Facebook   Twitter
 
Ոստիկանությունը հայտարարություն է տարածել

Ոստիկանությունը հայտարարություն է տարածել

17 Մայիսի 2018 - 22:07
ՀՀ ոստիկանությունում գրանցվել էին հանցագործության մասին հաղորդումներ, համաձայն որոնց՝ քաղաքացիական հագուստով անձինք բռնություն են գործադրել խաղաղ հավաքի մասնակիցների նկատմամբ, ինչպես նաև վնասել նրանց գույքը: Այսպես.
- 2018թ. ապրիլի 26-ին ոստիկանության Էրեբունու բաժին է ստացվել <> լրատվական կայքում զետեղված <<Քաղաքացիական հագուստներով անձինք մահակներով ծեծի են ենթարկել անչափահասների>> վերտառությամբ հոդվածն առ այն, որ Երևանի Էրեբունի և Այվազովսկի փողոցներում քաղաքացիական հագուստներով անձինք մահակներով ծեծի են ենթարկել անչափահաս ցուցարարներին:
Նախապատրաստված նյութերի շրջանակներում պարզվել է, որ 2018թ. ապրիլի 20-ին ժամը 13-ի սահմաններում Երևանի Այվազովսկու փողոցի 29 հասցեի դիմաց` Դ. Ա.-ի ու նրա հետ եղած 2 անձանց կողմից փողոցի երթևեկելի մասը փակելու պատճառով նույն փողոցով ընթացող <<Տոյոտա Կորոլլա>> մակնիշի ավտոմեքենայի վարորդի և ուղևորների միջև առաջացած վիճաբանության ընթացքում վերջիններս ձեռքերով ու ոտքերով փոխադարձ հարվածներ են հասցրել միմյանց մարմնի տարբեր մասերին:

Փաստի առթիվ 2018թ. մայիսի 4-ին ոստիկանության Էրեբունու բաժնում ՀՀ քր. օր.-ի 118-րդ հոդվածի հատկանիշներով հարուցվել է քրեական գործ, որը նույն օրն ուղարկվել է ՀՀ ՔԿ Էրեբունի և Նուբարաշեն վարչական շրջանների քննչական բաժին:
Ենթադրյալ հանցագործություն կատարած անձինք՝ Ս.Հ.-ն, Վ. Մ. –ն, Գ. Ա.-ն և Ս. Բ-ն ներկայացվել են նախաքննության մարմնին: Կատարվում է նախաքննություն:

- 2018թ. ապրիլի 22-ին, ժամը 2200-ին Վ. Թ.-ն ոստիկանության Նոր Նորքի բաժնում հաղորդում է տվել, որ նույն օրը ժամը 1830-ի սահմաններում Ավան, Աճառյան փողոցում գտնվող <<Ֆորդ>> սերվիսի մոտ իր կողմից լրագրողական գործունեություն կատարելու ժամանակ, դիմակավորված և քաղաքացիական հագուստներով անհայտ անձինք մահակներով հարվածներ են հասցրել իր գլխին, ոլորել և քաշել են իր ձեռքերը` պատճառելով ֆիզիկական ցավ, միաժամանակ հափշտակել են իր <<Այփադ Էյռ-2>> մոդելի պլանշետը և <<Սամսունգ Գալաքսի Ջի-7>> մոդելի բջջային հեռախոսը, դրանով խոչընդոտելով իր`լրագրողի մասնագիտական օրինական գործունեությանը: Այնուհետև մահակներով հարվածել և վնասել են իրեն պատկանող <<Նիսսան Տիդա>> մակնիշի ավտոմեքենան` պատճառելով մոտ 550.000 ՀՀ դրամի նյութական վնաս:
Փաստի առթիվ 2018թ. ապրիլի 25-ին ոստիկանության Նոր Նորքի բաժնում ՀՀ քր. օր.-ի 164-րդ հոդվածի 1-ին մասի և 185-րդ հոդվածի 2-րդ մասի 2-րդ կետի հատկանիշներով հարուցվել է քրեական գործ, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:

- 2018թ. ապրիլի 21-ին Մ.Ս.-ն ոստիկանության Նոր Նորքի բաժնում հաղորդում է տվել, որ նախորդ օրը ժամը 2245-ի սահմաններում անհայտ անձը Երևան քաղաքի Ավան վարչական շրջանի Ծ.Աղբյուրի փողոցում ինչ-որ առարկայով հարվածներ է հասցրել իրեն պատկանող <<Սուբարու>> մակնիշի ավտոմեքենային` պատճառելով շուրջ 300.000 ՀՀ դրամի նյութական վնաս: Փաստի առթիվ 2018թ. ապրիլի 26-ին ոստիկանության Նոր Նորքի բաժնում ՀՀ քր. օր.-ի 185-րդ հոդվածի 1-ին մասի հատկանիշներով հարուցվել է քրեական գործ, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:
- 2018թ. ապրիլի 22-ին <> ինտերնետային հեռուստաընկերության լրագրող Ա.Գ.-ն հաղորդում է տվել այն մասին, որ նախորդ օրը, ժամը 15-ի սահմաններում Ավանի Բաբաջանյան փողոցում իր <<Այֆոն 6-Ս>> մոդելի բջջային հեռախոսով իրականացրել է լրագրողի մասնագիտական գործունեություն, որի ընթացքում անհայտ անձն իր ձեռքից հափշտակել է նշված բջջային հեռախոսը և դիմել փախուստի` պատճառելով մոտ 300.000 ՀՀ դրամի նյութական վնաս: Փաստի առթիվ 2018թ. ապրիլի 27-ին ոստիկանության Նոր Նորքի բաժնում ՀՀ քր. օր.-ի 164-րդ հոդվածի 1-ին մասի հատկանիշներով հարուցվել է քրեական գործը, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:

- 2018թ. ապրիլի 22-ին ժամը 1830-ին Տ. Մ.-ն ոստիկանության Նոր Նորքի բաժնում հաղորդում է տվել, որ նույն օրը ժամը 1715-ի սահմաններում Ավան, Աճառյան փողոցում գործող <<Ֆորդ>> սերվիսի մոտ դիմակավորված և քաղաքացիական հագուստներով անհայտ անձինք մահակներով և ոտքերով հարվածներ են հասցրել ու վնասել իրեն պատկանող <<Օպել>> մակնիշի ավտոմեքենան` պատճառելով մոտ 50.000 ՀՀ դրամի նյութական վնաս: Փաստի առթիվ 2018թ. ապրիլի 27-ին ոստիկանության Նոր Նորքի բաժնում ՀՀ քր. օր.-ի 185-րդ հոդվածի 1-ին մասի հատկանիշներով հարուցվել է քրեական գործը, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:
- 2018թ. մայիսի 7-ին ժամը 1530-ին Գ. Ռ.-ի կողմից ոստիկանության Նոր Նորքի բաժնում տրված հաղորդման շրջանակներում պարզվել է, որ ս.թ. ապրիլի 22-ին Ավան, Աճառյան փողոցում գործող <<Ֆորդ>> սերվիսի մոտակայքում քաղաքացիական հագուստներով, բժշկական դիմակներով դեմքերը փակած մի խումբ անձինք մասնակցել են զանգվածային անկարգություններին, ինչի ժամանակ փակել են դեպի Երևան քաղաքի Կենտրոն տանող Աճառյան փողոցի երթևեկելի հատվածը, մահակներով դիտավորյալ հարվածելով վնասել են քաղաքացիների ավտոմեքենաները, որի ընթացքում ժամը 1520-ի սահմաններում վնասել են նաև Գ. Ռ.-ի <<Նիսսան Սկայլայն>> մակնիշի ավտոմեքենան` պատճառելով 250.000 ՀՀ դրամի նյութական վնաս: Փաստի առթիվ 2018թ. մայիսի 10-ին ոստիկանության Նոր Նորքի բաժնում ՀՀ քր. օր.-ի 225-րդ հոդվածի 2-րդ մասի հատկանիշներով հարուցվել է քրեական գործ, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:

- 2018թ. մայիսի 3-ին Ավան և Նոր Նորք վարչական շրջանների դատախազությունից ոստիկանության Նոր Նորքի բաժին է ստացվել <<Հելսինկյան քաղաքացիական ասամբլեա>> ՀԿ Վանաձորի գրասենյակի նախագահ Արթուր Սաքունցի գրությունն այն մասին, որ 20.04.2018թ. www.irakanum.am լրատվական կայքի ֆեյսբուքյան էջում հրապարակվել է <<Ավանում դաժան ծեծի ենթարկեցին ավտոերթի մասնակից քաղաքացուն>> վերտառությամբ տեսանյութ, որում քաղաքացիական հագուստներով մի խումբ անձինք <<ՎԱԶ 2107>> մակնիշի ավտոմեքենայից դուրս են հանել վարորդին, ծեծի ենթարկել նրան, միաժամանակ ձեռքերով, ոտքերով և մահակներով հարվածել ու վնասել նշված ավտոմեքենան: Փաստի առթիվ 2018թ. մայիսի 11-ին ոստիկանության Նոր Նորքի բաժնում ՀՀ քր. օր.-ի 258-րդ հոդվածի 3-ին մասի 1-ին կետի հատկանիշներով հարուցվել է քրեական գործ, որը նույն օրն ուղարկվել է ՀՀ ՔԿ Ավան և Նոր Նորք վարչական շրջանների քննչական բաժին:
ՀՀ ՔԿ Ավան և Նոր Նորք վարչական շրջանների քննչական բաժնում քննվող վերը թվարկված բոլոր քրեական գործերը միացվել են մեկ վարույթում, կատարվում է նախաքննություն:

Ձեռնարկված օպերատիվ-հետախուզական միջոցառումների արդյունքում պարզվել են մի խումբ անձինք, ովքեր ենթադրաբար կատարել են վերոհիշյալ հանցագործությունները, մասնավորապես՝ Երևան քաղաքի բնակիչներ Ա. Մ.-ն, Ա. Ե.-ն, Ս. Ղ.-ն, Գ. Ղ.-ն, Ա. Գ.-ն, Ա. Վ.-ն, Գ. Ա.-ն, Ա.Ա.-ն, Ս. Հ.-ն, Վ. Ս.-ն, Ս. Ս.-ն, Ա. Մ.-ն: Վերջիններիս տվյալները տրամադրվել են նախաքննական մարմնին՝ անհրաժեշտ քննչական գործողություններ կատարելու համար:

- 2018թ. ապրիլի 22-ին ժամը 1720-ին <<Մասիս>> ԲԿ-ից ոստիկանության Մասիսի բաժնում հաղորդում է ստացվել, որ <<աջ սրունքի հյուսվածքների թափանցող հրազենային վերք>> ախտորոշմամբ իրենց մոտ բուժօգնության է դիմել Էջմիածին քաղաքի բնակիչ Մ. Մ.-ն:
Փաստի առթիվ 2018թ. ապրիլի 25-ին ՀՀ ՔԿ Արարատի մարզային քննչական վարչության Մասիսի քննչական բաժնում ՀՀ քր. օր.-ի 258-րդ հոդվածի 4-րդ մասով հարուցվել է քրեական գործ:

Նախաքննությամբ պարզվել է, որ 22.04.2018թ. ժամը 1630-ի սահմաններում Մ.Մ.-ն մարմնական վնասվածքը ստացել է Արարատի մարզի Հայանիստ-Հովտաշատ գյուղերի խաչմերուկը փակելու հարցի շուրջ ծագած վիճաբանության ընթացքում՝ անհայտ անձի կողմից արձակված կրակոցի հետևանքով:

Դեպքի հանգամանքների բացահայտմանն ուղղված միջոցառումների ընթացքում բերման ենթարկվել և նախաքննության մարմնին են ներկայացվել Բ.Ս.-ն, Դ. Հ.-ն, Գ. Հ-ն, Մ. Մ.-ն. Գ. Խ.-ն, Ս. Ս.-Ն, Ա.Բ-ն, Ռ.Հ.-ն, Ն. Հ.-ն: Ձեռնարկված օպերատիվ- հետախուզական միջոցառումների և քննչական գործողությունների արդյունքում պարզվել է, որ նշված հանցագործությունը կատարել է Մասիս քաղաքի բնակիչ Սեյրան Կարապետյանը՝ իր մոտ եղած <<Սայգա>> տիպի հրացանով: Սեյրան Կարապետյանի նկատմամբ հայտարարված է հետախուզում, ձեռնարկվում են միջոցներ վերջինիս և հանցագործության գործիք հանդիսացող հրազենը հայտնաբերելու ուղղությամբ: Կատարվում է նախաքննություն:

HayNews.am
 
Նմանատիպ նորություններ
Արտակ Զեյնալյանը շրջայց է կատարել ՀՀ ԱՆ պրոբացիայի պետական ծառայություն
17 Օգոստոսի 2018 - 10:46
Արդարադատության նախարար Արտակ Զեյնալյանն այսօր շրջայցով գտնվել է ՀՀ ԱՆ պրոբացիայի պետական ծառայության կենտրոնական մարմնում:
Վարչապետի որոշմամբ ստեղծվել է նոր հանձնաժողով
17 Օգոստոսի 2018 - 10:45
Վարչապետ Նիկոլ Փաշինյանը օգոստոսի 16-ին որոշում է ընդունել.
Քնի խնդիրները միայնակության եւ սոցիալական մեկուսացվածության զգացում են առաջացնում
17 Օգոստոսի 2018 - 10:42
Բերքլիի Քալիֆորնիական համալսարանի գիտնականները հետազոտություն են անցկացրել, որն օգնել է նորովի դիտարկել քնի հետ կապված խնդիրները:
Խաղաղ օվկիանոսում Մեքսիկայից ոչ հեռու ձեւավորվել է «Լեյն» փոթորիկը
17 Օգոստոսի 2018 - 10:37
Խաղաղ օվկիանոսում «Լեյն» փոթորիկն է ձեւավորվել, հայտնում է ԱՄՆ Փոթորիկներին հետեւելու ազգային կենտրոնը (NHC), փոխանցում է «ՌԻԱ Նովոստի»-ն:
Ֆրանսիայում բեռնատարը բախվել է երեխաների տեղափոխող ավտոբուսի, կան տուժածներ
17 Օգոստոսի 2018 - 10:22
Ֆրանսիայում բեռնատարը բախվել է երեխաների տեղափոխող ավտոբուսի, պատահարի հետևանքով տուժել է 9 մարդ, այս մասին տեղեկացնում է L'Union-ը։
Եվգենի Պետրոսյանին զվարճացրել է իր թանկարժեք ժամացույցը վերցնելու կնոջ ցանկությունը
17 Օգոստոսի 2018 - 10:19
Եվգենի Պետրոսյանի եւ Ելենա Ստեպանենկոյի ամուսնալուծության մասին է գրում ամբողջ ռուսական մամուլը, իսկ որոշ լրագրողներ արդեն պարզել են, թե ով է 72-ամյա Եվգենի Պետրոսյանի 29-ամյա օգնական-սիրուհի Տատյանա Բրուխունովան:
Թաիլանդում աշակերտներին եւ ուսանողներին արգելել են գրկախառնվել ու համբուրվել
17 Օգոստոսի 2018 - 10:16
Թաիլանդի կառավարությունը հաստատել է «Սովորողների վարքագծի կանոնների» խմբագրված նոր տեքստը, որը կառավարության քննարկմանն է ներկայացրել երկրի կրթության նախարարությունը, հայտնում է Nation պարբերականը:
Նախկինում էլ են պայքարել կոռուպցիայի դեմ. ՀՀԿ-ական պատգամավոր
17 Օգոստոսի 2018 - 09:55
ՀՀ Ազգային ժողովի ՀՀԿ խմբակցության պատգամավոր Ալիկ Սարգսյանը թեեւ նկատել է, որ Նիկոլ Փաշինյանի գլխավորած կառավարությունը կոռուպցիայի դեմ պայքարում կամք ցուցաբերում է, սակայն 100 օրը քիչ է համարում այդ աշխատանքը գնահատելու համար։
Երևանում և 6 մարզում էլեկտրաէներգիայի պլանային անջատումներ են սպասվում
17 Օգոստոսի 2018 - 09:52
«Հայաստանի էլեկտրական ցանցեր» փակ բաժնետիրական ընկերությունը տեղեկացնում է, որ ս/թ օգոստոսի 17-ին պլանային և վերանորոգման աշխատանքներ իրականացնելու նպատակով, հետագայում վթարներից խուսափելու համար կհոսանքազրկվեն`
1 | 2 | 3 | 4 | 5 | 6 | 7 | 8 | 12832
 
Լրահոս`