակալել Թեհրանում տեղի ունեցած անկարգությունների համար
20 Փետրվարի 2018 - 17:10
Իրանի ներքին անվտանգության ուժերը 300 մարդ են ձերբակալել Թեհրանի հյուսիս - արևելքում ոստիկանության հետ տեղի ունեցած ընդհարումների պատճառով, հայտնում է ТАСС-ը:
Արցախյան շարժման 30-ամյակին նվիրված` միջոցառումներ կկազմակերպվեն արտերկրում. նախարար
20 Փետրվարի 2018 - 17:09
Արցախյան շարժման 30-ամյակին նվիրված միջոցառումներ ամբողջ տարվա ընթացքում տեղի են ունենալու ինչպես հանրապետությունում, այնպես էլ արտերկրում:
Այսօր հայ ժողովուրդը լծված է պետականաշինության գործին. շարժման առաջամարտիկ
20 Փետրվարի 2018 - 17:05
Իմ կարծիքով Արցախյան ազգային-ազատագրական շարժումն սկսվել է 1921 թվականին, երբ Արցախը բռնակցվել է Ադրբեջանին:
ՔԿՀ-ների առողջապահական համակարգը 2018-ին դուրս է գալու քրեակատարողական ծառայության ենթակայությունից
20 Փետրվարի 2018 - 17:03
Հայաստանի 11 քրեակատարողական հիմնարկներ 2017-ին ապահովվել են առողջության առաջնային պահպանման համար անհրաժեշտ բժշկական սարքավորումներով: Փետրվարի 20-ին լրագրողների հետ զրույցում այս մասին ասաց ՀՀ արդարադատության նախարար Դավիթ Հարությունյանը:
Բելառուսի և Ուկրաինայի հետ սահմանին Լեհաստանը ցանկապատ կկառուցի
20 Փետրվարի 2018 - 17:01
Լեհաստանը վճռականորեն է տրամադրված երկրում խոզերի աֆրիկյան ժանտախտի տարածման դեմ պայքարի հարցում, որի կրիչներ են հանդիսանում Ուկրաինային և Բելառուսին սահմանակից շրջաններում ապրող վարազները: Այդ վտանգավոր հիվանդությունից ազատվելու համար երկիրը որոշել է ցանկապատ կառուցել սահմանի ամբողջ երկայնքով, հայտնում է ТАСС-ը:
Ապօրինի ձկնորսություն` Ողջի գետում. Կիրառել են էլեկտրական վերարտադրիչ սարք
20 Փետրվարի 2018 - 16:59
Ոստիկանության Քաշաթաղի շրջանային բաժնի Միջնավանի բաժանմունքի քրեական հետախուզության ծառայողները փետրվարի 18-ին, օպերատիվ տեղեկությունների ստուգմամբ պարզել են, որ նույն օրը ժամը 14:00-ի սահմաններում ՀՀ Սյունիքի մարզի Կապան քաղաքի բնակիչներ` 42-ամյա Ա.Ա-ն, 38-ամյա Տ.Ա-ն և 44-ամյա Ա.Ս-ն վերջինիս պատկանող «ՎԱԶ 2107» ավտոմեքենայով ներկայացել են Քաշաթաղի շրջանի Կերեն գյուղի մոտակա հոսող Ողջի գետ և էլեկտրական վերարտադրիչ սարքի միջոցով ապօրինի արդյունահանել 6 հատ Կողակ տեսակի ձուկ:
Կրիստինա Օրբակայտեի նոր՝ էրոտիկ տեսահոլովակը (Տեսանյութ)
20 Փետրվարի 2018 - 16:57
Երգչուհի Կրիստինա Օրբակայտեն ներկայացրել է իր նոր՝ "Фарс" տեսահոլովակը, որում նա համարձակ տեսքով է ներկայացել։

1 | 2 | 3 | 4 | 5 | 6 | 7 | 8 | 9957
 
Լրահոս`