Facebook   Twitter
 
Լիտվայի Վարենա քաղաքում տեղի է ունեցել «Արցախի օր» խորագրով մշակութային միջոցառում

Լիտվայի Վարենա քաղաքում տեղի է ունեցել «Արցախի օր» խորագրով մշակութային միջոցառում

16 Ապրիլի 2018 - 22:28
Լիտվայի Վարենա քաղաքի քաղաքապետարանի Մշակույթի կենտրոնում Վարենայի քաղաքապետարանի, «Լիտվա-Արցախ բարեկամության շրջանակի» անդամների և Լիտվայի հայերի միության ջանքերով ապրիլի 13-ին տեղի է ունեցել «Արցախի օր» խորագրով միջոցառում, որին ներկա էին Լիտվայի քաղաքական և մշակութային գործիչներ, լրագրողներ, հայ համայնքի ներկայացուցիչներ, ինչպես նաև Լիտվայում ՀՀ դեսպանության անձնակազմը:
Ինչպես տեղեկացրին ՀՀ արտգործնախարարության մամուլի, տեղեկատվության և հասարակայնության հետ կապի վարչությունից, բացման խոսքով հանդես է եկել Վարենայի քաղաքապետ Ալգիս Կաշետան, ով, կատարելով պատմական ակնարկ, ներկայացրեց Արցախի ներկան և զարգացման հեռանկարները: Քաղաքապետը նաև նշեց, որ Արցախը բարդ ճանապարհ է անցել և այսօր ներկայանում է որպես ժողովրդավար երկիր: Ալգիս Կաշետան կարևորել է նմանատիպ մշակութային միջոցառումների կազմակերպումը՝ նշելով, որ դրանց միջոցով Արցախն առավել լավ ճանաչելու հնարավորություն է ընձեռվում:

Լիտվայի Սեյմասի նախկին պատգամավոր և Լիտվայում «Լիտվա-Արցախ բարեկամների շրջանակի» ներկայացուցիչ Դալյա Կուոդիտեն ընդգծել է, որ արցախցիների կերպարում, ովքեր միշտ պատրաստ են պաշտպանել իրենց հողը, դրոշմված է ազատատենչ ոգին: Դալյա Կուդիտեն նաև հավելել է, որ Արցախը թյուրիմացաբար որպես գոյություն չունեցող պետություն է ներկայացվում, այն դեպքում, երբ այնտեղ պետական բոլոր կառույցները կայացած են:

Ելույթներ են ունեցել նաև Լիտվայի հայերի միության փոխնախագահ Ռուսլան Հարությունյանը և հայ համայնքի ներկայացուցիչ Արմեն Հայրապետյանը:

Ելույթով հանդես է եկել Լիտվայում ՀՀ դեսպան Տիգրան Մկրտչյանը, ով կարևորել է օտարերկրյա լսարաններում Արցախի մասին իրազեկվածության բարձրացումը, նշելով, որ Արցախը հիմնականում ասոցացվում է հակամարտության հետ, մինչդեռ դա նախևառաջ պետություն է՝ պետության բոլոր ատրիբուտներով: Անդրադարնալով «Կյանքն Արցախում» խորագիրը կրող ցուցահանդեսին՝ դեսպանն ընդգծել է, որ վերջինիս միջոցով կարելի է ծանոթանալ Արցախի հարուստ պատմամշակութային և ճարտարապետական ժառանգությանը՝ սկսած մ.թ.ա. 1-ին դարից, ինչպես նաև արցախցիների վարք ու բարքին, արվեստին ու ավանդույթներին: Դեսպանի համոզմամբ՝ պատահական չէ, որ նման պատկերներ տեսնելուց հետո շատերն են ցանկություն հայտնում այցելելու Արցախ:

Մշակույթի կենտրոնի տեսասրահում ցուցադրվել է լատվիացի և լիտվացի բլոգերներ Ալեքսանդր Ալիմովի և Ստանիսլավ Գորբունովի կողմից նկարահանված Արցախի մասին պատմող ճանաչողական «Ճանապարհորդություն դեպի Լեռնային Ղարաբաղ» ֆիլմը:

Միջոցառման երկրորդ մասում արցախյան ժողովրդական կատարումներով հանդես են եկել Արցախից հատուկ այս միջոցառման նպատակով հրավիրված Ստեփանակերտի Սայաթ-Նովայի անվան պետական երաժշտական քոլեջի երաժիշտները՝ թառահար Լևոն Սարդարյանը և քամանչահար Հակոբ Խալաթյանը: Համերգային կատարումները ջերմ ընդունելություն են գտել հանդիսատեսի կողմից:

Տեղեկանք. «Արցախի օր» միջոցառման շրջանակներում ցուցադրվող «Կյանքն Արցախում» խորագիրը կրող ֆոտոցուցահանդեսը, որը դեռ երկու շաբաթ բաց է լինելու Վարենայի մշակութային կենտրոնում, ներկայացնում է Արցախի բնաշխարհը, հոգևոր և մշակութային ժառանգությունը, ինչպես նաև ժողովրդի առօրյա կյանքն ու տնտեսական ոլորտում արձանագրված ձեռքբերումները:

HayNews.am
 
Նմանատիպ նորություններ
Անձրևաջրերի հետևանքով փլուզվել է Մեղրաձոր գյուղի ավտոճանապարհի մի հատվածը
21 Ապրիլի 2019 - 00:14
Ապրիլի 20-ին՝ ժամը 14:25-ին, «911» ծառայությանն ահազանգ է ստացվել, որ Կոտայքի մարզի Մեղրաձոր գյուղի Գոռ-Գոշ 3-րդ թաղամասում ավտոճանապարհի մի հատվածն անձրևների հետևանքով փլուզվել է. անհրաժեշտ է փրկարարների օգնությունը:
Կանխվել է 19-ամյա աղջկա ինքնասպանության փորձը
21 Ապրիլի 2019 - 00:12
Ապրիլի 19-ին ոստիկանության Երևան քաղաքի վարչության ՊՊԾ գնդի 2-րդ գումարտակի 1-ին վաշտի ծառայողներին՝ ծառայության ընթացքում մոտեցել են մի քանի քաղաքացիներ և հայտնել, որ մի աղջիկ Կիևյան կամրջի վտանգավոր եզրագիծն անցել է և սպառնում է կամրջից ցած նետվել:
Մեծ Բրիտանիայում աճուրդի է դրվել «Տիտանիկի» վթարի զոհերից մեկի նախկինում հայտնի նամակը
21 Ապրիլի 2019 - 00:11
Տխրահռչակ «Տիտանիկի» անձնակազմի անդամներից մեկի կողմից գրված նամակը աճուրդի է հանվել Մեծ Բրիտանիայում՝ հայտնում է Fox News-ը։
Մի գիշերվա ընթացքում փիղը հինգ հոգու տրորելով սպանեց
20 Ապրիլի 2019 - 23:22
Հնդկաստանի Օրիսա նահանգում փիղը մի գիշերվա մեջ հինգ հոգու ոտնատակ տվեց, հաղորդում է Hindu-ն:
Ադելը բաժանվել է ամուսնուց, որի պատճառով կարիերայում դադար էր վերցրել
20 Ապրիլի 2019 - 23:17
30-ամյա բրիտանացի երգչուհի Ադելը բաժանվել է 45-ամյա գործարար Սայմոն Քոնեքիից։ Զույգը պաշտոնապես ամուսնացած է եղել երկու տարի։
Ռոնալդուն Անգլիայի, Իսպանիայի եւ Իտալիայի չեմպիոն դարձած առաջին ֆուտբոլիստն է
20 Ապրիլի 2019 - 23:16
Պորտուգալացի Կրիշտիանու Ռոնալդուն դարձավ պատմության մեջ առաջին ֆուտբոլիստը, որն ունի Անգլիայի, Իսպանիայի եւ Իտալիայի չեմպիոնի կոչումները։
Ուղղաթիռի և ինքնաթիռի հիբրիդային տարբերակի առաջին քաղաքացիական մոդելը հասանելի կլինի հաջորդ տարի (Տեսանյութ)
20 Ապրիլի 2019 - 23:04
Ռազմական ոլորտում տարիներ շարունակ կիրառվող յուրատեսակ օդանավը, որը թռիչքը մեկնարկում է ուղղաթիռի պես, առաջին անգամ սերիական արտադրության կհանձնվի:
Տավուշում բախվել են Range Rover-ն ու ՎԱԶ-21013-ը. կա տուժած
20 Ապրիլի 2019 - 23:02
Ճանապարհային ոստիկանության 2-րդ սպայական գումարտակի 5-րդ վաշտի ավագ հետաքննիչ Սարգիս Եգորյանի կողմից նյութեր են նախապատրաստվում երեկ՝ ապրիլի 19-ին, Տավուշի մարզում տեղի ունեցած ավտովթարի փաստով:
Քանաքեռի զորամասում հրազենային վնասվածքից մահացած զինծառայողը երեք ամիս առաջ էր զինծառայության անցել
20 Ապրիլի 2019 - 22:32
Ապրիլի 18-ին ՀՀ ՊՆ N զորամասի զինանոցում իրեն հրազենային մարմնական վնասվածք հասցնելու հետեւանքով Միքայելյան վիրաբուժական հիվանդանոց տեղափոխված եւ այնտեղ մահացած 24-ամյա պայմանագրային զինծառայող Ն.Ս.-ն Կոտայքի մարզի Զովք գյուղից էր:
1 | 2 | 3 | 4 | 5 | 6 | 7 | 8 | 16019
 
Լրահոս`