Facebook   Twitter
 
Բնապահպանության նախարարության մթնոլորտը պետք է փոխվի, կառավարությանը գաղափարախոսության փոփոխություն է հարկավոր. բնապահպաններ

Բնապահպանության նախարարության մթնոլորտը պետք է փոխվի, կառավարությանը գաղափարախոսության փոփոխություն է հարկավոր. բնապահպաններ

15 Մայիսի 2018 - 21:40
Բնապահպան Սիլվա Ադամյանը բնապահպանության նորանշանակ նախարար էրիկ Գրիգորյանին վաղուց է ճանաչում, ավելին՝ նրան լավ մասնագետ է համարում, սակայն գործունեության հետ կապված մի քանի «բայց»-եր ունի:
Սիլվա Ադամյանը Tert.am -ի հետ զրույցում պատմեց, որ իրենց բոլոր հանդիպումներում միտք է հնչել, որ բնությունը պետք է օգտագործվի բիզնեսի կողմից, պարզապես բնական պաշարների կարգավորված մոտեցում պետք է լինի:

«Բոլորս շատ լավ գիտենք, թե ՀՀ-ում ինչպիսի իրավիճակ է, առավել ևս հանքարդյունաբերության ոլորտում, իսկ ներկայիս նախարարի տեսակետն այն է, որ պետք է արդյունահանել ամեն տեղից, բայց պետք է զգուշանալ, ճիշտ արդյունահանել նորագույն տեխնոլոգիաները»,– ասաց նա՝ ավելացնելով, որ սակայն փաստը ցույց է տվել, որ «այս տեսակետը տարիներ շարունակ հնչել է իր և շատերի կողմից, բայց այն ՀՀ-ում չի աշխատել»:

«Այսինքն՝ ունենք իրավիճակ, երբ հստակ պետք է հասկանանք, թե ինչ է պետք մեր երկրին, պետք է հասկանանք՝ արդյոք այսքան քանակությամբ հանքեր պե՞տք են մեր երկրին, նման խայտառակ շահագործումն արդարացվա՞ծ է, այդքան քանակի ու չափի պոչամբարներ և այլն: Սա ինձ շատ է մտահոգում Էրիկի գործունեության մեջ: Կարծում եմ՝ բնապահպանական ոլորտում առկա մարտահրավերներին առանց բնապահպանների, մասնագետների դժվար թե Էրիկ Գրիգորյանը կարողանա դիմակայել»,- ասաց նա:

Բնապահպանը նկատեց, որ երկրում մթնոլորտ է փոխվել և շեշտեց, որ նախարարության մթնոլորտը պետք է փոխվեր, ոչ միայն նախարար: Բնապահպանը կարծում է, որ նախարարությունը դեմոնտաժի պետք է ենթարկվեր, այսինքն՝ նոր, թարմ կառույց պետք է ստեղծվեր, որը կլիներ երիտասարդ ու թարմ ուժերով համալրված:

«Իհարկե, ես չեմ խոսում ակտիվիստների մասին, այլ մասնագետներ, որոնք իրավիճակը ճիշտ կպատկերացնեին և նոր մոտեցումներով կառույց կստեղծեին, բայց ամեն անգամ, երբ նման հարց եմ բարձրացրել, ինձ ասել են, որ հնարավոր չէ: Այլ երկրներում, երբ ինչ-որ կառույց լավ չի աշխատում, փորձում են ներսից փոխել կառուցվածքը: Այո՛, նախարարի փոփոխությունը լավ է, բայց մենք այսօր էլ լավ արդյունք չենք ունենա, որովհետև ներսի ամբողջ կառուցվածքը չի փոխվում: Նախարարը փոխվել է, բաց չի փոխվել համակարգը, թե ինչպես են շրջակա միջավայրի ուսումնասիրություն անում, ովքեր են որոշումները ստորագրում և այլն, այս մարդիկ մնացել են: Վերցնենք ՊՈԱԿ-ը, որը փորձաքննություն է անում, սա էլ պետք է դեմոնտաժվի, սա չի աշխատում»,- շարունակեց Սիլվա Ադամյանը:

Անկախ ամենից, բնապահպանը նշեց, որ իրենք պատրաստ են ծրագիր մշակել և ներկայացնել նոր կառավարությանը՝ հույսով, որ կաջակցեն խնդիրների կարգավորմանը:

Աշխարհագրագետ, «Հայկական բնապահպանական ճակատ» քաղաքացիական նախաձեռնության անդամ Լևոն Գալստյանն էլ Tert.am-ի հետ զրույցում ասաց, թե բնապահպանության ոլորտում փոփոխություն լինելու համար հարկավոր է ընդհանուր կառավարության գաղափարախոսություն:

«Չգիտեմ՝ այսօրվա կառավարության մոտ կա՞ գաղափարախոսության փոփոխություն այս ոլորտի հետ կապված, թե ոչ: Եթե փոխված լինի, ապա նախարարն էլ ստիպված կփոխվի, որովհետև բոլոր կառավարության տարիներին էլ Բնապահպանության նախարարությունը եղել է ամենավերջին տեղում՝ իր որոշում կայացնելու հնարավորություններով: Մինչև վերևից չի եղել թույլտվություն, որոշում կայացնող չի եղել»,- շարունակեց նա:

Միևնույն ժամանակ, Լևոն Գալստյանը նկատեց, որ, եթե նախարար նշանակվեր ռադիկալ փոփոխությունների պատրաստ մարդ, ապա ոլորտում փոփոխությունները շատ ավելի հավանական կլինեին, քան այս դեպքում։ «Էրիկին գիտեմ 2011 թ., և ինքը ռադիկալ փոփոխությունների կողմնակից չէ»,- ընդգծեց Լևոն Գալստյանը:

Նրա խոսքով՝ իրենք բնապահպանության նախարարության հետ 2014 թ. հետո գրեթե համագործակցություն չեն ունեցել, պարզապես ունեցել են դիմումներ կամ հարցումներ: Լևոն Գալստյանը դժվարացավ ասել՝ արդյոք նորանշանակ նախարար Էրիկ Գրիգորյանն անկախ փորձագետների հետ համագործակցության կգնա՞, թե ոչ:

«Նախարարության հետ բազմաթիվ մարդիկ համագործակցել են, մենք չենք համագործակցել սկզբունքորեն, ինչը կապված չի եղել անհատներից, այլ մենք համարել ենք, որ այդ համակարգում հնարավոր չէ հասնել որոշակի նորմալ փոփոխությունների: Իսկ մակերեսային կամ իմիտացիոն փոփոխությունների մենք չենք ցանկացել մասնակից դառնալ, որ հետո չշեշտեն, թե մենք մասնակցել ենք այդ քննարկումներին, որի արդյունքում X բան է արվել, որը մեզ չի բավարարել»,- հավելեց բնապահպանը:

Լևոն Գալստյանը ցանկություն ու հույս ունի, որ նոր կառավարությունն ուշադրություն կդարձնի բնապահպանական խնդիրներին, և լուծումներ կտրվեն, սակայն նշեց, որ ամեն բան ժամանակը ցույց կտա:

«Գոյություն ունեն ինդիկատորի դեր ունեցող խնդիրներ, որոնց, եթե համակարգային ու կտրուկ լուծումներ չտրվեն, նշանակում է, որ էկոլոգիական ոլորտի խնդիրների համար լուծումներ գտնելու կամք չկա: Օրինակ՝ Ամուլսարի և բոլոր հանքավայրերի շահագործման դադարեցումը և նոր թույլտվություններ տալու գործընթացները, մինչև հարցերը լրջագույն ուսումնասիրության իրական մասնագետների կողմից չենթարկվեն»,- եզրափակեց Լևոն Գալստյանը:
 
