Facebook   Twitter
 
913 շահառուի տրամադրվել է 4.2 մլրդ դրամի սուբսիդավորվող վարկ. նախատեսվում է լիզինգի նոր ծրագիր մեկնարկել. Գյուղնախարարություն

913 շահառուի տրամադրվել է 4.2 մլրդ դրամի սուբսիդավորվող վարկ. նախատեսվում է լիզինգի նոր ծրագիր մեկնարկել. Գյուղնախարարություն

17 Ապրիլի 2018 - 16:16
ՀՀ գյուղատնտեսության նախարարությունում հրավիրվել էր խորհրդակցություն «Գյուղատնտեսության ոլորտին տրամադրվող վարկերի տոկոսադրույքների սուբսիդավորման» ծրագրի ընթացիկ արդյունքները քննարկելու նպատակով։
Խորհրդակցությունը վարում էր ՀՀ գյուղատնտեսության նախարարի տեղակալ Ռոբերտ Մակարյանը, մասնակցում էին ՀՀ կառավարության աշխատակազմի «Գյուղական տարածքների տնտեսական զարգացման ծրագրերի իրականացման գրասենյակ» ՊՀ գյուղական ֆինանսավորման կառույցի տնօրենի ժամանակավոր պաշտոնակատար Վահե Հարությունյանը, Գյուղատնտեսության զարգացման հիմնադրամի գործադիր տնօրեն Գեղամ Գևորգյանը, ծրագրի մասնակից ֆինանսական կառույցների ներկայացուցիչներ, այլ պատասխանատուներ։

Այս մասին տեղեկացնում են ՀՀ գյուղատնտեսության նախարարության տեղեկատվության և հասարակայնության հետ կապերի բաժնից:

Մինչ խորհրդակցության հիմնական օրակարգային հարցերին անցնելը փոխնախարար Մակարյանը մասնակիցներին տեղեկացրել է, որ նախարարությունը շրջանառության մեջ է դրել նոր նախագիծ, որով նախատեսվում է լիզինգային պայմաններով տարեկան 4% տոկոսադրույքով վարկ տրամադրել տնտեսավարողներին վերամշակման սարքավորումների, ջերմոցների, չորանոցների ձեռքբերման համար՝ հորդորելով ֆինանսական կառույցներին ներկայացնել իրենց առաջարկները նախագծի վերաբերյալ։

«Մեր այսօրվա խորհրդակցության հիմնական նպատակն է քննարկել գյուղոլորտին տրամադրվող 3-10 մլն դրամ սուբսիդավորվող վարկերի ծրագրի ընթացքը, առաջացող խնդիրները, ձեր կողմից բարձրացվող հարցերը, որի արդյունքում անհրաժեշտության դեպքում փոփոխություններ կկատարվեն ծրագրում՝ թե վարկավորման և թե հավաստագրման մասով»,- իր խոսքում, մասնավորապես, նշել է փոխնախարարը։

Համաձայն ամփոփված տվյալների՝ 2017 թվականի չորրորդ եռամսյակում ծրագրի շրջանակում տրամադրվել է 913 միավոր վարկ 4241.6 մլն դրամ գումարի չափով, մեկ վարկի միջին չափը կազմել է 4.65 մլն դրամ: 2018 թվականին նախատեսված է տրամադրել 9.4 մլրդ դրամի վարկեր` թվով շուրջ 2100 շահառուների: Տոկոսադրույքների սուբսիդավորմանը ՀՀ պետական բյուջեից կուղղվի 2 030.8 մլն դրամ: Ամենաշատ վարկեր տրամադրել է «ԱԿԲԱ ԿՐԵԴԻՏ ԱԳՐԻԿՈԼ ԲԱՆԿԸ (61.84 %), այնուհետև «ՖԱՐՄ Կրեդիտ Արմենիա» ՈՒՎԿ ԱԿ-ն(17.9 %) «ՔԱՐԴ Ագրո-Կրեդիտ» ՈՒՎԿ-ն (12.95 %), «ԿԱՄՈՒՐՋ» ՈՒՎԿ (7.21%) և վերջերս ծրագրին միացած «ՓՄՁ ներդրումներ ՈՒՎԿ»-ն՝ («Հայաստանի Զարգացման և Ներդրումների Կորպորացիա» ՈՒՎԿ) 0.10 %։

Խորհրդակցության ընթացքում, մասնավորապես, քննարկվել են գրավադրմանը, վարկի նվազագույն շեմին, վարկերի նպատակայնությանն ու մոնիթորինգին առնչվող հարցեր։ Քննարկվել է նաև Գյուղատնտեսության զարգացման հիմնադրամի կողմից կազմակերպվող հավաստագրման դասընթացներին վերաբերող, մասնավորապես հավաստագրի ժամկետին, ինչպես նաև հավաստագրում վարկավորման գումարի չափը և նպատակը սահմանելու վերաբերյալ առաջարկությունը։

