Facebook   Twitter
 
Անդմահատման հինգ ամենատարածված պատճառները մեկնաբանում է անոթաբանը

Անդմահատման հինգ ամենատարածված պատճառները մեկնաբանում է անոթաբանը

13 Մարտի 2018 - 23:11
Գոյություն ունեն մի շարք հիվանդություններ, որոնք բերում են վերջույթների տարբեր հյուսվածքների սուր կամ քրոնիկ ընթացքով ախտահարումների և ոչ սակավաթիվ դեպքերում նաև անդամահատումների։
HayNews.am-ը նշյալ հիվանդությունների մասին զրուցել է Վլ. Ավագյանի անվան ԲԿ Անոթային և լազերային վիրաբուժության բաժանմունքի վարիչ, բ.գ.թ. Տիգրան Քամալյանի հետ:

«Անդամահատումների հիմնական պատճառներից են զարկերակային հիվանդությունները»,- ասաց անոթաբանն ու մանրամասնեց. «Վերջույթների զարկերակների սուր թրոմբոզները կամ քրոնիկական խցանումները բերում են հյուսվածքների թերսնուցման՝ իշեմիայի զարգացման, մեռուկացման և հանդիսանում են անդամահատումների ամենահաճախ հանդիպող պատճառը»։

Ամենատարածված զարկերակային հիվանդությունները, որոնք բերում են տարածուն խցանման, Տիգրան Քամալյանի խոսքով, դա աթերոսկլերոզն է և խցանող թրոմբանգիիտը կամ Բյուրգերի հիվանդությունը։ «Նույնիսկ ժամանակին կատարված բուժական միջոցառումները հաճախ բավարար չափով արդյունավետ չեն լինում վերջույթը փրկելու համար»,- ասաց բժիշկը:

Հաջորդ պատաճառներից, ըստ մասնագետի, շաքարային դիաբետը, դիաբետիկ անգիոպաթիան և դիաբետիկ ոտնաթաթն են: «Շաքարային դիաբետի ժամանակ հիմնականում վնասվում են ծայրամասային փոքր տրամաչափի զարկերակները, որոնք աստիճանաբար խցանվում են և բերում վերջույթի տարբեր աստիճանի թերսնուցման զարգացման»,- ընդգծեց Տիգրան Քամալյանը և ավելացրեց, որ դիաբետիկ ոտնաթաթը հավաքական հասկացություն է՝ ներառում է անոթների, ներվերի ախտահարումները, ոտնաթաթի հենաշարժիչ համակարգի ախտահարումները, հաճախ ուղեկցվում է վերքերի առկայությամբ և տրածուն ինֆեկցիայի զարգացմամբ, ինչը հաճախ ավարտվում է անդամահատումով։

Անդամահատման պատճառ կարող են դառնալ նաև երակային և լիմֆատիկ համակարգի հիվանդությունները: «Երբեմն, երբ առկա է խիստ արտահայտված քրոնիկական երակային անբավարարություն, վերջույթի զգալի մակերեսը ընդգրկող, տարածուն, երկարատև չլավացող տրոֆիկական խոցերով, առավել ևս եթե այդ խոցերում նկատվում է չարորակացման հակում, անհրաժեշտություն է առաջանում գնալ անդամահատման»,- ասաց զրուցակիցս և շարունակեց. «Նմանատիպ ցուցումներ են դրվում նաև լիմֆոստազի խիստ բարդացած ձևերի, արտահայտված փղախտի դեպքերում, երբ առկա է վերջույթի տարածուն ախտահարումներ, խոցեր, ինֆեկցիա։ Սակայն բժշկի փաստմամբ՝ երակային և լիմֆատիկ համակարգի հիվանդությունների պատճառով անդամահատումների դեպքերը սակավաթիվ են։

Չարորակ նորագոյացությունները ևս անդամահատման պատճառ կարող են դառնալ: «Վերջույթների շրջանում զարգացող չարորակ նորագոյացությունները, որոնք հաճախ լինում են ոսկրային ծագման կամ փափուկ հյուսվածքներից զարգացող սարկոմաներ, ուշ են հայտնաբերվում, ունենում են խիստ չաորարկ ընթացք և հաճախ ախտորոշման ժամանակ ներաճած են լինում դեպի հարակից հյուսվածքները, ինչպես նաև մետաստազներ են հայտնաբերվում ավելի հեռակա հյուսվածքներում ու օրգաններում»,- նշեց Տիգրան Քմալյանն ու ընդգծեց, որ վերոնշյալը հիմնականում այլընտրանք չի թողնում, քան հնարավորինս արագ վերջույթի անդամահատում կատարելը առողջ հյուսվածքների սահմանում։

Անդամահատման վերջին, առավել հաճախ հանդիպող պատճառն անոթաբանը վնասվածքները նշեց: «Տարբեր պայմաններում ստացած բարդ վնասվածքները կարող են բերել վերջույթների լրիվ կամ մասնակի պոկման և պատճառ դառնալ անդամահատումների»,- նկատեց մասնագետը և ամփոփեց.

