Facebook   Twitter
 
Չեխիայի և Վրաստանի նախագահներն Արմեն Սարգսյանին շնորհավորել են ՀՀ Նախագահի պաշտոնում ընտրվելու կապակցությամբ

Չեխիայի և Վրաստանի նախագահներն Արմեն Սարգսյանին շնորհավորել են ՀՀ Նախագահի պաշտոնում ընտրվելու կապակցությամբ

13 Մարտի 2018 - 22:26
ՀՀ Նախագահի պաշտոնում ընտրվելու կապակցությամբ Արմեն Սարգսյանին շնորհավորական ուղերձ են հղել Վրաստանի Հանրապետության նախագահ Գիորգի Մարգվելաշվիլին. Չեխիայի Հանրապետության նախագահ Միլոշ Զեմանը և ՄԱԿ-ի փախստականների հարցերով Գերագույն հանձնակատար Ֆիլիպպո Գրանդին:
Այս մասին տեղեկացրին Արմեն Սարգսյանի գրասենյակից։

Վրաստանի նախագահ Գիորգի Մարգվելաշվիլիի ուղերձում մասնավորապես ասված է.

«Ցանկանում եմ սրտանց շնորհավորել Ձեզ Հայաստանի Հանրապետության Նախագահ ընտրվելու կապակցությամբ և հաջողություններ մաղթել Ձեր գործունեության մեջ:

Ուրախ եմ, որ վերջին ժամանակահատվածում Վրաստանի և Հայաստանի Հանրապետությունների միջև երկկողմ հարաբերությունները զգալիորեն զարգացել են, և դրականորեն նպաստել են մեր ժողովուրդների բարեկամական շփումների ամրապնդմանը: Ես հավատում եմ, որ մեր երկրների միջև դարերի շարունակ ձեւավորված բարեկամական հարաբերությունները ապագայում ևս ավելի կզարգանան՝ ի բարօրություն մեր ժողովուրդների»:

Չեխիայի Հանրապետության նախագահ Միլոշ Զեմանի ուղերձում մասնավորապես ասված է.

«Հայաստանը Չեխիայի Հանրապետության համար ավանդական կարևոր գործընկեր է և դաշնակից։ Նախարարությունների և խորհրդարանների ներկայացուցիչների բազմաթիվ հանդիպումների, տնտեսական համագործակցության հարցերով չեխ-հայկական միջկառավարական հանձնաժողովի պարբերական նիստերի, բարձրագույն մակարդակով փոխայցելությունների շնորհիվ՝ վերջին ամիսներին և տարիներին արձանագրել ենք երկկողմ երկխոսության հզորացում։ Ինքս երախտագիտությամբ հիշում եմ իմ վերջին պետական այցը Հայաստան 2016 թվականի հունիսին։

Հայաստանը կարևոր գործընկեր է նաեւ բազմակողմ հարթակներում։ Նոր համաձայնագրի շնորհիվ կարող ենք ավելի ընդլայնել գործակցությունը Հայաստանի և ԵՄ միջև։ Հեռանկարներ կան նաև Արևելյան գործընկերության (որի նախաձեռնողներից մեկն է ՉՀ-ն) շրջանակներում գործակցության առումով։ Մենք այն ընկալում ենք որպես խոստումնալից և չափազանց օգտակար ձևաչափ մեր հարևանության ամենամտերիմ գործընկերների հետ հարաբերությունների զարգացման համար»։

Արմեն Սարգսյանին շնորհավորել են նաեւ ՄԱԿ-ի փախստականների հարցերով Գերագույն հանձնակատար Ֆիլիպպո Գրանդին, տարբեր երկրների քաղաքական գործիչներ, գործարարներ, գիտական, կրթական հաստատությունների ղեկավարներ, հայոց թեմերի առաջնորդներ:

HayNews.am
 
Նմանատիպ նորություններ
Արմեն Սարգսյանը հարցազրույց է տվել հնդկական WION TV-ին
14 Դեկտեմբերի 2018 - 18:43
Հանրապետության նախագահ Արմեն Սարգսյանը հնդկական WION TV (World Is One News) լրատվական հեռուստաալիքին տված հարցազրույցում խոսել է հայ-հնդկական փոխգործակցության օրակարգի, համաշխարհային մարտահրավերների, գլոբալ տնտեսական զարգացման միտումների, աշխարհաքաղաքական վերափոխումների և այլ հարցերի շուրջ:
Տիգրան Ավինյանն ընդունել է լեհական «Փոլ-Մոտ» հոլդինգի պատվիրակությանը
14 Դեկտեմբերի 2018 - 18:25
Դեկտեմբերի 14-ին ՀՀ փոխվարչապետի պաշտոնակատար Տիգրան Ավինյանն ընդունեց լեհական «Փոլ-Մոտ» հոլդինգի պատվիրակությանը հոլդինգի փոխտնօրեն Մառեկ Փոլի գլխավորությամբ:
ԼՂ համակարտության կարգավորումը պահանջում է բոլոր կողմերի ջանքերը. Փաշինյան
14 Դեկտեմբերի 2018 - 18:19
ԼՂ հակամարտության խաղաղ կարգավորումը մեզ համար շարունակում է լինել գլխավոր առաջնահերթություն։ Այս մասին իր թվիթերյան էջում գրել է վարչապետի պաշտոնակատար Նիկոլ Փաշինյանը։
Արտակ Զեյնալյանն այցելել է «Երևան-Կենտրոն» քրեակատարողական հիմնարկ
14 Դեկտեմբերի 2018 - 18:14
ՀՀ արդարադատության նախարարի պաշտոնակատար Արտակ Զեյնալյանն այսօր այցելել է «Երևան-Կենտրոն» քրեակատարողական հիմնարկ:
Ռոբերտ Քոչարյանի պաշտպանները կալանքի որոշումը կբողոքարկի. օրակարգում է նաեւ ՍԴ եւ ՄԻԵԴ դիմելու հնարավորությունը
14 Դեկտեմբերի 2018 - 17:22
ՀՀ երկրորդ նախագահ Ռոբերտ Քոչարյանի պաշտպանները ստացել են նրա նկատմամբ ընտրված խափանման միջոց կալանավորման վերաբերյալ Վերաքննիչ դատարանի դեկտեմբերի 7-ի որոշումը:
Արմեն Գևորգյանը պատմել է, թե ինչու դատարանը չի կալանավորել իրեն (տեսանյութ)
14 Դեկտեմբերի 2018 - 16:52
«Դատարանում իմ հայտարարությունը եղել այն մասին, որ ես փորձել եմ ներկայացնել իմ անցած ճանապարհը, ինչով եմ զբաղված եղել վերջին 20 տարիներին ՀՀ-ում՝ վերադառնալով Ռուսաստանից, ինչ սկզբունքներով եմ կազմակերպել իմ աշխատանքը պետական համակարգում, իմ կարծիքով՝ ինչ օգուտ բերել մեր պետությանը: Խնդրել եմ դատարանին հաշվի առնել մի քանի հանգամանքներ, որոնք ըստ ինձ կալանավորման համար հիմք չպետք է հանդիսանան»,- այսօր լրագրողների հետ ճեպազրույցում ասաց նախկին փոխվարչապետ Արմեն Գևորգյանը:
«Հայերին էլ եմ առաջարկել, հրաժարվեցին՝ ասելով, որ «Իսկանդեր» ունեն». Լուկաշենկոն պատասխանել է Ադրբեջանին զենք վաճառելու վերաբերյալ քննադատություններին
14 Դեկտեմբերի 2018 - 16:47
Բելառուսի նախագահ Ալեքսանդր Լուկաշենկոն ռուս լրագրողների հետ հանդիպման շրջանակում պատասխանել է Բելառուսի հասցեին հնչած այն քննադատություններին, որոնք կապված են Ադրբեջանին զենք, մասնավորապես՝ բելառուսական «Պոլոնեզ» համազարկային կրակի ռեակտիվ համակարգեր վաճառելու հետ:
ՀՀԿ-ի վարկանիշը 0%-ից հասել է 4,7 %-ի, և սա խոսում է այն մասին, որ ՀՀԿ-ն կենսունակ է. Խոսրով Հարությունյան
14 Դեկտեմբերի 2018 - 16:20
ՀՀԿ-ի վարկանիշը 0%-ից հասել է 4,7 տոկոսի, և սա խոսում է այն մասին, որ ՀՀԿ-ն կենսունակ է. այսօր հրավիրված ասուլին նման տեսակետ հայտնեց ՀՀԿ արդեն նախկին պատգամավոր Խոսրով Հարությունյանը:
Սերժ Սարգսյանը հրաժարվել է հանձնել շրջանները. Լուկաշենկո
14 Դեկտեմբերի 2018 - 16:17
Բելառուսի նախագահ Ալեքսանդր Լուկաշենկոն ռուսաստանցի լրագրողների հետ հանդիպման ժամանակ պատմել է Լեռնային Ղարաբաղի խնդրի կարգավորման հարցում Ռուսաստանի եւ Բելառուսի մասնակցության վերաբերյալ ավելի վաղ բարձրաձայնված առաջարկների մասին, հաղորդում է «Բելտա»-ն:
1 | 2 | 3 | 4 | 5 | 6 | 7 | 8 | 4968
 
Լրահոս`