Facebook   Twitter
 
Առաջիկա գործընթացներում եվրոպական կողմի աջակցությունը մենք հստակ կնկատենք․ Նարեկ Մինասյանը՝ Փաշինյանի Բրյուսել այցի մասին

Առաջիկա գործընթացներում եվրոպական կողմի աջակցությունը մենք հստակ կնկատենք․ Նարեկ Մինասյանը՝ Փաշինյանի Բրյուսել այցի մասին

12 Հուլիսի 2018 - 21:40
ՀՀ վարչապետ Նիկոլ Փաշինյանի գլխավորած պատվիրակության այցը Բրյուսել դրական կարելի է գնահատել՝ հաշվի առնելով, որ նա վարչապետի կարգավիճակով առաջին անգամ էր այցելում Բրյուսել, այցը կարևոր էր նաև ճանաչողական տեսանկյունից:
Tert.am-ի հետ զրույցում նման դիտարկում արեց քաղաքագետ Նարեկ Մինասյանը՝ ամփոփելով Նիկոլ Փաշինյանի աշխատանքային այցը Բրյուսել:

«Այցը բամզակոմպոնենտ էր: Հայաստանը մասնակցում էր ՆԱՏՕ-ի շրջանակներում Աֆղանստանում խաղաղապահ առաքելություն իրականացնող գործընկերների մասնակցությամբ գագաթնաժողովին»,- ասաց նա՝ նշելով, որ կարևոր էր, որ Բրյուսելում ՆԱՏՕ-ի կենտրոնակայանում Փաշինյանը հանդիպեց ոչ միայն տարբեր կառույցների ղեկավարների, այլ նաև երկկողմ ձևաչափով երկրների առաջնորդների հետ:

Հայաստանում տեղի ունեցած իշխանափոխությունից հետո, ըստ քաղաքագետի, ՀՀ նոր իշխանությունները պետք է ճանաչողական այց կատարեին նաև Եվրամիություն, շփումներ ունենային գործընկեր երկրների հետ, նրանց համար հստակեցնեին Հայաստանի արտաքին քաղաքականության առաջնահերթությունները, վերահաստատեին իրենց պատրաստակամությունը ձեռք բերված պարտավորությունները կատարելու գործընթացում:

«Պետք է նշել, որ այցի շրջանակներում առավել կարևոր էր «Քարնեգի» հիմնադրամ կատարած այցը, որտեղ Փաշինյանը փորձագիտական շրջանակներին ևս ներկայացրեց Հայաստանի արտաքին և ներքին գերակայությունները, ինչը ևս շատ կարևոր էր: Դա շատ կարևոր էր՝ հաշվի առնելով ուղեղային կենտրոնների ազդեցությունը ընդհանուր եվրոպական արտաքին քաղաքականության մշակման վրա»,- ասաց նա:

Նարեկ Մինասյանը նաև ուշադրություն հրավիրեց այն բանի վրա, որ ՆԱՏՕ–ի եզրափակիչ հռչակագրում եղած ձևակերպումներն էլ վնասաբեր չէին Հայաստանի համար: Քաղաքագետը նկատեց՝ ամբողջությամբ կրկնվում են 2016 թվականին Վարշավայում կայացած գագաթնաժողովի ձևակերպումները, որտեղ մի կողմից հիշատակված է, որ ՆԱՏՕ-ն հարգում է Մոլդովայի, Հայաստանի, Ադրբեջանի, Վրաստանի տարածքային ամբողջականությունը, մյուս կողմից՝ անուղղակիորեն հղում է կատարվում միջազգային իրավունքին ՄԱԿ-ի կանոնադրությանը և Հելսինկիի եզրափակիչ ակտին, ըստ որոնց, հակամարտությունները պետք է կարգավորվեն այդտեղ եղած սկզբունքների համաձայն՝ ազգերի ինքնորոշման և ինքնիշխանության:

«Այս համատեքստում նաև կարևոր է, որ ՆԱՏՕ-ի հռչակագրում նշված էր, որ ընդունում են հակամարտությունների ընդունված ձևաչափը»,- նշեց նա:

Քաղաքագետը, այնուամենայնիվ, նշեց, որ ՆԱՏՕ-ի ձևակերպումը իդեալական տարբերակ չէ․ ՆԱՏՕ-ն փորձում է ընդհանրացված մոտեցում ցուցաբերել, ինչը, ըստ նրա, ճիշտ չէ, քանի որ յուրաքանչյուր հակամարտություն ունի իր առանձնահատկությունը: «Հետևաբար, ինչպես նախորդ տարիներին, հիմա էլ կփորձի հասնել նրան, որ այդ ձևակերպումների հետ որոշակիորեն դիվերսիֆիկացված մոտեցում ցուցաբերվի, և նույն հարթության մեջ չդիտարկվեն բոլոր հակամարտությունները»:

Այս համատեքստում Նարեկ Մինասյանը նաև հետաքրքիր համարեց Փաշինյանի հայտարարությունը Ադրբեջանի ագրեսիվ քաղաքականության վերաբերյալ:

«Թեև վերջնական փաստաթղթում տարբերված մոտեցումը բացակայում էր, այնուամենայնիվ, վարչապետ Նիկոլ Փաշինյանի հայտարարություններով ներկայացվեց Ղարաբաղյան հիմնախնդրի էությունը, ներկայացվեց Ադրբեջանի ագրեսիվությունը: Նման այցի շրջանակներում նման շեշտադրումները կարևոր էին: Ըստ էության, Ադրբեջանի ապակառուցողականությունը ներկայացվեց արժեհամակարգային կտրվածքով․ Ադրբեջանի ագրեսիան հարված է ժողովրդավարական արժեքներին, հատկապես հիմա, երբ արևմտյան գործընկերները բավականին ոգևորված էին ժողովրդավարական զարգացումներով, որոնք արձանագրվել են Հայաստանում: Նման շեշտադրումները բավականին ընկալելի են Արևմուտքում»:

Եվրոպական կառույցների ղեկավարների հայտարարությունները, թե պատրաստ են աջակցել Հայաստանում ժողովրդավարության զարգացմանը, Նարեկ Մինասյանի խոսքով, արարողակարգային չէին:

«Նման հանդիպումները նախ ճանաչողական էին, բայց դրանք նաև ամրագրում էին այն հստակ ուղղություններն ու գերակայությունները, որոնք առկա են երկկողմ հարաբերություններում: Այն, որ եվրոպական կառույցները հայտարարում են, որ պատրաստ են այս կարևոր պահին Հայաստանի կողքին լինել, հստակ մեսիջ է, սխալ կլինի դրանք որպես արարողակարգային որակելը: Կարծում եմ՝ առաջիկա գործընթացներում եվրոպական կողմի աջակցությունը մենք հստակ կնկատենք, այդ թվում հիմա նախապատրաստվող ընտրական գործընթացների համատեքստում»,- ասաց նա:

Հռիփսիմե Հովհաննիսյան







 
Նմանատիպ նորություններ
Ողբերգական վրաերթ Արշակունյաց պողոտայում․ հետիոտնը տեղում մահացել է
17 Փետրվարի 2019 - 21:41
Այսօր՝ փետրվարի 17-ին, ժամը 19:40-ի սահմաններում՝ Երեւանի Արշակունյաց պողոտայում՝ ՀՀ ՊՆ զորամասի դիմաց, Mercedes մակնիշի 35 ZՏ 896 համարանիշի ավտոմեքենայի վարորդը վրարերթի է ենթարկել հետիոտնի․ հայտնում է Shamshyan.com-ը։
Մայիսին Օդեսայից Երևան ուղիղ չվերթ կգործի
17 Փետրվարի 2019 - 21:39
YanAir ավիաընկերությունը որոշել է 2019 թվականի մայիսի 20-ից Օդեսա-Երևան չվերթ գործարկել:
Քննարկվել է հայ-կիպրական բազմաշերտ համագործակցությանն առնչվող հարցերի լայն շրջանակ
17 Փետրվարի 2019 - 21:05
Մյունխենի անվտանգության համաժողովի աշխատանքներին մասնակցող Հայաստանի ԱԳ նախարար Զոհրաբ Մնացականյանը փետրվարի 17-ին հանդիպում ունեցավ Կիպրոսի արտաքին գործերի նախարար Նիկոս Խրիստոդուլիդեսի հետ:
Իսպանիան մերժեց ԱՄՆ-ին և Սիրիա զորք չի ուղարկի
17 Փետրվարի 2019 - 20:58
Ավելի վաղ ԱՄՆ-ը ՆԱՏՕ-ին և իր մյուս գործընկերներին կոչ էին արել տրամադրել «ռեսուրսներ, անձնակազմ եւ աջակցություն», որ Սիրիայում կանխվի «Իսլամական պետության» վերածնունդը:
Երևանում 33-ամյա տղամարդը դաժան ծեծի է ենթարկվել
17 Փետրվարի 2019 - 20:57
Փետրվարի 16-ին «գանգուղեղային վնասվածք» ախտորոշմամբ ծայրահեղ ծանր վիճակում «Էրեբունի» ԲԿ վերակենդանացման բաժանմունք է տեղափոխվել մի քաղաքացի։ Այս մասին հայտնում է Shamshyan.com-ը։
14 գյուղերի միջհամայնքային ճանապարհները փակ են․ ԱԻՆ
17 Փետրվարի 2019 - 20:55
Այսօր՝ փետրվարի 17-ին, ժամը 19:00-ի դրությամբ ՀՀ տարածքում կան փակ և դժվարանցանելի ավտոճանապարհներ:
Զոհրաբ Մնացականյանը ԵԱՀԿ գործող նախագահին ներկայացրել է Երեւանի դիրքորոշումը ղարաբաղյան խնդրի կարգավորման վերաբերյալ
17 Փետրվարի 2019 - 20:53
Մյունխենի անվտանգության համաժողովի շրջանակում այսօր՝ փետրվարի 17-ին ,կայացել է Հայաստանի ԱԳ նախարար Զոհրաբ Մնացականյանի հանդիպումը Սլովակիայի Հանրապետության արտաքին գործերի նախարար, ԵԱՀԿ գործող նախագահ Միրոսլավ Լայչակի հետ:
Փարիզում մեկնարկել է «դեղին բաճկոնների» հոբելյանական երթը
17 Փետրվարի 2019 - 19:58
Ելիսեյան դաշտերում մեկնարկել է «դեղին անթև բաճկոններ» շարժման կողմնակիցների համաձայնեցված երթը, որը նվիրված է Ֆրանսիայում բողոքի ցույցերի մեկնարկի երեքամսյա հոբելյանին:
1 | 2 | 3 | 4 | 5 | 6 | 7 | 8 | 15149
 
Լրահոս`
 
 
 
 
 
 
 
 
 
 
 
 
 
 
 
 
 
Ճարպն այրող վեց մթերքներ
Հասարակություն