Facebook   Twitter
 
ՀՀ նախագահի տիկին Նունե Սարգսյանը հայկական մշակույթի մեջ մեծ կարևորություն է տալիս պարարվեստին (Լուսանկարներ)

ՀՀ նախագահի տիկին Նունե Սարգսյանը հայկական մշակույթի մեջ մեծ կարևորություն է տալիս պարարվեստին (Լուսանկարներ)

13 Հունիսի 2018 - 15:13
ՀՀ նախագահի տիկին Նունե Սարգսյանը, տեսնելով Երևանի պարարվեստի պետական քոլեջի սաների՝ իր պատվին պատրաստած փայլուն ելույթը, ափսոսանք զգաց՝ վաղ տարիքում բալետի դասերը թողած լինելու համար:
Նունե Սարգսյանը շատ է սիրում պարն ու երաժշտությունը և հայկական մշակույթի մեջ մեծ կարևորություն է տալիս պարարվեստին: «Արմենպրես»-ի հաղորդմամբ՝ նախագահի տիկինը նման կարծիք հայտնեց Երևանի պարարվեստի պետական քոլեջ այցից հետո լրագրողների հետ զրույցում:

«Զարմացած և հիացած եմ այն ամենով, ինչ տեսա այս դպրոցում: Բալետ ստեղծելը տարիների շատ դժվար աշխատանք է: 6 տարեկանում առաջին բալետային ներկայացումը տեսնելուց հետո ծնողներիս աղերսեցի, որ ինձ տանեն պարարվեստի ուսումնարան: Ստուգեցին երաժշտականությունս, և ես անցա քննությունը: Սակայն 6 ամիս հետո նորից աղերսեցի ծնողներիս, որ ինձ հանեն ուսումնարանից, ասում էի՝ շատ դժվար է, չեմ կարող: Հիմա, այս սաներին ու գեղեցիկ արդյունքը տեսնելով, արդեն մտածում եմ՝ թողնելը սխալ էր»,-ասաց Նունե Սարգսյանն ու հավելեց, որ հիմա իր 6-ամյա թոռնուհին է բալետի դասերի հաճախում:

Նախագահի տիկինը ոչ միայն բալետ, այլ նաև շատ է սիրում մեր ազգային պարերը, ռոք-ն-ռոլ: Կարծում է՝ պարի միջոցով հնարավոր է ձերբազատվել կուտակված բացասական էներգիայից: Պարարվեստը շատ կարևոր է՝ սկսած մեր ազգային պարերից մինչ բալետ: Նունե Սարգսյանը հիշեց նաև, որ Հայաստանը դեռ վաղուց բալետի ավանդույթներ է ունեցել՝ ի դեմս ազգությամբ հայ հայտնի պարուհի և պարուսույց Ագրիպինա Վահանովայի, ում անունով է ներկայում կոչվում Պետերբուրգի պարի ակադեմիան: «Եվ այսօր տեսնում եմ, որ այդ ավանդույթը շարունակվում է: Շատ եմ սիրում պարն ու պատրաստ եմ աջակցել ինչով կարող եմ»,-նշեց նախագահի տիկինը:

Նունե Սարգսյանը հիշեց իր ամենասիրելի բալետը՝ «Սպարտակ»-ը, նշեց՝ այդպիսի երաժշտություն և ներկայացում չկա աշխարհում: Այսօր դիտելու է «Դիմակահանդես» բալետը: Նախագահի տիկինն ավարտել է Երևանի Ալ. Սպենդիարյանի անվան երաժշտական դպրոցը և նույնիսկ մինչ հիմա դաշնամուրի դասեր է ստանում, մշտապես փորձում է կատարելագործել իր աշխատանքը: Անկեղծանում է՝ազատ ժամանակ շատ է սիրում նվագել:

Հայաստանում բալետի պարողների խնդիրներից նա նշեց գումարի պակասն ու ելույթի տեղ չունենալը, հավելեց՝ խնդիրը նույնն է նաև արտերկրում: Հույս հայտնեց, որ կկարողանա օգնել պարարվեստի ուսումնարանին ու բալետին:

Նախագահի տիկինը նաև շրջայց կատարեց դպրոցում, ծանոթացավ սաների հետ: Ներկա գտնվեց պետական ավարտական քննությանը, հետաքրքրվեց սաների առաջադիմությամբ: Սովորողներն էլ իրենց հերթին Նունե Սարգսյանին խնդրեցին հաճախ այցելել իրենց:

HayNews.am
 
Նմանատիպ նորություններ
Կերչի քոլեջում հրաձգություն ու պայթյուններ իրականացրած երիտասարդը հաստատություն է այցելել «Ատելություն» գրությամբ շապիկով
19 Հոկտեմբերի 2018 - 15:31
Ղրիմի Կերչ քաղաքի պոլիտեխնիկական քոլեջում հրաձգություն ու պայթյուններ իրականացրած, այնուհետ ինքնասպան եղած Վլադիսլավ Ռոսլյակովը ողբերգության օրն ուսումնական հաստատություն է այցելել «Ատելություն» գրությամբ շապիկով:
Կառավարությունը գործարան չի բացում, դա խորհրդային ժամանակներում էր. Փաշինյան
19 Հոկտեմբերի 2018 - 15:26
Վարչապետի ժամանակավոր պաշտոնակատար Նիկոլ Փաշինյանը այցելել է Սյունիքի մարզ: Նիկոլ Փաշինյանը լսել է քաղաքացիների բողոքները և առաջարկները: Դրանք հիմնականում վերաբերում էին ճանապարհների վիճակին և նպաստներին:
Թող ինձ մի 100.000 թոշակ տան, իմ խարաբում վեր ընկնեմ՝ մի կտոր հաց ուտեմ. Սյունեցի կնոջ բոցաշունչ ելույթը՝ Փաշինյանի մոտ
19 Հոկտեմբերի 2018 - 15:24
Սյունիքի մարզի Սյունիք գյուղում այսօր՝ հոկտեմբերի 19–ին կայացած հանրահավաքի ժամանակ, սյունեցի կանանցից մեկը բոցաշունչ ելույթ ունեցավ՝ դժգոհելով ճանապարհների, տրանսպորտի և աշխատատեղերի խնդրից։
Ծխող տղամարդկանց երեխաների մոտ կարող են կոգնիտիվ խանգարումներ առաջանալ. հետազոտություն
19 Հոկտեմբերի 2018 - 15:21
Եթե տղամարդը ենթարկվում է նիկոտինի ազդեցությանը (կամ ինքն է ծխում, կամ ծխում են նրա ներկայությամբ), նրա երեխաների եւ թոռների մոտ կարող են առաջանալ կոգնիտիվ արատներ եւ խանգարումներ: Այս մասին նշված է PLOS Biology ամսագրում հրապարակված նոր հետազոտության մեջ:
Գիշերօթիկ հաստատության բակում գտնված նորածին երեխաների մայրը հայտնաբերվել է. նա 18 տարեկան է
19 Հոկտեմբերի 2018 - 15:17
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է գիշերօթիկ հաստատության բակում հայտնաբերված նորածին երեխաների մոր ինքնությունը: Նա Արարատի մարզի 18-ամյա բնակչուհի է, որը բերվել է ոստիկանության Մուշի բաժին:
Ոստիկանների կողմից անչափահասին խոշտանգելու դեպքի առթիվ քրեական գործ է հարուցվել
19 Հոկտեմբերի 2018 - 15:09
ՀՀ հատուկ քննչական ծառայությունում ՀՀ քրեական օրենսգրքի 309.1-րդ հոդվածի 2-րդ մասի 4-րդ կետով քրեական գործ է հարուցվել ՀՀ ոստիկանության պաշտոնատար անձանց կողմից անչափահասին խոշտանգելու ենթադրյալ հանցագործության դեպքի առթիվ:
Օրենքի խախտմամբ շինաշխատանքների հետեւանքով Արամի 23 հասցեի հուշարձան-շենքին վնաս հասցնելու առթիվ քրգործ է հարուցվել
19 Հոկտեմբերի 2018 - 15:06
Հոկտեմբերի 2-ին Երեւան քաղաքի դատախազություն է ստացվել ՀՀ մշակույթի նախարարի գրությունը Երեւանի Արամի փողոցի հուշարձան-շենքին կից տարածքում առանց լիազորված մարմնի համաձայնության իրականացված հողային աշխատանքների հետեւանքով հուշարձան-շենքի կայունությունը վնասելու վերաբերյալ:
Արարատ Միրզոյանի մասնակցությամբ Վենետիկի հանձնաժողովը քննարկում է ՀՀ Ընտրական օրենսգիրքը
19 Հոկտեմբերի 2018 - 15:01
Հայաստանի առաջին փոխվարչապետի պաշտոնակատար Արարատ Միրզոյանի մասնակցությամբ Վենետիկի հանձնաժողովն այսօր քննարկում է Հայաստանի արտահերթ խորհրդարանական ընտրությունների և Ընտրական նոր օրենսգրքի նախագծի հարցերը։ Այս մասին հայտնի է դառնում հանձնաժողովի այսօրվա նիստի օրակարգից։
1 | 2 | 3 | 4 | 5 | 6 | 7 | 8 | 14005
 
Լրահոս`
 
 
 
 
 
 
 
 
 
 
 
 
 
 
 
 
 
 
Ինձնից նորմալ աշխատանք ակնկալեք. Հունան Պողոսյան (Տեսանյութ)
Հասարակություն, Քաղաքական, Տեսանյութեր