Facebook   Twitter
 
ՔԿ-ն նոր մանրամասներ է հայտնել այրված դի հայտնաբերելու դեպքով (Լուսանկարներ)

ՔԿ-ն նոր մանրամասներ է հայտնել այրված դի հայտնաբերելու դեպքով (Լուսանկարներ)

17 Մայիսի 2018 - 23:28
ՀՀ քննչական կոմիտեի ԵՔՔՎ Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ՝ Սիլիկյան թաղամասում հայտնաբերված այրված դիակի դեպքի առթիվ՝ սպանության հատկանիշներով։
2018 թվականի մայիսի 17-ին ահազանգ է ստացվել, որ 3-րդ գյուղից դեպի գերեզմաններ տանող ճանապարհին՝ փոսի մեջ, այրված դի կա։

Անմիջապես դեպքի վայր է մեկնել քննչական-օպերատիվ խումբը։ Դեպքի վայրի զննության ընթացքում Երեւան քաղաքի Սիլիկյան թաղամասի Հին խճուղի փողոցի՝ Սիլիկյան թաղամասի 3-րդ փողոցի 1-ին նրբանցքի 4-րդ տանը կից քարի արտադրամասի դիմացի ճանապարհահատվածից դեպի գերեզմանատան 2-րդ հատվածի ուղղությամբ ձախ հատվածում՝ փորվածքի մեջ, հայտնաբերվել է անձը չպարզված, մետաղական լարով կապված եւ այրված արական սեռի դիակ: Զննությամբ դիակի պարանոցի հատվածին հայտնաբերվել են նաեւ կտրած-ծակած վնասվածքներ։

ՀՀ քննչական կոմիտեի ԵՔՔՎ Աջափնյակ եւ Դավթաշեն վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 104-րդ հոդվածի 1-ին մասով՝ սպանության դեպքի առթիվ, մշակվել է քննչական պլան, եւ ձեռնարկվում են մեծածավալ անհրաժեշտ քննչական եւ օպերատիվ-որոնողական միջոցառումներ՝ դիակի ինքնությունը եւ սպանության հանգամանքները պարզելու ուղղությամբ, նշանակվել է դատաբժշկական փորձաքննություն։

Նախնական տվյալներով՝ տուժածը 25-30 տարեկան, միջին կազմվածքի տղամարդ է, ով ունեցել է մշակված մորուք։ Դիակի զննությամբ մարմնի վրա հայտնաբերվել են տարբեր դաջվածքներ, մասնավորապես՝ ուսահոդերի շրջանին՝ ութանկյուն դաջվածքներ, աջ բազկին դաջված դիմանկար՝ նմանեցվում է Հիսուսին, աջ եւ ձախ ծնկահոդերին՝ աստղանման դաջվածք։

Կից հրապարակում են տուժածի մարմնի վրա արձանագրված դաջվածքների լուսանկարները եւ խնդրում բոլոր նրանց, ովքեր կճանաչեն դրանք կամ որեւէ տեղեկություն ունեն տուժողի ինքնության վերաբերյալ, դիմել ՀՀ ՔԿ Երեւան քաղաքի քննչական վարչության Աջափնյակ եւ Դավթաշեն վարչական շրջանների քննչական բաժին կամ ոստիկանության մոտակա բաժին:

HayNews.am
 
Նմանատիպ նորություններ
Ֆելիքս Ցոլակյանն անցկացրել է ընդլայնված խորհրդակցություն
19 Հոկտեմբերի 2018 - 15:44
Հոկտեմբերի 19-ին ՀՀ արտակարգ իրավիճակների նախարարի պաշտոնակատար Ֆելիքս Ցոլակյանն անցկացրեց ընդլայնված խորհրդակցություն, որին մասնակցեցին նախարարության ղեկավար կազմը, ինչպես նաեւ կառուցվածքային եւ առանձնացված ստորաբաժանումների ղեկավարները:
Վերանորոգվել է Արեւշատ – Աբովյան ճանապարհի մոտ 1,5 կիլոմետրանոց հատվածը
19 Հոկտեմբերի 2018 - 15:39
Ավարտվել են Արեւշատ-Աբովյան ճանապարհի մոտ 1,5 կիլոմետրանոց ճանապարհահատվածի վերանորոգման աշխատանքները։
Կերչի քոլեջում հրաձգություն ու պայթյուններ իրականացրած երիտասարդը հաստատություն է այցելել «Ատելություն» գրությամբ շապիկով
19 Հոկտեմբերի 2018 - 15:31
Ղրիմի Կերչ քաղաքի պոլիտեխնիկական քոլեջում հրաձգություն ու պայթյուններ իրականացրած, այնուհետ ինքնասպան եղած Վլադիսլավ Ռոսլյակովը ողբերգության օրն ուսումնական հաստատություն է այցելել «Ատելություն» գրությամբ շապիկով:
Կառավարությունը գործարան չի բացում, դա խորհրդային ժամանակներում էր. Փաշինյան
19 Հոկտեմբերի 2018 - 15:26
Վարչապետի ժամանակավոր պաշտոնակատար Նիկոլ Փաշինյանը այցելել է Սյունիքի մարզ: Նիկոլ Փաշինյանը լսել է քաղաքացիների բողոքները և առաջարկները: Դրանք հիմնականում վերաբերում էին ճանապարհների վիճակին և նպաստներին:
Թող ինձ մի 100.000 թոշակ տան, իմ խարաբում վեր ընկնեմ՝ մի կտոր հաց ուտեմ. Սյունեցի կնոջ բոցաշունչ ելույթը՝ Փաշինյանի մոտ
19 Հոկտեմբերի 2018 - 15:24
Սյունիքի մարզի Սյունիք գյուղում այսօր՝ հոկտեմբերի 19–ին կայացած հանրահավաքի ժամանակ, սյունեցի կանանցից մեկը բոցաշունչ ելույթ ունեցավ՝ դժգոհելով ճանապարհների, տրանսպորտի և աշխատատեղերի խնդրից։
Ծխող տղամարդկանց երեխաների մոտ կարող են կոգնիտիվ խանգարումներ առաջանալ. հետազոտություն
19 Հոկտեմբերի 2018 - 15:21
Եթե տղամարդը ենթարկվում է նիկոտինի ազդեցությանը (կամ ինքն է ծխում, կամ ծխում են նրա ներկայությամբ), նրա երեխաների եւ թոռների մոտ կարող են առաջանալ կոգնիտիվ արատներ եւ խանգարումներ: Այս մասին նշված է PLOS Biology ամսագրում հրապարակված նոր հետազոտության մեջ:
Գիշերօթիկ հաստատության բակում գտնված նորածին երեխաների մայրը հայտնաբերվել է. նա 18 տարեկան է
19 Հոկտեմբերի 2018 - 15:17
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է գիշերօթիկ հաստատության բակում հայտնաբերված նորածին երեխաների մոր ինքնությունը: Նա Արարատի մարզի 18-ամյա բնակչուհի է, որը բերվել է ոստիկանության Մուշի բաժին:
Ոստիկանների կողմից անչափահասին խոշտանգելու դեպքի առթիվ քրեական գործ է հարուցվել
19 Հոկտեմբերի 2018 - 15:09
ՀՀ հատուկ քննչական ծառայությունում ՀՀ քրեական օրենսգրքի 309.1-րդ հոդվածի 2-րդ մասի 4-րդ կետով քրեական գործ է հարուցվել ՀՀ ոստիկանության պաշտոնատար անձանց կողմից անչափահասին խոշտանգելու ենթադրյալ հանցագործության դեպքի առթիվ:
1 | 2 | 3 | 4 | 5 | 6 | 7 | 8 | 13705
 
Լրահոս`