Facebook   Twitter
 
Սարդարապատի հուշահամալիր տանող ճանապարհը եւս 3 տարի կգտնվի երաշխիքային սպասարկման ժամկետում

Սարդարապատի հուշահամալիր տանող ճանապարհը եւս 3 տարի կգտնվի երաշխիքային սպասարկման ժամկետում

14 Հունիսի 2018 - 16:58
Արմավիրից Սարդարապատի հուշահամալիր տանող միջպետական (Մ-5)ավտոճանապարհի 43,8-ից մինչեւ 53,2 կմ հատվածում հիմնանորոգման աշխատանքներն ավարտվել են։
Տարիներ ի վեր չվերանորոգված, քայքայված ճանապարհն ամբողջովին վերականգնվել է։

Շինարարությունն իրականացնող «Կապավոր» եւ «Արարատճանշին» ընկերությունների աշխատակիցների շուրջօրյա, արդյունավետ աշխատանքի շնորհիվ դեռեւս ապրիլի կեսերին մեկնարկած ճանապարհահատվածի հիմնանորոգման աշխատանքները հնարավոր եղավ ավարտել ժամկետից շուտ՝ Սարդարապատի հերոսամարտի 100-ամյակին նվիրված տոնակատարությունից օրեր առաջ։

Ճանապարհի հիմնանորոգման ընթացքը մշտապես գտնվել է ՀՀ տրանսպորտի, կապի եւ տեղեկատվական տեխնոլոգիաների նախարարության պատասխանատուների ուշադրության կենտրոնում: Պարբերաբար շինտեղամասեր կատարած այցերի ընթացքում տրվել են համապատասխան ցուցումներ՝ ճանապարհն արագ եւ որակով կառուցելու համար։

Այս ճանապարհի հիմնանորոգմանը երկար են սպասել նաեւ ճանապարհամերձ համայնքների բնակիչները։ Նրանք գոհ են շինարարների աշխատանքից։ Բացի պայմանագրով նախատեսվածից, գյուղացիների խնդրանքով բարեկարգվել են նաեւ գյուղամիջյան մի շարք ճանապարհներ:

Սարդարապատ համայնքի ղեկավար Բաբկեն Վարդանյանի խոսքով՝ շինարարներն աշխատել են օր ու գիշեր։ Նախագծից դուրս ասֆալտապատել են նաեւ դեպի դպրոց եւ եկեղեցի տանող ճանապարհները։

Հիմնանորոգման աշխատանքների ավարտից հետո, սակայն, գործն այստեղ չի ավարտվել։ Հերթական շրջայցի ընթացքում տեխնիկական հսկողություն իրականացնող կազմակերպության ներկայացուցիչները տվել են հիմնանորոգված ճանապարհի գնահատականը։

Տեխնիկական հսկողությունն իրականացնող կազմակերպության ղեկավար Դավիթ Հովսեփյանն ընդգծեց, որ աշխատանքներն իրականացվել են ճանապարհաշինական բոլոր նորմերին համապատասխան։ Անցել են լաբորատոր փորձարկումները։ Ե՛վ որակական, եւ՛ հարթության տեսանկյունից բոլոր փորձարկումները համապատասխանում են սահմանված չափանիշներին։

Մայիսի 28-ի տոնակատարության ընթացքում, զինտեխնիկայի տեղաշարժի հետեւանքով որոշ հատվածներում ասֆալտը վնասվել է։ Գնահատելով վնասված հատվածները՝ Դավիթ Հովսեփյանը նշեց, որ այն չնչին ծավալ է կազմում, եւ շատ կարճ ժամանակահատվածում շինարարները կվերականգնեն։

Հիմնանորոգման արդյունքում 9.8 կմ ընդհանուր երկարությամբ մոտ 19մ լայնությամբ ճանապարհն ասֆալտապատվել է։ Փռվել է նախ 3 սմ հաստությամբ հարթեցնող շերտը, ապա՝ 4 սմ հաստությամբ վերին շերտը։

Հիմնանորոգումից հետո եւս 3 տարի ճանապարհը կգտնվի երաշխիքային սպասարկման ժամկետի մեջ։ Այդ ընթացքում թերություններ ի հայտ գալու դեպքում ճանապարհաշինարարներն իրենց միջոցներով կվերացնեն դրանք։

