Facebook   Twitter
 
Նոբել Առուստամյանը պատմել է, թե ինչպես է ընկերացել Հենրիխ Մխիթարյանի հետ

Նոբել Առուստամյանը պատմել է, թե ինչպես է ընկերացել Հենրիխ Մխիթարյանի հետ

17 Ապրիլի 2018 - 14:17
«Матч ТВ» հեռուստաալիքի ֆուտբոլային մեկնաբան Նոբել Առուստամյանը պատմել է, թե ինչպես է ծանոթացել ու ընկերացել Լոնդոնի «Արսենալի» եւ Հայաստանի ազգային հավաքականի կիսապաշտպան Հենրիխ Մխիթարյանի հետ:
«2012-ի դեկտեմբերին ես Դոնեցկում էի «Շախտյոր» - «Յուվենտուս» խաղի համար: Խաղից հետո գնացի այն հյուրանոցը, որտեղ հանգրվանել էր «Յուվենտուսը»: Տեսնում եմ, որ աստիճաններով գալիս է Մխիթարյանը: Երբեք չեմ ամաչել մոտենալ եւ ծանոթանալ: Բղավեցի՝ «Հենրիխ», հետո մոտեցա եւ ծանոթացա: Նա ասաց, որ լսել է իմ մասին: Ես այդ ժամանակ աշխատում էի «НТВ-Плюс»-ում ու «Радио Спорт»-ում:

Նա միանգամից շատ պարզ տղա թվաց ինձ: Նա չասեց, որ զբաղված է, եւ մենք զրուցեցինք ու փոխանակվեցինք հեռախոսահամարներով: Մի քանի օրից մենք փոխանակվում էինք հաղորդագրություններով եւ նորմալ հաղորդակցվում ենք այդ ժամանակվանից: Չեմ կարող ասել, որ մենք անմիջական ընկերներ ենք, սակայն մենք մտերիմ ենք: Երբ ես մեկնում էի Դորտմունդ կամ Մանչեսթեր, նա միշտ շատ հյուրընկալ էր գտնվում:

Ըստ ինձ՝ Մխիթարյանն օրինակ է ոչ միայն հայ ֆուտբոլիստների համար, այլեւ ռուս: Նա «Այաքսի» կամ «Ֆեյենորդի» ակադեմիայից չէ, նա «Փյունիկ» ակումբի սան է: Նա ինքն է նպատակ դրել իր առջեւ եւ հասել դրան՝ անցնելով շատ դժվարությունների միջով: Նա պատմում էր, որ շատերը չէին հավատում իրեն, սակայն նա «Մետալուրգով» ու «Շախտյորով» հասավ եվրոպական առաջատար ակումբներ: Ես հաստատ գիտեմ, որ երբ Հենրիխը խաղում էր «Շախտյորում», շատերը նրան ցանկանում էին բերել Ռուսաստան, սակայն նա չգնաց դրան: Չնայած հույս ունեմ, որ վաղ թե ուշ նա խաղալու է Ռուսաստանում»,- ասել է հայ մեկնաբանը sports.ru-ի հետ հարցազրույցում:

Հիշեցնենք, որ նախորդ տարվա վերջնամասում Նոբել Առուստամյանն ու «Матч ТВ»-ի ֆուտբոլային մեկնաբան Միխայիլ Մոսակովսկին վավերագրական ֆիլմ էին նկարահանել Հենրիխ Մխիթարյանի մասին: Այդ ժամանակ 29-ամյա ֆուտբոլիստը հանդես էր գալիս անգլիական «Մանչեսթեր Յունայթեդում»:

HayNews.am
 
Նմանատիպ նորություններ
Մահրեզը դժգոհ է «Մանչեսթեր Սիթիում» իր կարգավիճակից
23 Ապրիլի 2019 - 12:55
«Մանչեսթեր Սիթիի» ալժիրցի կիսապաշտպան Ռիհադ Մահրեզն ամառային տրանսֆերային պատուհանի ընթացքում կարող է հեռանալ անգլիական ակումբից:
Ալեքսանդր Գրիգորյան. «Տամբովից» ստացած առաջարկն անսպասելի էր
23 Ապրիլի 2019 - 11:42
Ռուսաստանցի մասնագետ Ալեքսանդր Գրիգորյանը ռուսական «Տամբովի» գլխավոր մարզիչ նշանակվելուց հետո կիսվել է տպավորություններով:
ՀՖՖ խոստորեն դատապարտել է «Բանանց»-ին
22 Ապրիլի 2019 - 23:10
Հայաստանի ֆուտբոլի ֆեդերացիան դատապարտել է «Բանանց»-ի՝ Հայաստանի գավաթի խաղարկության կիսաեզրափկչի խաղից հրաժարվելու փաստը:
Վալվերդե․ Մենք դեռ ոչ մի տիտղոս չենք ապահովել
22 Ապրիլի 2019 - 21:41
«Բարսելոնայի» իսպանացի գլխավոր մարզիչ Էռնեստո Վալվերդեն դեռ վստահ չէ, որ մրցաշրջանը հաջողված է։
Ըմբիշ Վազգեն Թևանյանը կվիրահատվի
22 Ապրիլի 2019 - 18:48
Ազատ ոճի ըմբշամարտի Եվրոպայի մինչև 23 տարեկանների չեմպիոն Վազգեն Թևանյանը կվիրահատվի:
ԵԱ․ Հայ շախմատիստուհիների վերջնական արդյունքը
22 Ապրիլի 2019 - 18:42
Անթալիայում ավարտվեց շախմատի կանանց Եվրոպայի անհատական առաջնությունը։ Չեմպիոնի տիտղոսը նվաճեց ռուսաստանցի Ալինա Կաշլինսկայան՝ 8 միավոր։
1 | 2 | 3 | 4 | 5 | 6 | 7 | 8 | 2529
 
Լրահոս`