Facebook   Twitter
 
«Փաստ». «Ելք»-ում մտածում են մի կուսակցություն դառնալու մասին. ի՞նչ են խոսել Փաշինյանն ու Մարուքյանը

«Փաստ». «Ելք»-ում մտածում են մի կուսակցություն դառնալու մասին. ի՞նչ են խոսել Փաշինյանն ու Մարուքյանը

14 Հունիսի 2018 - 09:04
«Փաստ» օրաթերթը գրում է. « Այս օրերին, երբ մամուլը ողողված է ԱԺ «Ելք» խմբակցության շուրջ ծավալվող իրադարձությունները մեկնաբանելով, տարաբնույթ լուրեր են շրջանառվում: Ի մասնավորի, տեսակետ կա, թե «Ելք»–ում շարունակվում են ջրերը տարբեր առուներով հոսել, ավելին՝ Նիկոլ Փաշինյանի եւ Էդմոն Մարուքյանի միջեւ լեզվակռիվ է եղել եւ այլն:
ՔՊ կուսակցության անդամ, ԱԺ «Ելք» խմբակցության պատգամավոր Լենա Նազարյանը, ով վերջին շրջանում իրեն տեսնում էր խմբակցության ղեկավարի դերում, իսկ օրերս էլ նրա ամուսինը՝ Նարեկ Բաբայանը, նշանակվեց տնտեսական զարգացման եւ ներդրումների նախարարության պետական գույքի կառավարման կոմիտեի նախագահի պաշտոնում, «Փաստի» հետ զրույցում հավաստիացրեց, որ Էդմոն Մարուքյանի ու Նիկոլ Փաշինյանի միջեւ վիճաբանություն չի եղել: Նա հիշեցրեց, որ արդեն 1,5 տարի է՝ մամուլը գրում է դաշինքի փլուզվելու մասին, սակայն մինչ օրս նման բան չի եղել: «Ես գիտեմ, որ երեկ պարոն Փաշինյանը եւ Էդմոն Մարուքյանը հանդիպել են, տարբեր հարցեր են քննարկել, բայց նրանց միջեւ որեւէ վիճաբանություն չի եղել: Ոչ մի բախում էլ չկա: Անգամ տարաձայնություն չկա: Վերջին շրջանում միայն ԱԺ–ին վերաբերող հարցերն ենք քննարկում»,– ասաց Լ. Նազարյանը:

Խոսելով «Ելք» դաշինքի ղեկավարի թեկնածուի ընտրության մասին՝ նա նշեց, որ այդ հարցն այլեւս առաջնային չէ, քանի որ այն ավելի լայն կոնտեքստի շրջանակներում է քննարկվում: Եվ կախված նրանից, թե ինչպես կավարտվեն այդ քննարկումները, այդ ժամանակ ավելի հստակ կերեւա, թե խմբակցության ղեկավարի հարցը որքանով է ակտուալ:

«Դաշինքը հուշագիր է կնքել, որի 4–րդ կետի համաձայն՝ կուսակցությունները պարտավորվել են մեկ կուսակցություն դառնալու շուրջ քննարկումներ սկսել: Նախկինում նման փորձ արվել է, սակայն այն հաջող չի ընթացել: Բայց առաջիկա խորհրդարանական ընտրություններին ընդառաջ իրավիճակ է փոխվել, պայմաններ են փոխվել, եւ հիմա քաղաքական ուժերը փորձում են հասկանալ՝ միասի՞ն են գնալու ընտրությունների, թե՞ առանձին–առանձին: Այս քննարկումներն են ընթանում, բայց դրանք տեղի են ունենում շատ հանգիստ ու հանդարտ մթնոլորտում: Մենք գործընկերներ ենք, մեկ տարի աշխատել ենք միմյանց հետ եւ շատ հարգալից ենք միմյանց վերաբերվում»,– ասաց Լ. Նազարյանը:

Որպես միասնականության հավաստիացում, նա շեշտեց, որ ԱԺ–ում «Ելք» դաշինքի պատգամավորները նիստերի ժամանակ միասնական են քվեարկում:

Իր ամուսնու՝ պետական գյուքի կառավարման վարչության պետի պաշտոնում նշանակվելու առիթով մամուլի հրապարակումների մասին Լ. Նազարյանն ասաց, որ այնպես է ստացվել, որ իր ամուսինը ՊԵԿ–ում հրապարակային կերպար չի եղել, բայց նրա ֆեյսբուքյան գրառումներն ու հրապարակված գրառումները դիտելուց անգամ պարզ կդառնա, որ Ն. Բաբայանը «Քաղաքացիական պայմանագիր» կուսակցության հիմնադիր անդամներից է եւ մշտապես ներգրավված է եղել ՔՊ–ի բոլոր գործընթացներում:

«Նարեկը բոլոր ընտրությունների, քարոզարշավների, ինչպես նաեւ համաժողովրդական շարժման ակտիվ մասնակիցներից է եղել: Եվ ՔՊ–ում չկա գեթ մեկ հոգի, ով ինձ եւ Նարեկին չընկալի որպես առանձին եւ ինքնուրույն անձերի: Այսինքն, մենք այնտեղ վաղուց չենք ընկալվում որպես ամուսիններ: Իսկ Նարեկը նշանակվել է այդ պաշտոնում, որովհետեւ մեր թիմի լիարժեք անդամ է, ոչ թե որովհետեւ իմ ամուսինն է»,– ասաց Լ. Նազարյանը:

Նա, բացելով փակագծերը, նշեց, որ ոչ թե ինքն է իր ամուսնու համար միջնորդել, այլ իր ամուսինն է տիկին Նազարյանին ծանոթացրել ՔՊ–ի անդամների հետ: Այսինքն, ինքը չէր կարող միջնորդել, որպեսզի ամուսնուն պաշտոն տան»:

Առավել մանրամասն՝ թերթի այսօրվա համարում


HayNews.am
 
Նմանատիպ նորություններ
«Ժողովուրդ». Շիրակի նախկին մարզպետ, բավականին մեծ ունեցվածքի տեր Կարեն Սարուխանյանը ևս դիմելու է, որ բնակվարձ ստանա պետությունից
19 Հունվարի 2019 - 10:21
«Երևանում բնակարանի վարձի փոխ­հատուցում ստանալու համար դիմելու է նաև Շիրակի նախկին մարզպետ, այժմ «Իմ քայլը» խմբակցության պատգամա­վոր Կարեն Սարուխանյանը:
Զարուհի Բաթոյանը՝ սոցապ նախարար. «Ժամանակ»
19 Հունվարի 2019 - 10:12
«Ժամանակ» թերթը գրում է.
«168 ժամ». Բանկերը հրաժարվում են վարկ տրամադրել այն քաղաքացիներին, որոնք երթևեկության ընթացքում թույլ են տվել խախտում­ներ և չեն վճարել տու­գանքները
19 Հունվարի 2019 - 09:49
«Վերջին շրջանում շատ քաղաքացիներ բողոքում են, որ բանկերը հրաժարվում են իրենց տրամադրել վարկ, քանի որ «կար­միր գծերի» և ճանապարհային երթևեկության ընթացքում թույլ են տվել խախտում­ներ և դրանց համար ծանուցված տու­գանքները չեն վճարել: Նրանց վարկ չեն տրամադրում նույնիսկ այն դեպքում, եթե ունեն վարկային մաքուր պատմություն:
«Ժողովուրդ». Բենզինը աստիճանաբար մինչեւ 50 դրամով կէժանանա
19 Հունվարի 2019 - 09:43
«Ժողովուրդ» թերթը գրում է.
Ռուբեն Վարդանյանը կմտնի ՎՎՎԳ տնօրենների խորհրդի կազմի մեջ
19 Հունվարի 2019 - 09:33
Ռուսաստանցի գործարար Ռուբեն Վարդանյանն ընդունել է Վերլուծական վարկային վարկանշային գործակալության (ՎՎՎԳ) տնօրենների խորհրդի կազմ մտնելու առաջարկը։
«Ժամանակ». ՀԱԿ անդամ Վլադիմիր Կարապետյանը պաշտոն կստանա ԱԳՆ-ում
19 Հունվարի 2019 - 09:28
«Ժամանակ» թերթը գրում է.
1 | 2 | 3 | 4 | 5 | 6 | 7 | 8 | 1456
 
Լրահոս`
 
 
 
 
 
 
 
 
 
 
 
 
 
 
 
 
Լարսիը բացվել է մարդատար ավտոմեքենաների համար
Տնտեսություն, Հասարակություն