Facebook   Twitter
 
Թույլ չեմ տա՝ իմ զավակին մատով ցույց տան. Ուրցաձորի համայնքապետը հրաժարական կտա եւ կմասնակցի նոր ընտրություններին (Տեսանյութ)

Թույլ չեմ տա՝ իմ զավակին մատով ցույց տան. Ուրցաձորի համայնքապետը հրաժարական կտա եւ կմասնակցի նոր ընտրություններին (Տեսանյութ)

10 Հոկտեմբերի 2018 - 16:49
Արարատի մարզի Ուրցաձոր համայնքի ՀՀԿ-ական ղեկավար Ռաֆիկ Անդրեասյանը հրաժարական կտա, որից հետո նորից իր թեկնածությունը կառաջադրի առաջիկա ընտրություններում։
Այս մասին քիչ առաջ գյուղացիների հետ հանդիպման ժամանակ հայտարարեց ինքը՝ Անդրեասյանը՝ պետական վերահսկողական ծառայության պետ Դավիթ Սանասարյանի հետ հանդիպումից հետո:

«Ինձ նոր չի, որ ճանաչում եք։ Բոլորդ պետք է ընդունեք ու տեսնեք իմ արածները, յուրաքանչյուրի անհատական վերաբերմունքը։ Եթե խոսում ենք հրաժարական տալու կամ չտալու մասին, որեւիցե մեկդ առաջարկ չարեցիք գյուղի զարգացման մասին։ Չտեսա առաջարկ, որ լիներ գյուղի զարգացման մասին, ճանապարհների, ապրելու, ինչ-որ բան ստեղծելու մասին։

Բայց տեսա մեկ այլ բան՝ ունեմ լավ ընկերներ, ունեմ դուխ, որը ոչ մեկը չի կարող կոտրել, այն դաստիարակությունն եմ ես ստացել, որ իմ ընկերներն ու ընտանիքի անդամները գլուխ չեն կախել։ Իմ կողմնակիցներին շնորհակալ եմ, որ միշտ քվեարկել են՝ եւ՛ դեմ են քվեարկել, եւ՛ կողմ։

Լսելով նրանց հորդորը, որպեսզի դուք եւ նրանք հանգիստ զգաք ձեզ, կտամ հրաժարական ավագանուն։ Մի բան հիշեք՝ բոլորս հարեւաններ ենք, իրար երես ենք նայելու բոլորս։ Ես միշտ ընդդիմացել եմ թե՛ նախկին իշխանություններին, թե՛ հիմա էլ կընդդիմանամ, եթե մեկի գլխից մազ պակասի։ Ապրելու եմ պատվով։ Ես թույլ չեմ տա, որ իմ զավակին մատով ցույց տան։ Թող լինի ընտրություն, ով կընտրվի՝ Աստված իր հետ։ Հրավիրելու եմ ավագանու արտահերթ նիստ, բայց բոլորդ գնացեք տներով, չխանգարեք, քեֆ եք անում, ինչ եք անում՝ ձեր տներում»,- հավաքվածների առջեւ իր խոսքում հայտարարեց Ուրցաձորի համայնքապետը։

Պետական վերահսկողության ծառայության պետ Դավիթ Սանասարյանն էլ մինչ գյուղապետի հայտարարությունը հավաքվածներին ասաց, որ բոլոր խնդիրները լուծվում են, եթե կամք կա։ «Վախենալով չէ, բոլորս էլ այստեղ ոչ մի բանից չենք վախենում։ Հանդուրժողականությունը, սերը, հարգանքը էսօրվանից հետո ավելի մեծ պետք է լինի։ Նոր Հայաստանում մենք մի խնդիր ունենք՝ բռունցքվել ու խնդիրները լուծել։ Գյուղի մեջ մեր ու ձեր չպետք է լինի։ Ինչ եղել է՝ եկեք թողնենք անցյալում, համերաշխ գնանք։ Ամեն մեկս էլ մեկի մասին բան ասած կլինի։ Իմ մասին էլ են շատ բան ասում, բայց ես սիրում եմ բոլորին։ Մարդու ամենամեծ առաքելությունը սիրելու կարողությունն է։ Այս գյուղում պարտություն չի լինելու։ Իրար պարզ աչքով, պարզ երեսով նայենք, իմ խնդրանքը ձեզ՝ իրար նկատմամբ հանդուրժող լինենք»,- հայտարարեց Սանասարյանը, ապա Ուրցաձորի համայնքապետի քայլը որակեց ուժեղ մարդու քայլ։


