Facebook   Twitter
 
Աստղիկ» ԲԿ-ում կատարվել է հոմոցիստեինի 967 հետազոտություն. Ի՞նչ են վկայում թվերը

Աստղիկ» ԲԿ-ում կատարվել է հոմոցիստեինի 967 հետազոտություն. Ի՞նչ են վկայում թվերը

13 Հունիսի 2018 - 20:53
«Աստղիկ» բժշկական կենտրոնի լաբորատորիայում կատարվել է հոմոցիստեինի 967 հետազոտություն: Այս մասին NEWS.am Medicine-ի թղթակցին հայտնեց լաբորատորիայի վարիչ Մարինե Մանուկյանը:
Ինչպես տեղեկացրեց լաբորատորիայի վարիչը, հետազոտվողների 55 տոկոսը կանայք են:

«Հետազոտվողների 60 տոկոսը նյարդաբանական ստացիոնար բաժնից են, 24 տոկոսը ամբուլատոր հիվանդներ են, կան նաեւ մեծ թվով հղիներ: Երբ դիտարկում ենք ըստ տարիքային խմբերի, ապա միչեւ 40 տարեկանները կազմում են հետազոտվողների 23 տոկոսը»,- ասաց նա։

Ըստ արտահայտվածության աստիճանի՝ հիպերհոմոցիստեինեմիան բաժանվում է 3 խմբի՝ թեթեւ 15-25 մկմոլ/լ, չափավոր 25-50 մկմոլ/լ եւ ծանր 50-500մկմոլ/լ:

«Աստղիկ» ԲԿ լաբորատորիայում հետազոտվողներից բարձր ցուցանիշ ունեցողների 72 տոկոսի մոտ առկա էր թեթեւ ձեւը, 24 տոկոսի մոտ՝ չափավոր, 4 տոկոսի մոտ՝ ծանր, >100 մկ/մոլ ցուցանիշ է ունեցել 8 մարդ, որից 6-ը նյարդաբանական բաժնի հիվանդներ էին, 6-ից 5-ը միջինից բարձր տարիք ունեցող տղամարդիկ:

Ինչպես հայտնեց Մարինե Մանուկյանը, նյարդաբանական բաժնի հիվանդների 56 տոկոսը հոմոցիստեինի նորմայից բարձր ցուցանիշ ուներ, եւ երբ այդ հիվանդների մոտ դիտարկվեց B12 վիտամինի կապը հոմոցիստեինի հետ, ակնհայտ դարձավ հոմոցիստեինի եւ B12 վիտամինի հակադարձ համեմատական կապը. B12-ի ցածր ցուցանիշների դեպքում ստացվում էին հոմոցիստեինի բարձր արդյունքներ:

Նյարդաբանական ստացիոնար բաժնի հիվանդների 56 տոկոսի մոտ հոմոցիստեինի բարձր ցուցանիշներ կային, հղիների շրջանում ընդամենը 10 տոկոս բարձրացում էր եղել:

«Վիճակագրական տվյալները ցույց են տալիս, որ հիպերհոմոցիստեինեմիա ավելի շատ է հանդիպում տղամարդկանց, քան կանանց մոտ: Տղամարդկանց 60,5 տոկոսն ուներ հոմոցիստեինի բարձր ցուցանիշ, իսկ կանանց 49 տոկոսի մոտ էր այն նկատվում», – ասաց նա։

Ինչո՞վ է վտանգավոր հոմոցիստեինի բարձր քանակը:

Ըստ Մարինե Մանուկյանի՝ հոմոցիստեինի բարձր քանակը բերում է աթերոսկլերոզի, ինֆարկտի եւ ինսուլտի, թրոմբոզի, թրոմբոֆլեբիտների, Ալցհեյմերի հիվանդության զարգացման, հղիների մոտ՝ վիժման վտանգի: Հոմոցիստեինի կուտակումը հանգեցնում է կենտրոնական նյարդային համակարգի վնասվածքների:

Նա նշեց, որ հոմոցիստեինի բարձր խտությունը հատուկ է հոմոցիստեինուրիային, որը ժառանգական հիվանդություն է: Այս հիվանդության ժամանակ բացակայում է հոմոցիստեինի քայքայմանը մասնակցող ֆերմենտը, եւ բնականաբար այն կուտակվում է օրգանիզմում: Հոմոցիստեինի մակարդակի բարձրացումը 5 մկմոլ/լ-ով բերում է 80 տոկոսով աթերոսկլերոտիկ ռիսկի բարձրացման կանանց եւ 60 տոկոսով՝ տղամարդկանց մոտ:

«Հոմոցիստեինի՝ 2,5 մկմոլ/լ-ով բարձրացման դեպքում սրտամկանի ինֆարկտի վտանգը մեծանում է 10 տոկոսով, իսկ կաթվածինը՝ 20 տոկոսով»,- ասաց նա։

Ինչ վերաբերում է հղիությանը, ապա, ըստ մասնագետի, հղիության ընթացքում հոմոցիստեինի բարձր մակարդակը կարող է հանգեցնել վիժման կամ չզարգացող հղիության: «Որպեսզի հղիությունը առանց խնդիրների ընթանա, հարկավոր է հղիության ամբողջ ընթացքում վերահսկել հոմոցիստեինի մակարդակը, ընդ որում՝ պետք է նույնն անել նաեւ հղիության պլանավորման փուլում: Վիճակագրական տվյալները ցույց են տվել, որ բարձր հոմոցիստեինով հղի կանանց երեխաները լինում են անհաս, որոնք վաղ հասակում ընկալունակ են տարբեր հիվանդությունների նկատմամբ: Հղիների մոտ հոմոցիստեինի շեղումը 0,5-ով համարվում է թույլատրելի, իսկ ավելի բարձր շեղումների դեպքում պետք է անպայման դիմել բժշկի: Հոմոցիստեինի խտությունը հղիների մոտ իջնում է հատկապես հղիության վաղ շրջանում, որը ապահովում է ընկերքի արյան շրջանառության լավացումը: Հոմոցիստեինի մակարդակը նորմայի է վերադառնում ծննդաբերությունից հետո 2-4 օրվա ընթացքում: Տարիքին զուգահեռ՝ արյան մեջ բարձրանում է հոմոցիստեինի խտությունը, իսկ կանանց մոտ այն բարձրանում է դաշտանադադարից հետո»,- ասաց Մարինե Մանուկյանը։

Նա բացատրեց, թե որ դեպքերում է պետք հետազոտել հոմոցիստեինի քանակն օրգանիզմում.

Հոմոցիստեինուրիա ժառանգական հիվանդության ժամանակ
Անձանց մոտ, ովքեր սրտի իշեմիկ հիվանդության նկատմամբ ժառանգական հակվածություն ունեն
Կանանց մոտ, ովքեր պլանավորում են հղիանալ կամ արդեն հղի են
B6-ի, B12-ի եւ ֆոլաթթվի դիֆիցիտների ժամանակ
Նրա պարզաբանմամբ՝ հոմոցիստեինը ծծումբ պարունակող ամինաթթու է, որը սինթեզվում է օրգանիզմում եւ առաջանում մեթիոնինի մետաբոլիզմի պրոցեսում:

Նորմայում մարդու օրգանիզմում հոմոցիստեինը նվազագայուն քանակություն ունի: Նորմալ նյութափոխանակության խախտման դեպքում օրգանիզմում ավելանում է հոմոցիստեինի քանակը, ազատ հոմոցիստեինը օրգանիզում բջջի մեջ է ներթափանցում B խմբի վիտամինների օգնությամբ, այդ է պատճառը, որ երբ մարդն ունի ավիտամինոզ, հոմոցիստեինը կուտակվում է բջջի թաղանթներում` վնասելով այն: Ամենաշատը վնասվում են անոթները:
 
