Facebook   Twitter
 
«Հյուսիս-հարավ ճանապարհային մի­ջանցքը» պետք է ավարտված լիներ 2017 թ. դեկտեմբերի 31-ին, բայց կատարվել է ծրագրի ընդամենը 6 տոկոսը. տնտեսագետ

«Հյուսիս-հարավ ճանապարհային մի­ջանցքը» պետք է ավարտված լիներ 2017 թ. դեկտեմբերի 31-ին, բայց կատարվել է ծրագրի ընդամենը 6 տոկոսը. տնտեսագետ

13 Մարտի 2018 - 21:33
2009 թ. ստորագրված շրջանակային համաձայնագրով «Հյուսիս-հարավ ճանապարհային մի­ջանցքի ներդրումային ծրագիրը» նախատեսվում էր ավարտին հասցնել 2017 թ. դեկտեմբերի 31-ին, բայց առ այսօր կատարվել է այս ծրագրի ընդամենը 6 տոկոսը՝ կառուցվել է 31 կմ:
Այս մասին Tert.am-ի հետ զրույցում ասաց տնտեսագետ, ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը:

Տնտեսագետը ներկայացրեց «Հյուսիս-հարավ ճանապարհային միջանցքի ներդրումային ծրագրի» վերաբերյալ ՀՅԴ Բյուրոյի տնտեսական հետազոտությունների գրասենյակի կատարած ուսումնասիրությունը:

Ըստ դրա՝ 2012 թվականին հայտարարված ուսում­նասիրությունների համաձայն՝ «Հյուսիս-հարավ» 556 կմ ճանապարհային միջանցքի կառուցման ծրագի­րը գնահատվել էր 962 մլն. ԱՄՆ դոլար: Սակայն նախորդ տարվա վերջին ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը հայտարարել էր, որ վերջին հաշվարկների համաձայն՝ ներդրումային ծրագիրը կարժենա մոտ 2 մլրդ ԱՄՆ դոլար:

«Սա հարցա­կանի տակ է դնում այս ծրագրի նպատակահարմարությունը և տնտեսական արդյունավետությունը: Սա այն դեպքում, երբ Իրան-Հայաստան երկաթուղու կառուցման ռազմավարական ծրագրի համար տարբեր գնահատականներով անհրաժեշտ է մոտ 2.5-3 մլրդ ԱՄՆ դոլար»,- նշեց Սուրեն Պարսյանը:

Բացի այդ, առ այսօր Վրաստանի և ԻԻՀ-ի հետ համաձայնեցված չէ «Հյուսիս-հա­րավ» ճանապարհային միջանցքին համանման ճանապարհի կառուց­ման հարցը: Տնտեսագետը նկատեց, որ բավարար հիմ­նավորված չէ նաև, թե ինչու ներդրումային ծրագիրը սկսվեց Երևան-Արտաշատ և Երևան-Աշտարակ համեմատաբար լավ վիճակում գտնվող ճանապարհահատվածների շինա­րարությամբ:

«Տրանշ 1-ի (Երևան – Աշտարակ 11, 4 կմ, Երևան – Արտաշատ 19, 6 կմ) շրջանակներում առկա է շեղում ստորագրված վար­կային համաձայնագրի և հրապարակված փաստացի աշխատանքների միջև, մասնավորապես՝ պլանավորված էր վերակառուցել մոտավորապես 56.4 կմ (18.4 կմ + 38 կմ) ճանապարհահատված, սակայն շահագործման է հանձնվել ավելի փոքր ճանապարհահատված՝ 31 կմ (11.4 կմ + 19.6 կմ), բայց նախա­տեսվում է ծախսել վարկային համաձայնագրով հաստատված-պլանավոր­ված 70.4 մլն. ԱՄՆ դոլարը՝ շեղումը կազմում է շուրջ 45 տոկոսով: Արդյունքում՝ Տրանշ 1-ի ճանապարհահատվածում 1 կմ-ի միջինացված արժեքը կազմում է մոտ 2.3 մլն. ԱՄՆ դոլար»,- հայտնեց նա:

Սուրեն Պարսյանը նաև նկատեց, որ ավարտված Տրանշ 1-ի ճանապարհահատվածը աչքի չի ընկնում բարձ­ր որակով և արագընթացությամբ:

Նրա խոսքով՝ տնտեսապես հիմ­նավորված չէ Տրանշ 2-ի (Աշտարակ-Թալին) վերակառուցման արժեքը, մասնավորապես՝ 42 կմ ընդհանուր երկարու­թյամբ ճանապարհահատվածի վերակառուցման համար նախատեսվել է 179.6 մլն. ԱՄՆ դոլար: Այս ճանապարհահատվածի մեկ կմ միջինացված գինը կկազմի մոտ 4.3 մլն ԱՄՆ դոլար: Այն դեպքում, երբ այս հատվա­ծում թունելներ և այլ խոշոր ինժեներական կառույցներ նախատեսված չեն:

Տրանշ 2-ի շինարարական աշխատանքները պետք է ավարտվեին մինչև 2017 թվականի հունիսի 30-ը, իսկ Տրանշ 3-ը՝ մինչև 2017 թվականի դեկտեմբերի 31-ը, սակայն ՀՀ կառավարության որոշմամբ՝ հետաձգվեցին ժամկետները: Այժմ նախատեսված է Տրանշ 2-ի (Աշտարակ-Թալին) վարկային համաձայնագրի իրականացնել 2017 թվականի հունիսի 30-ից մինչև 2019-ի սեպտեմբերի 14-ը, իսկ Տրանշ 3-ը (Թալին-Գյումրի) պետք է կատարվի 2017-ի դեկտեմբերի 31-ից մինչև 2019-ի սեպտեմբերի 14-ը:

«Նախատեսված է Տրանշ 2-ը և Տրանշ 3-ը ավարտել մինչև 2019 թ. սեպտեմբեր, իսկ 4-րդ, 5-րդ տրանշերի մասով որևիցե կանխատեսում հնարավոր չէ անել, քանի որ առ այսօր չկան նախագծեր: Չնայած, դրանք պետք է ներկայացված լինեին 2017 դեկտեմբերի 31-ին: Կարծում եմ՝ ծրագիրը հնարավոր է ավարտին հասցնել, եթե նշված խնդիրները առանձին-առանձին լուծվեն: Եթե այս խնդիրները մնացին, այս ծրագիրը ավարտին չի հասցվի»,- նշեց նա:

Տրանշ 4-ի (Արտաշատ-Քաջարան 304 կմ, Քաջարան-Ագարակ 42 կմ) և Տրանշ 5-ի (Գյումրիի շրջանցիկ և Գյումրի-Բավրա շուրջ 62կմ) նախագծերը մինչև այժմ պատրաստ չլինելու պատճառով, Պարսյանի խոսքով՝ սահմանափակվել է ճանապարհամերձ հատվածների հողի սեփականատերերի տնտեսական ակտիվությունը, քանի որ վերջիններս չգիտեն, թե կոնկրետ որ հատվածով է ճանապարհն անցնելու, և ներկայումս ճանապարհամերձ հատվածներում շինարարական թույլտվությունների տրամադրման խնդիրներ են արձանագրվում:

«Այսպիսով՝ Ասիական զարգացման բանկի հետ ստորագրվել են 350 մլն. ԱՄՆ դոլարի վարկային համաձայնագրեր (տրանշներ): Դեռևս 150 մլն. ԱՄՆ դոլարի վարկային համաձայնագիր կնքված չէ՝ 4-րդ և (կամ) 5-րդ տրանշների համար: Բայց 2015 թվականի ապրիլի 1-ից ՀՀ-ն արդեն իսկ վճարում է Տրանշ 2-ով սահմանված մայր գումարի 2,5 տոկոսը: Իսկ Տրանշ 1-ի վարկային պարտավորությունների մարու­մը սկսվելու է 2018 թվականի մարտի 15-ից և ավարտվելու՝ 2041 թվակա­նի սեպտեմբերի 15-ին՝ կիսամյակը մեկ վճարելով 1 470 000 ԱՄՆ դոլար: Այսինքն՝ որքան ծրագրի իրականացումը հետաձգվում է, այնքան ծրագիրն ավելի ծախսատար է դառնում»,- ընդգծեց տնտեսագետը:

Նրա կարծիքով՝ Հյուսիս-հարավ ճանապարհային միջանցքի կառուցումը ՀՀ տնտեսության համար ռազմավարական նշանակություն ունի, և այն պետք է ավարտին հասցնել՝ հաշվի առնելով արձանագրված խնդիրները:

Tert.am
 
Նմանատիպ նորություններ
«Հյուսիս-հարավ» ծրագրի Տրանշ 2-ում իրականացվող աշխատանքի տեմպը գոհացուցիչ չէ. նախարար
26 Սեպտեմբերի 2018 - 15:35
Հյուսիս-հարավ ճանապարհային միջանցքի ներդրումային ծրագրի» Տրանշ 2-ում իրականացվող աշխատանքի տեմպը գոհացուցիչ չէ:
Մանե Ադամյանը հայկական ապրանքները ԵՄ արտահանման հարցում լաբորատորիաների վերազինման խնդիր է տեսնում
26 Սեպտեմբերի 2018 - 13:08
ՀՀ տնտեսական զարգացման և ներդրումների նախարարությունը նախատեսում է Եվրամիության հետ համագործակցության շրջանակում միջոցներ ներդնել վերազինելու ապրանքների փորձաքննության լաբորատորիաները, ինչը հնարավորություն կտա բավարարել տարատեսակ չափանիշները եվրոպական երկրներ հայկական ապրանքներ արտահանելու համար:
Կասեցվել է քաղցրավենիքի, պանրի և ջրի արտադրամասերի գործունեությունը
26 Սեպտեմբերի 2018 - 12:30
ՀՀ ԿԵ սննդամթերքի անվտագության տեսչական մարմնի կողմից «Արմսվիթ» ՍՊԸ-ի քաղցրավենիքի, շոկոլադի և Ա/Ձ Սամվել Բալոյանին պատկանող պանրի արտադրամասերում իրականացված ստուգման արդյունքում հայտնաբերվել են վտանգավոր սննդամթերքի թողարկումներ:
ՏԿՏՏ նախարարությունում ուղևորափոխադրողների հետ քննարկվել են մրցույթների ընթացակարգին վերաբերող մանրամասներ
26 Սեպտեմբերի 2018 - 11:10
ՀՀ տրանսպորտի, կապի և տեղեկատվական տեխնոլոգիաների նախարարի տեղակալ Արմեն Փամբուխչյանը սեպտեմբերի 25-ին ընդունեց միջպետական ոչ կանոնավոր ուղևորափոխադրումներ իրականացնող ընկերությունների ներկայացուցիչներին, ովքեր նախորդ օրը բողոքի ակցիա էին իրականացրել նախարարության մոտ:
Ինեկոբանկն առաջարկում է InecoMobile բջջային հավելվածը բոլորի համար
26 Սեպտեմբերի 2018 - 10:17
Հանդիսանալով տարածաշրջանի առաջատար թվային բանկերից մեկը՝ Ինեկոբանկը շարունակում է զարգացնել հեռահար բանկային ծառայությունները՝ գործարկելով նոր հնարավորություններ InecoMobile հավելվածում։
Մոտ մեկ ամսից Երևանում չի լինի ոչ մի երթուղային գիծ, գծատեր և «Գազել». Հայկ Մարության
25 Սեպտեմբերի 2018 - 16:15
Երևանի ավագանու ընտրությունների նախնական արդյունքներով նորընտիր քաղաքապետ Հայկ Մարությանը վստահեցնում է, որ մեկ ամսից Երևանում չի լինի ոչ մի երթուղային գիծ և գծատեր, չի լինի գեթ մեկ «Գազել» մակնիշի երթուղային տաքսի:
Հեռուստաաշտարակի վերանորգման պատճառով որոշ ռադիոհաճախականություններ ժամանակավոր կանջատվեն
25 Սեպտեմբերի 2018 - 15:28
ՀՀ տրանսպորտի, կապի և տեղեկատվական տեխնոլոգիաների նախարարությունը
Զարկ տալով ընտանեկան գինեգործական ավանդույթներին. նախարարն այցելել է «Ագրոմենեջմենտ» ՍՊԸ
25 Սեպտեմբերի 2018 - 12:55
Սեպտեմբերի 24-ին ՀՀ գյուղատնտեսության նախարար Արթուր Խաչատրյանը աշխատանքային այց է կատարել Էջմիածին քաղաքում հիմնված «Ագրոմենեջմենտ» ՍՊԸ, որը հիմնադրել է Մաչանյանների ընտանիքը՝ վերածնելով ընտանեկան գինեգործության ավանդույթները։
Գյուղատնտեսական հարցերի մասին բարձրաձայնում են շահագրիգռ անձիք. հանդիպում է եղել նաև գյուղատնտեսության նախարարի հետ
25 Սեպտեմբերի 2018 - 12:27
Հայաստանի 4 մարզում՝ Արմավիրում, Գեղարքունիքում, Վայոց ձորում և Շիրակում օգոստոսի 21-ից մինչև սեպտեմբերի 11-ն ընկած ժամանակահատվածում տեղի են ունեցել Town Hall ձևաչափով աշխատաժողովներ, որոնց նպատակն էր վերհանել գյուղատնտեսության ոլորտի հիմնահարցերը:
1 | 2 | 3 | 4 | 5 | 6 | 7 | 8 | 712
 
Լրահոս`