Facebook   Twitter
 
Մեր արյունահոսող վերքն արտագաղթն է․ Սերժ  Սարգսյան

Մեր արյունահոսող վերքն արտագաղթն է․ Սերժ Սարգսյան

17 Ապրիլի 2018 - 13:12
ԱԺ-ն շարունակում է աշխատանքները։ Հիշեցնենք՝ այսօր պատգամավորները ընտրելու են ՀՀ վարչապետին։
ԱԺ Ծառուկյան խմբակցության անդամ Գևորգ Պետրոսյանը նշեց՝ անժխտելի է՝ արցախյան գոյամարտում հաջողություն ունենալու ճանապարհին Սերժ Սարգսյանն անուրանալի դերակատարում է ունեցել, բայց հարկ է գիտակցել՝ երկրի անվտանգությունը չի սահմանափակվում միայն երկրի սահմանների անվտանգությամբ։

«Կա սոցիալական, իրավական, տնտեսական անվտանգության խնդիր, ինչպես նաև քաղաքական, հասարակական խնդիր», - ասաց պատգամավորը՝ նշելով՝ այսօր մեր երկրում գործում է կեղեքիչ հարկային քաղաքականություն․ մեր երկիրը դարձել է ծերացող ու արտագաղթող երկիր։ Քաղաքական, հասարակական խնդիրներ էլ կան․ ի վերջո, այդ մասին վկայում է այսօր փողոց դուրս եկած, ընդվզող հասարակությունը, իսկ արդարադատության հարցում իրավիճակը մխիթարական չէ։

«Ո՞րն է այն ողջամիտ երաշխիքը, որ գերվարչապետական համակարգում Դուք կկարողանաք հաջողություն արձանագրել վերոնշյալ ոլորտներում», - Սերժ Սարգսյանին դիմելով՝ հարցրեց պատգամավոր Գևորգ Պետրոսյանը։

«Ես, իհարկե, չեմ կարող այստեղ հայտարարել, որ տեսանելի ապագայում Ձեր նշած բոլոր պրոբլեմները մեր երկրից վերացնելու են։ Այս պրոբլեմների առկայությունն է նաև մեզ բերել սահմանադրական բարեփոխումներ իրականացնելու։ Կառավարությունը ՀՀ միակ գործադիր իշխանությունն է լինելու, հնարավորություն է ընձեռվելու ուժերը կենտրոնացնել այս խնդիրների լուծման վրա։ Այո՛, մեր արյունահոսող վերքը մնում է արտագաղթը։ Արտագաղթ կա տարբեր երկրներում, բայց քանի որ մենք քիչ ենք, դա մեզ վրա շատ ցավոտ է անդրադառնում», - ասաց Սերժ Սարգսյանը։

Վերջինս նշեց՝ այս տասը տարիների ընթացքում ՀՀ-ն ձեռքբերումներ է ունեցել ու թեև ընդդիմախոսները խոսում են այն մասին, որ տնտեսությունը անկում է ապրում, այնուամենայնիվ, կան փաստեր․ ՀՆԱ-ն 1,8 անգամ աճ է գրանցել՝ 2007 թվականի հետ համեմատած։

Սերժ Սարգսյանն ասաց՝ բազմաթիվ ցուցանիշներ կան, որոնք կարելի է թվել, բայց դրանցից մեկը կարելի է առանձնացնել։

«2007 թվականին ՀՀ առևտրային բանկերում եղել են դրամական ավանդներ․ ֆիզիկական անձանց մասին խոսեմ, իրավաբանական անձանց մի կողմ դնենք։ 143,6 մլրդ դրամ ավանդներ են եղել ֆիզիկական անձանց կողմից դրված, իսկ 2018-ի հունվարի 1-ի դրությամբ այդ ավանդների փողային քանակը կազմում է 1 տրիլիոն 553 միլիարդ դրամ․ մեր քաղաքացիների խնայողությունները տասն անգամ ավելացել են։

Որոշ մարդիկ կարող են պնդել՝ այս ավանդները ներդրել են հարուստները, բայց ասեմ՝ այս գումարների ճնշող մեծամասնությունը մինչև 7 մլն դրամ ավանդներն են։ ՀՀ 1 մլն քաղաքացի ունի ավանդ․ սա ասում եմ նրա համար, որ հասկանալի լինի՝ ցանկացած կայունության համար տնտեսական հիմնքն անփոխարինելի է»,- ասաց Սերժ Սարգսյանը։

