Facebook   Twitter
 
Ամուլսարի ակտիվիստների բաց նամակը Տիգրան Ավինյանին. Արդեն 50 օր է հերթապահում ենք հանք տանող 4 ճանապարների վրա

Ամուլսարի ակտիվիստների բաց նամակը Տիգրան Ավինյանին. Արդեն 50 օր է հերթապահում ենք հանք տանող 4 ճանապարների վրա

07 Օգոստոսի 2018 - 16:26
Ամուլսարի ակտիվիստները բաց նամակով դիմել են փոխվարչապետ Տիգրան Ավինյանին:
Նամակն ամբողջությամբ ներկայացնում ենք ստորև. «Արդեն շուրջ 50 օր է, ինչ Ամուլսարում շինարարական աշխատանքները դադարեցված են, և մենք հերթապահում ենք հանք տանող 4 ճանապարներին:

Ավելի վաղ՝ այս տարվա մայիսին և հունիսին, մենք երկու անգամ դադարեցրել էինք մեր բողոքի գործողությունները, Ձեր, ինչպես նաև Արարատ Միրզոյանի և Նիկոլ Փաշինյանի հորդորով բացել հանք տանող ճանապարհները՝ վստահելով, որ կառավարությունը գոնե ժամանակավոր լուծում կտա խնդրին, սակայն, ինչպես գիտեք, այդ ընթացքում Լիդիան ընկերությունը կրկնակի հերթափոխով ու ավելի մեծ թափով է շինարարություն իրականացրել: Տեսնելով, որ այս իրավիճակում միայն մենք ենք կարողանում փաստացի երաշխավորել մեր իրավունքների և բնության պաշտպանությունը՝ մեր ուսերին ենք վերցրել Ամուլսարի հանքարդյունաբերական ծրագրի կասեցման ամբողջ ռիսկն ու պատասխանատվությունը՝ ժամանակ տալով Կառավարությանը, որ ծանոթանա և սահմանի իր լիազորությունների շրջանակներում հարցը լուծելու գործողությունները։

Մենք շատ լավ ենք գիտակցում, որ անգամ մեկ օր այստեղից մեր բացակայությունը կարող է հանգեցնել Լիդիանի կողմից մեծածավալ աշխատանքների վերսկսման, մեր իրավունքների ոտնահարման և անդառնալի հետևանքների՝ Վայոց Ձորի բնության, Հայաստանի ու տարածաշրջանի խմելու, հանքային և ոռոգման ջրերի, մարդկանց, կենդանական ու բուսական աշխարհի առողջության և կյանքի համար, ուստի վճռականությամբ ու նվիրումով շարունակում ենք այստեղ մնալ ու պահպանել Ամուլսարը։


Մենք սպասում ենք կառավարության նախաձեռնողականությանն ու ակտիվությանը, որպեսզի այն քննի Ամուլսարի ծրագրի հետ կապված նախկին կոռումպացված կառավարության գործած սխալները և այդ սխալները շտկելու գործողություններ ձեռնարկի, ինչպես նաև խիստ միջոցներ ձեռնարկի Լիդիան Արմենիայի ներկայացրած սպառնալիքների կապակցությամբ, թե վերջինս ՀՀ կառավարությանը միջազգային արբիտրաժում դատի կտա և կփորձի այդ միջոցով մեզնից խոշոր գումարներ կորզել։ Ամուլսարի խնդիրն իսկապես ՀՀ նոր կառավարության փորձաքարն է՝ ծառայելու ՀՀ ժողովրդի շահերին, ապացուցելու, որ այն ժողովրդի վստահության կառավարություն է։

Մենք արդեն գրեթե երկու ամիս, մեր ազատ կամքով ու բարձր գիտակցությամբ այստեղ գտնվելով, չենք տեսնում այս հարցում ՀՀ նոր կառավարության հանձնառության արդյունքները։ Մենք չենք կարող հանդուրժել, որ մեր ուժերը վատնվեն, հարցի լուծումը ձգձգվի մինչև ընտրությունները, այնուհետև տարբեր պատճառաբանություններով փորձ արվի «ազատվել» մասնավոր ընկերության համար խոչընդոտ համարվող «խնդրահարույց» քաղաքացիներից։

