Facebook   Twitter
 
Աչաջուր համայնքում բացվել են Գյուղատնտեսական սպասարկման կենտրոն և Գինեգործական փորձացուցադրական արտադրամաս

Աչաջուր համայնքում բացվել են Գյուղատնտեսական սպասարկման կենտրոն և Գինեգործական փորձացուցադրական արտադրամաս

11 Հոկտեմբերի 2018 - 13:46
Հոկտեմբերի 10-ին Տավուշի մարզի Աչաջուր համայնքում կայացավ ՀՀ կառավարության և միջազգային ու հայաստանյան կազմակերպությունների համատեղ ջանքերով կյանքի կոչված երկու գյուղատնտեսական մասնագիտացված կենտրոնների պաշտոնական բացումը:
Ինչպես հաղորդում է «Արմենպրես»-ը, ԱՄՆ Միջազգային զարգացման գործակալության (ԱՄՆ ՄԶԳ/USAID) ֆինանսավորմամբ «Ֆուլեր տնաշինական կենտրոն» ՀԿ-ի ու «Հեյֆեր փրոջեքթ ինթերնեյշնլ» հայաստանյան մասնաճյուղի կողմից իրականացվող «Գյուղի զարգացման արդի նախաձեռնություն» (ARDI/ԱՐԴԻ) ծրագրի և CARD հիմնադրամի համագործակցության շրջանակում Աչաջուր համայնքում հիմնվել է Գյուղատնտեսական սպասարկման կենտրոն: Մասնագիտացված կենտրոնն ուղղված է ոչ միայն Տավուշում խաղողագործության (այգիների աճեցում և կառավարում) զարգացմանը, այլև նպաստելու է առաջադեմ տեխնոլոգիաների և ֆերմերային գործարարության զարգացման փորձի առաջխաղացմանը Հայաստանում:

ԱՄՆ ՄԶԳ ֆինանսավորմամբ Հայաստանի ՓՄՁ ԶԱԿ հիմնադրամի և նրա գործընկերների կողմից իրականացվող «Գործընկերություն՝ հանուն գյուղական համայնքների բարգավաճման» (PRP) ծրագրի շրջանակներում CARD հիմնադրամը Սպասարկման կենտրոնին կից հիմնել է նաև Գինեգործական փորձացուցադրական արտադրամաս: Այն հարթակ կհանդիսանա խաղողագործության և գինեգործության ոլորտի արդի տեխնոլոգիաների և միջազգային փորձի կիրառման և տարածման համար:

Կենտրոնի տեխնիկան ապահովել է ԱՐԴԻ ծրագիրը, իսկ նախաձեռնության տեխնիկական աջակցությունը ցուցաբերվել է Գերմանիայի միջազգային համագործակցության ընկերության (GIZ) կողմից ֆինանսավորվող «Մասնավոր հատվածի զարգացում և մասնագիտական կրթություն և ուսուցում Հարավային Կովկասում» ծրագիրը:

Նորաբաց այս երկու կենտրոնները միտված են զարգացնելու խաղողագործությունը, գինեգործությունը և տուրիզմը Տավուշի մարզում։ CARD հիմնադրամը հուշագիր է ստորագրել Ֆրանսիայի խաղողագործության և գինեգործության ինստիտուտի հետ` ֆիլոքսերադիմացկուն խաղողի տնկանյութի համատեղ արտադրության նպատակով մասնագիտական աջակցության տրամադրման շուրջ։ Այս գործընթացը ֆինանսավորվում է նաև Պեռնո Ռիկար խմբի Երևանի կոնյակի գործարանի կողմից:

Երկու կենտրոնների հանդիսավոր բացման արարողությանը ներկա էին պաշտոնատար անձինք ՀՀ գյուղատնտեսության նախարարությունից, ՀՀ տնտեսական զարգացման և ներդրումների նախարարությունից, ՀՀ տարածքային կառավարման և զարգացման նախարարությունից, ինչպես նաև ԱՄՆ ՄԶԳ հայաստանյան առաքելության, Տավուշի մարզպետարանի ներկայացուցիչներ:

2013 թ. օգոստոսից Հայաստանում մեկնարկել է ԱՄՆ Միջազգային զարգացման գործակալության «Գործընկերություն` հանուն գյուղական համայնքների բարգավաճման» (USAID/PRP) հնգամյա ծրագիրը: Այն ուղղված է Հայաստանի մարզերում տեղական տնտեսական զարգացմանը, ենթակառուցվածքների զարգացմանը և բնության պահպանմանը: Հայաստանի ՓՄՁ զարգացման ազգային կենտրոնի գլխավորությամբ ծրագիրն իրականցնում են Գեղարքունիքի առևտրաարդյունաբերական պալատը, «Ի-Վի Քոնսալթինգ» կազմակերպությունը և «Ագրոբիզնեսի և գյուղի զարգացման կենտրոնը» (CARD):

Գյուղի Զարգացման Արդի Նախաձեռնություն (ԱՐԴԻ/ARDI)ը հնգամյա ծրագիր է, որը մեկնարկել է 2013 թ.-ի սեպտեմբերին և ֆինանսավորվում է ԱՄՆ Միջազգային զարգացման գործակալության կողմից: Ծրագրի նպատակն է Հայաստանի Սյունիքի, Վայոց Ձորի և Լոռու մարզերի գյուղական համայնքներում խթանել գյուղական զբաղվածությունը` տնտեսական զարգացման խոչընդոտները վերացնելու ճանապարհով:

Ծրագիրն աջակցություն է տրամադրում գյուղատնտեսության երեք հիմնական ոլորտներում` կաթի վերամշակում, մրգերի վերամշակում և գյուղական զբոսաշրջություն: Ծրագիրն իրականացնող կազմակերպություններն են Հայաստանի «Ֆուլեր տնաշինական կենտրոնը» և «Հեյֆեր փրոջեքթ ինթերնեյշնլ» հայաստանյան մասնաճյուղը:

HayNews.am
 
Նմանատիպ նորություններ
Մոսկվայում քննչական երկու մեկուսարան են ստուգում՝ «ականապատման» մասին ահազանգից հետո
20 Փետրվարի 2019 - 20:11
Մոսկվայում քննչական երկու մեկուսարան են ստուգում՝ «ականապատման» մասին անանուն ահազանգից հետո, հայտնում էРИА Новости-ն:
Արիանա Գրանդեն կրկնել է The Beatles-ի՝ 1964-ին գրանցած ռեկորդը
20 Փետրվարի 2019 - 20:08
Արիանա Գրանդեն դարձել է երկրորդ կատարողը, որի երգերը զբաղեցրել են Billboard-ի հիթ-շքերթի «թեժ հարյուրյակի» առաջին երեք հորիզոնականը:
Շնորհակալ ենք այն ամենի համար, ինչ Դուք փորձում եք անել Հայաստանի համար. Նիկոլա Ազնավուրը՝ Նիկոլ Փաշինյանին
20 Փետրվարի 2019 - 20:07
Վարչապետ Նիկոլ Փաշինյանն ընդունել է աշխարհահռչակ շանսոնյե Շառլ Ազնավուրի որդուն՝ Նիկոլա Ազնավուրին, ով հանդիսանում է «Ազնավուր» հիմնադրամի համահիմնադիրը:
Ադրբեջանի իշխանություններն արգելել են ընդդիմության հանրահավաքը
20 Փետրվարի 2019 - 20:06
Ադրբեջանի մայրաքաղաք Բաքվի քաղաքապետարանը մերժել է ընդդիմադիր «Ժողովրդավարական ուժերի ազգային խորհրդի» կողմից փետրվարի 23-ին հանրահավաք անցկացնելու վերաբերյալ դիմումը։ Այս մասին հայտնում են ադրբեջանական ԶԼՄ-ները:
Հայաստանի դեսպանը եւ ՌԴ փոխարտգործնախարարը քննարկել են Մերձավոր Արեւելքի հարցերը
20 Փետրվարի 2019 - 20:02
Ռուսաստանում Հայաստանի դեսպան Վարդան Տողանյանը հանդիպել է ՌԴ նախագահի՝ Մերձավոր Արեւելքի եւ Աֆրիկայի երկրների գծով հատուկ ներկայացուցիչ, Ռուսաստանի փոխարտգործնախարար Միխայիլ Բոգդանովի հետ։ Այս մասին տեղեկացնում է ՌԴ-ում Հայաստանի դեսպանությունն իր ֆեյսբուքյան էջում։
Ֆրանսիան եւ Դանիան մտել են հաքերներից լավագույն պաշտպանությամբ երկրների հնգյակի մեջ
20 Փետրվարի 2019 - 19:46
Ֆրանսիան եւ Դանիան մտել են այն երկրների հնգյակի մեջ, որոնք իրենց համացանցային օգտատերերին բոլորից լավ են պաշտպանում հաքերային հարձակումներից: Համացանցի եւ առցանց անվտանգության ոլորտում Comparitech վերլուծական կայքի վարկանիշում Ֆրանսիան 60 երկրի շարքում զբաղեցրել է 2-րդ տեղը, Դանիան՝ 4-րդ:
Դեսպան Հրաչյա Փոլադյանի հանդիպումը Իրաքի կապի նախարարի հետ
20 Փետրվարի 2019 - 19:38
Փետրվարի 20-ին Իրաքում ՀՀ դեսպան Հրաչյա Փոլադյանը հանդիպեց Իրաքի կապի նախարար, դոկտոր Նայեմ Թ.Յուսիրին (Dr. Naeem Th. Yousir)։
Նիկոլ Փաշինյանն ընդունել է ԵԱՀԿ Մինսկի խմբի համանախագահներին
20 Փետրվարի 2019 - 19:35
Վարչապետ Նիկոլ Փաշինյանն ընդունել է ԵԱՀԿ Մինսկի խմբի համանախագահներ Իգոր Պոպովին (Ռուսաստան), Էնդրյու Շոֆերին (ԱՄՆ), Ստեֆան Վիսկոնտիին (Ֆրանսիա) և ԵԱՀԿ գործող նախագահի անձնական ներկայացուցիչ Անջեյ Կասպրչիկին:
Պաշտպանության նախարարը պարգեւատրել է զորամասերում դասախոսած արվեստագետներին և գիտնականներին
20 Փետրվարի 2019 - 19:33
Փետրվարի 20-ին պաշտպանության նախարար Դավիթ Տոնոյանը հանդիպել է պաշտպանության նախարարին կից հասարակական խորհրդի նախաձեռնությամբ անցկացվող «Պատմության և մշակույթի էջեր» ծրագրի մասնակիցներին։
1 | 2 | 3 | 4 | 5 | 6 | 7 | 8 | 16924
 
Լրահոս`
 
Արիանա Գրանդեն կրկնել է The Beatles-ի՝ 1964-ին գրանցած ռեկորդը
Մշակույթ, Հասարակություն, Տեսանյութեր