Ռոբերտ Մակարյանը հանձնարարել է ծրագրի պատասխանատուներին ֆինանսական կառույցների հետ համատեղ գույքագրել բարձրացված բոլոր հարցերը և ներկայացնել առաջարկներ՝ ծրագրում համապատասխան փոփոխություններ կատարելու և այն առավել արդյունավետ դարձնելու նպատակով։

HayNews.am
 
Նմանատիպ նորություններ
Հայկական դրամի նկատմամբ ռուբլու արժեզրկման առումով երկու ռիսկ կա. գյուղատնտեսության նախարար
20 Օգոստոսի 2018 - 21:50
Եթե արտահանումների զգալի մասը ուղղվում է որևէ երկիր, ապա արտահանումը ռիսկային է դառնում հենց նաև փոխարժեքների տատանումների իմաստով:
Վենեսուելայի կառավարությունը սկսել է աստիճանաբար ավելացնել բենզինի գները
20 Օգոստոսի 2018 - 19:17
Վենեսուելայի կառավարությունը օգոստոսի 20-ից սկսել է աստիճանաբար ավելացնել բենզինի գները երկու տարվա ընթացքում այն միջազգային մակարդակին հասցնելու նպատակով, փոխանցում է DW–ն։
Պետական եկամուտների կոմիտեն՝ բիզնեսին աջակցող մարմին
20 Օգոստոսի 2018 - 19:00
ՊԵԿ նախագահ Դավիթ Անանյանն աշխատակիցներին է ներկայացրել երկարաժամկետ ծրագրերը, այս մասին HayNews.am-ին տեղեկացնում է ՊԵԿ տեղեկատվության և հասարակայնության հետ կապերի բաժինը:
Հայաստանում հուլիսին գրանցվել է տնտեսական ակտիվության երկնիշ ցուցանիշ
20 Օգոստոսի 2018 - 16:06
Հայաստանում հուլիսին տնտեսական ակտիվության երկնիշ՝ 11.1 տոկոս ցուցանիշ է գրանցվել: Ինչպես տեղեկացրին ՀՀ ազգային վիճակագրության ծառայությունից,
Հյուսիս-հարավի նախագիծը փոփոխվել է հնավայրերը պահպանելու համար
20 Օգոստոսի 2018 - 15:42
«Տրանսպորտային ծրագրերի իրականացման կազմակերպություն» ՊՈԱԿ-ի բնապահպանության և հնագիտության մասնագետ Միքայել Թևոսյանը, ՀՀ գիտությունների ազգային ակադեմիայի հնագիտության և ազգագրության ինստիտուտի տնօրեն Պավել Ավետիսյանը, ինստիտուտի գիտաշխատող, Հյուսիս-հարավ ճանապարհաշինական ծրագրի շրջանակներում հնագիտական հարցերով խորհրդատու Բորիս Գասպարյանը այցելել են Տրանշ-2՝ Հյուսիս-հարավ ճանապարհային միջանցքի հարևանությամբ գտնվող «Ագարակ» պատմամշակութային արգելոց։
Կենտրոնական բանկը կասեցրել է «Տեր-Եսայան ասոցացիա» ՍՊԸ-ի գրավատնային գործունեության լիցենզիայի գործողությունը
19 Օգոստոսի 2018 - 21:12
Հայաստանի կենտրոնական բանկի խորհրդի օգոստոսի 17-ի նիստում «Հայաստան առևտրի կենտրոն Հայրապետյան եղբայրներ»
Հայաստանի որ մարզերն են ամենախոշոր արտահանողները
19 Օգոստոսի 2018 - 16:16
2018 թվականի առաջին կիսամյակում Հայաստանից արտահանումը կազմել է 1 մլրդ 165.2 մլն ԱՄՆ դոլար, որը 20%-ով գերազանցում է նախորդ տարվա առաջին կիսամյակի ցուցանիշին։
Ռուբլու փոխարժեքը շարունակում է ընկնել
19 Օգոստոսի 2018 - 11:11
Ներկայացնում ենք Հայաստանի բանկերի կողմից գնվող և վաճառվող արտարժույթների փոխարժեքները օգոստոսի 19-ի դրությամբ՝ ըստ rate.am-ի:
Ինչ է հասցրել անել Սուրեն Պապիկյանը 100 օրում
17 Օգոստոսի 2018 - 13:30
Հայաստանի Հանրապետության տարածքային կառավարման և զարգացման նախարար Սուրեն Պապիկյանն ամփոփել է նախարարի պաշտոնում գործունեության 100 օրը:
1 | 2 | 3 | 4 | 5 | 6 | 7 | 8 | 689
 
Լրահոս`
 
 
 
 
 
 
 
 
 
 
Ընտրակաշառքներն այլևս չեն հանդուրժվելու
Հասարակություն, Քաղաքական