Նմանատիպ նորություններ
Երևանի քաղաքապետի տեղակալ Տիգրան Վիրաբյանը անակնկալ շրջայց է կատարել համայնքային մանկապարտեզներ: Օրակարգի հիմնական խնդիրը սննդի վերահսկողությունն է եղել:
15 Նոյեմբերի 2018 - 18:12
Ինչպես հայտնում են Երևանի քաղաքապետարանի աշխատակազմի տեղեկատվության և հասարակայնության հետ կապերի բաժնից, ավագանու անդամները մանկապարտեզներում սննդի կազմակերպման հետ կապված իրենց մտահոգությունն էին հայտնել:
Վրաերթեր Երեւանում. կան վիրավորներ
15 Նոյեմբերի 2018 - 18:05
Նոյեմբերի 14-ին, ժամը 09.20-ին,
Վճռաբեկ դատարանը հեռացավ խորհրդակցական սենյակ՝ Քոչարյանի խափանման միջոցի վերաբերյալ որոշում կայացնելու
15 Նոյեմբերի 2018 - 17:50
ՀՀ վճռաբեկ դատարանը հեռացավ խորհրդակցական սենյակ գլխավոր դատախազի եւ երկրորդ նախագահ Ռոբերտ Քոչարյանի պաշտպանների բողոքի վերաբերյալ որոշում կայացնելու։
Վճռաբեկ դատարանը քննում է Ռոբերտ Քոչարյանի խափանման միջոցի հետ կապված բողոքը (ուղիղ)
15 Նոյեմբերի 2018 - 17:42
ՀՀ վճռաբեկ դատարանն քննում է ՀՀ գլխավոր դատախազ Արթուր Դավթյանի եւ Ռոբերտ Քոչարյանի շահերի պաշտպաններ Հայկ Ալումյանի, Ռուբեն Սահակյանի, Արամ Օրբելյանի եւ Հովհաննես Խուդոյանի վճռաբեկ բողոքները՝ օգոստոսի 13-ին ՀՀ վերաքննիչ դատարանի կայացրած՝ Ռոբերտ Քոչարյանի խափանման միջոցը վերացնելու մասին որոշման դեմ։
ՀՀԿ-ից մենք նոր ենք պրծել կամ պրծնում.Մարուքյան (տեսանյութ)
15 Նոյեմբերի 2018 - 17:38
«Միակ ընդդիմությունը մենք կարող ենք լինել, ասում են հանրապետականները»,- այսօր խորհրդարանում, պատասխանելով լրագրողների հարցերին, հիշեցրել է «Լուսավոր Հայաստան» կուսակցության նախագահ Էդմոն Մարուքյանը:
Դիեգո Սիմեոնեն ամենաբարձր վարձատրվողը կլինի «Աթլետիկոյում»
15 Նոյեմբերի 2018 - 17:30
Մադրիդի «Աթլետիկոն» թիմի գլխավոր մարզիչ Դիեգո Սիմեոնեի հետ փոխհամաձայնության է եկել գործող պայմանագիրը երկարաձգելու հարցում:
Սիրիայում ԻՊ-ի դեմ պայքարը կարելի կլինի ավարտված համարել ընդամենը մի քանի ամսից. Ջեյմս Ջեֆրի
15 Նոյեմբերի 2018 - 17:25
Սիրիական երկխոսության հարցով ԱՄՆ հատուկ ներկայացուցիչ Ջեյմս Ջեֆրին հայտարարել է, որ «Իսլամական պետություն» ահաբեկչական խմբավորման դեմ պայքարը Սիրիայում կարելի կլինի ավարտված համարել ընդամենը մի քանի ամսից, գրում է BBC-ի թուրքական ծառայությունը:
Բողոքի ակցիա Կառավարության մոտ. պահանջում են ԿԳ նախարարի պաշտոնակատարի ու փոխնախարարի հրաժարականը
15 Նոյեմբերի 2018 - 17:21
Կառավարության շենքի ոմտ մի խումբ երիտասարդներ պահանջում էին ՀՀ կրթության եւ գիտության նախարարի պաշտոնակատար Արայիկ Հարությունյանի եւ փոխնախարար Հովհաննես Հովհաննիսյանի հրաժարականը։
Ոնց որ հրապարակի միտինգավոր ժողովրդից ընտրած, հավաքած լինեն. Շարմազանովը՝ «Իմ քայլի» ցուցակի մասին
15 Նոյեմբերի 2018 - 17:15
«Իմ քայլը» դաշինքի համապետական ցուցակը քաղաքական աջաբսանդալ էր, չկա քաղաքական գաղափարախոսություն։ Այսօր՝ նոյեմբերի 15–ին, խորհրդարանում լրագրողների հետ զրույցում նման կարծիք հայտնեց ԱԺ փոխնախագահ, ՀՀԿ–ական Էդուարդ Շարմազանովը։
1 | 2 | 3 | 4 | 5 | 6 | 7 | 8 | 14014
 
Լրահոս`
 
 
 
 
 
 
ՀՀԿ-ից մենք նոր ենք պրծել կամ պրծնում.Մարուքյան (տեսանյութ)
Հասարակություն, Քաղաքական, Տեսանյութեր