Facebook   Twitter
 
ՀՀ գյուղատնտեսության նախարարն ընդունել է ԻԻՀ արտակարգ և լիազոր դեսպանին

ՀՀ գյուղատնտեսության նախարարն ընդունել է ԻԻՀ արտակարգ և լիազոր դեսպանին

14 Հունիսի 2018 - 19:19
ՀՀ գյուղատնտեսության նախարար Արթուր Խաչատրյանն այսօր ընդունել է Հայաստանում Իրանի Իսլամական Հանրապետության արտակարգ և լիազոր դեսպան Սեյեդ Քազեմ Սաջադիի գլխավորած պատվիրակությանը:
«Իրանի հետ հարաբերությունները մեզ համար կենսական նշանակություն ունեն, գյուղատնտեսության բնագավառում մենք պատրաստ ենք ցանկացած փոխադարձ շահավետ համագործակցության և կարծում եմ, որ մինչ այժմ ձեռք բերված պայմանավորվածությունները կյանքի կկոչվեն», - ողջունելով հյուրերին` նշել է նախարար Արթուր Խաչատրյանը:

Ներկայացնելով Հայաստանում գյուղատնտեսական քաղաքականության հիմնական ուղղությունները` նախարար Արթուր Խաչատրյանը նշել է, որ գյուղատնտեսությունը կենսակերպ է, ազգային անվտանգության եւ ժողովրդագրական խնդիր։ Նա ընդգծել է, որ ՀՀ կառավարության թիրախում ներկայումս երկրում մեծամասնություն կազմող փոքր գյուղացիական տնտեսություններն են, և ՀՀ գյուղատնտեսության նախարարության առաջիկա ծրագրերն ուղղված են լինելու փոքր գյուղացիական տնտեսություններին օժանդակության տրամադրմանը:

Դեսպան Սեյեդ Քազեմ Սաջադին իր հերթին ընդգծել է, որ Հայաստանի և Իրանի գյուղատնտեսության ոլորտում առկա է մեծ ներուժ, որը դեռևս լիարժեքորեն չի իրացվում: Հայ-իրանական փոխգործակցության առավել իրատեսական ուղղությունների թվում դեսպանը, մասնավորապես մատնանշել է սերմնաբուծության, անասնապահության, ձկնաբուծության, ջերմոցաշինության, ծաղկաբուծության, գյուղատնտեսության ավտոմատացման և ժամանակակից գյուղտեխնիկայի ներդրման ոլորտները:

Երկուստեք ընդգծվել է երկու երկրների գյուղոլորտում գործող գիտական կենտրոնների համագործակցությունը, գյուղատնտեսության ոլորտում առկա փորձի փոխանակման, ճանաչողական նպատակով երկու երկրների գործարար շրջանակների համար գյուղատնտեսական ցուցահանդեսների կազմակերպման կարևորությունը:

Քննարկվել են Հայաստանում իրանցի մասնագետների աջակցությամբ պիստակի, ձիթապտղի և այլ արժեքավոր մշակաբույսերի մշակմանը, ծիրանի, թթի և այլ մրգերի վերամշակմանը, այդ թվում` նաև չրերի արտադրությանն առնչվող հարցեր: Այս համատեքստում Իրանի դեսպանը վստահություն է հայտնել, որ վերամշակված գյուղմթերքի համատեղ արտադրության կազմակերպման դեպքում պատրաստի արտադրանքը մեծ պահանջարկ կարող է ունենալ ոչ միայն իրանական շուկայում, այլև Եվրասիական տնտեսական միության տարածքում: Բացի այդ, համատեղ ձեռնարկությունների հիմնումը ոլորտում ներգրավված անձանց կապահովի նոր աշխատատեղերով: Նախարար Արթուր Խաչատրյանը նշել է, որ փորձելու են արժեշղթայի եւ շուկայի դիվերսիֆիկացիա ապահովել։ Դեսպան Սեյեդ Քազեմ Սաջադին տեղեկացրել է, որ առաջիկայում ՀՀ-ում կշահագործեն լոլիկի մածուկի գործարան։

«Որպես դեսպան ես շատ կցանկանամ, որպեսզի գյուղատնտեսության ոլորտում կատարվող յուրաքանաչյուր քայլ լինի ի շահ մեր ժողովուրդների: Հուսով եմ, Ձեր պաշտոնավարման ընթացքում մենք կկարողանանք ոչ միայն զարգացնել մեր առևտրա-տնտեսական հարաբերությունները, այլև օրինակ ծառայել նաև այլ ոլորտների զարգացման համար», - նշել է դեսպան Սեյեդ Քազեմ Սաջադին:

Նախարար Արթուր Խաչատրյանը շեշտել է, որ ՀՀ օրենսդրական դաշտը բավականաչափ ազատական է ներդումներ իրականացնելու համար եւ հնարավոր է կյանքի կոչել տնտեսական ծրագրեր՝ փոխադարձ շահավետ պայմաններով։ Հայ-իրանական համագործակցությունն իրական հիմքերի վրա դնելու նպատակով կողմերը պայմանավորվել են ստեղծել աշխատանքային խումբ` երկկողմ համագործակցության առավել նպատակահարմար ուղղություններն ուսումնասիրելու նպատակով:

Քննարկվել է իրանական ներդրումների ներգրավմամբ մի շարք այլ ճյուղերում ևս փոխշահավետ ծրագրերի իրականացման հնարավորությունը:


HayNews.am
 
Նմանատիպ նորություններ
Գիշերօթիկ հաստատության բակում գտնված նորածին երեխաների մայրը հայտնաբերվել է. նա 18 տարեկան է
19 Հոկտեմբերի 2018 - 15:17
Ոստիկանության ծառայողների ձեռնարկած օպերատիվ-հետախուզական միջոցառումների շնորհիվ պարզվել է գիշերօթիկ հաստատության բակում հայտնաբերված նորածին երեխաների մոր ինքնությունը: Նա Արարատի մարզի 18-ամյա բնակչուհի է, որը բերվել է ոստիկանության Մուշի բաժին:
Ոստիկանների կողմից անչափահասին խոշտանգելու դեպքի առթիվ քրեական գործ է հարուցվել
19 Հոկտեմբերի 2018 - 15:09
ՀՀ հատուկ քննչական ծառայությունում ՀՀ քրեական օրենսգրքի 309.1-րդ հոդվածի 2-րդ մասի 4-րդ կետով քրեական գործ է հարուցվել ՀՀ ոստիկանության պաշտոնատար անձանց կողմից անչափահասին խոշտանգելու ենթադրյալ հանցագործության դեպքի առթիվ:
Օրենքի խախտմամբ շինաշխատանքների հետեւանքով Արամի 23 հասցեի հուշարձան-շենքին վնաս հասցնելու առթիվ քրգործ է հարուցվել
19 Հոկտեմբերի 2018 - 15:06
Հոկտեմբերի 2-ին Երեւան քաղաքի դատախազություն է ստացվել ՀՀ մշակույթի նախարարի գրությունը Երեւանի Արամի փողոցի հուշարձան-շենքին կից տարածքում առանց լիազորված մարմնի համաձայնության իրականացված հողային աշխատանքների հետեւանքով հուշարձան-շենքի կայունությունը վնասելու վերաբերյալ:
Արարատ Միրզոյանի մասնակցությամբ Վենետիկի հանձնաժողովը քննարկում է ՀՀ Ընտրական օրենսգիրքը
19 Հոկտեմբերի 2018 - 15:01
Հայաստանի առաջին փոխվարչապետի պաշտոնակատար Արարատ Միրզոյանի մասնակցությամբ Վենետիկի հանձնաժողովն այսօր քննարկում է Հայաստանի արտահերթ խորհրդարանական ընտրությունների և Ընտրական նոր օրենսգրքի նախագծի հարցերը։ Այս մասին հայտնի է դառնում հանձնաժողովի այսօրվա նիստի օրակարգից։
Արտակ Զեյնալյանի շնորհավորական ուղերձը Քրեակատարողական ծառայողի օրվա առթիվ
19 Հոկտեմբերի 2018 - 14:57
Արդարադատության նախարարի պաշտոնակատար Արտակ Զեյնալյանը Facebook-ի իր էջում շնորհավորական ուղերձ է հղել Քրեակատարողական ծառայողի օրվա կապակցությամբ:
Վյաչեսլավ Դոբրինինը հոսպիտալացվել է
19 Հոկտեմբերի 2018 - 14:50
Հայկական արմատներով ՌԴ հայտնի երգիչ, երգահան Վյաչեսլավ Դոբրինինը հոսպիտալացվել է: Այդ մասին, ինչպես հայտնում է ՌԻԱ Նովոստի գործակալությունը, ասել է արտիստի տնօրեն Սերգեյ Կարպովը:
Լուրջ եմ գնահատում ԲՀԿ-ի էլեկտորատը, եկեք եղանակի կանխատեսմամբ չզբաղվենք. Միքայել Մելքումյան
19 Հոկտեմբերի 2018 - 14:48
Միշտ էլ քննարկումներ եղել են, բնականաբար ԲՀԿ ներկուսակցական կյանքը շատ հարուստ է, բայց դեռ կոնկրետ որոշում չունենք, թե ինչ ձեւաչափով կմասնակցենք ԱԺ արտահերթ ընտրություններին:
Հայտնի թուրք վիրտուոզ ջութակահարը նվագել է Կոմիտասի «Կռունկ»-ը՝ ի հիշատակ Արա Գյուլերի (Տեսանյութ)
19 Հոկտեմբերի 2018 - 14:38
Հայտնի թուրք վիրտուոզ ջութակահար Ջիհաթ Աշքընը ի հիշատակ կյանքից հեռացած պոլսահայ մեծանուն լուսանկարիչ Արա Գյուլերի կատարել է Կոմիտասի «Կռունկ» հայտնի ստեղծագործությունը: Իր կատարումը Աշքընը տեղադրել է Facebook-ի իր էջում՝ նշելով՝ «Արա Գյուլերին...»:
1 | 2 | 3 | 4 | 5 | 6 | 7 | 8 | 15322
 
Լրահոս`
 
 
 
 
 
 
 
 
 
 
 
 
 
 
Ինձնից նորմալ աշխատանք ակնկալեք. Հունան Պողոսյան (Տեսանյութ)
Հասարակություն, Քաղաքական, Տեսանյութեր