«Անդամահատման բերող վնասվածքների շարքում կարևոր է նշել նաև մեծ մակերեսով ցրտահարություններն ու այրվածքները, որոնք բերում են հյուսվածքների տարածուն մեռուկացման և ածխացման առաջացման, որոնք ենթակա չեն վերականգնման»։

Տաթև Առաքելյան
 
Նմանատիպ նորություններ
ՈւԵՖԱ-ն կարող է կրճատել Եվրոպա լիգայի մասնակիցների թիվը
24 Սեպտեմբերի 2018 - 16:58
Եվրոպական ակումբների ասոցիացիայի և «Յուվենտուսի» նախագահ Անդրեա Անիելին հաստատել է, որ աշխատանքներ են տարվում եվրոպական ակումբային երրորդ մրցաշար ստեղծելու ուղղությամբ:
«Լույս» դաշինքը մասնակցելու է արտահերթ խորհրդարանական ընտրություններին
24 Սեպտեմբերի 2018 - 16:53
Հստակ պահանջվում է, որ արտահերթ խորհրդարանական ընտրությունները շուտափույթ կերպով կազմակերպվեն: Այս մասին այսօր հրավիրված մամուլի ասուլիսի ժամանակ ասաց Երևանի ավագանու «Լույս» դաշինքի անդամ Անի Սամսոնյանը:
«Ռեֆորմիստների» կուսակցությունը շնորհավորում է երևանցիներին իրենց առաջին արդար և անկախ ընտրությունների կապակցությամբ
24 Սեպտեմբերի 2018 - 16:49
Ռեֆորմիստների կուսակցությունը շնորհավորում է բոլոր երևանցիներին նորագույն պատմության մեջ քաղաքապետի` իրենց առաջին արդար և անկախ ընտրությունների կապակցությամբ:
Արցախի պողոտայի թիվ 32 հասցեում՝ երկաթգծի «Դեպո»-ի տարածքում, օձ է հայտնաբերվել
24 Սեպտեմբերի 2018 - 16:39
Սեպտեմբերի 24-ին, ժամը 13:34-ին «911» ծառայությանն ահազանգ է ստացվել, որ Երևան քաղաքի Արցախի պողոտայի թիվ 32 հասցեում՝ երկաթգծի Դեպո-ի տարածքում, օձ են բռնել, որին անվտանգ տարածք տեղափոխելու համար անհրաժեշտ է փրկարարների օգնությունը: Այս մասին տեղեկացնում են ԱԻՆ-ից:
Ավարտվեց սփյուռքի նախարար Մխիթար Հայրապետյանի աշխատանքային այցը Լիբանան
24 Սեպտեմբերի 2018 - 16:33
Սեպտեմբերի 24-ին սփյուռքի նախարար Մխիթար Հայրապետյանը Լիբանան կատարած աշխատանքային այցի շրջանակներում այցելեց Ազգային միացյալ վարժարան, որտեղ հանդիպումներ ունեցավ Լիբանանի հայոց թեմի առաջնորդ Նարեկ Արք. Ալեէմէզեանի, վարժարանի խորհրդի կազմի՝ դոկտոր Էլի Թաշճյանի, Նելլի Վեքիլյանի և Գրիգոր Էքմեջյանի հետ:
ԲՀԿ պատգամավոր Արթուր Մանուկյանին ուղեկցող անձը խանգարել է լրագրողի նկարահանմանը. ԽԱՊԿ
24 Սեպտեմբերի 2018 - 16:27
Սեպտեմբերի 23-ին՝ Երեւանի ավագանու արտահերթ ընտրությունների օրը, թիվ 8/05 ընտրատեղամասում տարածքային հանձնաժողովի նախագահ Նորիկ Երանյանը հարվածել է «1in.am» լրատվական կայքի լրագրող Դիանա Դավթյանի ձեռքին՝ ասելով «միկրոֆոնդ էն կողմ տար»։ Այս մասին հաղորդագրություն է տարածել Խոսքի ազատության պաշտպանության կոմիտեն:
Ընտրությունները տեղի են ունեցել ազատ ու արդար պայմաններում. ՀՅԴ
24 Սեպտեմբերի 2018 - 16:21
Հայ Յեղափողական Դաշնակցության Գերագույն մարմինը հայտարարություն է տարածել Երևանի ավագանու արտահերթ ընտրությունների վերաբերյալ:
Կադրային ջարդ չի լինելու. Վահան Կոստանյան
24 Սեպտեմբերի 2018 - 16:14
Այսօր հրավիրված ասուլիսի ժամանակ «Իմ քայլը» դաշինքի ներկայացուցիչ, ՔՊ խոսնակ Վահան Կոստանյանին հարց է ուղղվել, թե արդյոք շարունակելու է պաշտոնավարել Կամո Արեյանը:
Հայկոն Երևանի 40% ի քաղաքապետ է
24 Սեպտեմբերի 2018 - 16:11
Հայկոն Երևանի 40% ի քաղաքապետ է։ 870 հազար բնակչից մասնակցել է ընտրություններին ընդամենը 370 հազարը՝ որոնց 10 տոկոսը մահացածներ ու երկրից բացակայողներ։
1 | 2 | 3 | 4 | 5 | 6 | 7 | 8 | 13395
 
Լրահոս`
 
 
 
 
 
 
 
 
 
 
 
 
 
Մոսկովյան մարաթոն-2018 (Տեսանյութ)
Միջազգային, Հասարակություն, Տեսանյութեր