Facebook   Twitter
 
Լևոն Գրիգորյանը Լիբանանում հանդիպումներ է ունեցել մի շարք կառույցների ներկայացուցիչների հետ

Լևոն Գրիգորյանը Լիբանանում հանդիպումներ է ունեցել մի շարք կառույցների ներկայացուցիչների հետ

17 Մայիսի 2018 - 12:53
Արցախի Հանրապետության պատվիրակությունը՝ ԱՀ էկոնոմիկայի և արտադրական ենթակառուցվածքների նախարար Լևոն Գրիգորյանի գլխավորությամբ, «Արցախ Ռութս Ինվեսթմենթս» (ԱՌԻ) ընկերության հրավերով Լիբանանի Հանրապետությունում է:
Այցի առաջին օրը պատվիրակության անդամները այցելել են Լիբանանում Հայաստանի Հանրապետության դեսպանատում և հանդիպում ունեցել դեսպան Սամվել Մկրտչյանի հետ: Հանդիպմանը ներկա էր Արցախի Հանրապետության Մերձավոր արևելքի մշտական ներկայացուցիչ Կարո Քեբաբջյանը և Լիբանանի գրասենյակի գործավար Պետո Դեմիրճյանը:

Հանդիպմանը դեսպան Մկրտչյանը հակիրճ ներկայացրեց Լիբանանում Հայաստանի դեսպանատան գործունեությունը: Քննարկվեցին լիբանանահայության և Արցախի միջև համագործակցության ծրագրերը: Դեսպան Մկրտչյանը հայտնեց, որ միջացառումներ են ձեռնարկվելու առևտրական և տնտեսական երկկողմանի ծրագրերի զարգացման շուրջ:

Հետո պատվիրակությունը այցելեց Շաղզոյան կենտրոն և Վանա ձայն ռադիոյում հարցազրույց տվեցին Արցախի տնտեսության, Մարտակերտ և Կովսական քաղաքների իրավիճակների և զարգացման հեռանկարների մասին:

Այնուհետև Արցախի պատվիրակությունը այցելեց ՀՅԴ Լիբանանի կենտրոնական կոմիտեյի ներկայացուցիչ, պատգամավոր Հակոբ Բագրատունուն: Պատվիրակությունը շնորհավորեց պատգամավոր Բագրատունուն վերընտրության կապակցությամբ, և փոխանցեց ԱՀ նախագահ Բակո Սահակյանի շնորհավորանքները:

Այցելության ընթացքում քննարկվեց ՀՅԴ Լիբանանի կազմակերպության կողմից Արցախի պետության ամրապնդման և տնտեսության զարգացման համար գործի դրած ճիգերը և ապագայի հեռանկարները:

Կեսօրին պատվիրակությունն այցելեց ԼՕԽ-ի (Լիբանանահայ օգնության խաչ) «Արաքսի Պուլղուրճյան» ընկերաբժշկական կենտրոն և մոտիկից ծանոթացավ կենտրոնի զանազան բաժանմունքների աշխատանքներին:

Այցելության ավարտին պատվիրակությունը հանդիպում ունեցավ ԼՕԽ-ի շրջանային վարչության հետ և ծանոթացավ կենտրոնի արցախանպաստ գործունեությանը: Պատվիրակության անդամները փոխանակվեցին հուշանվերներով, իսկ նախարար Լևոն Գրիգորյանը իր տպավորությունները արձանագրեց ԼՕԽ-ի Ոսկե մատյանում:

Կեսօրից հետո պատվիրակությունը հանդիպում ունեցավ ԱՌԻ ընկերության հետ, որից հետո օրը եզրափակվեց Մեծի Տանն Կիլիկիոյ Արամ Ա. Կաթողիկոսին այցելությամբ: Նախարարը Կաթողիկոսին ներկայացնելով այցի նպատակները Արցախի ժողովրդի և իշխանությունների անունից շնորհակալություն հայտնեց Արցախին հետևողական աջակցելու և պարբերաբար ցուցաբերվող աջակցության համար:

Այսօր պատվիրակությունը կշարունակի լիբանանահայ ազգային կառույցների այցելությունների շարքը, և կեսօրին Մարտակերտի քաղաքապետը Պուրճ Համուդի քաղաքապետի հետ կստորագրեն զույգ քաղաքները քույր քաղաքներ հռչակելու հուշագիրը: Իսկ վաղը Կովսականի քաղաքապետը նման հուշագիր կստորագրի Այնճարի քաղաքապետի հետ՝ Այնճարն ու Կովսականը հռչակելով քույր քաղաքներ:

ԱՀ էկոնոմիկայի և արտադրական ենթակառուցվածքների

նախարարության մամլո ծառայություն


HayNews.am
 
Նմանատիպ նորություններ
Լոռիում 36-ամյա ոստիկան է ինքնասպան է եղել
22 Մայիսի 2018 - 21:47
Այսօր՝ մայիսի 22-ին, ողբերգական դեպք է տեղի ունեցել Լոռու մարզում: Ժամը 16:00-ի սահմաններում Ոստիկանության Թումանյանի բաժին ահազանգ է ստացվել, որ Ախթալա-Այրում երկաթգծի թունելի պահակակետի տարածքում տղամարդու դի կա կախված: Դեպքի վայր են մեկնել Ոստիկանության Թումանյանի բաժնի օպերատիվ խումբը՝ բաժնի պետ Արտակ Գուրջանյանի գլխավորությամբ:
ՊՍԺ-ն առաջիկայում կհայտնի Բուֆոնի հետ պայմանագիր կնքելու մասին
22 Մայիսի 2018 - 21:45
Ֆրանսիական ՊՍԺ ֆուտբոլային ակումբը մայիսի 23-ին պաշտոնապես կհայտնի իտալացի դարպասապահ Ջանլուիջի Բուֆոնի տեղափոխության մասին:
Արտակարգ դեպք Ջերմուկում. տեղի ոստիկանապետը, 34-ամյա տղամարդու կյանքը հաջողվեց փրկել. նա փորձում էր կամրջից ցած նետվել
22 Մայիսի 2018 - 21:40
Երեկ՝ մայիսի 20-ին, արտակարգ դեպք է տեղի ունեցել Վայոց Ձորի մարզում: Ժամը 10:50-ի սահմաններում ահազանգ է ստացվել ոստիկանության Ջերմուկի բաժին, որ մի քաղաքացի անցել է Ջերմուկ քաղաքի «Բարեկամություն» կամրջի վտանգավոր եզրագիծը և սպառնում է ցած նետվելու միջոցով ինքնասպան լինել:
Ալեն Սիմոնյանը վայր է դրել պատգամավորական մանդատը (Տեսանյութ)
22 Մայիսի 2018 - 21:25
ԱԺ պատգամավոր Ալեն Սիմոնյանը վայր է դրել պատգամավորական մանդատը: Այս մասին նա հայտնել է ֆեյսբուքյան իր էջում ուղիղ եթերով: Նա ասել է, որ շարունակելու է աշխատել Երևանի ավագանիում:
Կադրային նշանակումները ևս քայլեր են, որոնք քաղաքականության մեջ խորհրդանշորեն են ընկալվում. Սամվել Ֆարմանյան (Տեսանյութ)
22 Մայիսի 2018 - 20:50
ԱԺ «Հայաստանի Հանրապետական կուսակցություն» խմբակցության պատգամավոր Սամվել Ֆարմանյանն ԱԺ նիստում հանդես եկավ քաղաքական հայտարարությամբ։
ՀՀ-ում ամենաբարձր վարձատրվող պաշտոնյան ՀՀ նախագահն է. որքան աշխատավարձ են ստանում պաշտոնյաները
22 Մայիսի 2018 - 20:49
Հայաստանի հանրապետությունում ամենաբարձր վարձատրվող պաշտոնյան ՀՀ նախագահն է: Նրա ամսական աշխատավարձը կազմում է 1 մլն 322 հզր 800 դրամ:
1 | 2 | 3 | 4 | 5 | 6 | 7 | 8 | 12947
 
Լրահոս`