Facebook   Twitter
 
Ապրիլի 9-ից կփոխվի Հանրապետության Նախագահի նստավայրը, փոփոխություններ կլինեն աշխատակազմի կառուցվածքի և հաստիքացուցակի մասով. Արմեն Գևորգյանի պարզաբանումները

Ապրիլի 9-ից կփոխվի Հանրապետության Նախագահի նստավայրը, փոփոխություններ կլինեն աշխատակազմի կառուցվածքի և հաստիքացուցակի մասով. Արմեն Գևորգյանի պարզաբանումները

14 Մարտի 2018 - 20:56
ՀՀ նախագահի աշխատակազմի ղեկավար Արմեն Գևորգյանն «Առավոտի» հետ հարցազրույցում պարզաբանումներ է արել ՀՀ ապագա վարչապետի աշխատակազմի կառուցվածքի և հաստիքների վերաբերյալ:
-Պարո´ն Գևորգյան, Հայաստանի Սահմանադրության փոփոխություններով պայմանավորված՝ առաջիկայում նախատեսված կառուցվածքային փոփոխությունների համատեքստում, ի՞նչ փոփոխություններ են սպասվում Հանրապետության նախագահի աշխատակազմում, բացի նստավայրի փոփոխությունից:

-Այո, հիմնական փոփոխությունը, որ վերաբերել է ՀՀ նախագահի աշխատակազմին, նստավայրի փոփոխությունն է: Ազգային ժողովի կողմից համապատասխան օրենքն ընդունվելուց հետո Հանրապետության նախագահը ապրիլի 9-ից սկսած կաշխատի Մաշտոցի 47 հասցեում գտնվող վարչական շենքում: Այդ համալիրը և՛ խորհրդային տարիներին, և՛ Հայաստանի անկախության տարիներին մշտապես ծառայել է որպես պետական և ներկայացուցչական միջոցառումների վայր:

Ըստ էության՝ այն ծառայել է նաև որպես վարչական շենք: Այսօր այնտեղ որոշակի փոփոխություններ են կատարվում անհրաժեշտ աշխատանքային պայմաններ ապահովելու համար:

Ինչ վերաբերում է բուն աշխատակազմին, ապա հիմնական փոփոխություններն իրականացվելու են աշխատակազմի կառուցվածքի և հաստիքացուցակի մասով: Առաջարկվում է, որ ՀՀ նախագահի աշխատակազմի հաստիքային միավորների թիվը չգերազանցի 155-ը: Ապագա կառուցվածքից բացակայելու են որոշ ստորաբաժանումներ՝ պայմանավորված նոր Սահմանադրությամբ նախատեսված՝ նախագահի լիազորությունների փոփոխությամբ: Մասնավորապես, ապագա աշխատակազմում բացակայելու են այնպիսի ստորաբաժանումներ, ինչպիսիք են վերահսկողական ծառայությունը, Ազգային անվտանգության խորհրդի քարտուղարությունը, Հանրային խորհրդի գրասենյակը: Ըստ էության՝ աշխատակազմի կառուցվածքն ամբողջովին համապատասխանեցվելու է ապրիլի 9-ից լիովին ուժի մեջ մտնող ՀՀ Սահմանադրության պահանջներին: Միաժամանակ, կստեղծվեն բոլոր անհրաժեշտ պայմանները, որ Հանրապետության նախագահը իրականացնի պետության գլխի գործառույթները, ինչպես նաև Սահմանադրությամբ իրեն լիազորված այլ գործառույթներ:

-ԱԺ-ում 2018թ. բյուջեի նախագծի քննարկման ժամանակ, Դուք, ընդհանուր առմամբ, ներկայացրել եք նախագահի աշխատակազմում և կառավարության աշխատակազմում նախատեսվող բարեփոխումների արդյունքում հաստիքների փոփոխության վերաբերյալ տեղեկատվություն: Այժմ այդ հաստիքային միավորները ամրագրված են օրենքով, կարո՞ղ եք ներկայացնել` ի՞նչ տրամաբանությամբ են ձևավորվել այդ թվերը:

-Ազգային ժողովում 2018 թվականի ՀՀ պետական բյուջեի նախագծի քննարկման ժամանակ ես տեղեկացրի, որ այդ պահի դրությամբ դեռևս շարունակվում են ՀՀ նախագահի և կառավարության աշխատակազմերի կառուցվածքների և հաստիքների վերաբերյալ քննարկումները: Այսօր, երբ Ազգային ժողով են ներկայացվել համապատասխան օրենքների նախագծերը, կարող եմ տեղեկացնել, որ դրանցում արտացոլված լուծումները բխել են հետևյալ մոտեցումներից՝

