Facebook   Twitter
 
Գրքի տոն՝ հայկական երկրորդ հանրապետությունում. Արցախի պետական համալսարանում կազմակերպվել է գրքերի ցուցահանդես

Գրքի տոն՝ հայկական երկրորդ հանրապետությունում. Արցախի պետական համալսարանում կազմակերպվել է գրքերի ցուցահանդես

17 Ապրիլի 2018 - 10:27
Հայաստանյան վերջին տարիների լավագույն հրատարակությունները՝ հայկական երկրորդ հանրապետությունում: Արցախի պետական համալսարանում «Էդիթ Պրինտ» հրատարակչության նախաձեռնությամբ կազմակերպվել է գրքերի տոն և անկացվել գրքերի ցուցահանդես-վաճառք:
Հրատարակչության հիմնադիր-տնօրեն Մկրտիչ Կարապետյանը գրքի տոնի շրջանակում հանդիպել է Արցախի պետական համալսարանի ուսանողական և դասախոսական կազմի հետ, հանդես եկել «Նոր տեխնոլոգիաները հրատարակչական գործունեության մեջ» դասախոսությամբ: Մկրտիչ Կարապետյանը հանդիպում-դասախոսության մեկնարկին անդրադարձել է հայ տպագրական գյուտին, ներկայացրել 1512 թ. Հակոբ Մեղապարտի տպագրած հայկական առաջին գրքի` «Ուրբաթագրքի»` «Էդիթ Պրինտ»-ի կողմից ֆաքսիմիլային ծրագրով պատրաստած տարբերակը: Կարապետյանը պատմել է հրատարակչության ստեղծման մասին, ներկայացրել այն բոլոր գրքերը, որոնք լույս է ընծայել «Էդիթ Պրինտ»-ը:

«Վերջին տարիներին մենք սկսեցինք ուշադրություն դարձնել թարգմանական գրականությանը՝ թարգմանելով թե՛ դասական, թե՛ ժամանակակից հեղինակների գործեր: Սովետական տարիներին գրքերը թարգմանվում էին առանց հեղինակային իրավունքի, իսկ այսօր մենք յուրաքանչյուր գիրք թարգմանում և լույս ենք ընծայում հեղինակային իրավունքի ձեռքբերմամբ: Ընդ որում՝ մենք մշտապես թարգմանում ենք գործը բնագիր լեզվից: Նախկինում տարբեր ստեղծագործություններ գրաքննվում էին, հանվում էին որոշ հատվածներ, իսկ մենք ներկայացնում ենք այս կամ այն գրքի ամբողջական թարգմանությունը»,-իր ելույթում նշել է հրատարակչության հիմնադիր-տնօրենը:

Մկրտիչ Կարապետյանը հատուկ շեշտել է, որ հրատարակչությունն ընտրում է լավագույն գրքերը, որպեսզի մեր ընթերցողը ծանոթանա, օգտագործի այն բոլոր գիտելիքները, որոնք առկա են գրքերում:

Հրատարակչության հիմնադիր-տնօրենը, կարևորելով հրատարակչական գործը ՀՀ-ում և ԱՀ-ում, անհրաժեշտություն է համարել նոր տեխնոլոգիաների կիրառումը հրատարակչական գործում` կրթական, մշակութային, գիտական գործընթացներն արդյունավետ կազմակերպելու համար:

Հանդիպման ընթացքում Մկրտիչ Կարապետյանը ներկայացրել է նաև էլեկտրոնային հավելվածների ներդրմամբ հրատարակված գրքեր, ինտերակտիվ ձեռնարկներ, երաժշտական գրքեր, աուդիոգրքեր, ուսուցողական, զարգացնող նյութեր, ամսագրեր, դասագրքեր: Իր խոսքում հրատարակչության տնօրենն առանձնահատուկ շեշտել է, որ Արցախ այցելելը մշտապես հաճելի է, և որ 4-5 տարի առաջ «Էդիթ Պրինտ»-ը եղել է Արցախի բոլոր շրջաններում և կազմակերպել է գրքերի ցուցահանդես:

Ցուցահանդես-տոնավաճառի շրջանակում հրատարակչության նախաձեռնությամբ ներկայացվել են մի շարք նոր հրատարակություններ: «Լավագույնը՝ հայ ընթերցողներին» խորագրի ներքո ներկայացվել են հանրահայտ գրողներ Անտուան դը Սենտ-Էքզյուպերիի, Էրիխ Մարիա Ռեմարկի, Ջոն Գրինի, Սթիվեն Քովիի, Սպենսեր Ջոնսոնի, Քեն Բլանչարդի և այլ հեղինակների գործեր: Գրքեր են ներկայացվել տարիքային տարբեր խմբերի համար:


HayNews.am

 
Նմանատիպ նորություններ
Ճապոնիան վայելում է սակուռայի աշնանային անակնկալ ծաղիկները
20 Հոկտեմբերի 2018 - 23:58
Չնայած խորը հոկտեմբերին՝ Ճապոնիայի բնակիչներն ու զբոսաշրջիկները կրկին կարող են հիանալ ծաղկած սակուռաներով՝ գրում է NHK-ն։
Աշխարհի խոշորագույն ամֆիբիա-ինքնաթիռն իրականացրել է առաջին թռիչքը ջրի մակերեսից
20 Հոկտեմբերի 2018 - 23:55
Չինաստանում ստեղծված «Ցզիլուն» (AG600) աշխարհի խոշորագույն ամֆիբիա-ինքնաթիռը շաբաթ առավոտյան հաջողությամբ իրականացրել է ջրի մակերեսից օդ բարձրանալու և վայրէջք կատարելու փորձարկումը: Այս մասին հայտնում է РИА Новости-ն՝ հղում անելով Չինաստանի ավիացիոն արդյունաբերության ընկերությանը:
Մահացել է Նիդեռլանդների նախկին վարչապետ Վիմ Կոկը
20 Հոկտեմբերի 2018 - 23:48
Նիդեռլանդների նախկին վարչապետ Վիմ Կոկը, ով թագավորության կառավարությունը գլխավորել է 1994-2002թթ․, մահացել է շաբաթ օրը՝ 80 տարեկան հասակում՝ տեղեկացնում է Reuters-ը։
Երուսաղեմի քրիստոնյա եկեղեցիների հոգևոր առաջնորդները Նեթանյահուին ուղղված նամակում ամոթալի են անվանել կալվածքների մասին օրինագիծը
20 Հոկտեմբերի 2018 - 23:42
Երուսաղեմի քրիստոնյա եկեղեցիների հոգևոր առաջնորդները՝ Հայոց պատրիարք Նուրհան արքեպիսկոպոս Մանուկյանը, ինչպես նաև Հունաց պատրիարքը և Սուրբ երկրի Քուստոսը, հոկտեմբերի 19-ին միասնաբար նամակ են ստորագրել` ուղղված Իսրայելի վարչապետ Բենյամին Նեթանյահուին: Այս մասին ֆեսյբուք սոցիալական ցանցի իր էջում գրառում է կատարել Երուսաղեմի հայոց պատրիարքարանի դիվանապետ Կորյուն վարդապետ Բաղդասարյանը:
Վիլնյուսի 3 կենտրոնական կամուրջները Երևանի տոնի առթիվ լուսավորվել են հայկական եռագույնի գույներով
20 Հոկտեմբերի 2018 - 23:37
Երևանի 2800-ամյակի առթիվ Վիլնյուսի քաղաքապետարանը հոկտեմբերի 19-20-ը Վիլնյուսի երեք կենտրոնական կամուրջները լուսավորել է հայկական եռագույնով: Այս մասին հայտնում է Լիտվայում Հայաստանի դեսպանատունը:
Խոշոր ավտովթար Գեղարքունիքի մարզում. կա վիրավոր
20 Հոկտեմբերի 2018 - 23:20
Այսօր՝ հոկտեմբերի 20-ին, խոշոր ավտովթար է տեղի ունեցել Գեղարքունիքի մարզում: Ժամը 19:00-ի սահմաններում, «Opel Zafira» մակնիշի 35 AQ 722 համարանիշի ավտոմեքենայի վարորդը բախվել է ճանապարհի վերանորոգման նպատակով տեղադրված բետոնե արգելապատնեշին:
Սահակաշվիլին պատրաստվում է արծաթե հարսանիքը նշել Վրաստանում
20 Հոկտեմբերի 2018 - 23:14
Վրաստանի նախկին նախագահ Միխայիլ Սահակաշվիլին մտադիր է մոտ ապագայում վերադառնալ հայրենիք, չնայած նրան, որ այդ երկրում նրա դեմ հարուցվել են մի քանի քրեական գործեր։
Ինչպիսի՞ տեսք ունի Մանհեթենում գտնվող Ռոման Աբրամովիչի ապագա շքեղ առանձնատունը
20 Հոկտեմբերի 2018 - 23:01
Ռոման Աբրամովիչը2014-ից Վերին Իսթ Սայդ շրջանում ՝ East 75th Street փողոցում, պատմական թաունհաուսներ է ձեռք բերել, հաղորդում է Forbes-ը:
Հարբած զույգը հյուրանոց է գնել` սենյակ վարձելու փոխարեն (Լուսանկարներ)
20 Հոկտեմբերի 2018 - 22:45
Ջինա Լայոնսը և Մարկ Լին` Լոնդոնից չափից շատ ռոմ են խմել և Շրի Լանկայում ծովափին հյուրանոց գնելու որոշում են կայացրել:
1 | 2 | 3 | 4 | 5 | 6 | 7 | 8 | 14024
 
Լրահոս`