Facebook   Twitter
 
Գյուղնախարարն աշխատանքային այց է կատարել Կոտայքի մարզի Նոր Գեղի համայնք

Գյուղնախարարն աշխատանքային այց է կատարել Կոտայքի մարզի Նոր Գեղի համայնք

09 Օգոստոսի 2018 - 14:03
Գյուղատնտեսության նախարար Արթուր Խաչատրյանը օգոստոսի 8-ին այցելել է Կոտայքի մարզում գտնվող Նոր Գեղի վարչական համայնքի մի շարք ջերմոցային տնտեսություններ և ինտենսիվ այգիներ:
Նախարարին ուղեկցում էին Կոտայքի մարզպետ Ռոմանոս Պետրոսյանը, գյուղատնտեսության փոխնախարար Գառնիկ Պետրոսյանը, Նոր Գեղի վարչական համայնքի ղեկավար Ֆրոնտիկ Թևոսյանը և այլ պատասխանատուներ: Այս մասին տեղեկացնում են Գյուղատնտեսության նախարարությունից:

Այցը մեկնարկել է «Էդար Ֆուդ» ՍՊԸ ջերմոցային տնտեսությունից: 1 հա տարածքում մշակելով լոլիկ և վարունգ՝ տարեկան ստանում են 200-ից 250 տոննա բերք, որն ամբողջությամբ իրացնում են ներքին շուկայում: Ընկերության գյուղատնտես Վլադիմիր Պողոսյանի խոսքով՝ ստանում են որակյալ բերք ոչ միայն բարձրակարգ սածիլներ օգտագործելու, այլև ներդրված ժամանակակից տեխնոլոգիաների շնորհիվ:

Ոռոգումն իրականացնում են կաթիլային համակարգով:

«Կաթիլային ոռոգման համակարգի առավելությունն այն է, որ քիչ և նպատակային ես օգտագործում ջուրը: Նաև ավելի որակով բերք ես ստանում»,-նշել է Վլադիմիր Պողոսյանը:

Ապա նախարար Խաչատրյանն այցելել է խնձորի ինտենսիվ այգի: 2016թ. հիմնված այգին այս պահին զբաղեցնում է 30 հա, սակայն տարածքն ընդլայնվելու է ևս 20 հեկտարով: Այգու համասեփականատեր Միքայել Լազարյանի խոսքով՝ խնձորից բացի տնկելու են նաև տանձի, սալորի և կեռասի ծառեր:

«Ինտենսիվ այգին ավելի վաղ ժամկետում է անցնում բերքատվության, քան ավանդական այգին: Ինտենսիվ այգիների դեպքում 1 հա հողատարածքում տնկվում են ընդհուպ տասն անգամ ավելի տնկիներ»,-ասել է Միքայել Լազարյանը՝ հավելելով, որ թեպետ նոր են շուկա դուրս գալու, սակայն համոզված են, որ իրացման խնդիր չեն ունենա, որովհետև ստացել են որակյալ բերք՝ շնորհիվ տնկված գաճաճ ծառերի, կաթիլային ոռոգման համակարգի և կարկտապաշտպան ցանցերի, որոնք ինտենսիվ այգու բաղադրիչ մասն են կազմում:

Նոր Գեղի համայնքում Արթուր Խաչատրյանն այցելել է նաև «Օզեմ» ՍՊԸ ջերմոցային տնտեսություն, որտեղ արդեն ինը տարի զբաղվում են լոլիկի և վարունգի մշակությամբ: Ընկերության տնօրեն Կարեն Ղազարյանը նախարարի հետ զրույցում նշել է, որ հետաքրքրված է նախարարության կողմից առաջարկվող մասնակի սուբսիդավորվող վարկային ծրագրերով, մասնավորապես ցանկանում է դիմել ագրոպարենային ոլորտի սարքավորումների ֆինանսական վարձակալության` լիզինգի պետական աջակցության ծրագրին:

«Ագրոպարենային արտադրության բնագավառի ցանկացած ձեռնարկություն, լինի դա սպանդանոց, չորանոց, ջերմոց, կաթի մթերման արտադրամաս, կարող է ձեռք բերել անհրաժեշտ սարքավորումներ: Շուկայական տոկոսադրույքը 11 տոկոս է, 7-ը սուբսիդավորում է պետությունը, այսինքն՝ 4 տոկոսով կարելի է ձեռք բերել սարքավորում»,-նշել է գյուղատնտեսության նախարար Արթուր Խաչատրյանը՝ հավելելով, որ վարկը տրամադրվում է 8 տարի մարման ժամկետով:

Արթուր Խաչատրյանի հաջորդ կանգառը ելակի արտադրությամբ զբաղվող «Էկոբերի» ընկերության ջերմոցային տնտեսությունում էր: 1,5 տարի առաջ հիմնված ջերմոցը զբաղեցնում է 3 հա, ելակն աճեցվում է հիդրոպոնիկ եղանակով, իրացվում է թե՛ ներքին, թե՛ արտաքին շուկայում:

Հիդրոպոնիկ մշակությամբ է զբաղվում նաև մոտ 5 տարի առաջ հիմնված «Արմֆուդ» ընկերությունը, որը նախարարի հաջորդ կանգառն էր: 4 հա տարածքում մշակում են լոլիկ: Յուրաքանչյուր տարի սածիլները փոխարինվում են: Նոր սածիլները հատ առ հատ մշակվում են, ապա՝ տեղափոխվում ջերմոց: Ընկերության հիմնադիր տնօրեն Սամվել Կարապետյանը նախարարին տեղեկացրեց, որ արդեն նոյեմբերին կունենան նոր սածիլների առաջին բերքը, որը շուկայում որակապես մրցունակ կլինի:

«Գյուղատնտեսության ապագան սակավահող և սակավաջուր երկրում, իհարկե, ինտենսիվ և բարձր տեխնոլոգիական գյուղատնտեսությանն է: Մենք պետք է օգնենք թե նրանց, ովքեր այդ ճանապարհով առաջին քայլերն են անում, թե մեր գյուղացիներին ու գյուղացիական տնտեսություններին, որպեսզի նրանք կարողանան ավելի բարձր մակարդակի հասցնեն իրենց տնտեսությունները, ավելի ճիշտ կարողանան զբաղվել գյուղատնտեսությամբ»,-նշել է Արթուր Խաչատրյանը:

Նոր Գեղի վարչական համայնքում Արթուր Խաչատրյանը հանդիպել է նաև տեղի բնակիչների հետ, լսել նրանց խնդիրները: Գյուղացիները տեղեկացրել են, որ համայնքում առաջնային է ոռոգման ջրի հարցը: Անդրադառնալով թեմային՝ մարզպետ Ռոմանոս Պետրոսյանը նշել է, որ իրականում Կոտայքում ոչ թե ոռոգման ջրի, այլ՝ ոռոգման ռեսուրսների կառավարման խնդիր ունեն:

«67 մեծ, միջին և մանր համայնք ունեցող մարզում բոլոր բնակավայրերին մեկ միությամբ հավուր պատշաճի սպասարկելն իրականում անհնար է: Միայն տարալուծման, ապակենտրոնացման ճանապարհով մենք կարող ենք կառավարչական իմաստով մեղմել իրավիճակը»,-ասել է մարզպետը՝ հավելելով, որ արդեն հաջորդ տարի խնդիրը կկարգավորվի:

Մարզպետը նաև դրական է գնահատել գյուղատնտեսական տարին՝ բնական աղետներից չեն տուժել, առատ և բարձրորակ բերք են ստացել, այժմ էլ մտածում են, թե ինչ քայլեր ձեռնարկեն, որ օգնեն գյուղացուն իրացման հարցում:

HayNews.am
 
Նմանատիպ նորություններ
Փաշինյանը հանդիպել է ազգային հավաքականի ֆուտբոլիստների հետ (Լուսանկարներ)
26 Մարտի 2019 - 00:03
Վարչապետ Նիկոլ Փաշինյանը Հայաստանի ֆուտբոլի ֆեդերացիայի նախագահ Արթուր Վանեցյանի ուղեկցությամբ այցելել է Ավանի ֆուտբոլի ակադեմիա:
Արարատի մարզպետն այցելել է այրվածքներ ստացած 12-ամյա երեխային (Լուսանկարներ)
25 Մարտի 2019 - 23:55
Արարատի մարզպետ Գարիկ Սարգսյանն իր ֆեյսբուքյան էջում գրել է․

«Այսօր այցելել եմ Ճառագայթային բժշկության և այրվածքների գիտական կենտրոն, որտեղ բուժում է ստանում օրերս Մասիս քաղաքում մեքենայի հրդեհի հետևանքով այրվածքներ ստացած 12-ամյա երեխան:
Էլեկտրաէներգիայի զանգվածային անջատումներ Վենեսուելայում
25 Մարտի 2019 - 23:48
Վենեսուելայի մի շարք նահանգներում կրկին էլեկտրաէներգիայի զանգվածային անջատումներ են գրանցվել, այս մասին հաղորդում է «ՌԻԱ Նովոստի» գործակալությունը՝ հղում անելով վենեսուեալական ոստիկանությունում իր աղբյուրին:
ՄԱԿ-ում քննարկում են ռոբոտ-մարդասպանների արգելման հնարավորությունը
25 Մարտի 2019 - 23:42
Ժնեւում մեկնարկել է սպառազինությունների ավտոմատ համակարգերի մասին ՄԱԿ համաժողովը։ Ավելի քան երկու տասնյակ պետությունների ներկայացուցիչներ այդպիդի համակարգերը համարում են «մահաբեր» եւ կոչ են անում ռոբոտ-մարդասպաններին արգելել։
Մագնիսական գրավչություն ունեցող կանանց սովորույթներ
25 Մարտի 2019 - 23:35
1. Մագնիսական կանայք միշտ դրական են տրամադրված: Իսկ դրական տրամադրությունն ընտրություն է, որը ցանկալի կանայք անում են ամեն օր:
Օդաչուները Գերմանիայի փոխարեն սխալմամբ վայրէջք են կատարել Շոտլանդիայում
25 Մարտի 2019 - 23:30
Զարմանալի միջադեպ է տեղի ունեցել Լոնդոն-Դյուսելդորֆ չվերթն իրականացնող բրիտանական British Airways ավիաընկերության ինքնաթիռի հետ, որը վայրէջք է կատարել ոչ թե Գերմանիայում, այլ Շոտլանդիայի Էդինբուրգում:
5 ամսական տղան տան պայմաններում կատարված թլպատման հետեւանքով մահացել է
25 Մարտի 2019 - 23:28
Իտալիայից 5-ամսական տղան մահացել է տան պայմաններում կատարված թլպատման անհաջող պրոցեդուրայից հետո: Պրոցեդուրայից քիչ անց տղայի վիճակը վատացել է:
Երևան-Մեղրի ավտոճանապարհին մոտ 200 ավտոմեքենա է արգելափակվել
25 Մարտի 2019 - 23:26
Մարտի 25-ին` ժամը 15:47-ին, «911» ծառայությանը տեղեկություն է հաղորդվել, որ Սարավան-Սարալանջ ավտոճանապարհին բեռնատարը ձնաբքի հետևանքով սահել է և երկկողմանի փակել ավտոճանապարհը:
1 | 2 | 3 | 4 | 5 | 6 | 7 | 8 | 17750
 
Լրահոս`