Facebook   Twitter
 
Հայ երիտասարդների մշակած սարքը կօգնի զարկերակային ճնշման բարձրացման բարդություններից

Հայ երիտասարդների մշակած սարքը կօգնի զարկերակային ճնշման բարձրացման բարդություններից

11 Հոկտեմբերի 2018 - 22:20
Հիպերտոնիան կարող է բերել մի ամբողջ շարք խնդիրների եւ բարդությունների, որոնց որոշ մասը կարող է ճակատագրական լինել: Բժիշկները հիպերտոնիկներին, որպես կանոն, զգուշացնում են զարկերակային ճնշման բարձրացման հետ կապված վտանգների մասին, սակայն ամենեւին ոչ բոլոր հիվանդներն են հետեւում իրենց ճնշմանը, եւ նրանցից քչերն են դիմում բժշկի, երբ ճնշումը «նորմայի» շրջանակներից դուրս է գալիս:
Սարքը, որը մշակում են Health to health թիմի երիտասարդները, կարող է այդպիսի մարդկանց փրկել ճնշման բարձրացման հետեւանքով սրտի ու ուղեղի կաթվածից եւ այլ խնդիրներից:

Սարքը մշակողներից մեկը՝ Գրիգոր Տեր-Պետրոսյանը NEWS.am Medicine-ի հետ զրույցում նշեց, որ խոսքը «խելացի» ճնշումաչափի մասին է, որը ճնշումը չափելուց հետո ստացած տվյալներն ուղարկում է ընդհանուր բազա, որտեղ պահվում են բոլոր հիվանդների տվյալները: Սարքը համեմատում է նոր ստացած տվյալները բոլոր նախորդ տվյալների հետ, եւ եթե պարզվում է, որ հիվանդի ճնշումը նորմայից բարձրացել է, այն անմիջապես այս մասին իրազեկում է հիվանդի խնամակալներին, եթե այդպիսիք կան, եւ իհարկե՝ նրա բժշկին (ընտանեկան բժշկին կամ, օրինակ, հիվանդանոցում՝ հերթապահ բժշկին): Ստացած տվյալներից ելնելով՝ բժիշկը որոշում է անելիքը. նա կարող է զանգահարել հիվանդին եւ խորհուրդ տալ դեղ ընդունել, կամ՝ եթե ճնշումը չափից ավելի բարձր է եւ հիվանդին լուրջ վտանգ է սպառնում, կարող է նրա մոտ ուղարկել շտապ օգնության մեքենա:

Այս համակարգում գրանցված բոլոր հիվանդների մասին տվյալները կպահպանվեն ընդհանուր բազայում, սակայն յուրաքանչյուր հիվանդանոցում նախատեսված է ունենալ սեփական մինի-բազա, որի միջոցով հիվանդների մասին տեղեկությունները կհաղորդվեն այդ հիվանդանոցի բժիշկներին:

Ինչպես նշեց Գրիգոր Տեր-Պետրոսյանը, ճնշումաչափից բազա տվյալների փոխանցման համար օգտագործում են բջջային ցանցերը՝ հարկավոր չէ ո՛չ համացանց, ո՛չ վայֆայ, ո՛չ էլ որեւէ այլ սարք: Երիտասարդներն առայժմ իրենց մշակումը ցուցադրում են սովորական ճնշումաչափ օգտագործելով, որին միացված է իրենց սարքը, սակայն հետագայում նրանք ցանկանում են մշակել նոր տեսակի ճնշումաչափ, որի մեջ ներկառուցված կլինի անհրաժեշտ ամեն ինչը, եւ որը բոլոր տվյալներն ավտոմատ կուղարկի բազա:

Գրիգոր Տեր-Պետրոսյանը նշեց, որ ապագայում հնարավոր կլինի այս նույն բազային միացնել շատ այլ սարքեր, որոնք հիվանդները տանն են օգտագործում՝ արյան մեջ գլուկոզան չափող սարքերից մինչեւ սրտագրի համար տնային սարքեր:

Սարքի հեղինակները վստահ են, որ այն կարող է փրկել բազմաթիվ կյանքեր, ուստի հույս ունեն, որ տեղական արտադրողները, հիվանդանոցները եւ առողջապահության նախարարությունը կհետաքրքրվեն իրենց նախագծով ու կօգնեն այն իրականացնել:

HayNews.am
 
Նմանատիպ նորություններ
Հայտնի երգչուհի Լոլիտան՝ թմրադեղերից կախվածության եւ ոչ սթափ վիճակում ելույթների մասին (Տեսանյութ)
23 Փետրվարի 2019 - 18:04
«А поговорить?» Youtube-ի շոուի հերթական հաղորդման հյուրն է եղել 55-ամյա երգչուհի Լոլիտան։
Մեգան Մարքլը դատական հայց կներկայացնի Daily Mail-ի դեմ
23 Փետրվարի 2019 - 18:00
Սասեքսի դքսուհի Մեգան Մարքլը Daily Mail պարբերականին դատական հայցով է սպառնացել՝ հորը՝ Թոմաս Մարքլին ուղղված նամակը հրապարակելու համար։ Այս մասին գրում է The Guardian-ը։
Արթիկի ավտոճանապարհներին բուք է
23 Փետրվարի 2019 - 17:57
ՀՀ տրանսպորտի, կապի և տեղեկատվական տեխնոլոգիաների նախարարությունը տեղեկացնում է, որ փետրվարի 23-ին՝ ժամը 17:00-ի դրությամբ, Արթիկի տարածաշրջանի ավտոճանապարհներին բուք է:
Ոստիկանները բռնել են գողերին՝ գողոնը ձեռքներին
23 Փետրվարի 2019 - 17:55
Փետրվարի 22-ին, ժամը 04.30-ի սահմաններում, ոստիկանության Վաղարշապատի բաժնում ահազանգ է ստացվել, որ Էջմիածնի Վազգեն Առաջինի փողոցում կասկածելի երկու անձ տոպրակով ինչ-որ բան են ուզում դնել մեքենան:
Իտալիայում մահացել է նորաձևության դիզայներ Մարելլա Անելլին
23 Փետրվարի 2019 - 17:54
Իտալիայի Թյուրին քաղաքում մահացել է նորաձևության դիզայներ և լուսանկարիչ Մարելլա Անելլի Կարաչոլլոն: Նա 91 տարեկան էր: Այս մասին շաբաթ օրը՝ փետրվարի 23-ին, հրապարակել է La Repubblica- ը:
Ամերիկացի գիտնականները պարզել են, որ շփումը կանանց օգնում է նվազեցնել սրտանոթային հիվանդություններից մահվան վտանգը
23 Փետրվարի 2019 - 17:50
Շփումը կանանց օգնում է նվազեցնել սրտանոթային հիվանդություններից մահվան վտանգը:
Լեւոն Տեր-Պետրոսյանը անդրադարձել է իր եւ ՀՀ վարչապետ Նիկոլ Փաշինյանի հարաբերություններին
23 Փետրվարի 2019 - 17:18
ՀՀ առաջին նխագահ Լեւոն Տեր-Պետրոսյանը անդրադարձել է իր եւ ՀՀ վարչապետ Նիկոլ Փաշինյանի հարաբերություններին, հաղորդում է ilur.am-ը:
Շղթայական ավտովթար Երևանում. ԱՄՆ դեսպանատան հարևանությամբ բախվել են BMW-ն, Toyota-ն, Nissan-ն ու Volkswagen-ը
23 Փետրվարի 2019 - 17:11
Փետրվարի 21-ին՝ ժամը 21։40-ի սահմաններում, Երևանում՝ Իսակովի պողոտայի և Մոնթե Մելքոնյան փողոցի հատման մասում, բախվել են Երևանի բնակիչներ՝ 28-ամյա Տիգրան Գրիգորյանի վարած BMW մակնիշի 35 PV 452 համարանիշի, 50-ամյա Իգոր Մարտիրոսյանի վարած Toyota մակնիշի 22 RR 112 համարանիշի, 23-ամյա Սեդա Մարտիրոսյանի վարած Nissan մակնիշի 35 ՏC 669 համարանիշի և Էջմիածին քաղաքի բնակիչ՝ 37-ամյա Ռաֆայել Ադամյանի վարած Volkswagen մակնիշի 88 AN 928 համարանիշի ավտոմեքենաները։
1 | 2 | 3 | 4 | 5 | 6 | 7 | 8 | 15236
 
Լրահոս`
 
 
 
 
Արթիկի ավտոճանապարհներին բուք է
Տնտեսություն, Հասարակություն