1) ձևավորվում է նոր պետական կառույց՝ ՀՀ վարչապետի աշխատակազմ, ինչը ենթադրում է, որ կառավարության աշխատակազմը լուծարվելու է, այսինքն` լինելու է մեկ վարչական կառույց, որը սպասարկելու է վարչապետին, առաջին փոխվարչապետին, փոխվարչապետներին և ընդհանուր առմամբ՝ կառավարությանը, որպես կոլեգիալ մարմնի: Մամուլում հանդիպել եմ այս թեմայի վերաբերյալ տարբեր մեկնաբանությունների: Ուզում եմ խորհուրդ տալ դրանց հեղինակներին՝ կարդալու «Կառավարության կառուցվածքի և գործունեության մասին» ՀՀ օրենքի անցումային դրույթները, որտեղ իմ նշած մոտեցումները հստակ ամրագրված են,

2) ՀՀ նախագահի աշխատակազմի և վարչապետի աշխատակազմի հաստիքների (155 + 600) սահմանման հիմքում ընկած են հետևյալ մոտեցումները՝

– ՀՀ նախագահի աշխատակազմի հաստիքների առավելագույն թիվը 2016 թվականին եղել է 411, այնուհետև իմ առաջարկությամբ 2 անգամ ՀՀ նախագահը կրճատել է այն՝ հասցնելով 330-ի` նպատակ ունենալով այդ անցումային ժամանակաշրջանում ավելի արդյունավետ օգտագործել պետական միջոցները,

– կառավարության աշխատակազմի հաստիքների թիվը կազմում է 298, այսինքն՝ 411 + 298 = 709,

– բացի այդ, եթե նկատել եք, վերոհիշյալ օրենքի նախագծով նախարարությունների թիվը 18-ից դարձել է 17` կրճատվել է միջազգային տնտեսական ինտեգրման և բարեփոխումների նախարարությունը, որտեղ հաստիքների թիվը այսօր 37 է: Միաժամանակ, քաղաքացիական ծառայության բարեփոխումների արդյունքում լուծարվելու է Քաղաքացիական ծառայության խորհուրդը և նրան սպասարկող աշխատակազմը՝ 7 + 70 հաստիքներով,

– վերջին երկու հանգամանքները կարևոր են այն իմաստով, որ չնայած լուծարվում են պետական կառույցներ, այդուհանդերձ, այդ գործառույթները փոփոխված ծավալով և լիազորություններով իրականացվելու է վարչապետի աշխատակազմի կողմից, այսինքն, եթե հանրագումարի բերենք այսօրվա գործող 411 + 298 + 37 + 77 = 823 հաստիքների թիվը, ապա փոփոխությունից հետո գործելու է 755-ը՝ 68-ով պակաս:

-Ի՞նչ տարբերություններ են լինելու այսօրվա կառավարության աշխատակազմի և ձևավորվելիք վարչապետի աշխատակազմի միջև:

-Վարչապետի աշխատակազմի մասին խոսելիս պետք է հաշվի առնել այն հանգամանքը, որ իմ արտահայտած բոլոր մտքերը կրում են խիստ նախնական և փորձագիտական կարծիք արտահայտող բնույթ, քանի որ այդ հարցերը առավել որոշակի կդառնան, երբ վարչապետը հաստատի իր աշխատակազմի կանոնադրությունը և կառուցվածքը:

Այնուամենայնիվ, նախնական ուսումնասիրությունների և քննարկումների արդյունքում կարող եմ ասել, որ վարչապետի աշխատակազմն ունենալու է այնպիսի կառուցվածք, որը թույլ է տալու սպասարկել ոչ միայն վարչապետի ամենօրյա աշխատանքը, այլև համապատասխան փոխվարչապետների աշխատանքը: Վերջիններիս սպասարկման համար ստեղծվելու են համապատասխան գրասենյակներ:

Վարչապետի աշխատակազմում ստեղծվելու է գրասենյակ, որն իրականացնելու է քաղաքացիական ծառայության օրենսդրությամբ կառավարությանը և համակարգող փոխվարչապետին վերապահված լիազորությունները:

Լինելու են ստորաբաժանումներ, որոնք զբաղվելու են տեսչական մարմինների բարեփոխումների, միջազգային տնտեսական ինտեգրման հարցերով:

Ուժեղացվելու են հեռանկարային վերլուծական գործառույթները, բացի այդ` շարունակելու են գործել բոլոր այն ստորաբաժանումները, որոնք ավանդաբար կատարել են որոշակի գործառույթներ:

