Facebook   Twitter
 
Ինչու է ամերիկյան «բազեն» գալիս Հայաստան.168.am

Ինչու է ամերիկյան «բազեն» գալիս Հայաստան.168.am

12 Հոկտեմբերի 2018 - 08:43
«Իրան-ԱՄՆ հարաբերությունների հարցը կլինի Բոլթոնի տարածաշրջանային այցի գլխավոր թեման»,- այս մասին 168.am-ի հետ զրույցում ասաց ամերիկացի քաղաքական վերլուծաբան Փոլ Գոբլը՝ անդրադառնալով Բոլթոնի ՀՀ կատարելիք այցի օրակարգին:
Հիշեցնենք, որ օրերս քաղաքագետ Սուրեն Սարգսյանը տեղեկություն տարածեց, որ տարածաշրջանային այցի շրջանակում Հայաստան է այցելելու ԱՄՆ նախագահ Դոնալդ Թրամփի ազգային անվտանգության հարցերով խորհրդական Ջոն Բոլթոնը: Այսօր տեղեկությունն արդեն ինտենսիվորեն շրջանառվում է չորս երկրների մամուլում և դեռ պաշտոնական հերքումներ չկան:

«Արդեն բաց կարող եմ ասել, որ, իմ տեղեկություններով, ԱՄՆ նախագահի խորհրդականը, Վաշինգտոնի ամենաազդեցիկ մարդկանցից մեկը, երկու շաբաթից (եթե ոչինչ չփոխվի) կայցելի ՌԴ, Հայաստան, Ադրբեջան և Վրաստան: Հայաստանի համար սա բացառիկ հնարավորություն է ՀՀ-ԱՄՆ օրակարգը վերաիմաստավորելու համար: Ի տարբերություն Հայաստանի, Ադրբեջանն ու Վրաստանն առավել խոր համագործակցություն ունեն ԱՄՆ-ի հետ: Հայկական կողմը կարող է լրջագույն հարցեր լուծել Բոլթոնի միջոցով: Սա բացառիկ շանս է, երբ անհասանելին իր ոտքով հասանելի է դառնում: Վարչապետի աշխատակազմն ու ԱԳՆ-ն կարող են շատ ակտիվ աշխատել Բոլթոնի հետ»,- ֆեյսբուքյան իր էջում գրել էր Սուրեն Սարգսյանը:
Հատկանշական է, որ Բոլթոնի այցը համընկնում է ՀՀ-ում ԱՄՆ դեսպան Ռիչարդ Միլսի դիվանագիտական առաքելության ավարտի հետ: Ի դեպ, իր ամփոփիչ զեկույցում դեսպան Միլսն անդրադարձել էր նաև Իրանի շուրջ իրավիճակին՝ նշելով. «Իրատես պետք է լինեմ ես, ապագան մեծապես կախված կլինի, թե ինչ է տեղի ունենում Իրանում: Եթե Իրանը մնա կայուն, սկսի փոփոխություններ, այս երկիրը, տնտեսությունը կդառնա դարպաս դեպի նոր շուկա, և եթե Իրանի վարքագիծը վատանա, լարվածությունը մեծանա, դա, բնականաբար, այստեղ իր ազդեցությունը կունենա, քանի որ Իրանի հետ ՀՀ-ն ունի հարաբերություններ, և դուք կարող եք անկեղծ խոսել նրանց հետ: Դա կարող է օգնել, որպեսզի իրանյան զարգացումները դրական ուղիով ընթանան»:

Փոլ Գոբլի խոսքով՝ եթե այցը կայանա, այն կարող է իսկապես կարևոր իրադարձություն դառնալ հայ-ամերիկյան հարաբերությունների համար, քանի որ ուղիղ կերպով Միացյալ Նահանգների իշխանության ներկայացուցչի հետ կարելի է քննարկումներ վարել հարաբերությունների ապագայի վերաբերյալ:

Ըստ նրա, ինչպես հայտնի է, Նյու Յուրքում վերջերս ընթացող ՄԱԿ ԳԱ-ի կուլիսներում ՀՀ իշխանություններն ԱՄՆ պաշտոնյաներից որևէ մեկի հետ հանդիպում չունեցան հագեցած օրակարգերի պատճառով, իսկ Բոլթոնն ամենաազդեցիկ դեմքերից մեկն է ԱՄՆ նախագահի ադմինիստրացիայում:

«Սակայն ակնհայտ է, որ կա նման հանդիպման անհրաժեշտություն, հատկապես Հայաստանում տեղի ունեցած հեղափոխությունից հետո, երբ մի շարք վերադասավորումներ են տեղի ունենում երկրի ներքին կյանքում: Հայկական կողմը կարող է այս այցի արդյունավետությունը տեղափոխել հայ-ամերիկյան օրակարգ: Սակայն, ըստ իս, Բոլթոնի՝ տարածաշրջանային այցի օրակարգը շատ ավելի գլոբալ է: Այն վերաբերում է հիմնականում Իրան-ԱՄՆ, Ռուսաստան-ԱՄՆ հարաբերություններին, ինչպես նաև սիրիական զարգացումներին:

Բոլթոնն անձամբ կփորձի հասկանալ, թե այս բոլոր ուղղությունների հարցում հարավկովկասյան երկրներն ինչպես են իրենց դիրքավորում, ինչ վերաբերմունք ունեն ամերիկյան ներկայիս քաղաքականության մասին և որքանով են ամերիկյան կողմի համար վստահելի գործընկերներ այս երկրները: Սա լավ հնարավորություն կարող է դառնալ Հայաստանի համար՝ ներկայացնել իրանական ուղղությամբ Հայաստանի հատուկ վերաբերմունքը և հայ-իրանական հարաբերությունների կարևորությունը, քանի որ Բոլթոնն ԱՄՆ իրանական քաղաքականության գլխավոր դերակատարներից մեկն է, ով աչքի է ընկնում իր կոշտ դիրքորոշումներով, ուստի վստահաբար նա էլ ամերիկյան դիրքորոշումն է ներկայացնելու: Սա կլինի այցի գլխավոր թեման, և հայկական կողմը պետք է աշխատի այս ուղղությամբ իր շահերն առաջ մղելու համար:

Միացյալ Նահանգները, բնականաբար, կցանկանա գտնել գործընկերներ իր այդ քաղաքականության հարցում, այսինքն` աջակցություն այստեղ ամերիկյան իրանական և մերձավորարևելյան քաղաքականության հարցում: Ըստ իս, խոսակցություն կծավալվի նաև Սիրիայում ՀՀ իրականացնելիք հումանիտար առաքելության բնույթի և անհրաժեշտության, դրա հետևանքների մասին:

Անդրադարձ կլինի նաև ԼՂ հակամարտության կարգավորման գործընթացին, բայց մեծ ուշադրություն Բոլթոնի կողմից այս հարցի նկատմամբ չեմ ակնկալում: Ամերիկյան կողմը Հարավային Կովկասը դիտարկում է՝ որպես մեկ ամբողջություն: Եթե խոսենք ավելի մանրամասն Հայաստանից, ապա Հայաստանը տարբերվում է տարածաշրջանային մյուս երկրներից՝ լինելով Ռուսաստանի նախաձեռնած ինտեգրացիոն պրոյեկտների մասնակից և ունենալով լավ հարաբերություններ Իրանի հետ, ուստի Բոլթոնը Հայաստանը կուսումնասիրի այս տեսանկյունից»,- նման կարծիք հայտնեց Փոլ Գոբլը:

HayNews.am
 
Նմանատիպ նորություններ
Ծիածանի բոլոր գույներով. Քանյե Ուեսթն արտասովոր կերպարով է ներկայացել (Լուսանկարներ)
22 Փետրվարի 2019 - 19:33
Ամերիկացի հայտնի ռեփեր Քանյե Ուեսթը ներկայացել է նոր կերպարով. 41-ամյա աստղին Լոս Անջելեսում լուսանկարել են ծիածանի բոլոր գույներն ունեցող վարսերով:
Իմ բոլոր որդիներն էլ չեն ցանկանում նախագահ դառնալ. Լուկաշենկո
22 Փետրվարի 2019 - 19:16
Բելառուսի նախագահ Ալեքսանդր Լուկաշենկոն հայտարարել է, որ ոչ ոքի չի ցանկանում ապրել պետության ղեկավարի կյանքով, իսկ իր որդիները չեն ցանկանում զբաղեցնել այդ պաշտոնը:
Արգենտինայում 106 տարեկանում մահացել է Ցեղասպանությունը վերապրած հայուհի Լուսին Բերեջիկլյան դե Խաչերյանը
22 Փետրվարի 2019 - 18:46
Արգենտինայում 106 տարեկանում մահացել է Հայոց ցեղասպանության վերջին վերապրածներից մեկը՝ Լուսին Բերեջիկլյան դե Խաչերյանը: Ինչպես հայտնում է Prensa Armenia գործակալությունը, նա մահացել է փետրվարի 21-ին:
Նիգերիայում փողի պարկերով բեռնված ինքնաթիռը չի կարողացել պոկվել գետնից (Տեսանյութ)
22 Փետրվարի 2019 - 18:41
Նիգերիայում կանխիկ գումարով լի պարկերով բեռնված ինքնաթիռը չի կարողացել օդ բարձրանալ: Ինչպես հաղորդում է Lenta.ru-ն, կատարվածը տեսագրել է նիգերիացի հայտնի լրագրողներից մեկը:
ՄԱԿ մարդու իրավունքների վարչությունը մտահոգ է Եգիպտոսում մահապատիժների աճով
22 Փետրվարի 2019 - 18:40
ՄԱԿ մարդու իրավունքների վարչությունը մտահոգ է Եգիպտոսում մահապատիժների վերջին բռնկմամբ, մահվան դատավճիռները կայացվել են՝ չնայած հաստատվել են խոստովանություն ստանալու համար կիրառված խոշտանգումները, տեղեկացնում է AP-ը։
Չինաստանը Վենեսուելային 10 տարում 62 միլիարդ դոլարի վարկ է տվել
22 Փետրվարի 2019 - 18:39
Չինաստանը 2007-ից մինչև 2017 թվականը Վենեսուելային 62 միլիարդ դոլար վարկ է տվել և հայտնվել «վարկատուի թակարդում»:
«Հանուն Ռուսաստանի ամրապնդման» 5 ուղտ են այրել
22 Փետրվարի 2019 - 18:30
Իրկուտսկի մարզի Անգարսկ քաղաքի դատախազությունը ստուգումներ է սկսել լրտվամիջոցներում զոհաբերության ծեսի մասին տեղեկությունների հրապարակումից հետո, որի ժամանակ այրվել է 5 ուղտ «Ռուսաստանի և նրա ժողովուրդների ամրապնդման» նպատակով, հայտնում գերատեսչության մամուլի ծառայությունը:
Գնացքը մեքենային բախվելուց հետո մասամբ դուրս է եկել ռելսերից
22 Փետրվարի 2019 - 18:27
Ֆրանսիայի հարավում՝ Օդ դեպարտամենտում, միջքաղաքային գնացքի մի մասը դուրս է եկել ռելսերից, հաղորդում է France Info-ն:
Մոլդովայի նախագահի ավտոշարասյան մեքենան վթարի է ենթարկվել
22 Փետրվարի 2019 - 18:22
Մոլդովայի նախագահ Իգոր Դոդոնի ավտոշարասյան մեքենան վթարի է ենթարկվել, բայց ոչ ոք չի տուժել։ Այս մասին պետության ղեկավարը հայտնել է ՏԱՍՍ-ի թղթակցին։
1 | 2 | 3 | 4 | 5 | 6 | 7 | 8 | 4494
 
Լրահոս`