Facebook   Twitter
 
«Հայկական միրգ»-ը կլուծարեն

«Հայկական միրգ»-ը կլուծարեն

14 Ապրիլի 2018 - 10:44
«Փաստ» օրաթերթը գրում է. «Գյուղատնտեսության նախարարությունը որոշել է լուծարել «Հայկական միրգ» ընկերությունը՝ նպատակ ունենալով ապահովել ծրագրի շրջանակներում ընկերության ձեռքբերումների պահպանումը և ֆինանսական միջոցների կորուստների նվազեցումը:
«Հայկական միրգ» բաց բաժնետիրական ընկերությունը հիմնադրվել է 2011 թ. կառավարության որոշմամբ: Ընկերությունը ստեղծվել է Հայաստանի Հանրապետության և Գյուղատնտեսության զարգացման միջազգային հիմնադրամի (ԳԶՄՀ) միջև ստորագրված Ֆինանսավորման համաձայնագրի շրջանակներում` իրականացնելու Գյուղական կարողությունների ստեղծման ծրագրի «Հայկական միրգ» ենթաբաղադրիչը:

Սակայն այսօր կառավարությունը, գնահատելով ՀՄ բաղադրիչի արդյունքները, ձեռքբերումները և առաջընթացը, եկել է վերջնական եզրակացության, որ ընկերությունը չի կարող կայուն լինել այն ձևով, որով նախագծված է և իրականացվում է, ինչպես նաև հավելյալ ռեսուրսների տրամադրումը գոյություն ունեցող ծրագրին կլինի ֆինանսական միջոցների ուղղակի վատնում:

Բաղադրիչի վերակառուցման պլանը քննարկվել էր ԳԶՄՀ–ի վերջին առաքելության ժամանակ և առաջարկվել է «Հայկական միրգ» ընկերության լուծարումը:

«Հայկական միրգ» ընկերության կողմից իրականացվող ծրագրի հիմնական նպատակն է` կորիզավոր (դեղձենի, ծիրանենի, սալորենի, նեկտարին) պտղատեսակների և ընկուզենու արտադրության արդյունավետ կազմակերպման և արժեշղթայի բարելավման ճանապարհով հասնել անապահով մանրածավալ հողատերերի եկամուտների ավելացմանը: Դրան հասնելու համար նախատեսվում է հանրապետության Տավուշի, Վայոց ձորի և Արագածոտնի մարզերում 306 հա–ի վրա հիմնել ինտենսիվ տիպի, ցածրաճ պտղատու այգիներ՝ ապահովելով առաջավոր ագրոտեխնիկայի կիրառումը և ժամանակակից առաջատար տեխնոլոգիաների ներդրումը, ինչպիսիք են` կաթիլային ոռոգման համակարգեր, հակակարկտային ցանցեր, ժամանակակից բարձր արդյունավետ և տարբեր հասունացման ժամկետներ ունեցող սորտեր:

Ընկերության բաժնետոմսերի 100%–ի սեփականատերը հանդիսանում է կառավարությունը: «Հայկական միրգ»–ի լիազոր մարմինն է ՀՀ գյուղատնտեսության նախարարությունը: Ընկերության գործունեությունը կառավարվում է ՀՀ գյուղատնտեսության նախարարի հրամանով ստեղծված տնօրենների խորհրդի կողմից:

Այժմ բաղադրիչի շրջանակներում 87,32 հա պտղատու այգիներ են հիմնվել Հայաստանի 3 մարզերում: «Հայկական միրգ» ընկերությունը հիմնել է նաև տնկարան 15 հա հողատարածքի վրա Արմավիրի մարզում, Էջմիածնում:

Քանի որ ծրագիրը ներառում է 2 տարբեր գործունեություն՝ պտղատու այգիների հիմնման ու խնամքի աշխատանքներ և ժամանակակից տնկարանի զարգացում, կառավարությունն առաջարկում է առանձնացնել այս գործողությունները և սկսել սեփականաշնորհման գործընթացը, որը նախատեսվել էր ծրագրի ընդհանուր գաղափարի շրջանակներում»:

Առավել մանրամասն՝ թերթի այսօրվա համարում


HayNews.am
 
Նմանատիպ նորություններ
«Երբեք չեմ եղել, չկամ ու չեմ էլ լինի որեւէ կուսակցության ներկայացուցիչ». Մկոն հերքում է, թե սատարում է ՀՀԿ-ին
21 Ապրիլի 2018 - 19:29
Ի թիվս այլ արտիստների՝ հայաստայան ցույցերին անդրադարձ է կատարել նաեւ Մկրտիչ Արզումանյանը:
Խուլիգանություն կատարելու կասկածանքով ձերբակալվել է 5 անձ. ՔԿ
21 Ապրիլի 2018 - 19:09
ՀՀ քննչական կոմիտեի ԵՔՔՎ Կենտրոն եւ Նորք-Մարաշ վարչական շրջանների քննչական բաժնում ստացվել եւ վարույթ է ընդունվել հասարակության նկատմամբ բացահայտ անհարգալից վերաբերմունքով հասարակական կարգը կոպիտ կերպով խախտելու դեպքի առթիվ ՀՀ ոստիկանության Կենտրոնական բաժնում ՀՀ քրեական օրենսգրքի 258-րդ հոդվածի 1-ին մասով հարուցված քրեական գործը:
ՀՀ նախագահ Արմեն Սարգսյանը Հանրապետության Հրապարակում է (Թարմացվում է)
21 Ապրիլի 2018 - 19:04
Նախագահ Արմեն Սարգսյանը Հանրապետության Հրապարակում է
ԵՊՀ շրջանավարտների միավորումը շուտափույթ քաղաքական երկխոսություն սկսելու կոչ է անում
21 Ապրիլի 2018 - 19:02
«ԵՊՀ շրջանավարտների միավորում» հասարակական կազմակերպությունը երևանյան բողոքի ակցիայի կազմակերպիչներին շուտափույթ քաղաքական երկխոսություն սկսելու կոչ է անում: Ներկայացնում ենք ԵՊՀ շրջանավարտների միավորման հայտարարությունը:
Ձերբակալվել է Արմեն Գրիգորյանը
21 Ապրիլի 2018 - 19:00
Քաղաքագետ Արմեն Գրիգորյանը, ով մասնակցում է Երևանում այս օրերին տեղի ունեցող ակցիաներին, այսօր ձերբակալվել է:
Սալահը կրկնեց Ռոնալդուի, Շիրերի և Սուարեսի ցուցանիշը
21 Ապրիլի 2018 - 18:58
Անգլիայի առաջնության 35-րդ տուրում «Լիվերպուլը» հյուրընկալվելիս ոչ-ոքի խաղաց «Վեսթ Բրոմվիչի» հետ:
Ադրբեջանն այսօր սկսել է ակտիվորեն խախտել հրադադարի ռեժիմը. Արցախի ՊՆ
21 Ապրիլի 2018 - 18:54
Ապրիլի 21-ի ժամը 14:25-ից սկսած արցախա-ադրբեջանական հակամարտ զորքերի շփման գծում հակառակորդը տարբեր տրամաչափի զինատեսակներից ինտենսիվորեն խախտում է հրադադարի պահպանման ռեժիմը:
Եթե Արմեն Սարգսյանը ցանկանում է հանդիպել ինձ, ապա ես պատրաստ եմ 19:00-ին հանդիպել նրան այս հրապարակում. Նիկոլ Փաշինյան (Թարմացվում է)
21 Ապրիլի 2018 - 18:52
ԱԺ «Ելք» խմբակցության պատգամավոր Նիկոլ Փաշինյանը, որն այս պահին գտնվում է Հանրապետության հրապարակում, արձագանքեց ՀՀ նախագահ Արմեն Սարգսյանի իր հետ հանդիպման կոչին:
1 | 2 | 3 | 4 | 5 | 6 | 7 | 8 | 11263
 
Լրահոս`
 
Կա՛ երրորդ ուղի․ Էդմոն Մարուքյան
Հասարակություն, Քաղաքական