Facebook   Twitter
 
«Զիբիլիքսի» գործով՝ 11 անձի մեղադրանք է առաջադրվել

«Զիբիլիքսի» գործով՝ 11 անձի մեղադրանք է առաջադրվել

14 Սեպտեմբերի 2018 - 19:43
11 անձի մեղադրանք է առաջադրվել «Զիբիլիքս» անունով հայտնի քրեական գործի շրջանակներում. նրանց վերաբերյալ նախաքննությունն ավարտվել է։ Այս մասին հայտնում են ՀՔԾ մամուլի ծառայությունից։
Երևանի ավագանու 2017 թ մայիսի 14-ի ընտրությունների նախընտրական փուլում ընտրողներին կաշառք տալու և դրան օժանդակելու համար մեղադրանքն առաջադրվել է նախաքննության ընթացքում ձեռք բերված ապացույցների հիման վրա։

Դրանց համաձայն, Հայաստանի Հանրապետական կուսակցությունից, ի թիվս այլ թեկնածուների, առաջադրված է եղել Արաբկիր վարչական շրջանի տարածքային կառույցի ղեկավար, Երևանի քաղաքապետարանի կոմունալ տնտեսության վարչության պետ Հ. Ա.-ն, ով միաժամանակ եղել է Երևանի Կոմիտասի պողոտա 56 հասցեում տեղակայված՝ ՀՀԿ նախընտրական շտաբի ղեկավարը:

Նախընտրական շտաբի աշխատանքներում իրեն աջակցելու նպատակով Հ. Ա.-ն դիմել է «ՍԱՍ Գրուպ» ՍՊ ընկերությանը պատկանող սուպերմարկետների ցանցի տնօրեն Ս. Ս.-ին: Նրանք համատեղ կազմակերպել և ղեկավարել են նախընտրական շտաբի աշխատանքները:

Արաբկիր վարչական շրջանի ընտրողներից ՀՀԿ-ի օգտին առավելագույն քվեներ ապահովելու և իր ներկայացրած կուսակցության համար ընտրություններում ցանկալի արդյունք արձանագրելու խմբային շահերից ելնելով` Հ. Ա.-ն մտադրվել է նյութապես շահագրգռել ընտրողներին, մասնավորապես՝ ընտրողներին մեկ քվեի համար որպես կաշառք տալ 10.000 ՀՀ դրամ՝ ընտրություններին նրանց մասնակցությունը և ՀՀԿ-ի օգտին քվեարկելն ապահովելու համար:

Այդ, ինչպես նաև նախընտրական շտաբի կողմից պայմանականորեն ստեղծված ենթաշտաբերի ընթացիկ ծախսերը հոգալու նպատակով Հ. Ա.-ն ներդրել է 48.417.000 ՀՀ դրամին համարժեք 100.000 ԱՄՆ դոլար գումար, ինչպես նաև նույն նպատակներով օգտագործելու համար Ս. Ս.-ի կողմից 2017 թվականի մայիս ամսվա սկզբին տրամադրված 15.000.000 ՀՀ դրամ գումարը:

Հ. Ա.-ն և Ս. Ս.-ն ներդրված գումարը որոշակի խմբաքանակներով (1.350.000 ՀՀ դրամից մինչև 8.250.000 ՀՀ դրամ) նախընտրական փուլում՝ 2017 թվականի մայիսի սկզբից մինչև մայիսի 10-ն ընկած ժամանակահատվածում, բաշխել են պայմանականորեն որպես ենթաշտաբերի և ընտրատեղամասերի պատասխանատուներ նշանակված, Արաբկիր վարչական շրջանի առանձին տեղամասերում ընտրողների վստահությունը վայելող իրենց համախոհներին՝ նրանց օժանդակությամբ կաշառքի գումարներն ընտրողներին հասցեական տալու և իրենց հանցավոր մտադրությունն ավարտին հասցնելու համար:

Ի թիվս այլ անձանց, հիշյալ նպատակներով գումարներ են հատկացվել ենթաշտաբերի և տեղամասերի պատասխանատուներ Ա. Ա.-ին՝ 5.000.000 ՀՀ դրամ, Ե. Բ.-ին՝ 5.000.000 ՀՀ դրամ, Ա. Գ.-ին՝ 7.000.000 ՀՀ դրամ, Հ. Գ.-ին՝ 6.250.000 ՀՀ դրամ, Մ. Շ.-ին՝ 6.250.000 ՀՀ դրամ, Ա. Խ.-ին՝ 8.250.000 ՀՀ դրամ, Տ. Ս.-ին՝ 5.000.000 ՀՀ դրամ, Ս. Հ.-ին՝ 5.650.000 ՀՀ դրամ:

Հ. Ա.-ից և Ս. Ս.-ից ստանալով ընտրողների համար նախատեսված կաշառքի գումարները` ենթաշտաբերի և տեղամասերի պատասխանատուները Արաբկիր վարչական շրջանի մի խումբ ընտրողների որպես կաշառք տվել են մեկ քվեի դիմաց 10.000-ական ՀՀ դրամ:

Հ. Ա.-ի, Ս. Ս.-ի և նրանց օժանդակող անձանց հիշյալ գործողություններով խաթարվել է ՀՀ Սահմանադրությամբ և ՀՀ ընտրական օրենսգրքով երաշխավորված՝ ՀՀ քաղաքացու ընտրական իրավունքի իրականացման՝ ազատության և կամավորության սկզբունքի էությունը:

Վերը նշված հանցավոր արարքների կատարման համար Հ. Ա.-ին և Ս. Ս.-ին մեղադրանք է առաջադրվել ՀՀ քրեական օրենսգրքի 154.2-րդ հոդվածի 2-րդ մասով, իսկ Ա. Ա.-ին, Ե. Բ.-ին, Ա. Գ.-ին, Հ. Գ.-ին, Մ. Շ.-ին, Ա. Խ.-ին, Տ. Ս.-ին, Ս. Հ.-ին և Հ. Փ.-ին մեղադրանքներ են առաջադրվել 38-154.2-րդ հոդվածի 2-րդ մասով:

Նրանց վերաբերյալ քրեական գործի նախաքննությունն ավարտվել է: Գործը մեղադրական եզրակացությամբ ուղարկվել է հսկողություն իրականացնող դատախազին՝ այն դատարան ուղարկելու միջնորդությամբ:

Հանցագործության կատարմանը ներգրավված անձանց ողջ շրջանակը պարզելու նպատակով քրեական գործից անջատված մասով նախաքննությունը շարունակվում է:

HayNews.am
 
Նմանատիպ նորություններ
Արտակարգ դեպք Երեւանում. քաղաքացին բենզինով լի շշով փորձել է ՌԴ դեսպանատան դիմաց ինքնահրկիզվել
21 Նոյեմբերի 2018 - 13:26
Երեւանում, նոյեմբերի 20-ին, արտակարգ դեպք է տեղի ունեցել Երեւանում. ժամը 10։30-ի սահմաններում Ոստիկանության Երեւան քաղաքի վարչության ՊՊԾ գնդի 1-ին գումարտակի ծառայողները Գրիգոր Լուսավորիչ փողոցում Հայաստանոմ տեղակայված ՌԴ դեպանատան դիմացից Ոստիկանության կենտրոնական բաժին են բերման ենթարկել մի քաղաքացու։
Ազգերի լիգա. Յուրա Մովսիսյանը մեկ գոլ զիջեց խմբային փուլի լավագույն ռմբարկուին
21 Նոյեմբերի 2018 - 13:17
Հայաստանի ազգային հավաքականի հարձակվող Յուրա Մովսիսյանը ՈւԵՖԱ-ի Ազգերի լիգայի խմբային մրցաշարի լավագույն ռմբարկուների ցուցակում բաժանեց երկրորդ տեղը:
Փաշինյանն «ափաշքյարա» խախտում է Ընտրական օրենսգիրքն առաջին իսկ օրվանից. Աշոտյան
21 Նոյեմբերի 2018 - 13:13
ԱԺ ՀՀԿ խմբակցության անդամ Արմեն Աշոտյանը նոյեմբերի 21-ին խորհրդարանում՝ լրագրողների հետ զրույցում, տեսակետ հայտնեց, որ վարչապետի պաշտոնակատարն արդեն սկսել է քարոզարշավը:
Աստված մի արասցե, եթե որեւէ տեղ ընտրակաշառքի փորձ արվի եւ ես դա իմանամ ոչ թե իրավապահներից, այլ մամուլից. Փաշինյան
21 Նոյեմբերի 2018 - 13:08
Աստված մի արասցե, եթե որեւէ տեղ ընտրակաշառք բաժանելու փորձ արվի եւ ես այդ տեղեկատվությունն իմանամ ոչ թե իրավապահ մարմիններից, այլ մամուլից:
Նոյեմբերի 26-ին կկայանա Ջիվան Գասպարյանի հոբելյանական համերգը
21 Նոյեմբերի 2018 - 13:05
Նոյեմբերի 26-ին ՀՀ մշակույթի նախարարության նախաձեռնությամբ եւ Յունիբանկի աջակցությամբ Ա․ Սպենդիարյանի անվան օպերայի եւ բալետի ազգային ակադեմիական թատրոնում տեղի կունենա դուդուկի աշխարհահռչակ վարպետ Ջիվան Գասպարյանի 90- ամյակին նվիրված հոբելյանական համերգ:
Հաշմանդամություն ունեցող անձանց ազատ տեղաշարժի հարցը հիմնարար խնդիր է մնում. ՄԻՊ տարեկան հաղորդում
21 Նոյեմբերի 2018 - 12:40
Հաշմանդամության սահմանման ոլորտում Մարդու իրավունքների պաշտպանը 2017 թվականի տարեկան հաղորդման մեջ արձանագրել է մի շարք խնդիրներ։
Ֆրանսիացի փորձագետները կօժանդակեն Հայաստանում աշխարհագրական նշումով գինիների համակարգ ստեղծելուն
21 Նոյեմբերի 2018 - 12:27
ՀՀ գյուղատնտեսության նախարարի պաշտոնակատար Գեղամ Գևորգյանն այսօր հյուրընկալել է ֆրանսիացի փորձագետներին, որոնք Հայաստան են ժամանել Հայաստանի խաղողագործության և գինեգործության հիմնադրամի հրավերով՝ աշխարհագրական նշումով գինիների համակարգի ստեղծման և կիրարկման հարցում հայ մասնագետներին օժանդակելու նպատակով։
2018թ. ընթացքում հանրապետության բուժհաստատություններում բացահայտված կոռուպցիոն հանցագործության դեպքերով պետությանն ավելի քան 500մլն դրամի վնաս է հասցվել. հարուցվել է 41 քրեական գործ
21 Նոյեմբերի 2018 - 12:24
2018թ. հունվարից մինչև նոյեմբերի 1-ը ընկած ժամանակահատվածում հանրապետության բժշկական հաստատություններում արձանագրված կոռուպցիոն չարաշահումների դեպքերի առթիվ քննչական մարմինների վարույթում նախապատրաստվել է 51 նյութ, որոնցից 41-ով հարուցվել են քրեական գործեր:
1 | 2 | 3 | 4 | 5 | 6 | 7 | 8 | 14077
 
Լրահոս`