HayNews.am
 
Նմանատիպ նորություններ
ՊԵԿ-ի աստղաբաշխական պարգևատրումները. 9 մլն. 60 000 դրամից մինչև 1 մլն 574 000 դրամ
24 Հունվարի 2019 - 10:27
Պարգևատրումների աղմկահարույց թեման նոր թափ է հավաքում։ Մեզ հասած տեղեկատվության համաձայն՝ Պետական եկամուտների կոմիտեում շարքային աշխատակիցների շրջանում լուրջ դժգոհությունների ալիք է բարձրացրել ՊԵԿ ղեկավարության դեկտեմբերին ստացած պարգևատրումները։ Այս մասին գրում է yerevan.today-ը:
2015-ին մահացած դատապարտյալի գործով վարույթն իրականացնող մարմինը գործողություններ է իրականացնում միայն տուժող կողմի միջնորդելուց հետո. ՀՔԱ
24 Հունվարի 2019 - 10:23
2015թ. ապրիլին «Նուբարաշեն» ՔԿՀ-ում ինքնավնասում կատարելու հետևանքով հիվանդանոցում մահացած դատապարտյալ Սերոբ Գևորգյանի իրավահաջորդի ներկայացուցիչ, ՀՔԱ Վանաձորի գրասենյակի փաստաբան Ա. Զալյանը 2019թ. հունվարի 10-ին հերթական միջնորդությունն է ներկայացրել վարույթն իրականացնող մարմնին:
Հարկադիր կատարման ծառայությունը տնտեսել և բյուջե է վերադարձրել ավելի քան 26 մլն դրամ, նյութական խրախուսման համակարգի զարգացման միջոցներից տնտեսել է 230 մլն դրամ. Ա. Զեյնալյան
24 Հունվարի 2019 - 10:14
Հարկադիր կատարումն ապահովող ծառայությունը 2018թ պետական բյուջեով հատկացված գումարից տնտեսել է 26 մլն 173 հազար դրամ և վերադարձրել է ՀՀ պետական բյուջե, իսկ նյութական խրախուսման և համակարգի զարգացման ֆոնդի միջոցներից տնտեսել է 230 մլն 131 հազար 779 դրամ:
Գահից հրաժարվելուց հետո Մալայզիայի թագավորն ամուսնալուծվում է «Միսս Մոսկվա»-ից
24 Հունվարի 2019 - 10:13
Գահից հրաժարված Մալայզիայի թագավոր Մուհամադ V-ն ամուսնալուծվում է «Միսս Մոսկվա-2015» մրցույթի հաղթողից՝ Օքսանա Վոևոդինայից:
ԱՄՆ-ում բյուջետային ճգնաժամը կարող է մինչև գարուն շարունակվել
24 Հունվարի 2019 - 10:07
ԱՄՆ-ի կառավարությունում աղբյուրները չեն բացառում, որ «շաթդաուն»-ը կարող է շարունակվել մինչև 2019-ի ապրիլ, գրում է The Washington Post-ը:
«Հրապարակ». Ընդդեմ խաղային բիզնեսի. իշխող ուժն առաջիկայում հերթական «ցավոտ» նախաձեռ­նությամբ հանդես կգա
24 Հունվարի 2019 - 10:05
«Իշխող ուժն առաջիկայում հերթական «ցավոտ» նախաձեռ­նությամբ հանդես կգա. քայլն ուղղված է շահումով խաղերի և բուքմեյբերական ընկերությունների դեմ:
ՀՀ տարածքում կան դժվարանցանելի և փակ ավտոճանապարհներ
24 Հունվարի 2019 - 09:55
Արտակարգ իրավիճակների նախարարությունը տեղեկացնում է, որ հունվարի 24-ին՝ ժամը 08:00-ի դրությամբ ՀՀ տարածքում կան դժվարանցանելի և փակ ավտոճանապարհներ:
«Հրապարակ». Երբ վատ ապրող մարդուն ասում ես՝ դու ես իշխանությունը, պետք է պատրաստ լինես հաշվի նստել նրա հետ ամեն անգամ «պրեմիա» գրելիս
24 Հունվարի 2019 - 09:54
«Իրավացի են նրանք, ովքեր վրդովվում են վերջին օրերին ծագած աղմուկից՝ տարեվերջյան պարգևատրումների հետ կապված:
«Ժողովուրդ». Գարիկ Սարգսյանի խորհրդականը պարգեւատրվել է մարզպետին ներքաղաքական խորհուրդներ տալու համար
24 Հունվարի 2019 - 09:52
«Ժողովուրդ» թերթը գրում է․ «Արարատի մարզպետ Գարիկ Սարգսյանը մարզպետարանի աշխատողներին, այդ թվում` իրեն, պարգեւատրումներ է արել` խախտելով օրենքով սահմանված դրույքաչափը: Պարգեւատրվողների ցանկում եղել է նաեւ մարզպետի խորհրդական Արմենակ Բաղիրյանը:
1 | 2 | 3 | 4 | 5 | 6 | 7 | 8 | 16492
 
Լրահոս`