Facebook   Twitter
 
«Հրապարակ». Նախագահականից՝ վարչապետի աշխատակազմ

«Հրապարակ». Նախագահականից՝ վարչապետի աշխատակազմ

13 Հուլիսի 2018 - 09:16
«Հրապարակ» թերթը գրում է.
Անդրադառնալով վարչապետ Նիկոլ Փաշինյանի խորհրդականներին՝ գրել էինք, որ նրանց թվում են Սերժ Սարգսյանի օրոք նախագահականում գլխավոր խորհրդական աշխատած Արամ Ղարիբյանն ու Ներման, քաղաքացիության, պարգեւների եւ կոչումների շնորհման վարչության պետ, ապաեւ՝ նախագահի ռեֆերենտ Ջեմմա Հակոբյանը:

Նախագահի աշխատակազմում վերոհիշյալ վարչությունն այլեւս գոյություն չունի, նույնանուն բաժինը այժմ վարչապետի աշխատակազմում է ներգրավված, որի պետ է նշանակվել Կարեն Գրիգորյանը: Նա հերթական կադրն է, որը նախագահականից տեղափոխվել է վարչապետի աշխատակազմ: Ի դեպ՝ Գրիգորյանը, դատելով վարչապետի ծառայողական կայքից, հունիսի 20-ին է պաշտոնը ստանձնել, սակայն ընդամենը մի քանի օր առաջ՝ մեր անդրադարձից հետո, նրա անձնական տվյալները զետեղվեցին կայքում: Մինչ այդ որեւէ մեկի անունը, որպես բաժնի պետ, նշված չէր եւ ենթադրել էինք, որ նշանակում դեռեւս չի եղել: Անկուսակցական, մասնագիտությամբ իրավաբան, երեք երեխաների հայր Կարեն Գրիգորյանի մասնագիտական ողջ գործունեությունն ու ծառայողական առաջխաղացումը, կարելի է ասել, կապված է եղել նախագահականի հենց այդ բաժնի հետ, որը հետագայում վարչություն է դարձել: Գրիգորյանն աշխատել է երեք նախագահների օրոք. 1994-1996 թթ. եղել է հիշյալ բաժնի բաժնի 1-ին կարգի մասնագետ, 1996-1998 թթ՝ նույն բաժնի առաջատար մասնագետ, 1998-1999 թթ՝ գլխավոր մասնագետ, 1999-2017 թթ՝ արդեն իսկ վարչության պետի տեղակալ: 2017թ. նոյեմբերից 2018թ. հունիսը Գրիգորյանը վարչության պետի պաշտոնակատարն էր: 46 ամյա պաշտոնյան ունի պահեստազորի ավագ լեյտենանտի կոչում, ՀՀ քաղաքացիական ծառայության 2-րդ դասի պետական խորհրդականի դասային աստիճան: Նշենք նաեւ, որ ՀՀ նախագահի աշխատակազմի իրավաբանական վարչությունն ունի ներման եւ քաղաքացիության բաժին, որի պետն է Անի Մուրադյանը:

Նախագահականի անձնակազմի կառավարման եւ պետական պարգեւների վարչությունն էլ, որի պետը Նարե Դանիելյանն է, ունի պարգեւների եւ կոչումների բաժին, պետ՝ Մարգարիտա Թադեւոսյան: Երկու պետական հիմնարկներում այս՝ միմյանց կրկնող վարչություն-բաժինների խնդիրն առաջավ Սերժ Սարգսյանի վարչապետացումը նախապատրաստելու պատճառով, երբ նրա նախագահության վերջին ամիսներին որոշվեց, որ պետք է նախագահից «խլվի» ու վաչապետին «բաշխվի» մասնավորապես ներման եւ պարգեւների ու կոչումների շնորհման լծակը: (Այս ամենն, իհարկե բացատրվեց համապատասխան օրենքները սահմանադրությանը համապատասխանեցնելու համատեքստում): Նախագահը այս հարցերում սոսկ հաստատող-վավերացնողի ֆունկցիա ունի:

