Facebook   Twitter
 
ՖՄԿ գագաթնաժողովը վերսկսել է աշխատանքները. օրակարգում է գլխավոր քարտուղարի ընտրության հարցը

ՖՄԿ գագաթնաժողովը վերսկսել է աշխատանքները. օրակարգում է գլխավոր քարտուղարի ընտրության հարցը

12 Հոկտեմբերի 2018 - 09:34
Երևանի Կարեն Դեմիրճյանի անվան մարզահամերգային համալիրում առավոտյան ժամը 08:45-ից շարունակվում են Ֆրանկոֆոնիայի միջազգային կազմակերպության 17-րդ գագաթնաժողովի աշխատանքները:
Այսօր գագաթնաժողովի երկրորդ օրն է: Օրակարգով նախատեսված է Ֆրանկոֆոնիայի գլխավոր քարտուղարի զեկույցի ներկայացում, գլխավոր քարտուղարի զեկույցի և գագաթնաժողովի թեմայի ընդհանուր քննարկում, հայտարարության, բանաձևերի և գագաթնաժողովի այլ փաստաթղթերի ընդունում, ասոցացված անդամների հայտարարություն և հաջորդ գագաթնաժողովի վայրի և ամսաթվի սահմանում: Հաջորդ գագաթնաժողով 2020թ. կանցկացվի Թունիսում:

Այսօր տեղի է ունենալու Ֆրանկոֆոնիայի գլխավոր քարտուղարի ընտրությունը՝ լիիրավ անդամների դռնփակ նիստի ժամանակ՝ 1+0 ձևաչափով: Գլխավոր քարտուղարի պաշտոնի համար մրցակցում են Կանադան ներկայացնող գործող քարտուղար Միկայել Ժանը և Ռուանդայի արտգործնախարար Լուիզ Մուշիկիվաբոն:

Միկայել Ժանն այս պաշտոնն զբաղեցնում է 2015-ի հունվարից, իսկ Լուիզ Մուշիկիվաբոյի թեկնածությունն առաջադրել է Աֆրիկյան պետությունների միությունը։

Ինչպես նշվեց, այսօր գագաթնաժողովի ընթացքում ՖՄԿ-ը ընդունելու է բանաձևեր: Օրեր առաջ լրատվամիջոցների հետ զրույցում ՀՀ արտգործնախարար Զոհրաբ Մնացականյանը հայտարարել էր, որ դրանց թիվը 6-ն է, և դրանցից մեկում լինելու են ձևակերպումներ նաև ԼՂ հիմնախնդիրների նման հակամարտությունների վերաբերյալ:

Նախկինում ևս Ֆրանկոֆոնիայի գագաթնաժողովների ժամանակ ընդունվել են ԼՂ հիմնախնդրի վերաբերյալ բանաձևեր: Մասնավորապես 2012-ի՝ Կինշասայում, 2014-ին՝ Դակարում, 2016-ին՝ Անտանանարիվուում ընդունված բանաձևերի ձևակերպումներում ՖՄԿ անդամ պետությունների և կառավարությունների ղեկավարներն իրենց անվերապահ աջակցությունն են հայտնել ԵԱՀԿ Մինսկի խմբի համանախագահների՝ ղարաբաղյան հակամարտության կարգավորման ջանքերին։

Նրանք նաև կոչ են արել հակամարտության բոլոր կողմերին՝ զերծ մնալ ուժի և ուժի սպառնալիքի կիրառումից, ինչը կարող է վտանգել կարգավորման գործընթացը, շարունակել բանակցությունները Մինսկի խմբի համանախագահների առաջարկությունների հիման վրա:

Հիշեցնենք, որ Երևանում անցկացվող ՖՄԿ 17-րդ գագաթնաժողովի թեման է «Ապրել միասին՝ հարգելով համերաշխությունը, մարդասիրական արժեքներն ու բազմազանությունը՝ իբրև խաղաղության և բարօրության հիմք ֆրանկոֆոն տարածաշրջանում»։ Համընդհանուր արժեքների վրա խարսխված այս թեման հնարավորություն կտա արտացոլել Ֆրանկոֆոնիայում խաղաղությունը, համերաշխությունը և զարգացումը։

Գագաթնաժողովն ամփոփվելու է այսօր՝ եզրափակիչ մամուլի ասուլիսով:

HayNews.am
 
Նմանատիպ նորություններ
Դեսպան Սամվել Մկրտչյանի հանդիպումը Լեհաստանի ԱԳՆ պետական քարտուղար Մաչեյ Լանգի հետ
22 Փետրվարի 2019 - 20:25
Փետրվարի 21-ին Լեհաստանում ՀՀ դեսպան Սամվել Մկրտչյանը հանդիպեց Լեհաստանի Հանրապետության արտաքին գործերի նախարարության պետական քարտուղար Մաչեյ Լանգի (Maciej Lang) հետ (պատասխանատու է տնտեսական դիվանագիտության, զարգացման համագործակցության, Ասիայի, Աֆրիկայի և Մերձավոր Արևելքի քաղաքականության համար)։
Իմ բոլոր որդիներն էլ չեն ցանկանում նախագահ դառնալ. Լուկաշենկո
22 Փետրվարի 2019 - 19:16
Բելառուսի նախագահ Ալեքսանդր Լուկաշենկոն հայտարարել է, որ ոչ ոքի չի ցանկանում ապրել պետության ղեկավարի կյանքով, իսկ իր որդիները չեն ցանկանում զբաղեցնել այդ պաշտոնը:
Չինաստանը Վենեսուելային 10 տարում 62 միլիարդ դոլարի վարկ է տվել
22 Փետրվարի 2019 - 18:39
Չինաստանը 2007-ից մինչև 2017 թվականը Վենեսուելային 62 միլիարդ դոլար վարկ է տվել և հայտնվել «վարկատուի թակարդում»:
Փոխվարչապետ Մհեր Գրիգորյանը նախագահում է ԵԱՏՀ խորհրդի հերթական նիստը
22 Փետրվարի 2019 - 18:33
Մոսկվայում մեկնարկել է Եվրասիական տնտեսական հանձնաժողովի խորհրդի հերթական նիստը, որը նախագահում է Ռուսաստանի Դաշնությունում աշխատանքային այցով գտնվող փոխվարչապետ Մհեր Գրիգորյանը, տեղեկացնում են փոխվարչապետի գրասենյակից։
Արարատ Միրզոյանի գլխավորած պատվիրակությունը կմեկնի Մոսկվա
22 Փետրվարի 2019 - 17:53
ՌԴ Դաշնային ժողովի Դաշնության խորհրդի նախագահ Վալենտինա Մատվիենկոյի հրավերով փետրվարի 25-27-ն աշխատանքային այցով Ռուսաստանի Դաշնության մայրաքաղաք Մոսկվայում կլինի ՀՀ Ազգային ժողովի նախագահ Արարատ Միրզոյանի գլխավորած պատվիրակությունը:
ԱՄՆ մասնագետները իրենց աջակցությունն են առաջարկել Հայաստանում թմրանյութերի դեմ պայքարին
22 Փետրվարի 2019 - 17:32
Պետական եկամուտների կոմիտեի մաքսանենգության դեմ պայքարի վարչության պետ Վարդան Վարդանյանն ընդունել է ԱՄՆ-ի արդարադատության նախարարության թմրամիջոցների դեմ պայքարի վարչության (DEA) Միջին Արևելքի տարածաշրջանային գրասենյակի ներկայացուցիչներին և նշված կառույցի Թբիլիսիի տարածաշրջանային գրասենյակի աշխատակիցներին:
Ռուբեն Ռուբինյանն ու Նիդեռլանդների դեսպանը քննարկել են ՀՀ-ԵՄ համաձայնագրի վավերացմանը վերաբերող հարցեր
22 Փետրվարի 2019 - 17:26
ՀՀ ԱԺ արտաքին հարաբերությունների մշտական հանձնաժողովի նախագահ Ռուբեն Ռուբինյանը փետրվարի 22-ին ընդունել է Հայաստանում Նիդեռլանդների Թագավորության արտակարգ և լիազոր դեսպան Յոհաննես Դաումային: Այս մասին հայտնում են ԱԺ լրատվության և հանրության հետ կապերի վարչությունից:
Սուրեն Պապիկյանն ընդունել է Շվեյցարիայի դեսպանին
22 Փետրվարի 2019 - 15:22
Հայաստանի Հանրապետության տարածքային կառավարման և զարգացման նախարար Սուրեն Պապիկյանն ընդունել է ՀՀ-ում Շվեյցարիայի արտակարգ և լիազոր դեսպան Ստեֆանո Լազարոթոյին։
ՀԱՊԿ-ում, Հայաստանի դիրքորոշման հետ կապված, ևս մեկ տարի լիարժեք գլխավոր քարտուղար չի լինի
22 Փետրվարի 2019 - 13:39
ՀԱՊԿ-ը 2019-ին հնարավոր է մնա առանց լիարժեք գլխավոր քարտուղարի: Բելառուսի Անվտանգության խորհրդի ղեկավար Ստանիսլավ Զասի նշանակումն այս պաշտոնում հետաձգվում է Հայաստանի վարչապետ Նիկոլ Փաշինյանի անզիջում դիրքորոշման պատճառով:
1 | 2 | 3 | 4 | 5 | 6 | 7 | 8 | 5164
 
Լրահոս`
Գեղեցկուհի Լիա Զախարյանը (Լուսանկար)
Մշակույթ, Հասարակություն