Facebook   Twitter
 
«Ժամանակ». Ով է խախտել Ծառուկյան-Փաշինյան պայմանավորվածությունը

«Ժամանակ». Ով է խախտել Ծառուկյան-Փաշինյան պայմանավորվածությունը

14 Հունիսի 2018 - 09:14
«Ժամանակ» թերթը գրում է. «Թեեւ Բարեգործության մասին օրենքի մեջ փոփոխություններ եւ լրացումներ կատարելու մասին օրինագծի ԱԺ ներկայացնելը առաջացրել է «Ծառուկյան» դաշինքի բուռն արձագանքը՝ ընդդեմ նոր կառավարության, իրավիճակն, այդուհանդերձ, դեռեւս ամբողջապես բացված ու պարզ չէ՝ Ծառուկյան-Փաշինյան դիմակայության մեկնարկի մասին խոսելու համար:
Եվ պատճառն այն չէ, որ Բարեգործության մասին օրենքում կատարվելիք փոփոխությունների նախագծի հեղինակը նախորդ՝ Կարեն Կարապետյանի կառավարությունն է: Ի վերջո, նոր կառավարությունը կարող էր չներկայացնել այն ԱԺ, եթե դեմ էր:

Իսկ օրենքի փոփոխությունները ենթադրում են բարեգործական նախաձեռնությունների վերահսկողության էական աճ, մասնավորապես քաղաքականության հետ առնչության մասով: Հասկանալի է, թե ինչու է դրան կտրուկ դեմ «Ծառուկյան» դաշինքը: Բանն այն է, որ այդ ուժը հենց Գագիկ Ծառուկյանի բարեգործությունների վրա է կառուցված, դա է հիմնական «քաղաքական կապիտալը», եւ հետեւաբար այն կտրելու պարագայում կառաջանա նոր պայմաններում մրցակցային նոր, արդեն ավելի քաղաքական ռեսուրսի անհրաժեշտություն:

Տվյալ պարագայում, սակայն, խնդիրն այն է, որ իրավիճակի վերաբերյալ դեռեւս չեն արտահայտվել Գագիկ Ծառուկյանն ու Նիկոլ Փաշինյանը: Իսկ սա էական է այն պատճառով, որ գործնականում հենց նրանց միջեւ է այն քաղաքական համաձայնությունը, որի շրջանակում Ծառուկյանն աջակցել է թավշյա հեղափոխության վարչապետի թեկնածուին եւ նաեւ մաս կազմել կառավարությանը: Ինչի՞ շուրջ է եղել Ծառուկյան-Փաշինյան համաձայնությունը, ո՞րն է եղել դրա բովանդակային առանցքը, ինչ են պայմանավորվել նրանք փակ դռների հետեւում հանդիպմանը կամ հանդիպումներում, պարզ չէ: Բայց հարց է առկա իհարկե՝ կարո՞ղ էին նրանք չքննարկել, այսպես ասած, հետհեղափոխական կամ կառավարական գործունեության շրջանի հարցեր, խաղի կանոններ, հարաբերություններ եւ այլն:

Այսինքն՝ դեռեւս պարզ չէ՝ Բարեգործության մասին օրենքը ԱԺ ներկայացնե՞լն է պայմանավորվածությունների խախտում, թե՞ «Ծառուկյան» դաշինքն է դրանք խախտում՝ դուրս գալով այդ նախաձեռնության դեմ, որն, ի վերջո, Հայաստանում ընտրական համակարգի ռեֆորմի կարեւոր տարրերից եւ քաղաքական դաշտի ու կյանքի առողջացման կարեւորագույն նախաձեռնություններից մեկն է՝ ինչ շարժառիթով էլ որ այն հեղինակել է նախորդ կառավարությունը:

Իրավիճակն այս մասով քիչ թե շատ պարզ կարող է դառնալ, երբ թե՛ խնդրի, թե՛ ընդհանրապես ավելի լայն քաղաքական բնույթի հարաբերությունների առնչությամբ կարտահայտվեն Գագիկ Ծառուկյանը եւ Նիկոլ Փաշինյանը, թեեւ Փաշինյանն ինչ-որ իմաստով «ավանսով» արտահայտվեց հունիսի 7-ին կառավարության ծրագրի քննարկման եզրափակիչ ելույթում՝ հայտարարելով, թե որեւէ մեկը թող չմտածի, որ լավություն է արել իր օգտին քվեարկելով: Սա կարո՞ղ էր լինել պայմանավորված այն հանգամանքով, որ Փաշինյանը ստացել էր որոշակի պայմանների վերաբերյալ պահանջներ, թե՞ նա գիտեր, որ վաղ թե ուշ ստանալու է կամ ստանալու է հենց Բարեգործության մասին օրենքի պարագայում»:

Առավել մանրամասն՝ թերթի այսօրվա համարում


HayNews.am
 
Նմանատիպ նորություններ
«Ժողովուրդ». Բարսեղ Բեգլարյանի գործը իրավապահնների գլխին պատուհաս է դարձել. ի՞նչ է նա պատմել. մանրամասներ
19 Հոկտեմբերի 2018 - 09:48
«Ժողովուրդ» թերթը գրում է. «Սերժ Սարգսյանի հետ քավոր-սանիկական կապի մեջ գտնվող գործարար, «Ֆլեշ» ՍՊԸ-ի սեփականատեր Բարսեղ Բեգլարյանի գործով նախաքննությունը ավարտվել է, սակայն դատելով մինչ այս տեղի ունեցած զարգացումներից` այս գործը իրավապահ մարմինների գլխին պատուհաս է դարձել:
«Ժամանակ». Ծառուկյանի ռեստարթը. Ովքեր են լինելու ԲՀԿ ցուցակում
19 Հոկտեմբերի 2018 - 09:37
«Ժամանակ» թերթը գրում է. «Նախորդ օրը «Փաստ» թերթի խմբագիր Վարուժան Բաբաջանյանը հայտարարել էր, որ վայր է դնում թերթի խմբագրի պարտականությունները եւ պատրաստվում է մտնել քաղաքականություն:
Մարտավարական նահա՞նջ, թե՞ կառուցողականության ձգտում. ինչո՞ւ Փաշինյանը որոշեց քանդել բարիկադները. «Փաստ»
19 Հոկտեմբերի 2018 - 09:23
«Փաստ» օրաթերթը (հեղինակ՝ Լևոն Մարգարյան) գրում է
«Հրապարակ». ՀՀԿ-ն կարող է տապալել ԱԺ արտահերթը. ազդանշանն արդեն տրվել է
19 Հոկտեմբերի 2018 - 09:21
«Հրապարակ» թերթը գրում է. «Այսօր պետաիրավական հարցերի հանձնաժողովը կհրավիրի արտահերթ նիստ՝ Ընտրական օրենսգրքի քննարկման համար։
Հակոբ Հակոբյան. «Արցախում գազի գնի թաքնված բարձրացում է տեղի ունենում». «Փաստ»
19 Հոկտեմբերի 2018 - 09:04
«Փաստ» օրաթերթը (հեղինակ՝ Աննա Բադալյան) գրում է.
«Ժամանակ». Կամոյի վերջը. Վահագն Հովակիմյանը՝ քաղաքապետի տեղակա՞լ
19 Հոկտեմբերի 2018 - 09:01
«Ժամանակ» թերթը գրում է. «Երեւանի քաղաքապետի տեղակալ կարող է նշանակվել Երեւանի ավագանու անդամ Վահագն Հովակիմյանը:
ՔՊ–ի «դռան» առջև լուրջ հերթ է. «Փաստ»
19 Հոկտեմբերի 2018 - 08:51
«Փաստ» օրաթերթը գրում է.
1 | 2 | 3 | 4 | 5 | 6 | 7 | 8 | 1378
 
Լրահոս`