Հասմիկ Բալեյան
 
Նմանատիպ նորություններ
Հայաստանի կառավարությունը դեռեւս չի չեզոքացրել բացասական երեւույթները ներդրումների համար. փորձագետ
23 Ապրիլի 2019 - 13:50
Հայաստանի կառավարությունը դեռեւս չգիտի, թե ինչ խոչընդոտներ կան ներդրումների համար, ինչպես նվազեցնել դրանց աճի վրա բացասական ազդեցությունը։
Նախագահը ստորագրել է «Ազգային ժողովի կանոնակարգ» օրենքի փոփոխությունները
23 Ապրիլի 2019 - 13:34
Նախագահ Արմեն Սարգսյանը ստորագրել է «Ազգային ժողովի կանոնակարգ» Հայաստանի Հանրապետության սահմանադրական օրենքում լրացումներ և փոփոխություններ կատարելու մասին օրենքը:
Կապան-Քաջարան ճանապարհահատվածը երկկողմանի երթևեկելի է. քարաթափման հետևանքները վերացվել են
23 Ապրիլի 2019 - 13:23
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ ապրիլի 23-ին՝ ժամը 12:30-ի դրությամբ, Մ2 Երևան-Երասխ-Գորիս-Մեղրի-Իրանի սահման ավտոճանապարհի 313-րդ կմ-ում` Կապան-Քաջարան հատվածում տեղի ունեցած քարաթափման հետևանքները վերացվել են։
Հայուհին մահացել է Մոսկվա-Երեւան չվերթի ժամանակ
23 Ապրիլի 2019 - 13:21
Nordwind Airlines ավիաընկերության Մոսկվա-Երեւան չվերթի ուղեւորներից մի կնոջ ինքնազգացողությունը թռիչքի ժամանակ վատթարացել է, օդանավն արտահերթ վայրէջք է կատարել Դոնի Ռոստովի Պլատով օդանավակայանում:
«Հարցուպատասխանից էլ չեք փախնի». «Լույսի»-ի անդամը՝ Հայկ Մարությանին
23 Ապրիլի 2019 - 13:02
Հեռուստատեսային հաղորդման ժամանակ ես հարց բարձրացրեցի, թե ինչու 9 ձնամաքրող մեքենաները չգնվեցին կառավարության որոշմամբ, Երեւանի քաղաքապետի խոսնակ Հակոբ Կարապետյանը հակադարձեց եւ խորհուրդ տվեց «գուգլել» եւ տեսնել, որ նման որոշում կա:
2018 թ. ՔԿ-ում քննվել է կոռուպցիոն բնույթի հանցագործությունների դեպքերի առթիվ հարուցված 1233 քրեական գործ. ամփոփում
23 Ապրիլի 2019 - 12:41
ՀՀ քննչական կոմիտեում ուսումնասիրվել են 2018 թվականի ընթացքում ՀՀ ՔԿ տարբեր ստորաբաժանումների վարույթում կոռուպցիոն բնույթի հանցագործությունների քննության ընթացքի և արդյունքների վիճակագրական տվյալները: Այս մասին հայտնում են ՀՀ քննչական կոմիտեի դեպարտամենտի տեղեկատվության և հասարակայնության հետ կապերի բաժնից:

«Մենք չենք ուզում, որ Երեւանը դառնա աղբաքաղաք». Նաիրա Զոհրաբյանը՝ Երեւանի քաղաքապետարանում
23 Ապրիլի 2019 - 12:40
Մենք չենք ուզում, որ Երեւանը դառնա աղբաքաղաք։
Խոշոր ավտովթար Երևանում. Հերացի թունելի սկզբնամասում բախվել են Kia Forte-ն ու Lexus Subaru-ն
23 Ապրիլի 2019 - 12:21
Այսօր՝ ապրիլի 23-ին, խոշոր ավտովթար է տեղի ունեցել Երևանում։ Ժամը 02։00-ի սահմաններում Հերացի փողոցի թիվ 1 հասցեի դիմաց, դեպի Խանջյան փողոց տանող թունելի սկզբնամասում, բախվել են Սարգիս Եղիազարյանի վարած Kia Forte մակնիշի 35 ZD 911 համարանիշի և Հարություն Վարդանյանի վարած Subaru Lexus V4 մակնիշի 35 QT 061 համարանիշի ավտոմեքենաները։
1 | 2 | 3 | 4 | 5 | 6 | 7 | 8 | 17795
 
Լրահոս`