Facebook   Twitter
 
Կայացել է արդարադատության, ազատության և անվտանգության հարցերով ՀՀ-ԵՄ համագործակցության նիստը

Կայացել է արդարադատության, ազատության և անվտանգության հարցերով ՀՀ-ԵՄ համագործակցության նիստը

17 Մայիսի 2018 - 16:58
ՀՀ արդարադատության նախարարի տեղակալ Վիգեն Քոչարյանի և ԵՄ արտաքին գործողությունների եվրոպական ծառայության արևելյան գործընկերության դեպարտամենտի ղեկավար Դիրկ Շուբելի համանախագահությամբ այսօր կայացել է արդարադատության, ազատության և անվտանգության հարցերով ՀՀ-ԵՄ ենթակոմիտեի 9-րդ նիստը:
Քննարկումներին մասնակցում էին Հայաստանում ԵՄ պատվիրակության ղեկավար Պյոտր Սվիտալսկին, ՀՀ արտաքին գործերի նախարարության, ՀՀ ոստիկանության, ՀՀ գլխավոր դատախազության, ՀՀ ազգային անվտանգության ծառայության, ՀՀ ՏԿԶՆ միգրացիոն պետական ծառայության ներկայացուցիչները, ինչպես նաև եվրոպական հանձնաժողովի պատվիրակության, միջազգային կազմակերպությունների ու ՀՀ-ում ներկայացված ԵՄ անդամ պետությունների դեսպանությունների ներկայացուցիչները:

Այս մասին տեղեկացրին ՀՀ արդարադատության նախարարության տեղեկատվության և հասարակայնության հետ կապերի վարչությունից:

Բացման խոսքում փոխնախարար Քոչարյանը, անդրադառնալով Հայաստանում ներքաղաքական իրադարձություններով պայմանավորված փոփոխություններին, վերահաստատել է ՀՀ կառավարության պատրաստակամությունը իրականացնելու ՀՀ ստանձնած միջազգային պարտավորությունները, այդ թվում ՀՀ և ԵՄ-ի միջև 2017թ. նոյեմբերի 24-ին կնքված համապարփակ և ընդլայնված գործընկերության համաձայնագրի շրջանակներում:

Արևելյան գործընկերության երկրների դեպարտամենտի ղեկավար Դիրկ Շուեբելը իր ելույթում շեշտել է ԵՄ պատրաստակումությունը առավել խորացնելու առկա բազմոլորտ համագործակցությունը և աջակցելու շարունակական բարեփոխումների արդյունավետ իրականացմանը:

Նիստի ընթացքում քննարկվել են միգրացիային և շարժունակությանը, մարդկանց թրաֆիքինգի ու կոռուպցիայի դեմ պայքարին, հանցագործությունների կանխարգելմանը, դատաիրավական բարեփոխումներին, դատական համագործակցությանը, կիբերհանցագործության դեմ պայքարին և անձնական տվյալների պաշտպանությանն առնչվող հարցեր:

Նիստի օրակարգում ընդգրկված միգրացիայի և շարժունակության հետագա քայլերի համատեքստում Դիրկ Շուբելի և ԵՄ այլ ներկայացուցիչների կողմից անդրադարձ է կատարվել վիզաների դյուրինացման և ռեադմիսիայի վերաբերյալ պայմանագրերի իրականացման, շարժունակության շուրջ համագործակցության, ապաստարանի, սահմանային կառավարման և փաստաթղթերի անվտանգության վերաբերյալ հարցերին: Բարձրաձայնված բոլոր հարցերին տրվել են պատասխաններ համապատասխան ոլորտների ներկայացուցիչների կողմից՝ կատարված քայլերի, առկա իրավիճակի և առաջիկա անելիքների վերաբերյալ:

Իր խոսքում արդարադատության նախարարի տեղակալ Վիգեն Քոչարյանն անդրադարձել է վերջին տարիների ընթացքում ՀՀ-ում դատաիրավական և կոռուպցիայի դեմ պայքարի ոլորտներում իրականացված քայլերին՝ կարևորելով այս ուղղությամբ կատարվող աշխատանքների շարունակականությունը և ընդգծելով այդ ոլորտում ԵՄ գործընկերների աջակցությունը քրեակատարողական համակարգի արդիականացմանն ուղղված ջանքերին, ինչպես նաև իրավական փոխօգնության ու դատական համագործակցության բնագավառում ծավալված երկկողմ և բազմակողմ համագործակցությանը:

Հանդիպման ավարտին ԵՄ-ն վերահաստատել է իր պատրաստակամությունը խորացնելու և ընդլայնելու Հայաստանին ֆինանսական և տեխնիկական աջակցության տրամադրումը՝ ուղղված օրենքի գերակայության ամրապնդման, անվտանգության ապահովման, արդարադատության ոլորտի բարեփոխումների, կոռուպցիայի, մարդկանց թրաֆիքինգի և ահաբեկչության դեմ պայքարի շրջանակներում ՀՀ կողմից բարեփոխումների հետևողական իրականացմանը:

Հանդիպման արդյունքում ամրագրվել են կողմերի փոխհամաձայնությամբ ձևավորված գործառնական եզրակացությունները, որոնց կատարման ընթացքը կդիտարկվի հաջորդ նիստի ընթացքում:


HayNews.am
 
Նմանատիպ նորություններ
Նիկոլ Փաշինյանը՝ Հունան Պողոսյանի հետ կապված միջադեպի մասին
18 Հոկտեմբերի 2018 - 18:15
Վարչապետի պաշտոնակատար Նիկոլ Փաշինյանը կարծում է, որ տարիներ առաջ Հունան Պողոսյանի կողմից Շանթ Հարությունյանի նկատմամբ բռնություն կիրառելու հրապարակման վերաբերյալ պետք է նոր քննություն անցկացվի։
Մասիսը նորից անցավ լեռնային աղբյուրների ջրին
18 Հոկտեմբերի 2018 - 18:13
Հայտնի է, որ Մասիս քաղաքն ու մի շարք հարակից գյուղեր «մորուց» օգտագործել են տեղի
խորքային հորերի արտեզյան ջուրը:
ՌԴ իրավապահների կողմից հետախուզվողը ներկայացել է ՀՀ ոստիկանություն
18 Հոկտեմբերի 2018 - 18:09
Ոստիկանության Կապանի բաժնի ծառայողների բացատրական աշխատանքների շնորհիվ հոկտեմբերի 17-ին, ժամը 12.00-ին, բաժին է ներկայացել 1971 թ. ծնված Հայկ Մ.-ն, որը օգոստոսի 16-ից ՌԴ ՆԳՆ Տրանսպորտային ՆԳՎ Մալո-Յարոսլավի ՆԳԲ կողմից հետախուզվում էր ՌԴ քրեական օրենսգրքի 159 հոդվածի 4-րդ մասի (խարդախությունը) հատկանիշներով:
Մոսկվայում տաքության բացարձակ ռեկորդ է սահմանվել
18 Հոկտեմբերի 2018 - 18:05
Մոսկվայում հոկտեմբերի 18-ին 17,9 աստիճան տաքության բացարձակ ռեկորդ է սահմանվել. ՌԴ մայրաքաղաքում նման ցուցանիշներ հոկտեմբերի 18-ին չեն եղել օդերեւութաբանական դիտարկումների ողջ պատմության ընթացքում: Այդ մասին հայտնել Է «Ֆոբոս» եղանակի կենտրոնի մասնագետ Եվգենի Տիշկովեցը:
Բոլորիս համար հանելուկ էր, որ Սերժ Սարգսյանը հրաժարական տվեց. Ծառուկյան
18 Հոկտեմբերի 2018 - 18:03
Փաշինյանն էն մարդն ա, որ ոչ ոք իրա վրա չի կասկածում, իրա դուխի, իրա մտքի: Այս մասին, այսօր՝ հոկտեմբերի 18-ին, լրագրողների հետ զրույցում նշեց ԲՀԿ առաջնորդ Գագիկ Ծառուկյանը պատասխանելով հարցին, թե ինչու Նիկոլ Փաշինյանը հուշագիր ստորագրեց միայն «Ծառուկյան» խմբակցության հետ, իսկ ՀՀԿ-ի ու ՀՅԴ-ի բանավոր խոսքին հավատաց, որ իր հրաժարականից հետո վարչապետի թեկնածու չեն առաջադրելու:
Խանութից բջջային հեռախոսներ էին գողացել. կասկածյալը հայտնաբերվեց
18 Հոկտեմբերի 2018 - 17:53
Հոկտեմբերի 11-ին, ժամը 18.50-ին, ոստիկանության Երևան քաղաքի վարչության օպերատիվ կառավարման կենտրոն էր զանգահարել 23-ամյա մի քաղաքացուհի և հայտնել, որ նույն օրը, ժամը 17.30-ին, Երևանի Անդրանիկի փողոցի թիվ 144/6 հասցեում գտնվող խանութ-սրահում, օգտվելով աշխատակիցների անուշադրությունից, գողացել են իր մայրիկի՝ 1971 թ. ծնված Սուսաննա Հ.-ի «Այֆոն 7» և «ԶՏԵ» բջջային հեռախոսները:
Հայաստանի պատմության թանգարանն ազատվել է ապակե պատնեշներից (Տեսանյութ)
18 Հոկտեմբերի 2018 - 17:49
Բաղրամյան 26-ի ու ԱԺ այգու դռները բացելուց հետո հերթը հասավ Հայաստանի պատմության թանգարանին: Այս մասին տեղեկացնում է ՀՀ կառավարության ֆեյսբուքյան էջը:
Ցանկացած քաղաքացիներ կարող են կուսակցություններ ստեղծել. Փաշինյանը՝ Քոչարյանի մտադրության մասին
18 Հոկտեմբերի 2018 - 17:46
Հայաստանի ցանկացած քաղաքացիներ կարող են միավորումներ ստեղծել, այդ թվում կուսակցություններ։ ՀՀ երկրորդ ՀՀ երկրորդ նախագահ Ռոբերտ Քոչարյանի՝ կուսակցություն ստեղծելու մտադրությանն այսօր՝ հոկտեմբերի 18–ին, այսպես արձագանքեց վարչապետի պաշտոնակատար Նիկոլ Փաշինյանը։
Էրդողանը կրկին քնել է հանդիպման ժամանակ (Տեսանյութ)
18 Հոկտեմբերի 2018 - 17:39
Թուրքիայի նախագահ Ռեջեփ Թայիփ Էրդողանը նիրհել է Մոլդովայի նախագահ Իգոր Դոդոնի հետ հանդիպման ժամանակ:
1 | 2 | 3 | 4 | 5 | 6 | 7 | 8 | 15310
 
Լրահոս`
 
 
 
 
 
 
 
 
Էրդողանը կրկին քնել է հանդիպման ժամանակ (Տեսանյութ)
Հասարակություն, Քաղաքական, Տեսանյութեր
 
 
Ես բիզնեսով չեմ զբաղվում. Գագիկ Ծառուկյան
Հասարակություն, Քաղաքական