Facebook   Twitter
 
Բացի սևերից ու սպիտակներից, կան նաև կարմիրներ. հակված ենք մասնակցելու արտահերթ ընտրություններին. Կոմկուսի քարտուղարի պաշտոնակատար

Բացի սևերից ու սպիտակներից, կան նաև կարմիրներ. հակված ենք մասնակցելու արտահերթ ընտրություններին. Կոմկուսի քարտուղարի պաշտոնակատար

11 Հոկտեմբերի 2018 - 22:21
Միգուցե ժամանակը կարճ է արտահերթ ընտրություններին նախապատրաստվելու համար՝ հոկտեմբերից դեկտեմբեր, բայց, միևնույնն է, Կոմունիստական կուսակցությունը հակված է մասնակցելու։
Այս մասին Tert.am-ի հետ զրույցում ասաց Կոմկուսի քարտուղարի պաշտոնակատար Երջանիկ Ղազարյանը:

«Մենք դեռևս ապրիլի 23-ին, երբ Սերժ Սարգսյանը հրաժարական տվեց, մեր տարածած հայտարարության մեջ ասել էինք, որ իրավիճակից դուրս գալու ելքը արտահերթ խորհրդարանական ընտրություններն են՝ արդար, թափանցիկ, առանց ընտրակաշառքի և կուսակցական ընտրացուցակներով, ոչ թե ռեյտինգային ընտրակարգով»,- ասաց նա:

Երջանիկ Ղազարյանն ասաց, որ արդեն քննարկումներ կուսակցությունում եղել են, և միակ հարցն այն է եղել՝ գնալ դաշինքով, թե միայնակ: «Զարգացումները ցույց կտան՝ կգնանք դաշինքով, թե միայնակ, բայց այս պահին կուսակցությունում հակված ենք գնալ միայնակ»,-ասաց նա և նշեց, որ իրենք, ի տարբերություն այն ուժերի, որոնք նոր են ասում, որ աջակցել են հեղափոխությանը, առաջին իսկ օրից եղել են հեղափոխականների կողքին:

Երջանիկ Ղազարյանը նշեց, որ իրենք հուսով են՝ կլինի այնպես, որ չի աշխատի վարչական ռեսուրսը, ընտրակաշառք չի լինի. «Մարդիկ պետք է ունենան ազատ, արդար ընտրելու իրավունք, որպեսզի նախարարությունում, տարբեր հիմնարկներում իրենց աշխատանքին մնալու համար կատարեն ընտրություն»։

Դիտարկմանը, թե այսինքն դեռևս կա՞ն մտավախություններ, որ հնարավոր է՝ օգտագործեն վարչական ռեսուրսը, կամ ընտրակաշառքներ բաժանվեն, Կոմկուսի քարտուղարի պաշտոնակատարն ասաց, որ Երևանի ավագանու ընտրություններին արդեն որակումները որոշակի խոչընդոտ հանդիսացան մասնակից մյուս ուժերի համար:

«Սևեր, սպիտակներ և այլ որակումներ եղան. նախ պետք է իմանալ, որ բացի սևերից ու սպիտակներից, գոյություն ունեն նաև կարմիրներ, որը մենք ենք, և, միևնույնն է, նման սև PR-ը բերում է նրան, ինչի ականատեսը եղանք ավագանու ընտրություններին: Հուսանք՝ կլինեն արդար ընտրություններ և գաղափարական պայքար, իսկ քանի որ մենք սոցիալական գաղափարի կրող ենք, մեր գաղափարները առաջ ենք տանելու»,- ասաց նա:

Իսկ թե իրենց շանսերը ինչպես են գնահատում, Կոմկուսի ղեկավարի պաշտոնակատարն ասաց, որ հաշվի առնելով Ընտրական օրենսգրքի փոփոխությունները, որոնք դրվել են հաստատման, բարձր է գնահատում:

«Ըստ ԸՕ-ի՝ ընտրությունների անցողիկ շեմը դառնում է 4 տոկոս, և եթե արդար ընտրություն է, և ոչ ոքի չեն ստիպելու, ընտրակաշառք չեն բաժանելու, արդեն շանսերը մեծացնում է, էլ չեմ ասում, որ եթե այս նոր օրենսգրքով հասցնեն ընդունել, որ պետք է 4 ուժ ներգրավվի ԱԺ–ում երեքի փոխարեն, այս իրավիճակում համեստ գնահատելով մեր հնարավորությունները՝ կանցնենք ԱԺ»,- եզրափակեց նա:

Աղբյուրը՝ Tert.am
 
Նմանատիպ նորություններ
Իմ բոլոր որդիներն էլ չեն ցանկանում նախագահ դառնալ. Լուկաշենկո
22 Փետրվարի 2019 - 19:16
Բելառուսի նախագահ Ալեքսանդր Լուկաշենկոն հայտարարել է, որ ոչ ոքի չի ցանկանում ապրել պետության ղեկավարի կյանքով, իսկ իր որդիները չեն ցանկանում զբաղեցնել այդ պաշտոնը:
Չինաստանը Վենեսուելային 10 տարում 62 միլիարդ դոլարի վարկ է տվել
22 Փետրվարի 2019 - 18:39
Չինաստանը 2007-ից մինչև 2017 թվականը Վենեսուելային 62 միլիարդ դոլար վարկ է տվել և հայտնվել «վարկատուի թակարդում»:
Փոխվարչապետ Մհեր Գրիգորյանը նախագահում է ԵԱՏՀ խորհրդի հերթական նիստը
22 Փետրվարի 2019 - 18:33
Մոսկվայում մեկնարկել է Եվրասիական տնտեսական հանձնաժողովի խորհրդի հերթական նիստը, որը նախագահում է Ռուսաստանի Դաշնությունում աշխատանքային այցով գտնվող փոխվարչապետ Մհեր Գրիգորյանը, տեղեկացնում են փոխվարչապետի գրասենյակից։
Արարատ Միրզոյանի գլխավորած պատվիրակությունը կմեկնի Մոսկվա
22 Փետրվարի 2019 - 17:53
ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի հրավերով փետրվարի 25-27-ն աշխատանքային այցով Ռուսաստանի Դաշնության մայրաքաղաք Մոսկվայում կլինի ՀՀ Ազգային ժողովի նախագահ Արարատ Միրզոյանի գլխավորած պատվիրակությունը:
ԱՄՆ մասնագետները իրենց աջակցությունն են առաջարկել Հայաստանում թմրանյութերի դեմ պայքարին
22 Փետրվարի 2019 - 17:32
Պետական եկամուտների կոմիտեի մաքսանենգության դեմ պայքարի վարչության պետ Վարդան Վարդանյանն ընդունել է ԱՄՆ-ի արդարադատության նախարարության թմրամիջոցների դեմ պայքարի վարչության (DEA) Միջին Արևելքի տարածաշրջանային գրասենյակի ներկայացուցիչներին և նշված կառույցի Թբիլիսիի տարածաշրջանային գրասենյակի աշխատակիցներին:
Ռուբեն Ռուբինյանն ու Նիդեռլանդների դեսպանը քննարկել են ՀՀ-ԵՄ համաձայնագրի վավերացմանը վերաբերող հարցեր
22 Փետրվարի 2019 - 17:26
ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը փետրվարի 22-ին ընդունել է Հայաստանում Նիդեռլանդների Թագավորության արտակարգ և լիազոր դեսպան Յոհաննես Դաումային: Այս մասին հայտնում են ԱԺ լրատվության և հանրության հետ կապերի վարչությունից:
Սուրեն Պապիկյանն ընդունել է Շվեյցարիայի դեսպանին
22 Փետրվարի 2019 - 15:22
Հայաստանի Հանրապետության տարածքային կառավարման և զարգացման նախարար Սուրեն Պապիկյանն ընդունել է ՀՀ-ում Շվեյցարիայի արտակարգ և լիազոր դեսպան Ստեֆանո Լազարոթոյին։
ՀԱՊԿ-ում, Հայաստանի դիրքորոշման հետ կապված, ևս մեկ տարի լիարժեք գլխավոր քարտուղար չի լինի
22 Փետրվարի 2019 - 13:39
ՀԱՊԿ-ը 2019-ին հնարավոր է մնա առանց լիարժեք գլխավոր քարտուղարի: Բելառուսի Անվտանգության խորհրդի ղեկավար Ստանիսլավ Զասի նշանակումն այս պաշտոնում հետաձգվում է Հայաստանի վարչապետ Նիկոլ Փաշինյանի անզիջում դիրքորոշման պատճառով:
ՀՀԿ-ն եղել է, կա ու կլինի ազգային ու ժողովրդավարական Հայաստանի ջատագովը. Էդուարդ Շարմազանով
22 Փետրվարի 2019 - 13:08
Վերջին շրջանում ակտիվ շրջանառության մեջ են դրվում կարծիքներ, որոնց նպատակը ոչ այնքան Փաշինյանին քննադատելն է, որքան քննադատել ՀՀԿ-ին՝ ասելով, թե դուք և ձեր ղեկավարն եք իշխանությունը տվել Նիկոլին։ Հետևաբար, եթե տվել եք, էլ ինչո՞ւ եք քննադատում։
1 | 2 | 3 | 4 | 5 | 6 | 7 | 8 | 5164
 
Լրահոս`