Մեկ ամիս առաջ, երբ Նիկոլ Փաշինյանն այցելեց Ջերմուկ և Ամուլսար, նա խոսեց աշխատանքային խմբի ձևավորման մասին, որը ստեղծվելու էր բոլոր մետաղական հանքերի հետ կապված փաստահավաք գործունեություն իրականացնելու համար, իսկ որպես առաջնահերթ խնդիր զբաղվելու էր Ամուլսարի խնդրով՝ մասնավորապես պատասխանելով հետևյալ հարցերին՝ արդյոք հանքը բացասական ազդեցություն ունենալո՞ւ է ջրերի վրա և Ջերմուկ առողջարանային քաղաքի վրա:

Թեև այս մարմինը վերջապես կազմավորվել է և հույս ունենք, որ անհապաղ կանցնի իր փաստահավաք գործունեությանը, միևնույն ժամանակ կան ՀՀ սահմանադրությամբ ու օրենքներով լիազորված այլ մարմիններ, որոնք ունեն այս հարցով պարտականություններ։ Մենք ցանկանում ենք իմանալ, թե ի՞նչ են անում պետական գերատեսչությունները՝ Ամուլսարի խնդրի և իրենց կամ այլ գերատեսչությունների կողմից նախկինում թույլ տված սխալ կամ հակաիրավական գործողությունների առնչությամբ. խնդրում ենք հանրությանը հաշվետվություն տալ այս մասին:

Մենք նաև տեղյակ ենք, որ ՀՀ վարչապետի որոշմամբ ստեղծված և հասարակական հիմունքներով գործող աշխատանքային խմբի գործունեության, տեղաշարժման և հանքավայրերում տեղազննություն ու փաստահավաք գործունեություն անցկացնելու, համայնքների անդամների Երևան հասնելու և հնարավոր հարակից այլ ծախսերի համար ՀՀ կառավարությունը որևէ բյուջե դեռևս չի տրամադրել, ինչը մենք գնահատում ենք մեր ֆինանսական, ժամանակային ու այլ ռեսուրսների չարաշահում։

Խնդրում ենք տեղեկացնել, թե ի՞նչ միջոցներով է կառավարությունը ապահովելու փաստահավաք աշխատանքային խմբի գործունեության էֆեկտիվությունը և կոնկրետ ե՞րբ են այդ միջոցները ապահովվելու։ Նաև ինչպե՞ս է կառավարությունն ապահովելու աշխատանքային խմբի անդամ հանդիսացող պետական պաշտոնյաների ու գերատեսչությունների ներկայացուցիչների հանձնառու ու արդյունավետ գործունեությունը, այլ ոչ թե՝ ձևական ներկայությունը։

Խնդրում ենք մեզ հետ՝ Հայաստանի համար բնապահպանական, տնտեսական ու իրավական ամենալուրջ հարցերից մեկում անմիջականորեն ներգրավված քաղաքացիներիս հետ Ամուլսարի առնչությամբ կառավարության վերը նշված գործողությունների և պլանների մասին տեղեկացնել, ապահովել այս հարցում կառավարության հաշվետվողականությունը հանրությանը»:

HayNews.am
 
Նմանատիպ նորություններ
Բենզասղոցով ապօրինի հատել է բալենի եւ բոխի ծառեր եւ տեղափոխել Դսեղի իր տուն
25 Մարտի 2019 - 19:48
Մարտի 13-ին Թումանյանի քննչական բաժնից ստացվել է գրություն այն մասին, որ քրեական գործի նախաքննության ընթացքում նշանակված եւ կատարված մասնագիտական ստուգման ժամանակ «Դսեղի անտառտնտեսության» մասնաճյուղի կողմից անտառխախտման արձանագրությամբ արձանագրված ծառերի կոճղերը զննելու ընթացքում հայտնաբերվել են ապօրինի հատված բալենի, հացենի, հաճարենի եւ 2 հատ բոխի ծառերի կոճղեր:
Ընձառյուծի որսագողության համար տուգանքի չափը կսահմանվի 100 մլն դրամ. օրենքի նախագիծը շրջանառության մեջ է
25 Մարտի 2019 - 16:17
Հայաստանում որսագողության համար սահմանված տուգանքները խստացվում են: ՀՀ բնապահպանության նախարարությունը շրջանառության մեջ է դրել «Բնապահպանական իրավախախտումների հետևանքով կենդանական և բուսական աշխարհին պատճառված վնասի հատուցման սակագների մասին» ՀՀ օրենքում փոփոխություն և լրացում կատարելու մասին նախագիծը, որով առաջարկվում է բարձրացնել որսագողության համար սահմանված տուգանքի չափը:
Հրշեջ-փրկարարները մարել են խոտածածկ տարածքներում բռնկված հրդեհները
24 Մարտի 2019 - 14:12
Մարտի 23-24-ն ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:
Էվերեստի հալչող սառույցների տակ հայտնաբերվել են շատ տարիներ առաջ զոհված ալպինիստների մարմիններ
23 Մարտի 2019 - 11:58
Էվերեստ լեռան հալչող սառույցների տակ հայտնաբերվել են շատ տարիներ առաջ զոհված ալպինիստների մարմիններ, հայտնում է BBC News-ը:
Համապետական շաբաթօրյակի ընթացքում նախատեսվում է 5000 ծառ տնկել. Խաչիկ Հակոբյան
23 Մարտի 2019 - 11:52
Այսօր կունենանք համաքաղաքային մեծ ծառատունկ, կտնկվի 5000 ծառ. այս մասին լրագրողներին ասաց Երևանի քաղաքապետարանի բնապահպանության վարչության պետ Խաչիկ Հակոբյանը:
Այսօր նշվում է Օդերեւութաբանական համաշխարհային օրը
23 Մարտի 2019 - 09:12
Համաշխարհային օդերեւութաբանական կազմակերպության (ВМО) նախաձեռնությամբ ՄԱԿ հովանու ներքո ամեն տարի մարտի 23-ին նշվում է Օդերեւութաբանական համաշխարհային օրը (World Meteorological Day): Օրը նշվում է 191 երկրում եւ ВМО տարածքում:
Լիդիան. Կառավարության գործողությունները եւ անգործությունը Լիդիանի ներդրումային ծրագրի դեմ թիրախավորած արշավի մաս են
20 Մարտի 2019 - 15:21
Լիդիան Ինթերնեյշնլ Լիմիթեդ Ընկերությունը (LYD.TO) տեղեկացրել է, որ Հայաստանի կառավարությունը սկսել է Ամուլսարի ծրագրի երրորդ աուդիտը՝ Ծրագրի ազդեցությունը ջրային ռեսուրսների, երկրաբանության, կենսաբազմազանության եւ ջրի որակի վրա գնահատելու համար: Այս մասին հայտարարություն է տարածել «Լիդիան Արմենիա» ընկերությունը:
Օդի ջերմաստիճանը վաղը կբարձրանա 2-3 աստիճանով
20 Մարտի 2019 - 14:16
Հանրապետության տարածքում` մարտի 20-ի ցերեկը Սյունիքում և Արցախում սպասվում են տեղումներ, լեռնային և նախալեռնային շրջաններում` ձյան, հովտային գոտում` անձրևի տեսքով:
Շրջակա միջավայրին հասցվել է 653.6 մլն դրամի վնաս
20 Մարտի 2019 - 13:17
Բնապահպանության եւ ընդերքի տեսչական մարմնի կողմից իրականացված ստուգումների, շրջայցերի, վարչական վարույթի գործերի քննության ընթացքում հայտնաբերված խախտումներով արձանագրված թվով 38 իրավախախտման դեպքով հաշվարկվել է 653.607.890 ՀՀ դրամի շրջակա միջավայրին հասցված վնաս, իսկ 4-ի վերաբերյալ նշանակվել է 570.000 ՀՀ դրամի վարչական տուգանք։
1 | 2 | 3 | 4 | 5 | 6 | 7 | 8 | 133
 
Լրահոս`