Նմանատիպ նորություններ
«Նաիրի Ինշուրանս»-ը պատասխանել է ՊԵԿ-ին
21 Հունվարի 2019 - 17:18
«Նաիրի Ինշուրանս» ԱՍՊԸ պարզաբանումը՝ ՊԵԿ հաղորդագրության վերաբերյալ.
Մեդվեդևը հոբելյանի կապակցությամբ շնորհավորել է Նահապետովին
21 Հունվարի 2019 - 17:17
Ռուսաստանի Դաշնության վարչապետ Դմիտրի Մեդվեդևը շնորհավորական հեռագիր է հղել ՌԴ ժողովրդական արտիստ, դերասան և ռեժիսոր Ռոդիոն Նահապետովին, որը հունվարի 21-ին նշում է ծննդյան 75-ամյակը, հայտնում է rusarminfo.ru-ն:
Գյումրեցի կնոջ մահվան մեջ մեղադրվող ռուս զինծառայողին քրեակատարողական հիմնարկ տեղափոխելու միջնորդությունը մերժվել է. ՀՔԱՎԳ
21 Հունվարի 2019 - 17:05
Գյումրեցի Ջուլիետա Ղուկասյանի մահվան մեջ մեղադրվող ռուս զինծառայող Ա. Ռ.-ին ռուսական ռազմաբազայի տարածքից ՀՀ քրեակատարողական հիմնարկ տեղափոխելու՝ տուժող կողմի միջնորդությունը վարույթն իրականացնող մարմինը 2018թ. դեկտեմբերի 29-ի որոշմամբ ամբողջությամբ մերժել է:
Ամենահզոր խոտաբույսը ուղեղի արյան շրջանառության, սրտի, անոթների, հոդերի, մաշկի, վարսերի համար
21 Հունվարի 2019 - 17:02
Ծիտրոնը՝ միջերկրյածովյան, կապույտ ծաղիկներով ծաղկող թուփ է՝ ուժեղ բույրով: Մարդկանց մեծամասնությունն այն ընկալում է միայն որպես համեմունք՝ չիմանալով այն հզոր բուժիչ հատկությունների մասին, որոնցով օժտված է այս բույսը:
Դեսպանի գրառումը իրականում վերաբերում է վավերացման հաստատմանը. Արմեն Աշոտյան
21 Հունվարի 2019 - 17:00
ՀՀԿ փոխնախագահ, ԿԳ նախկին նախարար Արմեն Աշոտյանը ֆեյսբուքյան իր էջում գրել է.
ՌԴ-ում կինը ծծմբաթթու է լցրել վարկային կազմակերպության աշխատակցուհու վրա
21 Հունվարի 2019 - 16:47
Ռուսաստանի Դաշնության Կալուգայի մարզում ոստիկանները ձերբակալել են կնոջը, որը ծծմբաթթու է լցրել միկրովարկեր տրամադրող կազմակերպության գրասենյակի աշխատակցուհու վրա, գրում է «ՌԻԱ Նովոստի»-ն:
Մանրամասներ՝ ինչպես է մանկապարտեզի տնօրենը երեխաների սնունդը տարել տուն. ՀՀ ոստիկանություն
21 Հունվարի 2019 - 16:43
ՀՀ քննչական կոմիտեի ԵՔՔՎ Էրեբունի և Նուբարաշեն վարչական շրջանների քննչական բաժնի վարույթ է ընդունվել մանկապարտեզում հայտնաբերված չարաշահումների դեպքի առթիվ հարուցված քրեական գործը: Մանկապարտեզի տնօրենը ձերբակալվել է:
Իմ աշխատանքի կազմակերպման համար նոր մեքենա, կահույք և տեխնիկա չի գնվել. Լենա Նազարյան
21 Հունվարի 2019 - 16:39
Աժ փոխնախագահ Լենա Նազարյանն իր ֆեյսբուքյան էջում գրել է.
Արմեն Սարգսյանը ցավակցական հեռագիր է հղել Մեքսիկայի նախագահին
21 Հունվարի 2019 - 16:36
Հանրապետության նախագահ Արմեն Սարգսյանն այսօր ցավակցական հեռագիր է հղել Մեքսիկայի Միացյալ Նահանգների նախագահ Անդրես Մանուել Լոպես Օբրադորին՝ Իդալգո նահանգում տեղի ունեցած պայթյունի կապակցությամբ, որը բազմաթիվ զոհերի պատճառ է դարձել:
1 | 2 | 3 | 4 | 5 | 6 | 7 | 8 | 14760
 
Լրահոս`
 
 
 
 
 
 
 
 
 
 
 
 
 
«Նաիրի Ինշուրանսը» հակադարձում է ՊԵԿ-ին
Հասարակություն, Քաղաքական
 
 
 
Փաշինյանը ներդրողներին հրավիրում է Հայաստան (Տեսանյութ)
Տնտեսություն, Հասարակություն, Քաղաքական