HayNews.am
 
Նմանատիպ նորություններ
Ես հանդես եմ գալիս որպես վկա. «Սպիտակցի Հայկոն»՝ մահվան ելքով վրաերթի մասին (Տեսանյութ)
15 Դեկտեմբերի 2018 - 22:31
Երգիչ «Սպիտակցի Հայկոն» հանդես է եկել տեսաուղերձով, որտեղ անդրադարձել է հայտնի վրաերթին, որն ավարտվել է մահով:
Ոստիկանները մեկնեցին մարտական դիրքեր (Տեսանյութ)
15 Դեկտեմբերի 2018 - 15:42
Ոստիկանության զորքերի 1033 զորամասի շարահրապարակում կանգնած ոստիկանները ժամեր անց կրկին կլինեն սահմանին՝ պահելու մարտական դիրքը:
Հայաստանի համայնքների ավագանիները ցանկանում են կրճատել համայնքների ղեկավարների որոշ լիազորությունները
15 Դեկտեմբերի 2018 - 13:30
Հայաստանի համայնքներում գործող ավագանիներն իրենց առաջնահերթ խնդիրներից մեկը ավագանու դերի բարձրացումն են համարում: Այս մասին դեկտեմբերի 15-ին տեղի ունեցած Ավագանիների 1-ին համաժողովի ընթացքում «Արմենպրես»-ի հարցին ի պատասխան ասաց Երևանի ավագանու «Լույս» խմբակցության անդամ Անի Սամսոնյանը:
Ոստիկանության 5 ծառայողի շնորհվեց ոստիկանության լեյտենանտի կոչում
15 Դեկտեմբերի 2018 - 11:00
Դեկտեմբերի 14-ին ոստիկանության պետական պահպանության գլխավոր վարչության, Վայոց ձորի մարզային և Երևան քաղաքի վարչությունների 5 ծառայողներ ՀՀ ոստիկանության պետից ստացան առաջին սպայական ուսադիրները:
Նյու Յորքի բնակիչները երկնքում թռչող տարօրինակ օբյեկտ են նկատել (տեսանյութ)
15 Դեկտեմբերի 2018 - 10:04
Նյու Յորքի բնակիչները նկարահանել են երկնքում գերձայնային արագությամբ թռչող տարօրինակ մի օբյեկտ: Հրապարակված տեսանյութում երևում է, թե ինչպես է այդ սև օբյեկտն անցնում ամպերի միջով:
Արմեն Գևորգյանը պատմել է, թե ինչու դատարանը չի կալանավորել իրեն (տեսանյութ)
14 Դեկտեմբերի 2018 - 16:52
«Դատարանում իմ հայտարարությունը եղել այն մասին, որ ես փորձել եմ ներկայացնել իմ անցած ճանապարհը, ինչով եմ զբաղված եղել վերջին 20 տարիներին ՀՀ-ում՝ վերադառնալով Ռուսաստանից, ինչ սկզբունքներով եմ կազմակերպել իմ աշխատանքը պետական համակարգում, իմ կարծիքով՝ ինչ օգուտ բերել մեր պետությանը: Խնդրել եմ դատարանին հաշվի առնել մի քանի հանգամանքներ, որոնք ըստ ինձ կալանավորման համար հիմք չպետք է հանդիսանան»,- այսօր լրագրողների հետ ճեպազրույցում ասաց նախկին փոխվարչապետ Արմեն Գևորգյանը:
Սյունիքում իրականացվում է արկածային տուրիզիմի զարգացման, իսկ Ամասիայում՝ բրդի վերամշակման գործարանի ստեղծման ծրագիրը (Լուսանկարներ)
14 Դեկտեմբերի 2018 - 15:57
Վարչապետի պաշտոնակատար Նիկոլ Փաշինյանն ընդունել է Հայաստանում Չեխիայի արտակարգ եւ լիազոր դեսպան Պետր Միկիսկային եւ People in need հասարակական կազմակերպության գործադիր տնօրեն Շիմոն Պանեկին:
Մարդասիրական օգնության ծրագիր՝ կարկտահարությունից տուժած 4 համայնքում
13 Դեկտեմբերի 2018 - 16:03
ՀՀ տարածքային կառավարման և զարգացման նախարարության ու Եկեղեցիների համաշխարհային խորհրդի Հայաստանյան Կլոր սեղան հիմնադրամի միջև հաստատված համագործակցության արդյունքում սույն թվականի նոյեմբերի 28-ից սկսած աջակցություն է ցուցաբերվում Լոռու և Շիրակի մարզերի այն համայնքներին, որոնց շենք-շինություններն ու ցանքատարածությունները ահռելի վնասներ էին կրել ուժեղ կարկտահարության պատճառով։
1 | 2 | 3 | 4 | 5 | 6 | 7 | 8 | 905
 
Լրահոս`