HayNews.am
 
Նմանատիպ նորություններ
ԱԱԾ տնօրենը գաղտնալսման նախորդ օրը եղել է Մոսկվայում
22 Սեպտեմբերի 2018 - 09:14
«Հրապարակ» թերթը գրում է. «ԱԱԾ և ՀՔԾ ղեկավարների գաղտնալսումից հետո շարունակում են քննարկել՝ դա եղել է այն ժամանակ, երբ, ինչպես ասուլիսում ասել է Ա. Վանեցյանը, ինքը «Ժնևից մեկնում էր օդանավակայա՞ն»՝ հուլիսի 25-ին, թե սրանով փորձում են անել ամեն ինչ, որ խնդրո առնչությամբ Ռուսաս­տանի անունը չշոշափվի:
«Հրապարակ». Աննա Հակոբյանն ու Արփինե Հովհաննիսյանը Սանկտ Պետերբուրգ են մեկնել տարբեր օդանավերով
22 Սեպտեմբերի 2018 - 08:50
«Հրապարակ» թերթը գրում է. «Սանկտ Պետերբուրգում՝ Դաշնային ժողովի Դաշնության խորհրդի նախագահ Վալենտինա Մատվիենկոյի կազմակերպած Կանանց եվրասիական ֆորումին հրավեր ստացած հայաստանյան երկու հայտնի կանայք՝ Փաշինյանի տիկին Աննա Հակոբյանն ու ԱԺ փոխխոսնակ Արփինե Հովհաննիսյանը, Պիտեր են մեկնել տարբեր ինքնաթիռներով, մնացել են տարբեր հյուրանոցներում։
«Հրապարակ». Գեներալ Մանվել Գրիգորյանի ընտանիքին պատկանող համալսարանը փակվում է. զանգվածաբար դուրս են գալիս
22 Սեպտեմբերի 2018 - 08:46
«Հրապարակ» թերթը գրում է. «Մենք գրել էինք, որ գեներալ Մանվել Գրիգորյանի ընտանիքին պատկանող՝ Էջմիածնում գտնվող «Գրիգոր Լուսավորիչ» համալսարանի սաները գեներալի կալանավորումից հետո զանգվածաբար դուրս են գալիս համալսարանից:
Նախընտրական այս շրջա­նում ՊԵԿ-ը դադարեցրել է գրեթե բոլոր ստուգումները
21 Սեպտեմբերի 2018 - 09:56
«Հրապարակ» թերթը գրում է. «Ուժային կառույցների՝ «գետնին փռելու», «պատերով խփելու» և խուզարկությունների ֆոնին շատ տարօրինակ է դառնում ֆինանսական ուժային կառույցի՝ ՊԵԿ-ի տոտալ պա­սիվությունը:
«Փաստ». Երեւանում 26 երթուղի դադարեցրել է աշխատանքը. որոնք են դրանք
21 Սեպտեմբերի 2018 - 09:24
«Փաստ» թերթը գրում է. «Վերջին 10 օրերի տվյալներով, մայրաքաղաքում մի շարք երթուղիներ դադարեցրել են աշխատանքը: Այսպես՝ այլեւս չեն գործում 4, 11, 16, 17, 19, 30, 32, 34, 36ա, 36, 40, 43, 48, 51, 59, 65 ավտոբուսային երթուղիները:
«Հրապարակ». ՀՀԿ-ականներն անցել են վեհափառի պաշտպանության գործին
21 Սեպտեմբերի 2018 - 09:07
«Հրապարակ» թերթը գրում է. «Երբ հայտնի դարձավ, որ Նիկոլ Փաշինյանի կողմից Ամենայն հայոց կաթողիկոս Գարեգին Բ-ին զգուշացվել է թիկնազորով չշրջել, քանի որ «ախրաննիկներին» «ասֆալտին փռելու ռեյդեր» են հայտարարված, ՀՀԿ-ականներն անցել են վեհափառի պաշտպանության գործին։
«Փաստ». Նախարարները դիմել են վարչապետին՝ նոր կառույց ստեղծելու խնդրանքով
21 Սեպտեմբերի 2018 - 09:03
«Փաստ» թերթը գրում է. «Արդեն չորս ամիս է՝ նախարարությունները փաստացի իրենց գործունեությանը զուգահեռ պարտադրված են ուսումնասիրել եւ բացահայտել իրենց ոլորտներում, նախարարություններում ու ՊՈԱԿ–ներում կոռուպցիոն սխեմաներն ու բացահայտումներ անել:
1 | 2 | 3 | 4 | 5 | 6 | 7 | 8 | 1350
 
Լրահոս`