HayNews.am
 
Նմանատիպ նորություններ
Ասկերանի «Միրզաջան» կոչվող տեղամասից հայտնաբերել են «Զինվորի բաժին» եւ այլ գրառումներով դատարկ տարրաներ
23 Հունիսի 2018 - 11:54
Ասկերանի «Միրզաջան» կոչվող տեղամասից հայտնաբերել են «Զինվորի բաժին» եւ այլ գրառումներով դատարկ տարրաներ, որոնց վաճառքն արգելված է եղել:
Արցախում երկաստիճան հրամանատարաշտաբային զորավարժություն է անցկացվել
23 Հունիսի 2018 - 11:50
Հյուսիսային ուղղությամբ գործող միավորումներից մեկի 2018 թվականի պատրաստության պլանի համաձայն՝ հունիսի 18-ից 22-ը անց է կացվել երկաստիճան հրամանատարաշտաբային զորավարժություն, որտեղ շոշափված տեսական խնդիրները, մտահղացումներն ու հրամանատարների որոշումները արտացոլվել են զորամասերից մեկի հետ անցկացված մարտական հրաձգությամբ գումարտակային մարտավարական զորավարժության ընթացքում:
Մկրտության ժամանակ երեխային հարվածած քահանային ժամանակավորապես ազատել են գործերից
23 Հունիսի 2018 - 11:43
Ֆրանսիայում կաթոլիկ քահանան հեռացվել է գործերից, երբ տեսագրությունը, որտեղ նա հարվածում է երեխային, վիրուսային է դարձել, հաղորդում է IOL-ը։
1 միլիոն 419 հազար դրամ. ՀՖՖ-ն տուգանել է «Շիրակ» ակումբին
23 Հունիսի 2018 - 11:37
Տեղի է ունեցել Հայաստանի ֆուտբոլի ֆեդերացիայի կարգապահական կոմիտեի հերթական նիստը:
Լիբանանում հանուն զբոսաշրջիկների կին ոստիկաններին կիսատաբատներ են հագցրել
23 Հունիսի 2018 - 11:30
Լիբանանի Բուրմանա քաղաքի քաղաքապետը երիտասարդ կին ոստիկաններին որոշել է կիսատաբատներ հագցնել՝ հանուն զբոսաշրջիկներ ներգրավելու և երկրի իմիջը բարելավելու, հաղորդում է RT-ն։
Դանակահարություն Երեւանի Շառլ Ազնավուրի հրապարակում
23 Հունիսի 2018 - 11:26
Հունիսի 22-ին, ժամը 16.40-ին, «Գյումրի» բժշկական կենտրոնից ոստիկանության Մուշի բաժին հաղորդում է ստացվել, որ «գոտկատեղի կտրած-ծակած վերք արտաքին արյունահոսությամբ» ախտորոշմամբ իրենց մոտ բուժօգնության է դիմել մի տղամարդ:
Դիրքերում մահացած պայմանագրային զինծառայողը 3 երեխաների հայր էր. ընտանիքն ապրում է փայտե տնակում
23 Հունիսի 2018 - 11:22
N զորամասի մարտական դիրքերում մահացած հայտնաբերված պայմանագրային զինծառայող Հովհաննես Մելքոնյանը 45 տարեկան էր, 3 երեխաների հայր:
Բակո Սահակյանի շնորհավորական ուղերձը՝ Արմեն Սարգսյանին
23 Հունիսի 2018 - 11:14
Արցախի Հանրապետության Նախագահ Բակո Սահակյանը հունիսի 23-ին շնորհավորական ուղերձ է հղել Հայաստանի Հանրապետության Նախագահ Արմեն Սարգսյանին` ծննդյան օրվա կապակցությամբ:
Չարենցավանում «Հոնդա» մակնիշի մեքենան այրվել է
23 Հունիսի 2018 - 11:12
Հայաստանի ԱԻՆ-ում, այսօր՝ հունիսի 23-ին, ժամը 03:18-ին «911» ծառայությանը տեղեկություն է հաղորդվել, որ Կոտայքի մարզի Չարենցավան քաղաքի 4-րդ թաղամասի թիվ 16 շենքի բակում այրվում է ավտոմեքենա:
1 | 2 | 3 | 4 | 5 | 6 | 7 | 8 | 12010
 
Լրահոս`